الموقف دى بتحصل معاك و للا لأ؟

[m_aash]

منقول
بعض الأشياء تحدث لنا فى حياتنا اليومية و تجعلنا نصل لقمة الغيظ و النرفذة أحيانا مثل المواقف التالية :-

قانون الطوابير:-

إذا واقف فى طابور بطيء وقمت غيرته، هتلاقى الطابور اللى كنت واقف فيه الاول مشى اسرع من اللى روحت وقفت فيه دلوقتى ههههههههه!!


قانون المواصلات :-

اذا انت مستنى وسيله مواصلات لمكان معين هتتأخر ومش هتلاقيها ولو فى مرة رايح مكان تانى ومش مستنيها هتلاقى 20 واحده ماشيين ورا بعض وفاضيين اوى هههههههههههه!!


قانون الساعة - النسبيه :-

لو انت مشغول جدا او فيه شئ بيسليك او مع شخص بتحبه هتلاقى الساعة بتجرى جدا والوقت بيخلص بسرعة لكن لو انت بقى لوحدك ومش بتعمل حاجة هتلاقى الدقيقه بتعدى عليك كأنها ساعة هههههههههه!!


قانون التليفون:-

عمرك ما تتصل برقم غلط ويطلع مشغول .. صح ؟؟؟!!



قانون التصليح:-

بعد ما ايديك الاتنين ما يزيتوا من شحم الماكينة، انفك يبدأ يحكك!!



قانون المعدات:-

إذا وقع من ايدك أي شي، تأكد انه هيفضل يتـدحرج لحد اما يوصل لألعن مكان متقدرش تطلعه منه!!


قانون الأعذار:-

إذا تأخرت عن معاد شغلك وراحت عليك نومه وقلت لرئيسك أن المواصلات اخرتك، اليوم اللي بعده المواصلات هتأخرك بجد!!



قانون الأستحمام :-

بعد وضع جسمك تحت الماء، يبدأ التلفون يرررررن ومش بيسكت!!



قانون الالكترونيات:-

إذا أخذت جهاز عطلان يتصلح وبتورى اللى هيصلحه انه مش بيشتغل، ساعتها قدام الراجل الجهازهيشتغل زي العفريت وأحسن من الأول كمان !!



قانون السينما:-

اللي حاجزين كراسي في النص لازم يحضروا آخر ناس

[CryptonX]

فعلا .. واعتقد ده كان اسمه " قانون مورفي "
( Murphy's Law )

:)

[Islam_galal]

كل ده بيحصل ز
طب ايه التفسير

[إسلام شاهين]

تصدق وأنا اللي كنت فاكر نفسي فقري !!!!!!!!!!!!!!!!!!!!!!!

بس الحمد لله طلعت مش أنا لوحدي :-? :-? :-?

[CryptonX]

"Nobody listens until you say something wrong".
"لن يصغي إليك أحدا حتى تقول شيئا خاطئا".
"Smile . . . tomorrow will be worse".
"ابتسم الآن ... فغداً سوف يكون أسوأ".
"If you think education is expensive -- try ignorance".
"اذا كنت تعتقد ان التعليم ثمنه باهض ... جرب الجهل قد يكون أقل كلفة".
"Most general statements are false, including this one".
"أكثر العبارات العامة .. خاطئة ... حتى هذه العبارة ... !!".
"Left to themselves, things tend to go from bad to worse".
"اذا تركت الأمور لنفسها ، فانها ستتجه من سيء إلى أسوأ".
"Every solution breeds new problems".
"كل حل ينتج مشاكل جديدة".
"To succeed in politics, it is often necessary to rise above your principles".
"كي تنجح في السياسة .. فمن الضروري أن تدوس فوق مبادئك".

http://ar.wikipedia.org/wiki/%D9%82%D8%A7%D9%86%D9%88%D9%86_%D9%85%D9%88%D8%B1%D9%81%D9%8A

ده قانون مورفي بالعربي :)

[m_aash]

تصدق وأنا اللي كنت فاكر نفسي فقري !!!!!!!!!!!!!!!!!!!!!!!

بس الحمد لله طلعت مش أنا لوحدي

أخونا إسلام ............... بصرة .........ربنا يكتر من الفقريين :mrgreen: :mrgreen:

ده قانون مورفي بالعربي :)

كريبتون إكس ............ أنا نقلتها من إيميل جالى بس اللى بعتلى مش كاتب قانون مورفى و لا حتى مورفك :mrgreen:

[MMamdouh]

انا من زماااااااان اوى مقتنع انى فقرى لان معظم الحاجات دى بتحصلى خصوصا حوار المواصلات و العدة

MMamdouh

[hazem_khidr]

و كمان لما تبقي بتصلي و لوحدك في البيت و تلاقي جرس تليفون البيت بدأ يضرب من الركعه التانيه او التالته لحد ما تخلص صلاه و انت في التشهد نلاقي الجرس سكت

[MMamdouh]

انا بتحصل معايا بالعكس... لما اروح البت و اخبط لازم اللى فى البت يكونوا بيصلوا اما العصر او المغرب او العشاء

و بتحصل ان فيه ميدان او تقاطع لو انت داخل عليه من اى ناحية لازم الاشارة تقفل عليك

MMamdouh

[mina_ramsis]

عمرك ما تتصل برقم غلط ويطلع مشغول .. صح ؟؟؟!!

و انت هتعرف ازاى انه غلط الا اذا حد رد عليك و قالك النمرة غلط :D :D :D

[sokasoon]

:D :D :D :D :D :D :D :D

• فعلا كل ده بيحصل

[hatem_badawe]

فعلا دا بيحصل :D :D :D

[tutankhamoun]

طبعا كل الكلام ده بيحصل في العالم كله
و لكن أغلبه يحصل في مصر
يعني موضوع الطابور ما بيحصلش في مصر .............. علشان الناس مابتوقفش طابور أصلا
:| :| :| :| :| :| :| :| :| :| :| :| :| :|

[gade2]

موضوع التليفون ده دايما بيحصل معايا