جمرك Ipod Touch ???

[shery103]

انا كنت عايزة اعرف لو فى ipod touch مبعوت من برة ، عشان استلمه ، هدفع عليه جمرك ؟؟ و يا ترى الجمرك هيبقى اد ايه ؟؟ و شكراااااااا

[M.Osman]

اعتقد ( اعتقد ..) انه بيتعامل زي اي جهاز محمول .. بدون جمارك
زي الموبايل و اللابتوب

[NaderNabil]

10% ضريبة مبيعات فقط
من قيمة الفاتورة الملحقة

أو من القيمة التقديرية لمندوب الجمارك

[نور القمر]

بس لو مبعوت على قرية البضائع هتشوفي اللي عمرك ما شوفتيه في حياتك من العذاب

[NaderNabil]

بس لو مبعوت على قرية البضائع هتشوفي اللي عمرك ما شوفتيه في حياتك من العذاب

لأ خالص على فكرة...

انا مرة بعت أجيب موبايلات من الصين و جاتلي في قرية البضائع...و خلصتها عن طريق مكتب البريد اللي هناك...

بتاخدي رقم الشحنة و هما بيجيبوها و يفتحوها علشان تتفحص و يشوفوا الفاتورة اللي جوا..
و على أساسه بيتحدد قيمة الضريبة و دمتم

هي بتاخد وقت هناك بس....و فاكر ان حصل حاجة خلتني أروح مرتين....مش فاكر الصراحة إيه هي..

بس لو شركة زي DHL أو Fedex...هما بيخلصوا كل حاجة و بيجيبوها لحد باب البيت... وكله بتمنه طبعاً

[NaderNabil]

و فاكر ان حصل حاجة خلتني أروح مرتين....مش فاكر الصراحة إيه هي..

إفتكرت...كنت مستورد 3 أجهزة و أقصى حاجة للإستعمال الشخصي 2 فقط...
فا طبعاً الشحنة إتمنعت..يا نستلم 2 بس و التالتة تتصادر..أو تعمل إعادة تصدير

بس ساعتها عملنا حركة صايعة...
إستلمنا إتنين بس و عملنا إعادة إرسال للتالت لحساب أرامكس في أمريكا...و هو أوتوماتيك بيجي بعد كده مصر...دفعنا بتاع 150 جنيه زيادة

الحوار ده كله ملهوش لازمة في الموضوع ده انا عارف...بس إفتكرت أيام جميلة قلت أشارك بيها :)

[نور القمر]

انا بقه كانت مبعوتالي هدية من السعودية في كرتونة او مجموعة هدايا
لقينا التكاليف معرفش ارضية وشوية حاجات كدة دخلت في 300 واجراءات من المكتب ده للمكتب ده وبين كل مكتب ومكتب بلد
وفتحوا الكرتونة برضو عشان الاجراءات لقيتها دهب ياقوت مرجان
سبنالهم الهدية بكرتونها مع ان الكرتونة كانت غاليه اوي هههههههههههه