ماذا تعرف عن الساحل الشمالى ؟

[tkamal]

الساحل الشمالى
كلمة السر الان للتصيف والخروج من القاهرة بعد ازدحام الاسكندريه
ابحث عن شراء شقه او شاليه فى الساحل الشمالى فى قريه مناسبه محترمه(عائليه)
بسعر مناسب لا تزيد 200000
فى حد عنده معلومات او يعرف شركة محترمة
ولاهم من كدة
لو فى معلومات عن الساحل الشمالى نفسه
او حد عندة وجهة نظر اخرى
اصل انا خارج مصر بصيف فى الصحراء من فترة طويله 6 سنوات
لكن فى ضغوط عائليه للموضوع دة
وشكرا لكم جميعا

[kh_talaat]

دليل القرى السياحية والفنادق بالساحل الشمالي
OneEgypt_Net Northcoast Resorts

[tkamal]

ياباشا متشكر جدا
وجزاءك الله خير

[nomercy22]

بص يا باشا لو عايز حاجه فيها خدمات كتيره زي كذه سوبر ماركت وكذا صيدليه وكذا محل وبسعر معقول يبقي مراقيا ولو عايز قسط يبقي عليك وعلي مراقيا جاردنز وانا في الخدمه وفي انتظار اي سؤال

[kareemhisham]

طب انا عندى سؤال محيرنى ..

هى الاسعار فى مارينا عاملة ازاى ؟؟

يعنى بتبتدى من كام و وصل لكام ؟؟

و ارخص شاليه فيها يبقى بكام و عامل ازاى ؟؟

[tkamal]

بص يا باشا لو عايز حاجه فيها خدمات كتيره زي كذه سوبر ماركت وكذا صيدليه وكذا محل وبسعر معقول يبقي مراقيا ولو عايز قسط يبقي عليك وعلي مراقيا جاردنز وانا في الخدمه وفي انتظار اي سؤال

لو عندك معلومات اكتر ياريت نعرفها
ولو فى عروض تسويقيه معاك حاليا ياريت تبعت على الخاص

[hossam_chixo]

صح بصراحة انا مراقية روحتها كانت قرية تحفة بصراحة سواء مراقية الشمالية او الجنوبية الى قصادها على الناحية التانية و سمعت ان اسعار التمليك فيها معقولة جداااا

[Sharky]

طب انا عندى سؤال محيرنى ..

هى الاسعار فى مارينا عاملة ازاى ؟؟

يعنى بتبتدى من كام و وصل لكام ؟؟

و ارخص شاليه فيها يبقى بكام و عامل ازاى ؟؟

اللى اعرفه يا كريم انك مش حتلاقى شاليهات فى مارينا أقل من 500-700 الف جم و مساحتها حتكون أقل من 100 متر

[MoToRiZeR]

شاليهات مارينا مسافرة مسافرة مسافرة ! لأن تأجيرها برضه بيبقي بأسعار مسافرة!
فيه كذا قرية جديدة بيطلعوا في الناحية الشمال بعد مارينا (في إتجاه مرسي مطروح) شكلهم هيبقوا حلوين .. كنت بشوف إعلاناتهم في الجرايد و أسعارهم معقولة .

[nomercy22]

لو عندك معلومات اكتر ياريت نعرفها
ولو فى عروض تسويقيه معاك حاليا ياريت تبعت على الخاص

ياباشا انت فهمتني غلط انا مش شغال كده بس انا عندي شقه في مراقيا وعارف تفاصيل كتير علشان انا باروح كتير وانا تحت امرك في اي سؤال

[nomercy22]

شاليهات مارينا مسافرة مسافرة مسافرة ! لأن تأجيرها برضه بيبقي بأسعار مسافرة!
فيه كذا قرية جديدة بيطلعوا في الناحية الشمال بعد مارينا (في إتجاه مرسي مطروح) شكلهم هيبقوا حلوين .. كنت بشوف إعلاناتهم في الجرايد و أسعارهم معقولة .

+11111111111111111
مراقيه جاردنز شمال برضه وكان مكتوب في الجرنال ان الاسعار تبدا من 95 الف وفي كمان ماك مراقيا بس مش عارف الاسعار
اما مراقيه الجنوبيه الاسعار من 80 حتي 130 وفي حاجات نظيفه بس نصيحه خد حاجه دور ارضي

[tkamal]

اما مراقيه الجنوبيه الاسعار من 80 حتي 130 وفي حاجات نظيفه بس نصيحه خد حاجه دور ارضي

شكرا اخى ولكن ماذا النصيحة بالدور الارضى مع العلم انه بيكون غالى جدا

[tkamal]

ياباشا انت فهمتني غلط انا مش شغال كده بس انا عندي شقه في مراقيا وعارف تفاصيل كتير علشان انا باروح كتير وانا تحت امرك في اي سؤال

على العموم تاهت ولقيناها
ممكن تقولنا اسعار مراقيا ايه دلوقتى ولحد راغب يشترى
وتنصحة بايه عشان الشراء عموما

[nomercy22]

على العموم تاهت ولقيناها
ممكن تقولنا اسعار مراقيا ايه دلوقتى ولحد راغب يشترى
وتنصحة بايه عشان الشراء عموما

انصحك يا باشا لو في مراقيا وربنا كرمك وهتشتري تسجل تبع بنك الاسكان والتعمير مش في الشهر العقاري هما بياخدوا حوالي 2500 جنيه بس اضمن

[nomercy22]

شكرا اخى ولكن ماذا النصيحة بالدور الارضى مع العلم انه بيكون غالى جدا

الدور الارضي كفايه الاعده في جنينتك الخاصه ديه لوحدها تساوي ملايين واصلان قعدتك كلها هتبقي في الجنينه وكمان لو عندك اولاد يلعبوا فيها وكده