يالا نشجع مصر

[Samir Elshahawy]

دعوة للتشجيع الراقي و المثالي , فرصة لنا كمصريين أن نظهر للعالم الذي يترقب هذه المباراة الهامة بأننا أصحاب حضارة كيف ؟؟

1- بتشجيع منتخب مصر بعيدا عن التعصب
2- تشجيع أي لعبة حلوة حتي و لو كانت من الفريق المنافس
3- بأن نقف جميعا تحية لمنتخب مصر بعد المباراة بصرف النظر عن النتيجة لأنهم أدوا ماعليهم
4- أن نحيي الفريق الجزائري الضيف في جميع الاحوال علي مابذله هو أيضا من جهد و أن نهنئه في حالة صعوده لكأس العالم لأنه فريق عربي مسلم مثلنا
5- و ياريت لو نلقي بالورود علي كلا الفرقتين قبل بداية المباراة كي نشيع جو من الود و الالفة في الملعب و تأكدوا ان ذلك سيكون في مصلحة منتخبنا الوطني الذي سيلعب في جو هادئبعيد عن الشحن الزائد و العصبية

و طبعا اتمني ان أشاهد مباراة نظيفة و راقية
مع خالص تمنياتي لمنتخبنا الوطني بالفوز

http://www.facebook.com/event.php?eid=164852274610&ref=mf

م/ سمير الشهاوي

[Samah AbdAllah]

جميل جدا كلام حضرتك واتمنى ان الناس اللى هتروح المباراة تنفذه او عالاقل خالص يهدوا وبلاش تعصب وانفعال

[Moh.Abdelbaset]

نفسي البرامج الرياضية اللي على الفضائيات تتوقف الفترة دي
هي اللي عاملة البلبلة و بتحط البنزين على النار
شكراً لــ أ/سمير على الموضوع

[tmz9111]

يا رب النصر لمصر

[mynameh]

بص بالرغم من اني مؤمن بإننا مش هنوصل كاس العالم

الا اني مش متفق معاك غير في اول 3 نقط بس
لان كلامهم و افعالهم مش محترمة فمينفعش

[Samir Elshahawy]

بص بالرغم من اني مؤمن بإننا مش هنوصل كاس العالم

الا اني مش متفق معاك غير في اول 3 نقط بس
لان كلامهم و افعالهم مش محترمة فمينفعش

علي فكرة انا لسه راجع من الجزائر و احتمال أسافر تاني خلال أسبوع او 10 أيام يعني تقريبا بعد المباراة مباشرة
عايز أقولك انهم لما كانوا بيسألوني عن المباراة و كنت بأقولهم رأيي ده كانوا بيتفقوا معايا صحيح هم بيتمنوا الفوز لمنتخب الجزائر و ده برضه حقهم لكن المهم كنت بأقولهم أن الاحسن و الاجدر هو الاولي بالوصول لكأس العالم و ساعتها كلنا مصريين و جزائريين لازم نبقي وراه زي ماهما كانوا بيتعاطفوا معانا في كأس القارات و فعلا وجدت أستحسان منهم علي الكلام ده و قالوا لي أن ياريت الاعلام المصري و الجزائري يكون في نفس مستوي الكلام ده

صدقوني الموضوع في الاخر مجرد مباراة كرة قدم لعب في لعب يعني

[Ahmed Anwer]

دعوة للتشجيع الراقي و المثالي , فرصة لنا كمصريين أن نظهر للعالم الذي يترقب هذه المباراة الهامة بأننا أصحاب حضارة كيف ؟؟

1- بتشجيع منتخب مصر بعيدا عن التعصب

أتفق معاك تماما
2- تشجيع أي لعبة حلوة حتي و لو كانت من الفريق المنافس

صعبة دي أوي كمان شوية نهيص لو جابوا جووون

3- بأن نقف جميعا تحية لمنتخب مصر بعد المباراة بصرف النظر عن النتيجة لأنهم أدوا ماعليهم

اتفق معاك نسبيا بس هما معملوش اللي عليهم أوووي ،، لأنهم اللي اتعادلوا مع زامبيا في القاهرة و اتغلبوا من الجزائر في الجزائر

4- أن نحيي الفريق الجزائري الضيف في جميع الاحوال علي مابذله هو أيضا من جهد و أن نهنئه في حالة صعوده لكأس العالم لأنه فريق عربي مسلم مثلنا

احتمال وارد

5- و ياريت لو نلقي بالورود علي كلا الفرقتين قبل بداية المباراة كي نشيع جو من الود و الالفة في الملعب و تأكدوا ان ذلك سيكون في مصلحة منتخبنا الوطني الذي سيلعب في جو هادئبعيد عن الشحن الزائد و العصبية

يعني مش لازم نرمي ورد بس علي الأقل منرميش شماريخ و طوب و ازايز


و طبعا اتمني ان أشاهد مباراة نظيفة و راقية

قول يا رب لاعبية الجزائر ميموتوش الماتش و يلعبوا بعنف و يضيعوا وقت و يستفذونا

مع خالص تمنياتي لمنتخبنا الوطني بالفوز

يا رب ،،، آمين


http://www.facebook.com/event.php?eid=164852274610&ref=mf

م/ سمير الشهاوي