الي الاعضاء مالكي موبايل k300الصيني

[ahmdmagdy]

انا كنت عاوز اشتري موبايل k300 الصيني كنت عاوز اعرف مميزاته فكتبت في الجوجل k300لقيت موضوع غريب عن التليفون انه مابيكتيش كلمه محمد فياريت اللي عنده الموبايل يقول الكلام ده صح و لا غلط و اسيبكم مع الموضوع و هو منقول

سأكتب اسمك يا حبيبى بدمى ....(احذروا جوال k300 الصينى)
هتعمل ايه لو عرفت ان فيه ناس عاوزين يمحوا اسم رسول الله وحبيبه محمد ؟؟؟؟؟
قبل ما اقولك ازاى حصل عاوزاك تقولى هتحس بايه لو عرفت كدة؟؟؟
ليه بيعملوا كده؟؟ ليه الحقد والغل اللى فى القلوب؟؟
مش هقدر أقول غير حسبنا الله ونعم الوكيل
الموضوع يا شباب أمة سيدنا محمد
انا لسه جايبه موبايل صينى الصنع اسمه كيه 300 اكيد فيه ناس منكم عارفاه
الموبايل ده مبرمج انه مايكتبش اسم الحبيب المصطفى محمد
بيكتب محم وتيجى تكتب الدال يترسم مربع
بصيت فى كل محمد كانت مكتوبة فى الموبايل لقيتها اتحولت لمربع
مثلا صورة اسمها سيدنا محمد اتحولت الى سيدنا ومرسوم جنبها مربع
محمد رسول الله اتحولت الى مربع رسول الله
دمكم بيغلى زى دلوقتى ولا لأ؟؟؟
كل اللى عاوزة اقولة
احنا لازم نعمل حاجة كل واحد جايب عدة صينية الصنع يجرب
كل اللى جايب كيه 300
يجرب يكتب عليها محمد
ولو لقيتوا الكلام صح متسكتوش طبعا قولوا لكل اللى تعرفوهم قولوا لأهلكم وقاريبكم وأصحابكم وكل اللى
حواليكم انشروها عن طريق النت والفاس بوك خلوا الشيوخ فى الجوامع تخطب عرفوا كل الناس اللى مش
عارفةاعملوا حاجة أى حاجة المهم ماتفضلشى قاعد ساكت وكأن مفيش حاجة
فاضل ايه تانى لما هما مش عاوزين اسمه ما يتكتبش فى الموبايل الشخصى بتاعك
فاضل ايه ؟؟؟ دول عاوزينا ننساه عاوزنا نعتبره مربع
استغفر الله العظيم وأتوب اليه
انا عارفة ان فيه ناس مش هيمها الكلام ده بس بقولهم ان الرسول الكريم قال انحنا خير أمة
رسولنا العظيم اللى اتعذب من الكافرين كتير وكان يقذف بالحجارة من قبل أطفال قريش
وكان يرمى عليه القاذورات وهاجر من مكة من كثرة التعذيب عليه وعلى المؤمنين عشانك انت
ايوة عشانك عشان انتى تبقى مسلم عشان يوصلك الاسلام عشان تنجو من نالر جهنم
وبئس المصير ودلوقتى مش عارف حتى تبلغ اهلك اوحتى واحد من اصحابك
عاوزين نقاطع الموبايل ده وكل العدد الصينى التانية اللى نلاقيها زية
المقاطعة المقاطعة
انشالله نقاطع الصين نفسها انا مش شايفة انها حاجة هينة ابدا ولا ايه؟؟؟
فداك روحى ودمى واهلى ومالى وكل ما املك يا حبيبى يا اشرف خلق الرحمن يا محمد
سنكتب جميعا اسمك الكريم بدمائنا لو لزم الامر ذلك
ان الله قادر على ان ينصر رسوله
الله كفيل بهم وقادر ان يمحوهم ويبيدهم
لكن لازم نعمل احنا حاجة هتقابله ازاى يوم القيامة هتقوله معرفتش اعمل حاجة؟؟
ترجموها بكل اللغات وانشروها
اللهم انصر نبيك محمد
اللهم انى اخلص هذه الكلمات لمرضاة وجهك الكريم

[sobhysm]

أنا كمان عايز موبايل كيه 300 صينى بس أنا فيه واحد صاحبى معاة الموبايل دة ما عندوش المشكلة ديه وهو زى الفل معاة ومبسوط بيه أوى

[medo_2060]

دا اكيد اشاعه والله اعلم انا معايا k900 مفيش فيه الكلام دا

[TheInfernal]

يمكن لما بيحاول يحط الشدّة في حرف الميم بيبوظ الحرف اللي بعديه. واضح أوي يعني ان ده عيب في الموبايل مش حاجة مقصودة.

عموما أنا منصحكش تجيب موبايل صيني خالص. هات ماركة محترمة. الصيني زي البطيخة ممكن يطلع قرعة و يتعبك حتى لو ليه ضمان. الكاميرا فيه زي الزفت. يكتبولك 2 ميجا و هي 0.3, ده غير انها منغمشة و ألوانها بايظة. و بيحطولك كاميرا في الوش ملهاش لازمة غير انك تفتكر انه 3g و هو طبعا مش 3g. و التليفزيون اللي بييجي معاه ملهوش لازمة لأن اشارته وحشة جدا و بياكل البطارية. الشاشة حجمها كبير و لكن نقاءها سئ.

هات سوني اريكسون k770 ب870. شاشته صغيرة بس بنفس عدد النقط في الn73 و الn95. صوته كويس. كاميرته 3.2 و بتصور في مستوى الn73 (بس الفيديو مش حلو). صوته نقي و عالي.

[medo2100]

انا معا k300 و مفيهوش المشكله دى