هو صحيح ان في رادارات في صلاح سالم !!!!!

[speed demon666]

السلام عليكم ورحمة الله وبركاته

في واحد صاحبي لسة قاعد معايا بيقولي ان في رادارات بالهبل في صلاح سالم و انو خايف يجدد لحسن ياخدو العربية رهن لحد ما يدفع الفلوس .... هو ده صحيح ولا ايه أصل انا لما الدنيا بتفتح في صلاح سالم بجري بغباوة .
يا ريت تقولولنا يا جماعة علشان أبتدي أحوش من ديلوقتي

[Ahmed Nouh]

ولا الهوا

دى اخت الاشاعه اللى طلعت ان فى رادار قصاد مبنى الاذاعه والتلفزيون على الكورنيش

[Dr Zezo]

علي حد علمي

لا يوجد

[MoToRiZeR]

ولا الهوا

دى اخت الاشاعه اللى طلعت ان فى رادار قصاد مبنى الاذاعه والتلفزيون على الكورنيش

ههههه دي تبقي غباوة بجد .. الحتة دي صبح ليل واقفة!

[zaza_lanos]

ده على كد الواحد هيلبس لو حقيقى
السرعة داخل المدينة 60 ك\س

[ghabbour]

لالا حتى اليوم لا يوجد رادار بصلاح سالم
و هى فعلا مش ناقصا لانة واقف نصف اليوم تقريبا

[ashraf229]

بس مرة من ييجي سنة بالظبط أخو زوجتي أتمسك مخالفة ردار في صلاح سالم عند نزلة كوبري (مش فاكر أسمه ايه المهم اللي عند المقابر و عند المجزر الألي في البساتين) و كان ماشي 90 باين

المهم يومها كانت مدبحة لعشرات السائقين لأن كل الناس كانت فاتحة

يعني الامر ما يسلمش و بلاش السرعة المبالغ فيها وخلاص و كله بالعقل يكون أحسن...........

[Ashraf_Ashraf]

هو صلاح سالم اصلا بيمشى لما هنجرى فيه دا ما شاء الله الطريق طول اليوم الحركه واقفه فيه عند مجرى العيون ولا السيده عائشه ولا عند كوبرى الفنجرى ولا العباسيه لغايه مساكن الشيراتون هنجرى فين بقى الا عند المطار ويبقى غباء بجد لو فيه رادار
اللى اعرفه انه ممكن على الاتوستراد عند كوبرى التونسى والبساتين احيانا بيكون وعند المنصه لكن صلاح سالم فى حياتى ماشوفتش

[speed demon666]

ريحتوني والله يارجالة دا أنا كنت بموت .... أصل انا لما صلاح سالم بيفتح في الأوقات النادرة طبعا ما بنزلش عن 90 كم فا أكيد لو في رادار كنت هبقى زبون ليه وزنه عندهم و احتمال يعملولي خصم على الخالفات يعني كل 5 مخالفات أخد واحدة هدية هههههههههه

[hobaz]

انتوا متأكدين ان مفيش رادار فعلا...؟

[dr.amr]

هههههههههههههههه رادار ايه بس
هو ممكن يكون رادار للناس اللي بيمشوا علي رجليهم بسرعه
العربيات اساسا واقفه