الرجاء المساعدة فى شراء لاب توب Acer

[karim fathy]

السلام عليكم
انا كنت عاوز اسال على لاب توب ايسر هل هى كامركة كويس ولا لا يعنى بيستحمل ولا كام شهر ويبدا يبوظ تانى حاجة هو انا ان شاء الله هشترى ايسر extensa 5635z انا عارف ان مواصفات الجهاز هو كامكانيات مش عالى اوى بس انا كل استخدامى نت والعاب وعاوز اعرف هل كارت الشاشة بتاعة معقول ولا مش قوى انا عاوز اعرف عيوب الجهاز دة اية من الناس اللى استخدموة او يعرفو عنة حاجة انا عارف انى طولت عليكو بس ياريت اللى عندة معلومة عنة مايبخلش عليا بيها و شكراااااا

[medo55]

نصيحه ابعد عن acer , معايا ومش مبسوط منه خالص حاسس انه بئى وررررررق وخايف يتفكك في لحظه

وناس كتير في المنتدى هنا اشتكت منه , حاول تشوف hp او توشيبا او sony او dell

[mr_sameh]

بصراحة انا الجهاز بتاعي شغال تمام ومشوفتش منة مشكلة الحمدالله بس لو اشتريت جهاز تاني اك مش هيكون ايسر ممكن اتش بي

[Lion_Heart]

اللى اعرفه ان الــ dell افضل فى الوقت الحالى .

[A.Saad]

ايسر فيه فئتين فيه
واحدة للاستعمال الخفيف
التانية للاستعمال الاعلى

بس طبعا dell اقوى
وابعد عن سيمنز

الاسعار هنا
LAPTOPEGYPT.COM:::لاب توب مصر:::Xp Computer Stores:::EGYPT LAPTOP IN EGYPT::تقسيط

[mxz911]

DELL معاى بقاله حوالى سنتين وداخل ف ال 3 وماشاء الله عليه جهاز جبار فعلا

واحد صحبى جايب لاب توب HP hdx امكانيته خرافه فعلا بروسيسور Core 2 Quad اعلى تكنولوجيا وهارد 1000 جيجا ورامات 6 جيجا و كارت شاشه 1 جيجا مش بلت ان وبيشتكى منه انه الجهاز بيسخن ويولع نار واى حد معاه HP بيقولى الجهاز حريقه نار دايما !!!

نصيحتى ليك خليك ف ال DELL او لو نزلت شويه انزل للتوشيبا

[karim fathy]

شكرااا للاعضاء اللى ردت عليا

[ahmed_khalil]

Acer مافيش اى مشاكل فى ال aspire و دى افضل Series for the home user ماتقلقش منه خالص و هاتلاقى افضل الاسعار فى كومبيومى و سبينس و كارفور انزل و شوف و ابعد عن ال extensa لو عايز dell فيه دل عليه عرض فى سبينس مش فاكر سعره ولا انكانياته بس لمل شفته كان جهاز جامد يعنى من نظرتى فى الاجهزه بامقارنه بسعرها و الماركه و الاجهزه المشابهه

[mxz911]

على فكره aspire مليان مشاكل وانا كنت مع ابن خالتى والله امبارح بيصلح جهازه ال aspire و الراجل اللى بيتصلح عنده الاب توبات قاله اكتر جهاز صحابه بيعانوا منه هو ال |acer وكل شويه دايره الباور بتاعته تبوظ ومره الفانه تقف ( تعلق ) ومره زرار الباور يعلق هو كمان والجهاز مليان عيوب وابن خالتى بيشتم اليوم اللى اشتراه فيه

[bmya]

مع ابن خالتي داخل علي سنه تقريبا وبيطحنه وابنه الصغير بيلعب فيه وشغال معه كويس بس انا بحس انه ضعيف كدهومش بيستحمل

[mr_sameh]

على فكره aspire مليان مشاكل وانا كنت مع ابن خالتى والله امبارح بيصلح جهازه ال aspire و الراجل اللى بيتصلح عنده الاب توبات قاله اكتر جهاز صحابه بيعانوا منه هو ال |acer وكل شويه دايره الباور بتاعته تبوظ ومره الفانه تقف ( تعلق ) ومره زرار الباور يعلق هو كمان والجهاز مليان عيوب وابن خالتى بيشتم اليوم اللى اشتراه فيه

بص ياباشا انا معايا aspire 4730 z زي ما قولت شغال تمام معدل 8 ساعات في اليوم والحمد الله مفيش اي مشاكل ظهرت خالص بس هوا كان جاي ليه هدية من برة يعني مدفعتش فية فلوس اما لو هشتري يبقي ديل او اتش بي او توشيبا

[mxz911]

هو اللى معاه aspire 3020 و كان شغال معاه كويس اول سنه وبعدها خرف بغباااااااااااء يعنى مش خرف ف حاجه واحده مثلا .. كارت الشاشه اول ما جابه كان 128 بقى بقدره قادر 64 ميجا ومش عارفين ايه السبب وجربنا كل انواع الويندوز اللى تنزل عليه وتعريف كارت الشاشه ودايركت X ومفيش خالص .. بعدها دايره الباور اتحرقت والزراير بدأت تتخلع واحد تل والاخر حتى زرار الباور اللى بيشغل منه الجهاز دلوقتى ملحوم بحته بتاعه عشان يشغل الجهاز

والله انا بشوف شكل الجهاز بحس ان حرام فيه الفلوس ..

وفعلا ديل وتوشيبا هما ال توب

[karim fathy]

شكرااا لكل اللى ساهم براية شكلى كدة هبعد عن الايسر وابدا ادور على حاجة ديل تكون كويسة

[freez]

بص انا لفيت كتير يا باشا علشان اجيب لاب
اولا من واقع استخدامى التوشيبا ممتاز جدا وعملى
وبعدين لو حبيت تجيب لاب مش هتشتغل عليه يعنى ترفيه وكده وفى نفس الوقت تكون امكانياته عاليه خليك فى1015 dell vostro
ده جهاز ممتاز فعلا وانا معايا واحد اعلى امكانيات فى الموديل ده
حدد انت عايز امكانيات ايه وهتلاقي فى الموديل ده الامكانيات اللى انت عايزها او اقرب حاجه ليها

[freez]

بص ده سعر الجهاز بالامكانيات دى 3500
2.2 core 2 due cash 2 m
ram 2 G
vga up to 1024
HDD 250
screen 15.4
dvd -rw - reader -bluetooth -wireless
فى شوية تظابيط جامده يعنى
وهتلاقى منه اسود ونبيتى وكحلى
والبطارية بتاعته سيبك من اللى هتلاقية مكتوب و6 ساعات والكلام ده
شغل متواصل على البطارية كبيرها من ساعتين لحد 3
لكن لو شغل متقطع تقعد معاك من 4 لحد 6