ابيع نوكيا 5800 و اجيب ايه ؟؟

[KHALED AYMAN]

ازيكو يا احلى شباب فى احلى منتدى...
انا معايا موبايل نوكيا 5800 بقالى شهر ...
بس مش عاجبنى خااااالص
الهاند فرى صوتها مش حلو مع انه express music ...
صوت الموبيل نفسه مش حلو ...
و كمان التتش مش تمام ..
مش حساس اوى و مش عملى خالص بالنسبالى ...
لانه بيقع كتير و كمان و انا سايق بيقرفنى ..
لازم ابص فى الشاشه عشان اوصل للى انا عايزه ..
على عكس اى موبايل بزراير لما باخد عليه بعمل كل حاجه من غير ما ابص فيه لانى حافظ الزراير و حافظ اماكن الحاجه بتاعى على الموبيل ....
فانا عايز ابيعه و اجيب موبيل تانى بنفس السعر او اقل شويه ...
الشروط هى انه يكون نوكيا ضمان i2 و يكون مش تتش و سعره لا يتجاوز 2000 جنيه و يكون فيه wi fi....
فكرت فى e63 ...
هو قديم شويه بس عاجبنى و سعره حلو !!! 1500 جنيه ...
يا ترى تقترحو ايه ؟؟

[horeen]

عربيه 133 عشان أحنا فى نايل موترز
بحبك يا أخى

[Hegazio]

انسف .. تخلص من حماا .. أأأأ .. موبايلك النوكيا
طظ في دي شركة يا أخي
أنا لسة بايع النوكيا ال 95 و ال 82
و جبت سامسونج امنية .. فيه كل ما تتمني
و حاجات تانية كتير .. مواصفات أعلي من النوكيا و بسعر أقل .. و بدون تهنييييج

[theking2690]

خالودددددددددد واحشنى موت دوس فى الe63 لسه جايبه بقالى شهر تحفهههههههههههه بس متستناش منه صوت عالى بس هو حمار شغل و بطاريته بتقعد كتيييييييييييييييييييييير

[أبو صلاح]

http://www.nilemotors.net/Nile/102746-nokia-e63.html

[hani945]

فيه موبايل لسة نازل جديد Nokia N900
فيه كل حاجة بس لسة غالى

[khalid_adel]

ايه ده يا بوب هو احنا في الاجتماعي ؟؟
وانا قلت انك بتبيع الموبايل عشان تجيب جنوط ولا حاجه :):):)
على العموم ميزة النوكيا الوحيده بالنسبالي انه نوكيا ( 128 الموبايل )

[sherifahmed]

ارجو من الادارة نقل الموضوع الاجتماعى او البيع و الشراء

[KHALED AYMAN]

اولا انا متاسف على انى حطيت الموضوع فى مكان غلط انا كان قصدى احطه فى الاجتماعى بس معرفش حطيته هنا ازاى ..
ارجو ان الاداره تنقله للاجتماعى او القسم المناسب ..
بالنسبه بقى لموضوع الموبيل ..
شكلى هدوس فى e63 بس هل صوت الهاند فرى زى ال5800 ؟؟
لو زيه يبقى مش هجيبه لان صوت ال 5800 مش قوى و مش عالى ,,
ال 81 الى كان معايا كانت الهاند فرى بتاعه جااااااااااااااااامده ...
بالنسبه للاستاذ حجازى يا ريت تقولى اسم الموبيل السامسونج الى حضرتك جبته و كان بكام ؟؟
و متشكر لكل الى ردو عليا ..

[KHALED AYMAN]

خالودددددددددد واحشنى موت دوس فى الe63 لسه جايبه بقالى شهر تحفهههههههههههه بس متستناش منه صوت عالى بس هو حمار شغل و بطاريته بتقعد كتيييييييييييييييييييييير

حبيب قلبى...
انت الى واحشنى اكتر والله ..
هو صوته واطى اوى يعنى ؟
نقول مثلا زى n81 ؟؟؟
ولا اقل ؟؟؟
و يا ترى ليه برامج كتير ولا متعب فى الموضوع ده ؟؟
بالنسبه للبطاريه فعلا انا قريت انها تقدر تتكلم بيها عشر ساعات و نص

[Eslam.Elrefaey]

على فكرة فى على موقع نوكيا مصر سوفت وير جديد لل5800 بيصلح فيه حاجات

[KHALED AYMAN]

على فكرة فى على موقع نوكيا مصر سوفت وير جديد لل5800 بيصلح فيه حاجات

فعلا انا قريت عن السوفت وير ده ..
و حاولت انزله للموبيل بتاعى لكن فشلت بسبب النت الفظيع الى عندى ...
بس عموما انا كده كده سواء هبيع الموبيل او لا هروح I2 انلز سوفت وير للموبيل لانه فيه مشكله فى ال PROFILES..
بس مش سبب البيع انه فيه اخطاء ..
السبب الرئيسى هو انى مش مرتاح مع التتش ..
مش عملى ..
و صوته مش عاجبنى و انا اهم حاجه عندى نقاء و جوده صوت الموبيل مش مهم يكون عالى اوى ..
و دى حاجات مش متوفره فيه ..
و كمان الموبيل حساس اوى ..
مره بعيد عنكون كنت بتخانق و نتيجه للحركه الكتيره و الجرى و الكلام ده طلعت الموبيل من جيبى
لقيته فااااااصل تتش خاااااالص ..
مفيش غير زرار الباور و ال 3 زراير الى تحت هما الى شغالين و التتش مش شغال
بس قفلته و فتحته اشتغل

هو فى موبيل اسمه E71 صح ؟؟
ده موجود فى مصر ؟؟
و لو موجود بكام ؟

[M.Osman]

انا فعلاً شايف ان التاتش سكرين فقط بدون اي زراير غير عملي بالمرة و لازم تركيز كبير مع التليفون.

رأي ان حضرتك تشوف حاجة سامسونج او Eseries ..
و ان كان رأيي الشخصي ينحصر في الE71 بس مش عارف بكام

[KHALED AYMAN]

انا فعلاً شايف ان التاتش سكرين فقط بدون اي زراير غير عملي بالمرة و لازم تركيز كبير مع التليفون.

رأي ان حضرتك تشوف حاجة سامسونج او Eseries ..
و ان كان رأيي الشخصي ينحصر في الE71 بس مش عارف بكام

فعلا كلامك مظبوط و هو ده الى بفكر فيه ...
انا مستبعد اى حاجه غير نوكيل لسببين ..
1-انى مش متعود غير على الوكيل و بتخنق من اى موبيل مش فاهمه ...يعنى ال 5800 ده خنقنى فى الاول لانه مختلف شويه عن باقى النوكيا ..
2-ان لما اجى ابيع الموبيل (انا بستخدم الموبيل من 6 ل 8 شهور و بيجيب اخره معايا).. فاى حاجه غير النوكيل بتخسر جامد اوى ...
ال e71 فعلا عاجبنى و اصلا هو شبه ال e63 اوى بس يزيد عنه انه فيه gps و معرفش فى فرق تانى ولا لا !!!
يا ريت حد يفيدنى بسعره ..

[M.Osman]

فعلا كلامك مظبوط و هو ده الى بفكر فيه ...
انا مستبعد اى حاجه غير نوكيل لسببين ..
1-انى مش متعود غير على الوكيل و بتخنق من اى موبيل مش فاهمه ...يعنى ال 5800 ده خنقنى فى الاول لانه مختلف شويه عن باقى النوكيا ..
2-ان لما اجى ابيع الموبيل (انا بستخدم الموبيل من 6 ل 8 شهور و بيجيب اخره معايا).. فاى حاجه غير النوكيل بتخسر جامد اوى ...
ال e71 فعلا عاجبنى و اصلا هو شبه ال e63 اوى بس يزيد عنه انه فيه gps و معرفش فى فرق تانى ولا لا !!!
يا ريت حد يفيدنى بسعره ..

الـE71 يتميز عن الE63 بجودة الخامات اللي معمول منها و كونه انحف منه (رفيع جداً)
الكاميرا في الE71 فيها اوتوفوكاس و 3 ميجابيكسل + الGPS زي ما حضرتك قلت
الـEseries عموماً البطارية فيها قوية عن الموبيلات نوكيا التانية (بطارية قوية + شاشة اصغر = استهلاك افضل)

ميزة الـE63 (بالنسبة لمزايا الهاردوير) الوحيدة عن الE71 وجود audio jack 3.5mm بدلاً من ال2.5mm الموجود في الE71

بالتوفيق