بنات الناس لعبة وأختك ممنوع الاقتراب !!!

[hani945]

ياشباب
نرجع تانى نقول من الأول
مفيش حاجة اسمها صداقة بين ولد وبنت، لإن بعد كده الموضوع بيكبر ويبقى علاقة ما بين الولد والبنت ، وبعد كده الموضوع بيكبر ويقلب بمشاكل كتيرة ومنها السمعة .

[ams]

الموضوع محتاج درجة عاليه من ضبط النفس و التقوى

[DeMhA]

بصراحة انا مش متفق مع الموضوع ده
و عامة شباب و بنات مصر الأغلبية العظمي منهم لا بيعرفوا يحبوا ولا حتي يتجوزوا .. و هو ده سبب كل حاجة .

طب ازاى يعنى ما حضرتك جاوبت على نفسك وقلت انهم ما بعرفووش لا يحبوا ولا يتجوزوا ليييه بقى مابيعرفووش علشان النية وعلشان الطريقة مش صحيحة

يا سيدى الفاضل المشكلة الكبيرة هى اختلاط الشباب مع البنات وعاوز أركز كمان على ملابس البنات المشينة وأنا آسف على استخدام كلمة ( مشينة ) اللى بقت على كل شكل ولون ، وكمان المسلسلات اللى بتيجى فى التلفزيون بتعلم الشباب والبنات الإنحلال ، يعنى مثلاً تلاقى مشهد فيه واحدة بنت لسة فى فترة المراهقة بملابسها الغير محتشمة والمشينة مصاحبة واحد شاب فى ساعتها تلاقى البنات اللى بيسمعوا وبيتفرجوا على المشهد بيتأثروا بسرعة ويلقطوا من المشاهد دى للأسف

تمام كلام حضرتك كله مظبووط ودا دور الإعلام اللى فى رأيي بقى داااااااااارج جدا وكله بيفكر فى المادياااات دلوقتى

[DeMhA]

يعني يا محمد انا قصدي إن في مجتمعنا فيه حالة كبيرة من التناقض في موضوع العلاقات فا بتخلي شخصيات الأفراد هلامية !

يعني فيه بنت مثلاَ يقعدوا يقولولها في البيت الكلام مع الولاد عيب و مش عارف إيه .. تروح الجامعة و تدرس درس في كتاب اللغة الإنجليزية اللي هو منهج جامعة كامبدرج بيتكلم عن ال lifestyles و منهم الحياة مع بعض بدون زواج .. أو العلاقات الجنسية بدون إرتباط (يعني الجنس من أجل الجنس) .. أو إقتسام شقة مع صديق يكون رجل .

طبعاَ ده بيعمل تناقض في دماغها بين اللي بتعرفه في حياتها و اللي إتربت عليه .

طب ما التناقض دا مين السبب فيه مش وزارة التعليم اللى بتحط او بتنقل مناهج من غير ماتراجعهاا وتشوفها تتفق معانا ومع عاداتنا وتقاليدنا والفطرة السليمة ولل لأ ؟؟؟

ولد طول عمره في مدارس ولاد بس و مش متعود عالإختلاط لا في نادي ولا في صحاب ولا في أي حاجة .. بيخش الجامعة يلاقي ولاد و بنات بيتعاملوا مع بعض عادي و محدش بيعض حد يعني! يبتدي الموضوع يجننه و ميبقاش في دماغه غيره !

بص حضرتك دى نقطة وازع دينى وقوة ايمان مش غير كده ومش تقولى ما دخلش الدين لنى ما دخلتهووش علشان فيه فرق بين الزمالة والصحوبية واكييييد حضرتك فاهمنى

و فيه بعض المفاهيم مش في مصر بس .. بس زيادة عندنا شوية .. زي إن الولد كل ما البنات اللي مصاحبهم كتروا -خاصة لو حلوين- كل ما بقي شاب صايع و جامد! و البنت كل ما كتر الولاد اللي عايزين يصاحبوها و يتعرفوا عليها و هي تقيلة عليهم بقت كدة جامدة! و ده بيخلي الشخصية مريضة فا في النهاية لو فيه علاقة بتبقي مريضة !

بتفق معاااااااااااااك تماما انت كده ماشى صح

نفس الكلام في الجواز .. واحد يقولك انا هصاحب و ألف و أعمل بس هتجوز واحدة قطة مغمضة! طب هل ده صح يعني !؟ ماهو عبط برضه ! و يعيب الرجل أكتر من المرأة! و بعدين اما كل واحد يبقي له واحدة للحب و واحدة للزواج .. مش هيبقي فيه قطط مغمضة ! ببساطة هتبقي كانت قطة واحد تاني قبل كدة بس كدبت و خبت عليك و إنت عامل فيها عنتر الرجال .. و برضه لازم هتطلع أخت حد و مخبية عليه! لأن المجتمع لا يسمح لها بالصراحة ..

طب بس حضرتك نقف هنا لأنى دى نقطة واللى بعده دا نقطة تانية لغاية هنا واتفق معااااااااااك لأننا روجنا مابنا فكرة خطا بتاتا وماتصحش يعنى ايه واحدة للحب وعلشان اتعلم ومش عارف اييييييه وواحده للجواز والعيال كلام غلط

إضافة إلي أن الموضوع مش عيب أصلاَ ..

لا ازاى دا عيييييييييب وعييييييييب جدااا جدااا

يعني يا جماعة هو غلط الواحد يرتبط بواحدة كانت مرتبطة قبليه في حدود الأدب؟

حضرتك هنا حدود الأدب دى يعنى ابوها وامها يعرفوا بالارتباط يعنى كان في حاجة اسمها قرى فاتحة وخطوووووبة (أمال الخطوبة دى عملنها ليه مش علشان التعرف وللا هى كده سبهلله (أسف عاللفظ )

هي البنت سلعة و اما ترتبط بحد خلاص كدة بقت مستعملة !؟ طب ماهي ممكن تكدب عليك و تمثل البراءة عادي! هيحصل إيه من الصراحة !؟ هل المجتمع لازم يعاقبها عشان عندها مشاعر و حبت حد !؟

متفق معاااااااك بس زى ماقلت حدود الادب مش انهم تشااااات وتليفوووناااااااات وفلانتين داى ومش عارف اييييييييه لأ الأدب هو الارتباط بمعرفة اهل الطرفيييييين ودى فترة بتبقى كبيرة برده ومفيهاش حاجة لو ماتفاهموش فيها وكل واحد بيروح لحاله اما اننا نبقى غير صراحين ولا مع نفسنا ولا مع اهلنا ولا حتى مع المجتمع فدا الغلط بعينه ومش دا الأدب خاااااااااااااااالص

نفس الموضوع في الجواز .. ييجي الولد أو البنت يتجوزوا بعد حياة مليئة أو عديمة الهلس يقولك الناس بتعمل إيه عشان يتجوزوا ؟ أه عند سن معين يحدده المجتمع .. و بشروط معينة في شريك الحياة برضه يحددها المجتمع .. و كل الناس لازم تتجوز .. طب خلاص علي بركة الله! الفاتحة!

لأ فييييين الكلام دا الكلاااااام دا انقرض من زماااااااان دا حتى انقرض من ايام الجاهلية اه هو رجع فى عصوووووور ما بس فى ايامنا كل واحد بيختار شريك حياته وكل واحد بيحدد امتى حسب مقدرته "من استطاع منكم الباءة فليتزوج "

مين فينا مبيحبش الأفلام الرومانسية ؟ أهو ده خلق برضه شخصيات متناقضة بتقعد تقول ده ميصحش و مع ذلك تقعد تستني فيلم روميو و جوليت أو تيتانيك لو بيتعرض في التليفزيون!

بص حضرتك افلام الورمانسية دى زى ماقلت أفلااااااااااااام مش واقع الواقع غير الخياااااااال ومفيهاش حاجة يعنى لما تعيييش رومانسيتك فى النووووووور دا حتى علشان لو حد اتكلم معااااك تدب صوابعك فى عين التخييييييين ههههههه او زى مابيقولوا

لو فيه ناس مرتبطة و علاقتهم كويسة ببعض مفيهاش أي شئ يعاب و هم شخصيات ناضجة و عارفين إيه الصح و الغلط .. يبقي فين العيب ؟

برضه كويسة مؤدبه كلمتين مترادفتين يعنى فى النوور مش فى الخباثة يعنى بس الصحاب والحبيبة اللى زيهم هما بس اللى عارفين انى علااان لفلانة ودووووول ولا روميو وجوليت ودوول خلاص هيتجوزوا وفى الاخر ولا هما بيتنيلواااااااا

نا بتكلم عن اللي بيحصل من فضلكم محدش يقولي أصل الدين بيقول و الشرع بيقول .. انا بتكلم عن الوضع الحالي .

طب ما هو دا الوضع الحالى اننا لازم نمشى باعم حسب الفطرة من جواااااااك كده انت راضى على اللى بيحصل دااااااااا انت راضى انك ماشى فى شارع تتفاجىء بواحد وواحدة ورا السوووووووور ما الوضع الحالى دا وحششششششششششش جداااااااااااااااوخطر احنا كده نخاف ندبس اقصد نرتبط فاهمنى

و محدش برضه يقولي الباب و الشباك و الدولاب ! لو كل واحد هيبقي مفروض عليه يخطب واحدة عشان معجب بيها (مع متطلبات الخطوبة حالياَ و شبكة مش عارف إيه و لازم مرتب كام) يبقي إنت كدة بتعمل رعب للشباب عالفاضي .. و طبعاَ مش هينفع أروح لواحد أقوله انا معجب ببنتك بس مش هخطبها!

هههههههههه طب دى نقطة تانية فى الاهل بقى اللى هى المغالاة فى المهر ودى محتاجة قعدة تانية وبرده الرسوووووول نهى عنها زى مانهاااك عن دا نهى الاهل عن دا علشاان الكووون يتصلح حاله ودا دووور الاهل يعنى يقولك جوز بنتك لذو الدين مش للى معااه فلوووووس !!!!
وبعدييييين في ناس كتيرة بتبقى قراية الفتحة بتبقى بالفاتحة بس او بدبلتيييييين مش حوار يعنى ..

المجتمع لا يسمح بالصراحة !

طب دا كلاااااااااام منطقى ازاى المجتمع لايسمح بالصراحة ماتمشيييش خالص

بس بجد اشكرك على الحوار الممتع

[DeMhA]

كلامك صحيح
وبالمناسبه انا ليا صاحب دايما برضه بيتكلم فى تليفون مع بنت دايما واشتغالات ومبيحبهاش وانا مش من عادتى ادخل فى خصوصيات الناس بس لما لقيته بيقفل التليفون معاها ويشتم فيها قولتله ليه كدا قالى هى بقت حاجه فى حياتى مقدرش اغيرها حاجه اخذت عليها قولتله طيب انت ليك اخت فى سنك قالى اه قلتله طيب لو لقيتها بتكلم اخو البنت الى انت بتكلمها دى تقدر تمنعها فسكت قولتله طبيعى مش هتقلها متكليمهوش وانت بتكلم اخته والى مترضهوش لنفسك مترضهوش لغيرك
وعموما ربنا يهدينا جميعا وشكرا على الموضوع

متفق معااااااااك مليوووووون فالمية فعلا اللى ماترضهوووش لنفسك ماترضهوش لغيرك
منور الموضوع

والله يا جماعة انا بستهيف البنت والولد اللى بالطريقة دى جدا
وهحكلم على واحد هو مش صحبي قوى
المهم الواد دة غاوى بنات وتظبيط وكدة المهم فى مرة كان اتعرف على بنت وكان بيقول عليها ..... المهم لما يكون عايز حد يوصلة ليها لما يكون رايح يقابلها يقول لاصحابة تعالوا ودونى لل..... المهم ربنا حب يخلص حق الناس منة
قرر الخطوبة وبعد كدة الجواز تخيلوا انة يشتم فى وحدة وتكون من نصيبة متخيلين ربنا بينتقم منة ازاى

كفاية ان اصحابة لما يشوفوة يقلولة انت اتجوزت ..... يقلهم خلاص بقى مبقت مراتى

بجد ربنا انتقم منة انتقام وحش جدا

وفعلا الطيبين للطيبات والخابثين للخبيثات

لا حول ولا قوة الا بالله
شكرا للمشاركة الاكثر من رائعة

بنات بقت رخيصة و شباب مش لاقى اللى يوجهه ولا لاقى الطريق الصح , فلا تلوموا هذا و لا ذاك ..

انا خلاص فقدت الامل فى البلد دى و الله , لما بشوف شاب و بنت فى عربية بقول فى سري ربنا يوفقهم , لما اكون فى محاضرة و الاقى واحد وواحدة شغالين , ببعد عنهم و اقول فى سري برده ربنا يوفقهم .

مرة كنت فى الدقى فى شارع هناك لتعليم السواقة كان صاحبي بيتعلم هناك و انا كنت مستنيه مع 2 صحابي و كنا واقفين جمب عربية لانوس و سامعين صوت غريب , لما عرفنا بقي الصوت جاى منين لاقيت شاب ظريف خارج من زجاج العربية بيقولنا ايه يا رجالة واقفين لوحدكم ليه !!!! و البنت اللى كانت معاه عدلت نفسها و اخدت كشكول المحاضرات بتاعها و مشيوا و عادى جدا ..

دى خلاص بقت احوال البلد و ثقافة الناس الى عايشين فيها , و الله اللى عاجبه كده هيلاقى مصر جميلة جدا و اللى مش عاجبه يهاجر لعل و عسي يعيش الحياة اللى فى دماغه ..

لا حول ولا قوة إلا بالله بجد ربنا يستر علينا ويعافينا
اشكرك ياباشا على مشاركتك

بجد هما يستاهلوا كل اللى يجرالهم واى واحده شر..... تستاهل اى حاجه تحصلها عشان دى بنات تستاهل الحرق وانا شايف ان الغلط كله عندهم وهما بيفرحوا على فكره لما حد يتكلم عليهم وانا بصراحه مش عارف اخد راحتى هنا عشان كل ماتكلم فى موضوع اتوقف فبلاش تعصبونى بالكلام ده

لا ياباشا خد راحتك ومش هنعصبك تانى اخر مرة

[DeMhA]

ياشباب
نرجع تانى نقول من الأول
مفيش حاجة اسمها صداقة بين ولد وبنت، لإن بعد كده الموضوع بيكبر ويبقى علاقة ما بين الولد والبنت ، وبعد كده الموضوع بيكبر ويقلب بمشاكل كتيرة ومنها السمعة .

اتفق معااااااااك مليووووون فى المية

الموضوع محتاج درجة عاليه من ضبط النفس و التقوى

اتفق معااااااااك مليووووون فى المية


اشكركم على مروركم الكرييييييييييم

[totaa]

الموضوع بالفعل هام والكل كتب فيه من وجهة نظره الشخصية

أو عن بناء عن تجربة أو حالة شاهدها أو قصة سمعها

هناك أسباب من وجهة نظري تكون سببا فى ذلك :ـ

الحالة الإقتصادية .. خلت بعض الأهالي يغفلون عن متابعة بناتهم بحجة إن دي وسيلة للتعارف والبنت الشاطرة اللى تجيب رجله والكلام المتخلف ده

الفراغ ...تلك الثغرة التى دخل منها الشيطان بكل قوته وافسد حياة الكثيرين فبدل ما نشغل وقت الفراغ فى شىء مفيد شغلناها بالحوارات الكاذبة والخداع واللعب بالكلام والضحك على بنات أو ولاد الناس

قلة الواعظ الديني ... جعل باب الله آخر باب نطرقه فى كل مشكلة تواجهنا وبدأنا نطرق ابوابا أخرى لأناس قد يكونوا
بالفعل ملائكة أو شياطين ترتدي اقنعة ملائكية
ونتواااااااااااااااااااااااااااااااااااااااااكل ونتكاااااااااااااسل ونعتمد على أقصر واسهل الحلول لحل مشاكلنا

أحلام اليقظة... تلك الحقنة المخدرة التى يدمنها المراهقين
والعاطلين وضعاف النفوس والمغيبين عن واقعهم والرغبة
فى التملص من ضغوط الحياة بدلا من مواجهتها

لكن ليا أسئلة كتير جدا هنا
ليه بتحتاج البنت لاى انسان غريب عنها يسمعها

ليه بيحتاج الشاب لقصة حب وهمية يعيشها عشان بس يقضى وقت فراغه وتتضيع للوقت

ليه الأهالى بقوا بيشوفوا الغلط وبيسكتوا أو بيعملوا مش شايفين

لامتى هتفضل النظرة الازدواجية فى حياتنا نقبل الشىء على الاخرين لكن مش ممكن نقبله على انفسنا..؟؟؟

حاسبواااااااااااااا أنفسكم قبل أن تحاسبواااااااااااااااا

وللجميع منى فائق الاحترام وخالص التحايا

[أشرف العدوي]

حاسبواااااااااااااا أنفسكم قبل أن تحاسبواااااااااااااااا

+1000000000000000

[viper911s]

و اللة مش عارف اقول اية انا بالنسبالى شاب زى اى شاب كنت فى المرحلة دة من فترة قريبة انى اعرف بنات واخرج واروح والكلام دة
بس يعنى كان واحد صحبى بيتكلم معايا فى المواضيع دى وقلتلة واللة انا بقيت خايف اخلف بنات بسبب الى عملتة قالى طب خلاص بطل وقمت فى اليوم دة قررت انى اقطع اى معرفة بأى حد ودعيت ربنا يرزقنى بالزوجة الصالحة وبحاول استغفر ربنا على الى حصل قبل كدة والحمد اللة ربنا رزقنى ببنت الحلال الى اهلى كلمتهم عليها واهلها عرفوا اننا فى فترة ارتباط مؤقت لحين اتمام مصاريف الخطوبة انشاء اللة فا بقول يعنى بجد يا شباب مش هتكسب حاجة من التعارف والى بيحصل دة غير تأنيب الضمير بعد فوات الاوان دى مش فهلوة ولا شطارة
اقول بعض الاسباب فى رئى
البنات لبسها مستفز جدا بشكل غريب اوى
الشاب طبيعى مبيقدرش يتجوز لاسباب الى كلنا عرفينها
مغالاة الاهل الطلبات الكتييييييييييييييييييييييييييييييييييييييييير اوى لالا من رحم ربى
بخلاف ان اغلب البنات بقا عندهم اقتناع انها هى الى هتصتاد العريس
واللة العظيم انا كنت اعرف بنات كانت بتقولى انا كدة كدة عارفة انك مش هتتجوزنى بس انت كنت عاجبنى وعايزة ابقا معاك ولا مكنتش جيت معاك سكة من الاول بخلاف الى تلاقيها امها بتدى دروس فى جامع ومنقبة لما كنت بتكلم مع اصحابى كنت ديما بقول انا اكيد هتجوز بنت مش تمام ماهو مستحيل ربنا هيسبنى بس الحمد اللة ربنا قبل توبتى بجد لان الطريق دة شيطان كبير اوقات كتير الشيطان بيبقى عايز يرجعنى تانى بس الحمد اللة
طولت عليكم بس بجد اتقوا اللة مش هتكسب حاجة غير الندم بعد سنين طوال ووقتها مش هيفيد بحاجة
وللبنات خلى نفسك غالية عليكى علشان بصراحة انا شايف ان البس دة ملوش غير معنى واحد بتبلغيةللشباب الى عايز يمشى (انا اهو قدامك اعجبك حاول وانا هشوف )بس

وشكرا لصاحب الموضوع

[MoToRiZeR]

انا اللي بشكرك علي أسلوبك الراقي .. تحياتي

[amir_ezzat]

الخصلاصه :
الراجل بيحب ان يكون اول واحد فى حياه البنت
البنت تحب تكون اخر واحده فى حياه الرجل

[M.almaghraby]

مجتمع متناقض و مريض