دنماركي يقبل الرسول(ص ) جبهته !!!

[Abo_Lina]

على فكره انا كنت فاكر انك ناقله الموضوع للسخريه منه
و لمل رديت ماكنتش قريت باقى الردود
ماكنتش شايف غير رد رامب

على العموم الكلام لو بجد لا هيفيد حد ولا هيضيف جديد لاى شئ متعلق بالاسلام
اعتقد بعد 1400 سنه مش مستنين واحد يشوف النبى فى الحلم عشان نقول عظمه الاسلام

و شكرا

بالظبط
القصة كانت هاتكون ذات مغزى و معنى افضل لو كان الدانماركي قرأ القرأن مثلا و بعدين أسلم عن اقتناع

[MOSHAKS]

على العموم بردوا محدش عارف النفوس فيها ايه وهل ده حصل ولا لا
انما نقدر تقول لو كان حقيقى ربنا يكرمه ويقويه ولو مش حقيقى ربنا قادر على انه ينتقم من حثالة المجتمع اللى بيفبركوا المواضيع ديه
وشكرا يانور

[elassar2010]

هى القصة دى عادية وتحصل بس الشك انة شاف الرسول لانة هو عمل اية علشان يشوف الرسول فى المنام
انا تقريبا ماسمعتش ان حد من الصحابة او المبشرين بالجنة شافوا الرسول فى المنام يبقى الشخص دة هيشوفة!!!!

[Ahmed Nouh]

ya salammmmmmmmmmmmmmm,funny story,:c_laugh[1]::c_laugh[1]:

مش انت مسيحى برده ؟ يبقى مش من حقك ترد على الموضوع ولا تقول قصه ظريفه ولا خلافه , فعلا اسلوبك مستفز وغير مقبول تماما

بنى ادمين تحرق الدم

الرسول بيجى فى المنام للناس يا جدعان والموضوع مش درب من الخيال ولا حاجه , الموضوع بيحصل بس لناس مختارين ومش بيكون سهل لكن ده تكريم من ربنا لناس هو راضى عنهم

ما علينا ان القصه صادقه او لا فانا مش شايف فيها كلام ميتصدقش , يوميا بيسلم الاف الناس وربنا بيهديهم ويدخلو الاسلام دين الحق

[human]

مش انت مسيحى برده ؟ يبقى مش من حقك ترد على الموضوع ولا تقول قصه ظريفه ولا خلافه , فعلا اسلوبك مستفز وغير مقبول تماما

بنى ادمين تحرق الدم

الرسول بيجى فى المنام للناس يا جدعان والموضوع مش درب من الخيال ولا حاجه , الموضوع بيحصل بس لناس مختارين ومش بيكون سهل لكن ده تكريم من ربنا لناس هو راضى عنهم

ما علينا ان القصه صادقه او لا فانا مش شايف فيها كلام ميتصدقش , يوميا بيسلم الاف الناس وربنا بيهديهم ويدخلو الاسلام دين الحق

عزيزى احمد
شوف كام واحد ممكن يكون جالوا الايميل ده و قعد يضحك على كم السذاجه اللى فيه و زى الايميل بتاع الرسام اللى اتحرق و القمر اللى شافوق مشقوق و هلم جره و ناس ممكن تكون شافته و شتمت كمان (يعنى احنا وصلتا الناس يتهكموا اصلا بكم السذاجه اللى بنقدمها للعالم)
احنا كمسلمين اللى بنخلى الناس تتكلم بطريقه مش عاجبانا
لما كل واحد يعمل fwd لالاف الايميلز بل ملايين و كلها تبعث على السخريه من محتواها الساذج يبقى ماتقدرش تقف و تقول لا اقبل و كلام من ده
عشان فى الاصل الموضوع فيه استخفاف للعقول

يعنى لما تتفرج على فيلم من بتوع الvampire و تلاقى واحد ماسك الصليب قصاد ماصصى الدماء اكيد بتقول هوه ايه العك ده او لما مش عارف مين زارته مش عارف مين فى المنام و قالتله مكان الكنز اللى فى فين
فياريت نحاول نحترم تفكير بعض

[Ahmed Nouh]

عزيزى احمد
شوف كام واحد ممكن يكون جالوا الايميل ده و قعد يضحك على كم السذاجه اللى فيه و زى الايميل بتاع الرسام اللى اتحرق و القمر اللى شافوق مشقوق و هلم جره و ناس ممكن تكون شافته و شتمت كمان (يعنى احنا وصلتا الناس يتهكموا اصلا بكم السذاجه اللى بنقدمها للعالم)
احنا كمسلمين اللى بنخلى الناس تتكلم بطريقه مش عاجبانا
لما كل واحد يعمل fwd لالاف الايميلز بل ملايين و كلها تبعث على السخريه من محتواها الساذج يبقى ماتقدرش تقف و تقول لا اقبل و كلام من ده
عشان فى الاصل الموضوع فيه استخفاف للعقول

يعنى لما تتفرج على فيلم من بتوع الvampire و تلاقى واحد ماسك الصليب قصاد ماصصى الدماء اكيد بتقول هوه ايه العك ده او لما مش عارف مين زارته مش عارف مين فى المنام و قالتله مكان الكنز اللى فى فين
فياريت نحاول نحترم تفكير بعض

يا فندم انا عارف والله والاميلات والنوعيه الساذجه دى من التعريف بالاسلام بتضايقنى جدا

انا اساسا ازهرى ودرست دعوه وتوحيد وعقائد والكلام فى المنطقه دى اكبر من كدا بكتير

بس كل ما هنالك ان زى ما الواحد بيراعى شعور الناس وبيحترمهم معتقداتهم وفى المقابل نتمنى ان نشوف كدا ناس كبيره وعاقله بتتجنب الشد اللى ملوش لزمه وشغل العيال الصغيره ده

[أبومعاذ]

عزيزى احمد
شوف كام واحد ممكن يكون جالوا الايميل ده و قعد يضحك على كم السذاجه اللى فيه و زى الايميل بتاع الرسام اللى اتحرق و القمر اللى شافوق مشقوق و هلم جره و ناس ممكن تكون شافته و شتمت كمان (يعنى احنا وصلتا الناس يتهكموا اصلا بكم السذاجه اللى بنقدمها للعالم)
احنا كمسلمين اللى بنخلى الناس تتكلم بطريقه مش عاجبانا
لما كل واحد يعمل fwd لالاف الايميلز بل ملايين و كلها تبعث على السخريه من محتواها الساذج يبقى ماتقدرش تقف و تقول لا اقبل و كلام من ده
عشان فى الاصل الموضوع فيه استخفاف للعقول

يعنى لما تتفرج على فيلم من بتوع الvampire و تلاقى واحد ماسك الصليب قصاد ماصصى الدماء اكيد بتقول هوه ايه العك ده او لما مش عارف مين زارته مش عارف مين فى المنام و قالتله مكان الكنز اللى فى فين
فياريت نحاول نحترم تفكير بعض

على فكرة يا مستر طارق انا شفت بعيني على موقع ناسا موضوع انشقاق القمر

[human]

على فكرة يا مستر طارق انا شفت بعيني على موقع ناسا موضوع انشقاق القمر

فى انتظار الرابط

[أبومعاذ]

فى انتظار الرابط

دور بنفسك هتلاقيها

[deee]

شكراً لصاحب الموضوع لطرحه .. ده اولاً
ثانياً انا من رأيى ان القصة دى متفبركة وفبركة سخيفة كمان ..
وده لسبب بسيط ..
حدث بالاهمية دى كان المفروض على الاقل يقولوا اسمه بالكامل ..
مش كلود ..
يورونا هو عايش فين فى الدنمارك .. كانوا عملوا مع لقاء ..
إلخ إلخ إلخ .....
زى عشرات القصص اللى متفبركة بردو على نفس النهج ده بالظبط ..
يقولك مثلاُ .. واحد من الفلسطينين سمع الشجر وهو بيتكلم عن اليهود ..
انما مين الراجل ده عشان نأكد صحة الحدث .. مفيش ..
نسمع عن حاجة علمية لعالم مثلاً .. لكن العالم ده اسمه ايه وتابع لمنظمة ايه .. مفيش ..
نسمع عن الرسام اللى اتحرق .. واكيد حدث زى ده هيهز العالم كله لو كان حقيقى .. إنما فين الاثبات ؟؟ مفيش ...
إلخ إلخ إلخ بردو ..
كله كلام وخلاص ومكذوب كمان ......
لغاية مبأه منظرنا اهو ..
بنتريأ على بعض فى توبيك .. مابالك بأه من اللى بيشفوا الحاجات دى غيرنا .. بيعملوا ايه ....؟
شكلنا بأه وحش جداً ..
وعلى رأى تهامى باشا بتاع ميلودى ..
ليه نخسر لما فى إيدينا نكسب ههههههههههههههههههههههه ..
طبعاً للأعضاء اللى اتريقوا على الموضوع ..
هما معذورين طبعاً نظراً للى سمعوه قبل كده واللى شافوه عبر ايميلاتهم او اى وسيلة تانية ..
ده غير سذاجة القصة ..
ولكن الموضوع ده طبعاً مرفوض جداً ..

بالنسبة للأخ ابو مريم ..
شفت بعينك موضوع انشقاق القمر على موقع ناسا مش كده ؟؟

ياريت لو تجبهولنا هنا زى ماهو يبأه كتر خيرك ..

السلام عليكم.

[human]

دور بنفسك هتلاقيها

و ادور ليه؟
انا ماقلتش انى عايز اثبات عشان اصدق ان القمر انشق

انا مصدق و مؤمن بالموضوع ده من غير ماشوف حاجه

وعلى فكره اللى بتقول عليه على موضع ناسا ده صوره لاخدود وسط مرتفعين حبال قديم ماينفعش تقول عليه من 1400 سنه و الموضوع طاف الميل بتاعى من ايام ميكى ماوس و الكعبه
و بكده حضرتك لما تقول ان ده هوه انشقاق القمر و يجيلك عالم جيولوجيا يقولك ده بقاله 200 الف سنه يبقى انت كده قدمت خدمه جليله لاى واحد عايز يقول كلمتين مالهومش لازمه

بالظبط زى اللى قالوا ان احد عشر كوكبا و الشمس و القمر هما المجموعه الشمسيه و ناس كباره قعدوا يفتوا و فى الاخر اجتمع علماء الفلك و قرروا ان بولتو مش كوكب و خرجوه من بره
طيب ايه الوضع؟!!

القران منهج للحياه و ليس كتاب فيزياء او طبيعه

[deee]

القران منهج للحياه و ليس كتاب فيزياء او طبيعه

أحلى رد شفته بصراحة ...
انت جبت من الاخر ..

بالنسبة للأخ أبو مريم .. .
على اساس ايه بتقوله دور بنفسك ؟؟؟
على اساس انك مش هامك المنفعة العامة ؟؟
ولا على اساس انك مكسل تشوفلنا (اللى انت شوفته بعنيك) ..

عموماً لو انت مكسل اوى كده ..
ياريت تقولنا اسم المقال .. واسم اللى ناشره والتاريخ اللى اتنشر فيه المقال ده ..
مش انت شفته بعينك ؟؟؟

وانا مستنيك اهو .

[Karim_Mohy]

يا نور جزاك الله خيرا علي النقل وعلي صدق نيتك سواء القصة حقيقية او مفبركة
اما بجد تعليقات الناس علي الموضوع فبجد حاجة تحزن علي الحال اللي احنا فيه

[أبومعاذ]

و ادور ليه؟
انا ماقلتش انى عايز اثبات عشان اصدق ان القمر انشق

انا مصدق و مؤمن بالموضوع ده من غير ماشوف حاجه

وعلى فكره اللى بتقول عليه على موضع ناسا ده صوره لاخدود وسط مرتفعين حبال قديم ماينفعش تقول عليه من 1400 سنه و الموضوع طاف الميل بتاعى من ايام ميكى ماوس و الكعبه
و بكده حضرتك لما تقول ان ده هوه انشقاق القمر و يجيلك عالم جيولوجيا يقولك ده بقاله 200 الف سنه يبقى انت كده قدمت خدمه جليله لاى واحد عايز يقول كلمتين مالهومش لازمه

بالظبط زى اللى قالوا ان احد عشر كوكبا و الشمس و القمر هما المجموعه الشمسيه و ناس كباره قعدوا يفتوا و فى الاخر اجتمع علماء الفلك و قرروا ان بولتو مش كوكب و خرجوه من بره
طيب ايه الوضع؟!!

القران منهج للحياه و ليس كتاب فيزياء او طبيعه

معلش يا طارق هو انت قصدك على انهي لينك لان اللي انا شفته فاكر انه مكنش فيه ولا مرتفعات ولا اخدود كان عبارة عن صورة لسطح القمر وفيها جزء كأنه كان مكسور و اتلحم تاني وعموما انا هحاول الاقيلك اللينك اللي انا اقصده عشان اسلوبك المحترم
على فكرة يمكن انت تعرف اني مش مختلف معاك تماما في نقطة عدم نشر اي اخبار زي دي الا بعد التأكد منها عشان منديش فرصة لأي كافر يستهزأ بالمسلمين

[nakkash]

القران منهج للحياه و ليس كتاب فيزياء او طبيعه

أحييك بشدة أجمل جملة قريتها فى الموضوع ويا ريت الإخوة والأخوات اللى بتجيلهم الإميلات دى او حتى حد من زمايلهم بيقلهم عليها يحاولوا يتأكدو قدر الإمكان من صحة المعلومة قبل ما ينشروها لأن فعلا أغلب الأخبار دى بتكون مكذوبة وغير صحيحة وبتكون مدسوسة من أعداء المسلمين للسخرية منهم والأخت نور مشكورة انها نقلت الميل عشان نتناقش بهدوء فى مدى صحته مش عشان الناس تشد مع بعضها كده .
الحمد لله إحنا عندنا معجزة كبرى بتثبت كل يوم إعجازها وتحديها للعديد والعديد من الحاقدين معجزة اسمها القرآن الكريم الكتاب المعجز اللى ربنا سبحانه وتعالى تحدى بيه كل البشر والجن وعندنا من الإعجاز فى سنة النبى ما يكفينا فمش محتاجين كل شوية خبر متفبرك عشان نثبت بيه عظمة دينا واعتقد ان معظمكم برنامج كان بيقدمه علاء بسيونى على القناة الأولى أسمه رب أشرح لى صدرى كان الضيف المستديم ليه فضيلة المغفور له بإذن الله الدكتور عبد الله شحاتة فى فترة من الفترات على ما اتذكر من سبع أو ثمان سنوات انتشرت اشاعة فى مصر كلها بتقول ان احد المتصلات بالبرنامج قالت للدكتور انها راحت تحج سبع مرات وكل مرة تروح فيها المسجد الحرام ما بتشوفش الكعبة فسألها الدكتور انتى كنتى عملتى ذنوب كبيرة فقالت انها كانت بتعمل كمغسلة للأموات وانها كانت بتضع بعض اعمال السحر فى افواه الأموات وتدفن معهم ولما سمع الدكتور الكلام ده قالها يا كافرة انتى عمرك ما هتشوفيها ابدا ولا عمر ربنا هيرحمك طبعا القصة حلوة وجميلة وانتشرت بين الناس وذكروا برنامج مشهور وكل حاجة تمام ولما تسأل اى حد انت شفت الحلقة بنفسك يحلف ان حد من اصحابه شافها وهو اللى حكاله ولأنى كنت متابع جيد للبرنامج فطبعا ما شفتش الحلقة وبعد حوالى شهر ذكر مقدم البرنامج هذه الشائعة وانتشارها بين الناس وقام الدكتور عبد الله شحاتة بنفى الموضوع تماما وذكر بان الله يغفر جميع الذنوب وان الكفار قبل الإسلام كانوا بيشوفوا الكعبة بمنتهى البساطة طبعا ده مثال صغير لواقعة ممكن يكون ناس كتير منكم نسيوها أو حتى ما شافوهاش ولا سمعوا عنها أرجو يا اخوانى مرة اخرة تحرى الدقة قدر المستطاع فى كل ما يخص امور الدين جزاكم الله عنا وعن الإسلام خيرا .