مشكلة ايجار قديم. ياريت حد ينجدني

[joeyjeff77]

والدي يملك منزل و ماجر شققه ايجار قديم و انا كنت مسافر . احدى الشقق .كان ساكن فيها راجل طيب بمفرده و مراته وواولاده عايشين مع جدهم . المهم الراجل ده اتوفى و الله يرحمه كان طيب. فمراته و ابنه و بنته جم في الشقه . و اخدوا وصل الايجار من والدي و لما رجعت من السفر اكتشفت ان والدي ادهم اكتر من 7 وصلات ايجار لكذا شهر!!!!و هما مش قاعدين. الابن بس الي قاعد و ناوي يتجوز فيها و انا عايز الشقه ايه العمل!!!!!!!!!!!! ي

[Samah AbdAllah]

حضرتك لو تاريخ وفاة الاب قبل 2002 من حق الابن يورث الشقة وابنه كمان من بعده
لكن لو بعد 2002 لا يطبق عليه قانون ايرث الشقة

[joeyjeff77]

حضرتك العقد كان باسم المتوفي و هو ابنه!!!

[nabaster]

والدي يملك منزل و ماجر شققه ايجار قديم و انا كنت مسافر . احدى الشقق .كان ساكن فيها راجل بمفرده و مراته وواولاده عايشين مع جدهم. المهم الراجل ده اتوفى و الله يرحمه كان طيب. فمراته و ابنه و بنته جم في الشقه . و اخدوا وصل الايجار من والدي و لما رجعت من السفر اكتشفت ان والدي ادهم اكتر من 7 وصلات ايجار لكذا شهر!!!!و هما مش قاعدين. الابن بس الي قاعد و ناوي يتجوز فيها و انا عايز الشقه ايه العمل!!!!!!!!!!!! ي

قانونا الشقه من حق ابنه حتي من غير وصلات ببساطه هيديك ايجار الشهر ويقولك هات الوصل

خصوصا ان اكيد ايجارها مش حاجه وبسيط جدا

وعلي فكره انا برضه في المشكله دي بس الراجل متوفاش وابنه هيتجوز في الشقه

بس لو اتوفي من حق ابنه بعد ما يموت ابنه بقي فيها كلام ناس تقولك من حقك وناس تاني معارضه

بس انتا شيل خالص الشقه دي من دماغك خصوصا انك بتقول انه هيتجوز فيها فمستحيل يفرط فيها الا لو في دماغه ياخد منك مبلغ حلو ويسبهالك

افتكرت حاجه كمان

صاحبي نفس الموضوع ابوه اتوفي وبرضه شقته ايجار قديم وقاعد في الشقه وهيتجوز فيها برضه

A.Yakout

[joeyjeff77]

ياجدعان الراجل كان عايش لواحده قبل الوفاءة ولا عمرنا شفنا ابنه ده قبل كده!! والدي الي غلط و اداهم ايصلات

[nabaster]

حضرتك لو تاريخ وفاة الاب قبل 2002 من حق الابن يورث الشقة وابنه كمان من بعده
لكن لو بعد 2002 لا يطبق عليه قانون ايرث الشقة

النقطه دي اول مره اعرفها بجد يا بسكوته متاكده؟؟

كده موقف صاحبي قانوني لان ابوه متوفي في 2001

وكده يبقي هترجع لنا شقتنا بعد ما يتوفي الراجل ده ؟؟

وكده كمان الراجل صاحب الموضوع ترجعله شقته برضه لان تقريبا وفاة الراجل الي كان مأجر حديثه مش قبل 2002

ده كده فللي اوي

A.Yakout

[joeyjeff77]

طب اعمل ايه دلوقتي؟؟؟؟؟؟؟؟؟؟؟؟؟

[nabaster]

طب اعمل ايه دلوقتي؟؟؟؟؟؟؟؟؟؟؟؟؟

علي كلام بسكوته تستني الكام ايصال يخلصو انتا بتقول 7 تقريبا

يبقي تننظر 7 شهور

بس انا لسا مش متاكد من الموضوع ده لاني لحد من خمس دقايق كنت فاكر ان شقتنا ضاعت للابد

A.Yakout

[joeyjeff77]

بسكوته اصدها ان الايجار لا يمتد للحفيد . ده قانون 2002 .سما هو ابنه و خذ 7 ايصلات و كل شهر بيدفع بانتظام اعمل ايه. و هو قاعد 6 اشهر في الشقه لغايه دلوقتي

[nabaster]

بسكوته اصدها ان الايجار لا يمتد للحفيد . ده قانون 2002 .سما هو ابنه و خذ 7 ايصلات و كل شهر بيدفع بانتظام اعمل ايه. و هو قاعد 6 اشهر في الشقه لغايه دلوقتي

اقرا كلام بسكوته كويس هتلاقي موضوع حفيده ده تبع ما قبل 2002

الي بعد كده مش بتتورث اصلا

ده كلامها

وبعدين كده فات 6 شهور فاضل يعني شهر مثلا او شهرين

خلاص فل في يوم كده كلمه قوله باقي عندك كام ايصال هيقولك واحد او اتنين مثلا قوله خلاص علشان انا عايز اجيب المحامي بتاعي يعملي بيان علشان استلم شقتي

A.Yakout

[Mohamed.Ramah]

انا ليا سؤال بعد اذنكم علشان اتسالت السؤال دة وعاوز حد يفيدنى فية دلوقتى الشقة باسم الجد تمام الشقة ايجار قديم العيلة كلها عايشة فيها من الاول الجد والابن والاحفاد الجد توفى فى 2009 والاب عايش هل لصاحب العمارة حق انوا يمشى الحفيد بعد وفاة الاب والام ولا صاحب العمارة ملوش حق فى كدة وشكرا

[nabaster]

انا ليا سؤال بعد اذنكم علشان اتسالت السؤال دة وعاوز حد يفيدنى فية دلوقتى الشقة باسم الجد تمام الشقة ايجار قديم الجد توفى فى 2009 والاب عايش هل لصاحب العمارة حق انوا يمشى الحفيد بعد وفاة الاب والام ولا صاحب العمارة ملوش حق فى كدة وشكرا

كده تمام عايز بقي اجابه علي السؤال ده لان انا قلت ان شقتنا في نفس الوضع ده

بس لسا الجد ده متوفاش

ايه الوضع بعد ما يتوفي بقي؟؟؟؟

A.Yakout

[joeyjeff77]

يا ريس هو كان بياخذ كل شهر ايصال. يعني بيدفع الايجار زي اي ساكن. و هو دفع شهر 10 و اخذ ايصاله فهمني!!!

[Samah AbdAllah]

انا متأكدة ان اللى قبل 2002 يورثها الابن والحفيد
والمفروض بعد 2002 لا
بس بكرة اتأكد واقولكوا

[XXXMEMOXXX]

حضرتك لو تاريخ وفاة الاب قبل 2002 من حق الابن يورث الشقة وابنه كمان من بعده
لكن لو بعد 2002 لا يطبق عليه قانون ايرث الشقة

بعد اذنك احنا عايزين تفاصيل اكتر, عشان كده انا اللي ساكن عندي ومطلع عيني
يا رب الكلام دا يكون سليم وبيطبق