هل تمر مصر بأسواء فتراتها .. ؟

[mahamedaraby]

والله هى الثوره اللى وصلت فينا الحال لكده

وخلت الحكومه هى الصانع والتاجر الوحيد

طبعا لازم تنتشر الرشوه والفساد

يعنى مثلا عمرك تتدخل شركه قطاع خاص وتدفع رشوه علشان تاخد حاجه طبعا لا

مش فاهم ازاى الناس عايز ايام جمال عبد الناصر تانى بعد ما كان اللى جوه السجن كانوا اكتر من اللى بره السجن

ازاى انا اخلى مصانع شغال بتاعت الحكومه وخسائرها بتوصل اكتر من تمنها

هتقولى اعاده هيكله والكلام ده مينفعش

لازم الحكومه تخلى معاها الصناعات الاستراتجيه او تبقى شريكه فى المشروعات دى مع القطاع الخاص بس

وتتفرغ لمراقبه المصانع ونمهد ليه الطريق والسوق علشان يتوسعوا فيه

كل الفساد اللى احنا فيه سببه السياسات الغلط من الاول

[mynameh]

والله هى الثوره اللى وصلت فينا الحال لكده

وخلت الحكومه هى الصانع والتاجر الوحيد

طبعا لازم تنتشر الرشوه والفساد

يعنى مثلا عمرك تتدخل شركه قطاع خاص وتدفع رشوه علشان تاخد حاجه طبعا لا

مش فاهم ازاى الناس عايز ايام جمال عبد الناصر تانى بعد ما كان اللى جوه السجن كانوا اكتر من اللى بره السجن

ازاى انا اخلى مصانع شغال بتاعت الحكومه وخسائرها بتوصل اكتر من تمنها

هتقولى اعاده هيكله والكلام ده مينفعش

لازم الحكومه تخلى معاها الصناعات الاستراتجيه او تبقى شريكه فى المشروعات دى مع القطاع الخاص بس

وتتفرغ لمراقبه المصانع ونمهد ليه الطريق والسوق علشان يتوسعوا فيه

كل الفساد اللى احنا فيه سببه السياسات الغلط من الاول

معاك حق
و بعتبر انقلاب يوليو كانت بداية لعصر استبدادي جديد مجلناش منو حاجة طيبة الا القليل
باستثناء حكم السادات اللي بعتبرة من افضل من حكم مصر في القرن العشرين
زائد كمان وطنيتة و بطولتة قبل الانقلاب و هو يعتبر الوحيد فيهم اللي لية بطولات و تاريخ عن الباقي
اما كل العالم التانية زي صلاح سالم و نصر و عبد الناصر و عامر و الخ ....
كان هدفهم انهم يشبعو و لمهمش دعوة بغيرهم عكس ما كان بيبان في الخطابات
و دة هو سبب انشار الفساد ابتداء من فترة الستينات لحد دلوقتي

[amrico]

سؤال محيرنى بقالوا فترة .. مش عارف الاقى اجابة له ..

هل مصر دلوقتى بتمر بأسواء فتراتها بالعصر الحديث ؟؟

الإجابة: نعم

[samehafez]

يا شباب احنا منقدرشي نحكم علي الثورة ..
عملوا حاجات صح و حاجات غلط
بس الفلاحين حالهم متحسنش بعد الثورة ..
و الزراعة اتبهدلت ....
عزب البشوات اللي متسمية وسية و عاملينها بؤر الاستعباد
كانت مشاريع زراعية ضخمة الات زراعية وسائل ري مخازن غلال
كان المفروض الدولة تخدم الفلاحين بقانون عمل ... الخ ...مش موضوعنا

البلد فعلا حاليا حالها صعب ... فيه مشكلة في الهيئة العامة للبترول
الهيئة مديونه للشركات بمبالغ .... علي الرغم ان سعر البرميل رفع و الشغل زهزه في كل حته في العالم عندنا في مصر ... نايمة
مفيش شغل
الشركات مش عاوزة تفتح في عقود جديدة الا لما تاخد فلوسها و الحكزمة معهاش تدفع الا لو الشركات فتحت شغل جديد و الغاز بيتباع ببلاش

[Car's Sniper]

الناس بيقولوا ان لو حد غير جمال مسك البلد بعد الريس ...البلد هاتبوظ
وده اللى انا نفسى فيه ان جمال مايمسكش والبلد يحصل فيها هرج ومرج وصدقونى يوم مايحصل كدة هتبقى دى بداية اصلاح البلد دى بجد
ربنا يوفقنا يارب

[Ghamrawy]

الناس بيقولوا ان لو حد غير جمال مسك البلد بعد الريس ...البلد هاتبوظ
وده اللى انا نفسى فيه ان جمال مايمسكش والبلد يحصل فيها هرج ومرج وصدقونى يوم مايحصل كدة هتبقى دى بداية اصلاح البلد دى بجد
ربنا يوفقنا يارب

هى مش حاتبوظ عليا و عليك و على الناس العادية اللى مالهاش غير حالها بس حاتبوظ و تخرب على دماغ الحرامية و المنافقين و اللمامة و اللى بيسموهم الحرس القديم و الوشوش اللى بقالنا 40 سنة بنشوفها علشان هما موجودين بسبب الحكومة و الحكومة موجودة بسببهم يعنى علاقة زى علاقة الدود بجسم ميت

[Hegazio]

اعتبرو المنتدي ده اتقفل خلااااااااااص

[Car's Sniper]

الوشوش اللى بقالنا 40 سنة

عندك حق والله انا بتضايق جدا لما افتكر انى من اول ماتولدت ماشفتش غير رئيس واحد بس

[Car's Sniper]

اعتبرو المنتدي ده اتقفل خلااااااااااص

لو المنتدى يتقفل بس يكون سبب فى اصلاح مصر فأنا مستعد......نجمع الناس الحلوة اللى هنا تانى ونعمل منتدى محترم تانى.....بصراحة من اكثر المنتديات احتراما على النت ربنا يخليهولنا

[Ahmed_Gadalah]

الحمد لله على كل وضع احنا عيشينه.
اللهم أصلح أحوالنا وأحوال أئمتنا و ولاة أمورنا و ارفع عنا البلاء والغلاء وشر الفتن ما ظهر منها وما بطن.

[ahmed4000]

معاك حق
و بعتبر انقلاب يوليو كانت بداية لعصر استبدادي جديد مجلناش منو حاجة طيبة الا القليل
باستثناء حكم السادات اللي بعتبرة من افضل من حكم مصر في القرن العشرين
زائد كمان وطنيتة و بطولتة قبل الانقلاب و هو يعتبر الوحيد فيهم اللي لية بطولات و تاريخ عن الباقي
اما كل العالم التانية زي صلاح سالم و نصر و عبد الناصر و عامر و الخ ....
كان هدفهم انهم يشبعو و لمهمش دعوة بغيرهم عكس ما كان بيبان في الخطابات
و دة هو سبب انشار الفساد ابتداء من فترة الستينات لحد دلوقتي

واضح ان الناس محتاجة تقرا التاريخ تانى بتمعن اكتر لان سواء اختلفنا مع الاشتراكية او اتفقنا فمفيش حد يقدر بختلف عن نزاهة جمال عبد الناصر وانه لما قاد الثور كان حاطط على نفسه حكم بالاعدام لو منجحش..اكيد مكنش بيعمل كده علشان الفلوس..كان بيعمل كده علشان اجيال طويلة بعده تيجى تتعلم وتقرا وتشتغل ويبقى متساويين مع غيرهم ويدخلوا على الانترنت يقولوا كنا نبقى فلاحين فى عزبة الباشا احسن

كما بستغرب اوى التبسيط فى معالجة قضاينا...يعنى الناس تقول يارب كارثة تيجى تهد البلد علشان تتبنى صح من اول وجديد..ياسلام

العراق فعلا نموذج واذح لكده
اللى حصله الانقلاب والهرج والمرج اللى نفسكم يحصل وماشااء الله شوفوا وضعه ازاى النهاردة...حاجة تفرح فعلا..:b4_388:

ده دايما نوع التفكير اللى بيستخدمه المجموعة اللى مش عايزة تبذل مجهود للاصلاح..هى ماليزيا ولا كوريا ولا الصين ولا حتى ايران كانت جاتلهم كارثة هدتهم علشان يقوموا؟

طول الوقت عايزين نقنع نفسينا اننا اعظم شعب فى العالم..احنا الفراعنة..احنا معدنا مش عارف ايه..ومشكلتنا الوحيدة بس فى الحكومة...لو الحكومة اتغيريت حنبقى اعظم دولة فى العالم

اصل الحكومة هى اللى مخلية الشعب معندوش ذرة تحضر سواء فى اخلاق او فى مرور او حتى فى طابور

اصل الحكومة هى اللى بتقول للناس خدوا رشاوى وافسدوا

اصل الحكومة هى اللى بتقول الناس استخدموا الواسطة والعنوها فى كل وقت

اصل الحكومة هى اللى بتقول الناس متشتغلش بذمة ولا تطور شغلك

اصل الحكومة هى اللى بتقول لو لقيت اى حاجة عامة خربها وبوظها


انا مقتنع ان لو جالنا ماهتير بتاع ماليزيا ولا اى قائد دولة متقدمة ولا حينفع معانا بنكلة

[mynameh]

واضح ان الناس محتاجة تقرا التاريخ تانى بتمعن اكتر لان سواء اختلفنا مع الاشتراكية او اتفقنا فمفيش حد يقدر بختلف عن نزاهة جمال عبد الناصر وانه لما قاد الثور كان حاطط على نفسه حكم بالاعدام لو منجحش..اكيد مكنش بيعمل كده علشان الفلوس..كان بيعمل كده علشان اجيال طويلة بعده تيجى تتعلم وتقرا وتشتغل ويبقى متساويين مع غيرهم ويدخلوا على الانترنت يقولوا كنا نبقى فلاحين فى عزبة الباشا احسن

كما بستغرب اوى التبسيط فى معالجة قضاينا...يعنى الناس تقول يارب كارثة تيجى تهد البلد علشان تتبنى صح من اول وجديد..ياسلام

العراق فعلا نموذج واذح لكده
اللى حصله الانقلاب والهرج والمرج اللى نفسكم يحصل وماشااء الله شوفوا وضعه ازاى النهاردة...حاجة تفرح فعلا..:b4_388:

ده دايما نوع التفكير اللى بيستخدمه المجموعة اللى مش عايزة تبذل مجهود للاصلاح..هى ماليزيا ولا كوريا ولا الصين ولا حتى ايران كانت جاتلهم كارثة هدتهم علشان يقوموا؟

طول الوقت عايزين نقنع نفسينا اننا اعظم شعب فى العالم..احنا الفراعنة..احنا معدنا مش عارف ايه..ومشكلتنا الوحيدة بس فى الحكومة...لو الحكومة اتغيريت حنبقى اعظم دولة فى العالم

اصل الحكومة هى اللى مخلية الشعب معندوش ذرة تحضر سواء فى اخلاق او فى مرور او حتى فى طابور

اصل الحكومة هى اللى بتقول للناس خدوا رشاوى وافسدوا

اصل الحكومة هى اللى بتقول الناس استخدموا الواسطة والعنوها فى كل وقت

اصل الحكومة هى اللى بتقول الناس متشتغلش بذمة ولا تطور شغلك

اصل الحكومة هى اللى بتقول لو لقيت اى حاجة عامة خربها وبوظها


انا مقتنع ان لو جالنا ماهتير بتاع ماليزيا ولا اى قائد دولة متقدمة ولا حينفع معانا بنكلة

أولا رأيك محترم جدا و معاك حق في حاجات كتير بس انا هرد علي نقطة عبد الناصر :
اولا : انا كنت مدمن شيء اسمة عبد الناصر و قريت عنو كتير و كنت بحبة بمعني كنت بحبة
لكن من خلال الكتب اللي كنت بقرأها عنو سواء كانوا مؤيدين لية او لا " الكتاب "
استنتجت ان كل ما كان يفعلة عبد الناصر كان دافعة الأساسي " حب عمل مجد شخصي لية أولا "
ثم اي شيء ثاني شوف كام مرة هدد اليهود و قال اسرائيل لازم ميكونلهاش وجود وفي المقابل المرتين اللي حاربنا فيهم كانت اسرائيل هي البادئة بالهجوم و بتغلبنا سواء في 56 " و اسأل اي رجل عسكري " و في هزيمة 67
حتي سبب الإنقلاب " لثورة " اساسا مكنش علي حاجة غير بسبب إلغاء نتيجة انتخابات نادي الظبط ثم تطور الأمر حتي سموها ثورة
طبعا غير الحاجات الغير ادمية اللي كانت بتحصل في المعتقلات و اللي عملة في محمد نجيب و .. إلخ
بلاش كدة شوف المهازل اللي حصلت في اليمن و دهب مصر تاني دهب مصر اللي ترمي هناك
حاجات كتير
ياراجل دا انا لما قرأت كتاب مصطفي امين كنت هعيط من الي كنت عمال اقرأة
و كل دة شيء و الرجالة الي حطهم في اماكن حساسة شيء تاني خالص و كفاية كدة لأني محتاج سطور اكتر بكتير

لكن انا معاك في انوا كان لة كاريزما عالية جدا

[Hegazio]

قالو من عاصرو عبد الناصر انه كان يصلح وزير خارجية ممتاز .. يعمل شعبية للبلد .. يقول كلمتين حماسيين .. بس
لكن يحسبها صح ؟ لأ !!! .. كان أكثر عاطفة منه عقلا !!
يخلي اللي خاربينها خاربينها عشان اصحابه و عشرة عمر
.
أما موضوع الشعب ولا الحكومة .. فبصراحة الاتنين أضل من بعض
نحن شعب بكاء ( بتشديد الكاف ) يفضل ان يولول علي مصيبته علي ان يعمل علي حلها
و بصراحة برضه نخاف ما نختشيش
و هذا للأسف محتاج جيل كامل يتغير .. يعني بتاع 30 سنة
و لا أجد حل الا أن نقع تحت حكم ديكتاتور جيد !!! يصلح البلد و يهتم بمصلحتها أكثر و يعلم الناس انه سيرحل و يجب ان يكون هناك مفرزة للقادة و ثواب و عقاب بعد ما تقعد في بيتكو

[ahmed4000]

أما موضوع الشعب ولا الحكومة .. فبصراحة الاتنين أضل من بعض
نحن شعب بكاء ( بتشديد الكاف ) يفضل ان يولول علي مصيبته علي ان يعمل علي حلها

لو اقتنعنا بالكلمة دى حنحل نص مشاكلنا
لكن نعيش نفسنا فى وهم اننا اعظم شعب لكن حظنا وحش جابلنا الحكومة الوحشة ده غير الغرب الوحش اللى مبيعملش حاجة غير يتآمر علينا ....يبقى حنفضل فى حالنا ده وحنتهدور اكتر واكتر

[bmya]

صح ياباشا الحكومه ماقلتش خودوا رشوه بس مرتباتها تعبانه ومس محتاجه تقول للناس خودو رشوه
الناس مبتحترمش المرور لان مفيش مرور (حكومه) عشان الناس تحترموا
الحكومه عماله تبنبي وتعمل لصالح الكبار فقط رجال الاعمال ياخدوا الاراضي ببلاش ويبيعوها للشباب بالاااااااف
هو كل ده مش بسبب الحكومه برده