..ايه الفرق بين جهاز البنات وجهاز الشباب..جامد جدا ..

[nomercy22]

اولا جهاز البنت ليدوز فروست
من النظرة الاولى من بعيد للشكل العام للجهاز

تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيح ادام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة
تقلب فى الملفات تلاقى اسماء الملفات عندها جميلة زى
صور اطفال
صور فساتين
صور موضة
افلام رومانسية
اغانى عاطفية
تفتح الهيستورى بتاع الجهاز تلاقيها كانت مشغلة حجات زى
فيلم تيتانيك
مواقع نكت
مواقع موضة
قهوة كتكوت
اغنية تملى معاك
اغنية بهواك
مواقف كوميدية
تفتح الميل بتاعها تلاقيها حاطة نك نيم رقيق زى
بنوتة شقية
دلع
حبوبة
حب عمرى
لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش
تيجى تشم ريحه الجهاز تلاقى رحتة برفان جميل
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة والجهاز بيقفل

نخش على اجهزة التماسيح

من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة
تلاقى الكيس مفتح من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية الى جاية من عالم غريب
تدخل تقلب فى الملفات تلاقى اسماء الملفات غريبة وعجيبة
حشحش
دحدح
بتنجانة
صور معيز
صور حوادث
مصارعة
و 70% من الملفات هتلاقيها تحت سلسلة اسماء
New Folde11
New Folde12
New Folde13
New Folde14
New Folde15
الى ما لا نهاية
تفتح الهيستورى بتاعه تلاقى اخر حجات شغلها زى
ساو 3
ديد سيلنت
اغنية البلح البلح
صور مصارعين
كليب بوس الواوا
اسماء مواقع تخاف اصلا تخشها
نكت حشاشين
تفتح الميل بتاعه تلاقيه حاطط نك نيم يرعب البنات
الشيطان 10
البجح
سفاح المعيز
المحشش
كمبورة
عاشق الموت
لو دققت فى تاريخ تسطيب الويندوز ممكن تلاقيه مسطبها قبل متيجى بساعتين
طبعا ريحه الجهاز هتلاقيها شبة متور العربية المحروق
ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر شود داون
كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها
اما فلاشه الشباب
طالع عينها مكسوره ومن غير غطا اصلان وتحس ان قطار معدى عليه ومفرومه
لا وكمان الاغانى تحسى اول ما تشغليها ان انتى فى ميكروباس او مولد

[hamedo0]

يعني اختلف معاك مش كل الشباب الاجهزه بتاعتهم شبه الميكروباص وغير منظمه ممكن بس تلاقي غطاء الكيس مفتوح

[algaleed]

يعني اختلف معاك مش كل الشباب الاجهزه بتاعتهم شبه الميكروباص وغير منظمه ممكن بس تلاقي غطاء الكيس مفتوح

ايه دا هو في ناس بتقفل غطا الكيس !!!!!!!

[hamedo0]

ايه دا هو في ناس بتقفل غطا الكيس !!!!!!! :l_bhuhhh[1]:

هههههههههههههههههههههههه نسيت محدش بيقفل الكبوت

[zaza_lanos]

جامد جدا
خصوصاً الأسماء والنيو فولدررررررررز

[ZALABANY]

حلوه جدااااااااااااااا

[Hegazio]

[KSA2011]

العادى بس مش للدرجه دى
هى الحاجه الوحيده الى عندى من الى قلته موضوع الكيسه مفتوحه لانه الغطا بتاعها مش عارف راح فين

[hani945]

أنا عندى فكرة حلوة كل واحد يصور الكمبيوتر بتاعه ويطلعه على المنتدى

[Morieno]

ايه دا هو في ناس بتقفل غطا الكيس !!!!!!!

هوا يعنى ايه غطى الكيسه؟؟؟؟

[M.Osman]

بصراحة..
من اللي بشوفه اقدر اقول ان اجهزة البنات ينطبق عليها الكلام دا فعلاً.. ممكن تلاقي الويندوز بقاله سنين متغيرش..عادي جدا

اما الولاد ..اختلف بشدة..
انا مقدرش اتعامل مع الجهاز غير و هو مرتب..
كل حاجة لازم تكون مربتة.. حتى الbackgroud برتب الicons حواليها بشكل ظريف عالديسكتوب!!

الحاجة الوحدية اللي بعملها كتير موضوع new folder و دا بيكون معناه في الغالب ان في شغل عايز ترتيب ..

بس كدا..
لكن العنب و بوس الواوا و الكلام دا ...توء توء توء

[Morieno]

زمان قبل ما اتجوز ويبقى عندى عيال كان جهازى عباره عن الاتى
مازربوردعلى طربيزه كبيره راشق فيها الكروت
والهرد واصل فى المازر بورد ومريحه جنبها كدا
والسى دى نفس النظام
والحوار دا كله واصل على شاشه جنب التربيزه
طبعا من غير كيسه لسببين
اولا: ان الجهاز كان بيسخن عشان بيشتغل 24/24 7/7 وكان ايامها تبريد الفريون لسه ماطلعش
ثانيا: سهولة فك وتركيب اى جسم غريب فى الجهاز
ثالثا: فى كمية حاجات من اللى داخله او خارجه من البورده كانت مكسره وانا لحمها "قصدير او خلافه"

الصوت بقى يا معلم
مطلع الصوت على مشترك
فرد واصله على صب ووفر
والفرده التانيه تلاته طرف داخله فى السوند ان بتاعى كاسيت تحت التربيزه
الحركه دى مفيده لحاجتين الاولى انها دبل الصوت والافكتس والثانيه ان الكاسيت بسجل عليه اى حاجه تعجبنى على شريط "الكلام دا طبعا قبل ثورة السيديهات"

جنبهم فى برنتر على قدها كدا بس كانت بتنفع وبنعمل بيها سبوبه برده

اما عن موضوع النيوفولدرز
مرات كتير جدا الكلاسترز بتاعت الهارد تضرب عشان الفولد جواه فولدر وجوا الفولدر فولدرات وتلاقيهم جوا فولدر متوزع حواليه فولدرات وكلهم مع بعض بيعملوا كوكتيل جميل من الفولدرات وكلهم اسمهم نيوفولدر

وتقولى ميكروباص دا الميكروباص جميل ومنظم
المهم انا كنت بعرف كل حاجه فى الزحمه دى راحت فين وجت منين عشان كدا كنت بسميها الفوضى المنظمه

وعشان الفوضى دى كانت افضل مكان بقعد ابدع فيه فى الكتابه والريمكسات والحاجات دى فكنت برضه بحب اسميها الفوضى الخلاقه

بعد العيال بقى معدتشش حتى بشوف الكمبيوتر

الله يرحم زمان واجمل لحظات زمان
واسف على الاطاله بس الموضوع بجد لمس حاجات جوايا كنت بحبها جدا جدا ومافيش امل انها ترجع تانى

[nomercy22]

ههههههههههههههه
كل الردود حلوه وشكرا لمرروكم

[الغزالى]

حلو اوى الموضوع دة وبعدين انت جيت على الكمبيوتر بس يعنى انت شوففت كل حاجة زى الفل عند الرجالة ( مش كلهم طبعا) وجى تتكلم على نضافة الكميوتر

اسكت وخلى الطابق مستور

[nomercy22]

حلو اوى الموضوع دة وبعدين انت جيت على الكمبيوتر بس يعنى انت شوففت كل حاجة زى الفل عند الرجالة ( مش كلهم طبعا) وجى تتكلم على نضافة الكميوتر

اسكت وخلى الطابق مستور

ههههههههههههههههه
علي رايك