بنات الناس لعبة وأختك ممنوع الاقتراب !!!

[DeMhA]

السلام عليكم ورحمة الله وبركاته ،،،


حببت أن استفز روح النقاش معكم بموضووووووووع جاد جدا ونتشر بصورة واضحة


فاسمحوا ليان انقل لكم ذلك الموضوع :::


بنات الناس لعبة واختك مكتوب عليها ممنوع الاقتراب



سمعة البنت كالزجاج اذا انكسر يصعب اصلاحه وحياتها وكرامتها ليست ملكها , خصوصا
بالمجتمعات العربية .. للفتاة حقوقها وكرامتها وانسانيتها .. فتعلمت وتفهمت ما لها وما عليها
الا انها في بعض الاحيان تنساق وراء كلمات معسولة من ذئب شرس كل همه ان يفتك
ويفترس بعرض هذه وتلك من البنات.. متناسيا ان له أخوات وام وخالات وعمات
والكثير من الاقارب البنات .. !!


ما هو مفهوم شرف الفتاة لديك .. ؟؟ !


ما رأي الشاب الذي يغازل وفي لحظة يري اخته في نفس الوقت مع شاب اخر فتثور ثائرته .. ؟؟ !
واذا كنت تمنع اختك من تكوين صداقة مع شاب ( يصبح عدوك لو انك عرفت ذلك عن اختك) فلماذا
تقبل ذلك على نفسك؟وكأن بنات الناس لعبة واختك فقط هي الانسانه .. ؟!!


سؤالنا ايضا للبنات : هل تقبيلن لنفسك ان تكوني لبانه فى فم كل شاب يتباهى امام
اصدقائه بانه يحبك وفعل معك كذا و كذا .. ؟؟ !!
تعرفون يا بنات اليوم كل ما نسأل رجل ليه وليه وليه تعمل كدة في البنات يقول أنا ما قلت لهم اطلعو بملابس غير محتشمة .. لا حاجة تانيه بقو البنات هما الى بيعاكسوا الشباب


فما رائيكم شباب وبنات


الصراحة يا جماعة انا معرفش ازاى اى شاب يقبل على نفسه انو يمشى مع اى بنت وبعدين يرجع يقول انا مش ممكن اختى او مراتى تمشى مع راجل غيرى ده حتى لما يجى يتقدم لواحدة عشان يخطبها لازم تكون واحدة معرفيتش حد قبله ليه يعنى ده كله انا نفسى بجد الشباب فى الجزئية ديه يأمنوا بمقولة(كما تدين تدان ويوما لك ويوما عليك)0


اما الفتاة فهى فعلا اساس المشكلة لان الشاب اذا لم يجد الفتاة التى تنساق وراء كلامه وتسمع كل حاجة هو يقولها وتمشى معاه مش هيعمل حاجة يعنى لازم الاتنين يتغيروا البنت والولد والبنت المفروض تحافظ على اسمها وسمعتها وسمعة اهلها وتعرف انها كالجوهرة المحفوظة وليست كالوردة التى يشم رائحتها كل فرد يريد ذلك0


انتهى الموضوع المنقول على كده


ندردش احنا بقى


اولا : اسمحوا لى ان ابدى وجهة نظرى فى الموضوع ...


احنا فيه مثل بنقولوا لبعض لما واحد صاحبك يهزر معاك هزار بايخ ولما تيجى تهزر معاه يضايق فبتقولوه ( اللى ماترضاهوش على نفسك ماترضاهوش على غيرك )


نفس الجملة هقولها لواحد ماشي مع واحدة ومأنجشين !!!


هيرد يقوللى اختى متربية وما بتكلمش ولاد !!!


رد مفحم الصراحة طيب دا معناه انه اللى بيكلمها دى جاية من الشارع !!!


( هل معنى ذلك انى كل الفتيات اللى بيضحكن وبيتكلمن مع أولاد يرضين ان يقال عليهن ذلك وماهو افظع من ذلك )


هيردوا البنات وهيقولوا ماهم بقولولنا اننا هنرتبط وهنتجوز والكلام العبيط دا


طيب ليه مادخلش من الباب ليه بينط من الشباك


على فكرة الحرامى عمره ما هيدخل من الباب !!!


فيه كلمة سايدة بين الولاد ( انا عمرى ما ارتبط بواحدة مشيت معاها )


واللى اتفرج على فيلم (اوقات فراغ ) هيلاقى كل العبارات دى


وهو بالفعل اخدها من الواقع


طيب ايه الحل


الحل بأيد البنت !!!


ايوة البنت اللى معاها المفتاح !!!


يااما هتحافظ عليه وهتديه للى يدخل من الباب


يااما هضيع المفتاح منها ويسرقه الحرامى


سيبكم من الكلام دا


البنت بجد معاها مفتاح حل المشكله دى


لازم مايسيطرش عليها الشيطان


لازم تقفل كل الشبابيك فى وش الحرامى


علشان مايلاقيش غير الباب فيدخل زى المحترميييييييييييين


ثانيا واخيرا : والبنت ايييه غير سمعة شية حاجات تانية فوق بعضيها

وعلى الفكرة الولد برده سمعة وشوية حاجات كتير فوق بعضيها

ماتفتكرش نفسك انك عادى تمشي مع دى وتكلم دى وتضحك مع معرفش مين وبعدين زى الأمور ههتتجوز المحترمة

لأن المحترمة لانها محترمة ابوها مايفرطش فيها بالساهل فهيسال عنك وهيعرف جيجى وسوسو وحوحو والشلة كلها

فالأنسان سمعة واخلاق !!!

وعاوز بجد اسمع وجهات نظركم فى الموضوع ولاد وبنات

دمتم بخير ...

[محمد محمد]

فيه كلمة سايدة بين الولاد ( انا عمرى ما ارتبط بواحدة مشيت معاها )

وفيه واحد ربنا يهديه من اللى بيمشوا مع بنات بيقولي فيه بنت من اللى بمشي معاهم قالتلي محدش بيجوز واحدة من الشارع.

[DeMhA]

وفيه واحد ربنا يهديه من اللى بيمشوا مع بنات بيقولي فيه بنت من اللى بمشي معاهم قالتلي محدش بيجوز واحدة من الشارع.

لا حول ولا قوة إلا بالله ربنا يعافينا بجد

شكرا لمروركم الكرييييييم

[محمد محمد]

نفس الشاب لما خطب وكان معجب بخطيبته جدا لقيته بعد كده فسخ الخطوبة ومرضاش يقولي الأسباب مع انه بيصارحني بكل حاجة بس انا حاسس ان عوقب (الجزاء من جنس العمل)لأنه احينا كان بيجر كلام مع بنات ويطلعوا مخطوبين وفيه بنات من اللى كان بيعرفهم اتجوزوا وبرده بيكلمهم وهم بيتصلوا بيه .
اخو الشاب ده برده بيقولي انا كنت ماشي مع 18 بنت لما اشتغل بقي وافتكرته بقي محترم قالى انا دلوقتي بكلم 6 بس.
وكل ما اشوفه الاقيه بيكلم بنت في التليفون لغاية ما التليفون يفصل شحن.
يعني تلاحظ انه فيه قصور جامد في التربية وكمان ما فيش رقابة من الوالد.

[كابوس الليل]

سيبك من المخطوبين
بما انى فى ثانوى يعنى سن الضياع
فا كل صحابى كلهم ببمعنى الكملة مصاحبين ...
بتنرفز جدا لما الاقى صحبى ماشى معايا وبيتكلم فى التليفون مع الى ماشى معاها كانها مراته بيكلمها كانها مراته اه بجد وبيشوفها كتير جدا مش اقل من خمس ست مرات فى الاسبوع....
اكيد فى بنات محترمة واكيد فى بنات مش محترمة..
وبما انى برضوا فى تانية ثانوي بروح المدرسة احضر الحصص الى عايزها وامشى بعد كدة فا بروح على عشرة حداشر كدة تعالى بقا اتفرج على الكازينو الى بيبقا فى الشوارع الجانبية.. مليون واحد وواحدة واقفين مع بعض.... غير كدة فى قهوة بس قهوة نضيفة شوية تلاقى ولد وبنت فى كل ركن من اركان القهوة ((اكيد حتقلى بتعرف منين)) اقولك بيبقوا باينين جدا حتى من برة بس اكيد عمر ما اهليهم حيمشوا يبصوا فى القهاوى ابنهم ولا بنتهم اعدين معاهم ......
انا فى مدرسة بعيدة نوعا ما عن بيتى... فا يا اما بركب حاجة او باجى مشى لما بيبقا ليا مزاج امشى.. اتفرج على الشوارع بتبقا عاملة ازاى كارثة...
المهم ان كل بنت تقولك ده بيحبنى ده بيموت فيا وبتاع وتلاقيه هو ماشى معاها عشان يبقا اسمه مصاحب ... لو سالت كل عيل من العيال ديه ترضاها لاختك يقولك زى ما انت قايل بلظبط.. (انا اختى محترمة) واحد مرة قالى انا معنديش اخوات بنات ..العبط بعينه..
ولو حبيت تراهنى على ان كل العيال هيقولوا عمرى ما اتجوز واحدة منهم
لان الى امشى معاها عمرى ما اتجوزها ..عشان ممكن تعلم كدة مع اى حد تانى .....

ربنا يرحمنا.....

مرة عملت ادد لاميل وطلع انى كنت واخده من المدهولى غلط فا طلع بنت فى نفس سنى فا بتقولى انا مرتبطة ولازم اقفل وامسحنى من عندك وانا وهو مش موافقين
قلتلها طز فيكى وفيه انتى مين يعنى ؟؟ طبعا بلوك ودليت...


شكرا ليك انك فتحت الموضوع ده..
عايز اعرف اراء الناس الى مخها كبير فى الموضوع ده

[DeMhA]

نفس الشاب لما خطب وكان معجب بخطيبته جدا لقيته بعد كده فسخ الخطوبة ومرضاش يقولي الأسباب مع انه بيصارحني بكل حاجة بس انا حاسس ان عوقب (الجزاء من جنس العمل)لأنه احينا كان بيجر كلام مع بنات ويطلعوا مخطوبين وفيه بنات من اللى كان بيعرفهم اتجوزوا وبرده بيكلمهم وهم بيتصلوا بيه .
اخو الشاب ده برده بيقولي انا كنت ماشي مع 18 بنت لما اشتغل بقي وافتكرته بقي محترم قالى انا دلوقتي بكلم 6 بس.
وكل ما اشوفه الاقيه بيكلم بنت في التليفون لغاية ما التليفون يفصل شحن.
يعني تلاحظ انه فيه قصور جامد في التربية وكمان ما فيش رقابة من الوالد.

هو دا بعينه الجزاء من جنس العمل

والحقيقة حضرتك أثرت نقطة مهمة فيييييييين التربية اين دور الوالدين فى الموضووووووع دا
هل حقا اصبحنا في زمن انى الاب والام موافقين وانهم بدراية كاملة عن ان بنتهم او ابنهم اسف على اللفظ مصاحبه او مصاحب زى ما بقينا نسمع فلانة مخطوبة وفلانة التانية مصاحبة ومامى عارفه

لا حول ولا قوة الا بالله امال فين الدين بلاش ندخل الدين فين القيم والمبادىء فين الفطرة السليمة الواحد كده من جواه بفطرته كده عارف الصح من الغلط !!!

[DeMhA]

سيبك من المخطوبين
بما انى فى ثانوى يعنى سن الضياع
فا كل صحابى كلهم ببمعنى الكملة مصاحبين ...
بتنرفز جدا لما الاقى صحبى ماشى معايا وبيتكلم فى التليفون مع الى ماشى معاها كانها مراته بيكلمها كانها مراته اه بجد وبيشوفها كتير جدا مش اقل من خمس ست مرات فى الاسبوع....
اكيد فى بنات محترمة واكيد فى بنات مش محترمة..
وبما انى برضوا فى تانية ثانوي بروح المدرسة احضر الحصص الى عايزها وامشى بعد كدة فا بروح على عشرة حداشر كدة تعالى بقا اتفرج على الكازينو الى بيبقا فى الشوارع الجانبية.. مليون واحد وواحدة واقفين مع بعض.... غير كدة فى قهوة بس قهوة نضيفة شوية تلاقى ولد وبنت فى كل ركن من اركان القهوة ((اكيد حتقلى بتعرف منين)) اقولك بيبقوا باينين جدا حتى من برة بس اكيد عمر ما اهليهم حيمشوا يبصوا فى القهاوى ابنهم ولا بنتهم اعدين معاهم ......
انا فى مدرسة بعيدة نوعا ما عن بيتى... فا يا اما بركب حاجة او باجى مشى لما بيبقا ليا مزاج امشى.. اتفرج على الشوارع بتبقا عاملة ازاى كارثة...
المهم ان كل بنت تقولك ده بيحبنى ده بيموت فيا وبتاع وتلاقيه هو ماشى معاها عشان يبقا اسمه مصاحب ... لو سالت كل عيل من العيال ديه ترضاها لاختك يقولك زى ما انت قايل بلظبط.. (انا اختى محترمة) واحد مرة قالى انا معنديش اخوات بنات ..العبط بعينه..
ولو حبيت تراهنى على ان كل العيال هيقولوا عمرى ما اتجوز واحدة منهم
لان الى امشى معاها عمرى ما اتجوزها ..عشان ممكن تعلم كدة مع اى حد تانى .....

ربنا يرحمنا.....

مرة عملت ادد لاميل وطلع انى كنت واخده من المدهولى غلط فا طلع بنت فى نفس سنى فا بتقولى انا مرتبطة ولازم اقفل وامسحنى من عندك وانا وهو مش موافقين
قلتلها طز فيكى وفيه انتى مين يعنى ؟؟ طبعا بلوك ودليت...


شكرا ليك انك فتحت الموضوع ده..
عايز اعرف اراء الناس الى مخها كبير فى الموضوع ده

أخطر مرحلة مرحلة الثانوية ... لأن مرحلة المراهقة كما تسمى مرحلة تحول ... فالانسان بيبدا عنده نوع من الانجذاب للنوع الاخر ودا من طبيعة الانسان وربنا خلقنا كده بس الحكاية دى ربنا خلقها فينا لتبدات مرحلة النمو الصحيح التدريجى حتى تصل لمرحلة النضج لتستطيع الاختيار الصح بمعنى ان تحتار شريك حياتك صح لنك نموت عاطفيا وبدنيا بتدريج ربانى لذلك الرسول صلى الله عليه وسلم حثنا على الصيام وخاصة الفئة او المرحلة العمرية دى (فئة الشباب ) لغاية ماتكون نفسك مش ماديا لأ تكون نفسك نفسيا و تبقى قادر خلاص على المسؤولية ... اما احنا دلوقتى استغلينا نعمة ربنا علينا فى الغلط استخدمناها فى الطريق الحرام واللى الشيطان بيحلله لينا ويقولك ل انت كده صح ولازم تتعرف على ده وتعرف ده علشان ماتتخمش فى النهاية وتبقى راجل خبرة والبنات تجرى وراك لأنك عارف دى وماشى مع دى تبقى مقطع السمكة وديلها فلما تيجى تشاور وتقول ياجواز تلاقى الطوابير !!!
وكلام وحجج باطله لتحليل الحرام

وغيره لما واحد بقى حب واحده (نزوة ) يجى الشيطان ويقوله لأ انت كده حلاال ياعم انت داخل جد واخر الطريق دا الحب والجواز والبيت ومايعرفش انه ماشى فى الحرام وانه بيحب شهوته مش اكتر وانه هيجي اليوم اللى خلاص هيشبع ويزهق ويحب يجدد او هتحب تجدد لأنه مش دا الحب الصحيح المبنى على القيم والمبادىء والأخلاق والدين ...

اسف لو كنت طولت

بس بجد أحيييييييييك على تمسكك بمبادءك وانت ليسه فى سن صغييييييير
واحيييييك على مشاركتك الاكثر من جميلة

دمت بخير وسلام ،،،

[Islam_galal]

أحد أصدقائي فيما مضي كان يتبني هذا الفكر و لم تكن له أخوة من البنات و كان له كلمه غريبة عندما أسأله عن شئ من التقي و هو
من وجهة نظر الولد و لا من وجهة نظر البنت ؟

الآن هو متزوج و له من الذرية بنتان
مرعوب ، يخاف من كل ماضيه و لا يطيق النظر في عيني

لما ضاقت عليه الدنيا قال لي مرة هذه الآية (وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلاً سَدِيدًا ) و عيناه تترقرق بدموع الندم

[كابوس الليل]

أخطر مرحلة مرحلة الثانوية ... لأن مرحلة المراهقة كما تسمى مرحلة تحول ... فالانسان بيبدا عنده نوع من الانجذاب للنوع الاخر ودا من طبيعة الانسان وربنا خلقنا كده بس الحكاية دى ربنا خلقها فينا لتبدات مرحلة النمو الصحيح التدريجى حتى تصل لمرحلة النضج لتستطيع الاختيار الصح بمعنى ان تحتار شريك حياتك صح لنك نموت عاطفيا وبدنيا بتدريج ربانى لذلك الرسول صلى الله عليه وسلم حثنا على الصيام وخاصة الفئة او المرحلة العمرية دى (فئة الشباب ) لغاية ماتكون نفسك مش ماديا لأ تكون نفسك نفسيا و تبقى قادر خلاص على المسؤولية ... اما احنا دلوقتى استغلينا نعمة ربنا علينا فى الغلط استخدمناها فى الطريق الحرام واللى الشيطان بيحلله لينا ويقولك ل انت كده صح ولازم تتعرف على ده وتعرف ده علشان ماتتخمش فى النهاية وتبقى راجل خبرة والبنات تجرى وراك لأنك عارف دى وماشى مع دى تبقى مقطع السمكة وديلها فلما تيجى تشاور وتقول ياجواز تلاقى الطوابير !!!
وكلام وحجج باطله لتحليل الحرام

وغيره لما واحد بقى حب واحده (نزوة ) يجى الشيطان ويقوله لأ انت كده حلاال ياعم انت داخل جد واخر الطريق دا الحب والجواز والبيت ومايعرفش انه ماشى فى الحرام وانه بيحب شهوته مش اكتر وانه هيجي اليوم اللى خلاص هيشبع ويزهق ويحب يجدد او هتحب تجدد لأنه مش دا الحب الصحيح المبنى على القيم والمبادىء والأخلاق والدين ...

اسف لو كنت طولت

بس بجد أحيييييييييك على تمسكك بمبادءك وانت ليسه فى سن صغييييييير
واحيييييك على مشاركتك الاكثر من جميلة

دمت بخير وسلام ،،،

هوا حضرتك دكتور؟ يا دكتور اطفال يا دكتور نفسى يا حاجة من الخمسة دوول

[DeMhA]

أحد أصدقائي فيما مضي كان يتبني هذا الفكر و لم تكن له أخوة من البنات و كان له كلمه غريبة عندما أسأله عن شئ من التقي و هو
من وجهة نظر الولد و لا من وجهة نظر البنت ؟

الآن هو متزوج و له من الذرية بنتان
مرعوب ، يخاف من كل ماضيه و لا يطيق النظر في عيني

لما ضاقت عليه الدنيا قال لي مرة هذه الآية (وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلاً سَدِيدًا ) و عيناه تترقرق بدموع الندم

يالله شوف ربنا مفيش حد بيعدي بالساهل ربنا يمهل ولا يهمل

سبحان الله

بس ان شاء الله ربنا يحميله بناته طالما تابه توبة نصوحة ورد الحقوق لأصحابها

(وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلاً سَدِيدًا )

والله خير استشهاااااااااااد

وبجد ودا يخلينا مانقلش خاف على اختك وبس لأ وعلى والدتك وعمتك وخالتك وبنتك وكل محارمك

وشكرا على مروركم الكريم وعلى القصة والموعظة الحسنة ،،،

[DeMhA]

هوا حضرتك دكتور؟ يا دكتور اطفال يا دكتور نفسى يا حاجة من الخمسة دوول

ههههههههههههههه طب دكتور نفسى وتمشى مع الجو

اما اطفااااااااااال فدوووول ايه اللى جابهم هنااااااااااا بس

والف شكر على المجاملة الحلوة دى بس انا فعلا مشروع طبيب (اقصد طالب طب )

[كابوس الليل]

(اقصد طالب طب )

بطعم ايه؟؟

[Nile_Storm]

للاسف فيه كتير من الشباب ماشيين بمبدأ إمراه للحب و إمراه للزواج :(
ربنا يهدي الجميع

[DeMhA]

ااااااااااه بدانا بقى

لأ انا طالب طب

المفرووض تقولى كابينة خمسة

مش بطعم اييييييه مالكمش فيها ماتلعبووهاش سيبوا اللى بيفهموا فيها يلعبووووووا ههههههه

حبيبى بهزر معاك مشش اكتر

[كابوس الليل]

ااااااااااه بدانا بقى

لأ انا طالب طب

المفرووض تقولى كابينة خمسة

مش بطعم اييييييه مالكمش فيها ماتلعبووهاش سيبوا اللى بيفهموا فيها يلعبووووووا ههههههه

حبيبى بهزر معاك مشش اكتر

مش مستاهلةان تقول انك بتهزر اانا فاهمك

بس برضوا مقلتش بطعم ايه