.....منطق العبيد.....

[أشرف فتحى]

التعريف بمنطق العبيد......

هو فلسفه التفكير بمنطقيه العبيد فى مواجهه تجبر واستفزاز اصحاب العمل ورئيسك المباشر...

بمعنى.....

عندما تتعرض لموقف تصطدم فيه اعصابك بقرار لا يمكن ان يكون منطقى او فى مصلحه العمل او مصلحتك الشخصيه وهى مايهمنا فى هذا الطرح ....

او عندما تتعرض لتجبر صاحب العمل واستخدامه لحقوق منعك عن العمل واستبدالك بأخر وما شابه...وعندما تتعرض للتهديد بالفصل عن العمل والخروج لسوق العمل للوقوف فى صفوف العاطلين والباحثين عن العمل فى مناخ يعامل فيه الباحث عن وظيفه معامله المتسول للوظيفه.....

وعندما تتعرض لخصومات او استقطاعات من مرتبك قد تؤثر عليك ماديا او معنويا.....


فيكون رد فعلك هجومى... ثورى.... بدافع من كرامتك وعزه نفس مازالت باقيه .....

أقول من وجهه نظر تكونت من خبره حوالى 14 عاما فى سوق العمل بمهن ووظائف مختلفه...

إنه على الرغم من مخالفه هذا المنطق لأبسط الحقوق الدنيويه......حق الحريه ...والتعبير عن الرأى.....والمعامله الكريمه.....

إن افضل الاساليب فى التعامل مع اصحاب العمل والرؤساء المتنمرين هو....

منطق العبيد والوان الحرباء....

يتلخص منطق العبيد فى استخدام وسيله حمايه مثل الوسائل المستخدمه فى الدوائر الكهربيه فيما يعرف بالمنصهر (الفيوز) تجنب المستخدم إحتراق الدائره الكهربيه والمقصود من تشبيهنا هو عدم وصول الفرد لذروه الانفعال مما قد يؤدى الى رد فعل قد لا يحمد عقباه او رد فعل متهور ومتسرع او فى حاله التمكن من كتم الانفعال الى امراض العصر من ضغط وسكر وما شابه .....

هنا نستخدم وسيله الحمايه وهى عباره عن ...منطق العبيد...وهو إجهاض للإنفعال من خلال ترسيخ مبدأ انك مأجور ولست صاحب عمل...وأنك فى مطلق الاحوال لست بسيد وانما عبد ....وانك مهما بلغت من علو شأن فانت خاضع رغبات من هو اعلى منك رتبه ...وذلك ان الله قد خلقنا درجات وطبقات فيما بيننا....فكما خلقنا الله بيض وسود...وأغنياء وفقراء...وأذكياء ودون ذلك....

كذلك الدرجات فى الدنيا.......كذلك حالك فى عملك...أنت مرؤس وتابع لفكر من هم فوقك...مهما وصل بك المنصب وعلو الشأن.....

حتى لو كنت وزيرا فانت خاضع لسياسه وزاره يرئسها رئيس وزراء ولو كنت رئيس وزراء فانت ملتزم بخطه وتمويل يعتمدها مجلس الشعب والحزب الحاكم.....


من هنا نجد ان الموضوع سهل التنفيذ...فعلى الرغم من إقتناعك بعدم جدوى الاجراء المطلوب تنفيذه....أو إقتناعك بجهل وقله خبره رئيسك فى العمل...ومعرفتك بان هذا الاجراء هو خطوه فى طريق فشل المهمه الكبرى......فعليك استخدام منطق العبيد عند هذه النقطه....

توقف ....لا تفكر...بل نفذ فقط...مع الاخذ فى الاعتبار ان تتحوط بما يلزم لإلقاء اللوم على رئيسك حال فشل المهمه....وعدم إلقاء اللوم عليك.......

إذن فمنطق العبيد يستلزم إقترانه بما يعرف بميكانيكيه الوان الحرباء...وهى الوسيله الدفاعيه الوحيده المسموح باستخدامها حال استخدام منطق العبيد.....إذ ان منطق العبيد منطق سلبى....محايد....ومن متطلباته الخضوع والخنوع لرغبات الاعلى رتبه...إذن لابد من المكر والدهاء فى التعامل.....فى حدود إستخدام الحد الادنى من المجهود العصبى .....


حال استخدامك لمنطق العبيد سوف تجد ان كل شئ قد وضع موضعه الصحيح.....

أنه لا يوجد مشاكل من اى نوع...وستتحسن علاقتك برئيسك فى العمل...وستكون موضع مدح من أصحاب المال ....فليس افضل من العبد المطيع ولو كان لصا.....فى عين مالكيه....

وكما لا يخلوا نظام او نظريه من عيوب فكذلك الحال مع وجه النظر هذه...إذ انها سلبيه للغايه...وغير محفزه او فعاله حال محاوله التنميه...لكن هكذا الحال الان فى بلدنا الجميله....صاحب العمل يرى ان يضع ثقته فى اشخاص معينين ويترك الدنيا وما فيها لهم ليتفرغ للتمتع بماله ومكاسبه....

وبحسن التطبيق تتفادى الصدام والمشاكل النفسيه والصحيه الناتجه عن ضغوط العمل والمشاكل المتعلقه به....


ما سبق هو وجهه نظر شخصيه ..تحتمل الخطأ والصواب وهى مطروحه للمناقشه ......ولكل الحق فى قبولها او رفضها دون الاساءه لصاحب وجهه النظر او لأى أحد....


تحياتى...
أشرف فتحى

[AHMEDCAR]

فى ايه يا حاج اشرف قلقتنى عليك

انا سهران معاك لحد الساعه 3 و كانت الدنيا بيس فى حاجه ولا ايه

[Rembrandt]

كلمة العبيد هنا تحمل مدلول أجتماعى قهرى صريح غير مستحب كنت ممكن تستبدلها بكلمة البروتاريا هى الوصف الحقيقى السليم للحدث والجماعة المسماة بلعبيد, لان من الواضح انة الصراع الازلى ما بين طبقة العمال الكادحة مبختلف مسمياتها الوظيفية وطبقة البرجوازية المتحكمة فى رأس المال يعنى مفيش جديد وكارل ماركس لية كتب مسلسة فى هذة الجزئية نصيحة أقرا كتاب الدلكتيك ورأس المال لكارل ماركس فية الحل والخلاص لمشكلتك,,

[أشرف فتحى]

فى ايه يا حاج اشرف قلقتنى عليك

انا سهران معاك لحد الساعه 3 و كانت الدنيا بيس فى حاجه ولا ايه

يا ابو حميد ماتقلقش...الدنيا مازالت بييس.....وكله تحت السيطره...بس كلمتين فضفضه مع إخواتى.......

بييس يا مان.......

[أشرف فتحى]

كلمة العبيد هنا تحمل مدلول أجتماعى قهرى صريح غير مستحب كنت ممكن تستبدلها بكلمة البروتاريا هى الوصف الحقيقى السليم للحدث والجماعة المسماة بلعبيد, لان من الواضح انة الصراع الازلى ما بين طبقة العمال الكادحة مبختلف مسمياتها الوظيفية وطبقة البرجوازية المتحكمة فى رأس المال يعنى مفيش جديد وكارل ماركس لية كتب مسلسة فى هذة الجزئية نصيحة أقرا كتاب الدلكتيك ورأس المال لكارل ماركس فية الحل والخلاص لمشكلتك,,

مصطلحات البروتاريا والبرجوازيه والفكر الاشتراكى والشيوعى والراسمالى وماركس شخصيا لا يستطيعون حل مشكلتى...لانى ببساطه...معنديش مشكله......

كل الحكايه ...وجهه نظر وكما قلت قد تحتمل الصواب والخطأ وليست مشكله تحتاج الحل والخلاص.....بل طريقه للتحايل على الضغط النفسى .......ووسيله للتعايش مع الامر الواقع.....


أشكر لك اهتمامك ومشاركتك..........

[Rembrandt]

انت دماغك راحت لبعيد أوى دى كانت مداعبة يا أستاذ أشرف شايفك متأثر أوى قولت أخرجك شوية من المود دة, ربنا يكرم كدة ويصلح الحال ان شاء الله

[أشرف فتحى]

انت دماغك راحت لبعيد أوى دى كانت مداعبة يا أستاذ أشرف شايفك متأثر أوى قولت أخرجك شوية من المود دة, ربنا يكرم كدة ويصلح الحال ان شاء الله

أشكرك وأقدر إهتمامك........

[holiel]

شوف يا اشرف الموضوع ده انا اتلسعت منه كتير ولكن كنت اولا ناقول رايى اللى مقتنع بية وبعدين بانفذ المطوب بنظام اربط الحمار مكان مايعوز الحمار التانى وطبعا بتفشل العملية كلها

[lonedoctor]

موضوع جميل يشكر صاحبه عليه ويدل على ارتفاع المستوى الثقافى لاعضاء المنتدى(منتدى محترم بجد)
والحقيقة هذا الموضوع مؤثر جدا فى حياة اى انسان ومن فترة بسيطة تعرضت فى عملى لموقف متطابق تماما لما ذكرت وكنت فى حيرة وصراع نفسى بين الكرامة والاحساس بالذات والاستقالة
او التراجع والبقاء فى الظل ةتنفيذ الاوامر بالرغم من اقتناعى تماما من عدم جدواها وسذاجة صاحبها (رئيس العمل بالطبع)
ولكن فى النهاية اخذت اجراءات احترازية
1)البحث عن عمل اخر والانتقال اليه فى حالة الموافقة
2)النقل الى مكان اخر بعيد عن الاحتكاك المباشر تفاديا للانفجار الذى ممكن ان يحدث فى اى وقت حال التصادم وانا واثق انه سيحدث لا محالة
3)الثقة واليقين فيما عند الله فما من دابة الا عند الله رزقها ويعلم مستقرها ومستودعها وهذا هو السبب الوحيد الذى جعلنى ارتاح نفسيا ولولا ذلك لتركت العمل ورحلت
وفى النهاية المؤمن كيس فطن والاجابة على السؤال ان يحاول الانسان ان يجمع بين المصالح المشتركة دون مهانة او مذلة للنفس

[ahmed4000]

للاسف ساعات حتى منطق العبيد والسلام او الاستسلام مبينفعش
لانهم سورى -حيركبوك- وحتلاقيك فى كل حاجة بيجوا عليك انت

"مهو غلبان ومبيتكلمش"

الافضل انك تناوش او تبين اعتراضك بشكل بسيط وتستغل وقت انت عامل فيه شغل كويس علشان تعرض مطالبك

لو انت خبرة ومكانتك مهمة فى المكان وبيعتمدوا عليك اعتماد كبير

يبقى اعترض بقلب جامد ولحاجتهم اليك حيضطروا يرضخوا شوية

بس خلى بالك متزودهاش ياما حتترمى بره

[Imhotep]

احييك يا ا/اشرف على الصياغة الممتازة لهذه النظرية التى ولت انا ايضا الى قناعة بها لكن بعد كثير من مناطحات و مواجهات لم تؤدى الى نتائج ايجابية بل على العكس...... انا وصلت لنفس نتايج نظربتك لكن من ناحية تانية و بمسميات مختلفة..... نظرا لان منطق "العبيد" بل و كلمة العبيد نفسها مؤذية نفسيا، لذلك انا خدت الموضوع بطريق موضوعية وهى التركيز على موضوع الخلاف وهو "الشغل"...... يعنى دائما ما يثور الخلاف حول شئ معين فى الشغل او "طريقة" معينة لاداء او تحقيق هذف معين مع التساؤل و الجدل حول جدوى هذا الموضوع من الاساس...... ومن هنا وصل العبد لله الى نفس نتائجك فى النظرية العبدية لكن من approach مختلف...... اما النتيجة التى توصلت انا اليها و وصلتنى الى نفس الهدف الذى كنت تسعى انت اليه وهو الراحة النفسية من الضغوط التى تسببها الصدامات فى العمل بسبب الخلاف حوله...... فهى نظرية "يكش تولع"...... اى نعم ببساطة يكش تولع...... يعنى انتو عايزين ايه م الاخر...... حاضر نعمله...... بس كده...... اما بقى الغرض و الفائدة و الجدوى وكل هذه التساؤلات التى يثيرها من يقوم بتشغيل دماغه فلا داعى لها اطلاقا..... ومن يطلب شئ معين فمؤكد يعلم الحكمة منه و الفائدة التى تعود منه...... و على ايه الواحد يوجع دماغه و يهريها تفكير..... ما دام ده هيدخله فى مشاكل لا داعى لها.....
الميزة الجوهرية فى نظرية يكش تولع هى تلك الراحة النفسية التى تصل اليها وعن طريقها تقوم بتحييد كل مخاوفك..... يعنى كل الامور بتبقى زى بعضها و تتساوى الاشياء فى لون رمادى ضبابى جميل يغلف حياتك ووجودك و كيانك فى العمل..... كل الامور بتبقى flat بطريقة لطيفة جدا...... و لا تعود تهتم بما تؤول ايه الامور..... و تجد نفسك تواجه اقصى مخاوفك ببرود لذيذ..... و الاهم تجد نفسك تقوم بتحييد كل الاسلحة التى تخشى من اعدائك ان يهاجموك بها مثل الخوف من الفصل او التأثير على مشتقات المرتب من حوافز و خلافه...... كتيرها ايه يعنى ...... هيعملوا ايه يعنى..... اخرهم ايه يعنى..... وهنا تكتمل التورتة بحبة الكريز الجميلة على قمتها..... كلمة "طز"..... و بيج طز كمان......

[أشرف فتحى]

مشاركات جميله وردود أجمل......

أشكركم جميعا للمشاركه الفعاله والايجابيه فى التفكير......

بالفعل كلام كل اللى شارك سليم......

وبكده يبقى نعمل ميكس بين نظريه منطق العبيد ونظريه يكش تولع فى ظل ان الواحد ميزودهاش عن حدود المعقول عشان ميبقاش ملطشه واستخدام فطنه وكياسه الشخص المؤمن القانع بقضاء الله وقدره.....

أزود بقى كمان على الكلام اللى فات.....

رئيسك أو صاحب العمل...دائما يبرر قراراته الغير سليمه بانها لهدف لا يعلمه الا الله ثم هو...وأنك مش لازم تعرف كل حاجه.........

بمعنى ان لديهم قناعه بانهم يملكوا ما يعرف هندسيا بمنظور عين الطائر...أى الروئيه من اعلى....

ففى النهايه ...أنت فرد مكلف بمهمه وليس بكل المهام ودورك مقتصر على منطقه نفوذك.....

يعنى الواحد يكون متمكن تماما من دوره ...وفى هذه الحاله ...تتحول الكره الى ملعبك........وتستطيع فرض شروطك والرأى الصح...واحيانا ما يكون هذا بعد خراب مالطه...لكن فى النهايه لا يصح الا الصحيح...والله لا يضيع اجر المحسنيين.....


نلخص...

الغرض من مناقشاتنا الوصول لطريقه تعتبر وسيله وقايه من الاثار النفسيه المترتبه على الصدام فى العمل مع رئيس او صاحب عمل.......

هنا ....يطرح سؤال نفسه....

هل يمكن الفصل بين حالتك النفسيه فى العمل وحالتك حين العوده للمنزل؟!

بمعنى ...هل يمكنك عدم التأثر بمشاكل العمل بمجرد خروجك من باب المكتب ....أم تصاحبك مشاكل وهموم العمل للمنزل وتطاردك حتى فى احلامك......

طب اللى فى البيت زنبهم أيه؟!!!!!!

منتظر أراءكم السديده......

[amado ibrahim]

يا شباب انا شايف ان الموضوع ابسط من كده
لان كل شخص فى موقع قيادة بيمارس نوع من الديكتاتورية بشكل او اخر
- علشان الامور م تفلتش منه (العالم ديه (اللى هو احنا) محتاجة شدة)
-كنوع من تفريغ التوتر و العصبية المفروضة عليه من ضغوط العمل , القيادات العليا والحكومة كمان
- واخيرا وده النوع اللى يهمنا النوع اللى بيفرض اوامر كنوع من الاستمتاع بوجود من يطيعه بلا نقاش (عقد نفسية ومركبات نقص بعيد عنكم وربنا يكفينا السوء)

المهم فى تعاملك مع الافراد التلاتة
لو ليك راى مخالف قوله لكن بلباقة لأن ربنا سبحانه وتعالى يقول{وَقُل لِّعِبَادِي يَقُولُوا الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ} [الإسراء: 53)
يعنى ايه
يعنى عايز تقول راى مخالف قوله رايك صواب لكن .........
وقول ياعم اللى انته عايزه بهدوء
يا راجل الامام الشافعى كان بيقول( رأي صواب يحتمل الخطأ،ورأي غيري خطأ يحتمل الصواب )
اخد بكلامك كان بها مخدش بكلامك يبقى انت عملت اللى عليك
وليك فى انبياء الله اسوة حسنة (( فَتَوَلَّى عَنْهُمْ وَقَالَ يَا قَوْمِ لَقَدْ أَبْلَغْتُكُمْ رِسَالَةَ رَبِّي وَنَصَحْتُ لَكُمْ وَلَكِنْ لا تُحِبُّونَ النَّاصِحِينَ )) (لأعراف:79)
وكده اخر اليوم تروح و ضميرك مرتاح لاننا فى الاول و الاخر بنعامل الله عز وجل

[أشرف فتحى]

يا شباب انا شايف ان الموضوع ابسط من كده
لان كل شخص فى موقع قيادة بيمارس نوع من الديكتاتورية بشكل او اخر
- علشان الامور م تفلتش منه (العالم ديه (اللى هو احنا) محتاجة شدة)
-كنوع من تفريغ التوتر و العصبية المفروضة عليه من ضغوط العمل , القيادات العليا والحكومة كمان
- واخيرا وده النوع اللى يهمنا النوع اللى بيفرض اوامر كنوع من الاستمتاع بوجود من يطيعه بلا نقاش (عقد نفسية ومركبات نقص بعيد عنكم وربنا يكفينا السوء)

المهم فى تعاملك مع الافراد التلاتة
لو ليك راى مخالف قوله لكن بلباقة لأن ربنا سبحانه وتعالى يقول{وَقُل لِّعِبَادِي يَقُولُوا الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ} [الإسراء: 53)
يعنى ايه
يعنى عايز تقول راى مخالف قوله رايك صواب لكن .........
وقول ياعم اللى انته عايزه بهدوء
يا راجل الامام الشافعى كان بيقول( رأي صواب يحتمل الخطأ،ورأي غيري خطأ يحتمل الصواب )
اخد بكلامك كان بها مخدش بكلامك يبقى انت عملت اللى عليك
وليك فى انبياء الله اسوة حسنة (( فَتَوَلَّى عَنْهُمْ وَقَالَ يَا قَوْمِ لَقَدْ أَبْلَغْتُكُمْ رِسَالَةَ رَبِّي وَنَصَحْتُ لَكُمْ وَلَكِنْ لا تُحِبُّونَ النَّاصِحِينَ )) (لأعراف:79)
وكده اخر اليوم تروح و ضميرك مرتاح لاننا فى الاول و الاخر بنعامل الله عز وجل

كلام لا غبار عليه........

لكن مسأله الضمير مسأله مفروغ منها وده لأننا إفترضنا ضمنيا اننا كلنا بنتق الله فى عملنا لانه معروض على الله ورسوله وسنحاسب عليه.......

المسأله هنا إزاى تجنب نفسك الضغط العصبى الناتج عن دكتاتوريه او عدم منطقيه القرار......

وزودنا عليه كمان إزاى اروح بيتى من غير ما أنقل معايا هموم الشغل...

[human]

كلمة العبيد هنا تحمل مدلول أجتماعى قهرى صريح غير مستحب كنت ممكن تستبدلها بكلمة البروتاريا هى الوصف الحقيقى السليم للحدث والجماعة المسماة بلعبيد, لان من الواضح انة الصراع الازلى ما بين طبقة العمال الكادحة مبختلف مسمياتها الوظيفية وطبقة البرجوازية المتحكمة فى رأس المال يعنى مفيش جديد وكارل ماركس لية كتب مسلسة فى هذة الجزئية نصيحة أقرا كتاب الدلكتيك ورأس المال لكارل ماركس فية الحل والخلاص لمشكلتك,,

الكوميدى ان العالم اللى انقلبت على الشيوعيه و بعد الانسحاق الكاسح برغم النجاح الباهر فى الصين و كوبا
نجد الحزب اليسارى فى بولندا رجع تانى و الشعب اختاره
و معظم احزاب يسار الوسط هما مسيطرين فى اوروبا بطريقه مثيره للاهتمام حيث قام الناس من تلقاء انفسهم بنبذ الراسماليه الكاسحه نحو مجتمع شبه يسارى حيث الحكومه تصبح مهتمه اكثر بالمواطن و ده مش هيحصل فى مجتمع جشعه الاساسى راسمالى
ولكن الكيانات الكبيره الرأسماليه هيه اللى بتقدر تدر مبلغ محترم للدوله من خلال اجور و ضرايب تقدر بيه تنفذ مشروعات للشعب فى باطنها تفكير يسارى