مساعده فى الميكانيكا ( هندسه )

[evoo90]

بص ياعم ايفوا بما انى اكبر منك بسنة
اولا متخفش من اللغة بكرة هتتعود عليها وهتفهم كل المسائل
وبعد الاساسات اللى فى بداية الميكانيكا بتبقى رخمة شوية
بس بعد كدة بتلاقيها مادة سهلة ولذيذة جدا

مصطفى انا للأسف المفروض فى تالته بس انا كنت صناعى خمس سنين !!
انا فعلا مستنى الرياضه والميكانيكا لما تدخل فى قوانين والشغل ده اصل كده النيا مغيمه قوى !!

[evoo90]

انا عاوزة اعرف بقا

الطيب احسن ..

[eng.octooo]

لا انا مادرستش هندسة اصلا يا محمد

انا بس بغلس على ايفو عشان يهدى شوية من انفعاله فى الموضوع اياه

ههههههههههههههههه على رأى محمد غزالى هوة انتى عرفتى ههههههههههههههههههه قلبى معاك يا ايفو
فى الميكانيكا والميكافضيحة هههههههههههههههههههههههههههه

[moudy88]

اعدادي سهله ولذيذه ...بس الصعوبه بس في التاقلم على المناهج بالانجليزي بالنسبه للخريجين المدارس العربي (زي كده )

ومنهج الميكانيكا لذيذ ويعتبر اصعب حاجه في اعدادي هي والفيزيا (matrial-electrical )

بس خلي بالك مش دي نوعية الاسئله اللي هتيجي في الامتحان بتاع الميكانيكا ...التقيل لسه جاي قدام ...دي مجرد مقدمه

[ahmed1981]

هذه المسألة أتذكرها من إعدادي
قوة وإتجاه
لابد تحلل القوى في المحاور الرئيسة وتعمل معادلة إتزان

[AhMeD EzZ]

متشكر قوى ياكيمو بجد بس ياريت تشرحلى ازاى اقرأ المسأله واطلع الـ geving منها واشتغل عليه !!

بص يا حج ايفو لو انت تقصد اول مسالة
فهو بيقولك عدة قوة بتاثر علي المحاور الرئيسية x.y او "س و ص "
و مديك كل قوة بتساوي كام و الزاوية الي بتصنعها مع المحور x " في المسالة رقم واحد مديك القوة بتساوي 20 و الزاوية 0 القوة 20 و الزاوية 30 القوة 20 و الزاوية 60
بنحسب المحصلة اننا بنجيب المحصلة لكل محور علي حدة يعني محصلة x و محصلة y و بنجمعها علي بعض
ولما نجي نحسب المحصلة علي المحور x بنضرب كل قوة في جتا الزاوية "cos" الخاصة بيها و نجمعها علي حاصل ضرب القوة الثانية في cos الزاوية الخاصة بيها يعني في المسالة الي مديهالك
Rx=(20*cos 0)+ (20*cos30)+(20*cos60)+(20*cos90)+(20*cos120)+(20*c os150) =20
دي المحصلة للمحور x
نحسب بقي المحصلة للمحور y و دي بتتحسب بنفس الطريقة بس بدل الضرب في جتا الزاوية "cos" هنضرب في جا الزاوية "sin"
يعني محصلة المحصور y هتساوي
Ry=(20*sin 0)+ (20*sin30)+(20*sin60)+(20*sin90)+(20*sin120)+(20*s in150)=74.64
يبقي المحصلة الاجمالية = تربع الRx و تجمعة علي تربيع الRy و الي يطلع تجيب الجزر بتاعة


اي خدمة

[Eng_Mostafa_89]

مصطفى انا للأسف المفروض فى تالته بس انا كنت صناعى خمس سنين !!
انا فعلا مستنى الرياضه والميكانيكا لما تدخل فى قوانين والشغل ده اصل كده النيا مغيمه قوى !!

انا برضة المفروض فى 3 بس انا دخلت المعهد لانى مكنتش جبت مجموع الهندسة فى ثانوى عام
ومعلش انت هتلاقى الدنيا رخمة شوية لغاية لما تتاقلم على الجو وكدة
والله اعدادى دى سنة لذيذة جدا وهتعدى ان شاء الله
وبالنسبة للمسائل اللى انت حاطتها دى دى بس علشان تتعلم يعنى اية تحليل القوة
وازاى تجيب المحصلة وبس مش اكتر
وربنا يوفقك ان شاء الله