مساعدة عاجلة : كيف تختار الموظفين

[hussein]

السلام عليكم ازيكوا يا شباب المنتدى- كان ليا طلب عندكو احنا فى الشركة عندنا عاملين اعلان عن مطلوب مهندسين تنفيذ علشان ياعدونى فى الشغل ( محسوبكو مهندس مدنى) وهما سايبن لى حرية اختيار اللى هيساعدونى طبعا انا فى حيرة لأن عندىاكتر من 100 cv وطبعا انا يهمنى الشخصية اللى هتعامل معاها قبل الفنيات علشان كدا عايزكو تساعدونى اسألهم ايه فى الانترفيو علشان اعرف شخصياتهم ولو فى ابلكشن جاهزه علشان تساعدنى انى اختار حد امين و بيحب يشتغل و صادق و ...........
ياريت اللى عندو معلومة مايبخلش بالمعلومة

[mr_sameh]

الطبيعي انك هتتكلم معاه بس انت عاوز تطلع بحاجات معينة زي شخص مجتهد وعندو قدرة علي التعلم بسرعة يكون مش كداب يكون نشيط طبعا مكان السكن يكون قريب كل دي حاجات تحطها قدامك وبعد كدا تحاول تسئلة في صميم الشغل وانت تلقائي هتستريح في الشخصيات وربنا يوفقك

[mr_sameh]

انا طبعا مجال شغلي مختلف عنك بس يعني دي حاجات كنت بعملها

[أبو إياد]

اختبار الشخص على تأدية العمل وخبرته في فنون مهنته
الكشف عن جوانب شخصية الفرد لمعرفة مدى ملاءمتها لطبيعة الوظيفة ومن المعلوم انه من الصعب التنبؤ بدقة الجوانب الشخصية مثل الأمانة والصدق … الخ.
معرفه رغبة وميل الشخص بالقيام بالعمل الذي سيسند إليه ومدى درجة اندماجه مع ذلك العمل.
معرفه القدرات الذهنية والذكاء وطريقة تفكير الفرد لمواجهة مشاكل العمل وصحة الحكم على الأشياء فالهدف هو التعرف على مستوى ذكاء الفرد ومقارنته مع المستوى المطلوب للوظيفة.
معرفه قدرة المتقدم للعمل على التذكر والتعبير والابتكار.
ركز اوى فى النقط دى وحاول تكتشفها من خلال مقابلتك للشخص وحاول الحديث مابينكوا يكون اطول فتره ممكنه (طبعا مع الشخص اللى ترتاح ليه فى بدايه الامر) وان شاء الله موفق فى اختيارك

[hussein]

اختبار الشخص على تأدية العمل وخبرته في فنون مهنته
الكشف عن جوانب شخصية الفرد لمعرفة مدى ملاءمتها لطبيعة الوظيفة ومن المعلوم انه من الصعب التنبؤ بدقة الجوانب الشخصية مثل الأمانة والصدق … الخ.
معرفه رغبة وميل الشخص بالقيام بالعمل الذي سيسند إليه ومدى درجة اندماجه مع ذلك العمل.
معرفه القدرات الذهنية والذكاء وطريقة تفكير الفرد لمواجهة مشاكل العمل وصحة الحكم على الأشياء فالهدف هو التعرف على مستوى ذكاء الفرد ومقارنته مع المستوى المطلوب للوظيفة.
معرفه قدرة المتقدم للعمل على التذكر والتعبير والابتكار.
ركز اوى فى النقط دى وحاول تكتشفها من خلال مقابلتك للشخص وحاول الحديث مابينكوا يكون اطول فتره ممكنه (طبعا مع الشخص اللى ترتاح ليه فى بدايه الامر) وان شاء الله موفق فى اختيارك

طب انا عايز اسئلة او طريقة علشان اكتشف الحاجات دى

[Lion_Heart]

لأنه مهندس مدنى و تنفيذ كمان طبعا لازم طبعا تكون شخصيته قويه لأنه هيتعامل مع شرايح كتير من البشر
و لو حضرتك بتتعامل مع عميل اجنبى طبعا لازم يكون متمكن من اللغة
طبعا الفنيات و الخبرة ده كله زى ما حضرتك بتقول بتيجى بالممارسة ,
اكيد طبعا لازم تقعد معاهم و تناقشهم مناقشة سريعة لأنك اللى هتتعامل معاهم بعد كده و تحاول تستشف شخصية كل واحد هل هوه بتاع شغل و لا ايه و هل حضرتك متقبله و لا لأ و اكيد حضرتك بالخبرة هتعرف و ربنا يوفقك فى الاختيار