الدكتور محمد البرادعى رئيساً للجمهورية ... ايه رأيكوا يا جماعة

[الريس]

في معلومة عرفتها النهاردة ممكن لو حد يصححهالنا
الراجل ده برة مصر من 64 لحد اليوم عدا 6 سنوات في اواخر السبعينات

مش عارف دي ميزة و لا عيب
بس برضو هو احسن من غيروووووووووووووو

[ehabradwan]

انا بصراحة ولا مع البرادعي ولا زويل الاتنيت يفتقدوا الخبرة السياسية

[zaza_lanos]

بلدهم وهما حرين فيها يكشى تولع

[ahmed76]

وقبل ما الموضوع يتحذف احب اسأل سؤال

هو يعنى ايه انتخابات ؟
ويعنى ايه يرشح نفسه ؟ انا اسمع الناس بتقول الماسوره بترشح مياه
هو ده الترشيح ؟

[hoky]

100 مره
هاختار اي حد الا عم الحاج ربنا يرحمنا منه

[kh_talaat]

البرادعي ... أحمد زويل .... عمرو موسى

أو اي مواطن عايز يرشح نفسه يرشح

وبناء على البرنامج الأنتخابي لكل مرشح الناس هتختار واللي هينجح منهم في الأنتخابات ولا يستطيع تنفيذ بنود برنامجه الأنتخابي يتم اقصاؤه في الإنتخابات التالية

هو دة النظام الديمقراطي المتبع في الدول المتحضره إنما نقعد نقول
مين هيترشح ؟؟؟
ومين هينفع ؟؟؟
والبلد دي مينفعش معاها الديمقراطية !!!!
والناس معندهاش نضج سياسي عشان تقدر تنتخب رئيسها !!!

فهذا كله كلام تهريج يروجه الحزب الحاكم لإحباط الشعب وابعادة عن ممارسه حقوقه

[ecybrarian]

بقى ده كلام ناس عاقلين..امال چمي يعمل ايه!!!!!

وخللي بالكوا المنتدى متراقب

[aliabutaleb]

انا بصراحة ولا مع البرادعي ولا زويل الاتنيت يفتقدوا الخبرة السياسية

يعني هما اللي قبله كانوا عندهم أي خبرة سياسية ساعة ما مسكوا الحكم؟

[mynameh]

هو صحيح راجل محترم و راجل مثقف و كل حاجة بس هسألكم سؤال :
هل يصلح محمد البرادعي أن يكون رئيسا لجمهورية مصر العربية ؟
مصر دولة محورية في المنطقة زائد انها الان في حالة تعب داخلية " منهكة داخليا "
سواء كان تعب سياسي داخلي او اقتصادي او صحي او .....

من وجهة نظري اللي المفروض يمسك مصر دلوقتي لازم يكون شخص شديد الذكاء الإجابي مش السلبي علشان يجنب مصر اي مشكلة ممكن تقع فيها خارجيا او داخليا و يحمي الافكار الإقتصادية اللي هينفذها
و كمان الأفكار الإجتماعية و التعليمية
و هو دا الشخص اللي مصر محتجاة و انا مش شايفة متوفر بنسبة كبيرة في اي حد في مصر دلوقتي

[zaza_lanos]

والله البلد من غير حكومة
ميت فل وعشرة
سيبونا فى حالنا بقى الله يحرقكم كفايا اتاوات وسرقة

[محمد عز]

يعني هما اللي قبله كانوا عندهم أي خبرة سياسية ساعة ما مسكوا الحكم؟

كلام من ذهب




انا نفسي فى واحد بيخاف ربنا

يؤمن بالعدل والمساواة ويكره الظلم

يعمل للمصلحة العامة

يحارب الفساد والواسطة وكل الاوضاع الغلط اللى فى مصر

[kh_talaat]

كلام من ذهب




انا نفسي فى واحد بيخاف ربنا

يؤمن بالعدل والمساواة ويكره الظلم

يعمل للمصلحة العامة

يحارب الفساد والواسطة وكل الاوضاع الغلط اللى فى مصر

كلام سليم

عشان كدة أنا دايما مؤمن ان بلدنا مش محتاجه غير انسان عنده ضمير ويخاف ربنا

وموضوع الخبره دة مش اساسي يكفي انه يكون انسان مثقف ومطلع

لأن المفروض ان الرئيس له مستشاريين في كل النواحي ، بالأضافه ان ادارة البلد تكون بنظام لا مركزي يعني مش كل حاجه في البلد لازم يبقى الرئيس هو اللي ياخد فيها القرار ، لأن في النهاية كلنا بشر وكلنا بنكمل بعض

[النوبي]

ياجماعه مش مشكله انه يكون معندهوش خبره
مش مشكله يكون ضميره بيلعب بس مش كتير علشان مايقرفناش
مش مشكله اي حاجه لانه اكيد اللي هيمسك هيغير حجات كتير منها رؤوس الاموال اللي محتكرين البلد من اولها لاخرها
احنا بننادي بالتغيير مش اكتر
من حقنا ان احنا نجرب مع حد تاني
وحتي لو فشلنا معتقدش اننا ممكن نوصل للمستوي ده تاني

[النوبي]

رساله من الايميل


أعزائي و أصدقائي
إخوتي وأخواتي
من أجل غد أفضل لمصر ، أدعوكم للانضمام إلينا في حملة المطالبين بترشيح الدكتور محمد البرادعي
رئيسا لجمهورية مصر العربية ...
بإمكانكم من خلال رابط المجموعة التعرف على مميزات الدكتور محمد البرادعي ، وعلى سيرته
وتاريخه ...
عاشت مصر حرة للمصريين وبالمصريين

الشاعر عبدالرحمن يوسف

رابط المجموعة على الفايس بوك :

Dr.elbaradei for presidency of egypt_ 2011ط¯.ظ…ط.ظ…ط¯ ط§ظ„ط¨ط±ط§ط¯ط¹ظ‰ ط±ط¦ظٹط³ط§ظ‹ ظ„ط¬ظ…ظ‡ظˆط±ظٹط© ظ…طµط± ط§ظ„ط¹ط±ط¨ظٹط© ظپظ‰ | Facebook

[human]

اى واحد يكسب الانتخابات ابرك من الرئيس الحالى او نجله او اى حد تابعهم

عشان الناس تعرف ان التغيير ممكن

بس ماينفعش ييجى ابنه يقعد على قلبنا 100 سنه كمان

انا زهقت و قرفت من اى حاجه فيها اسمهم

مشروع سيادته و مشروع ابن سيادته و مشروع مرات سيادته

لازم الناس تحس ان لو جه واحد وحش يبقى هيقع فى الانتخابات الجايه و ان كلهم 4 سنين و يمشى و يتحاسب كمان و يبقى فيه اختراع اسمه مجلس الشعب يطلع عين اى حد عشان يوافق على قرار و معارضه محترمه و مافيش اغلبيه بأرقام فلكيه عشان ينفع يبقى فيه تنميه فى الفكر مش كلام سيادته اوامر
و فض التداخل بين الحزب الحاكم و الحكومه و مؤسسات الدوله عشان انت مش قادر تعرف الحزب الوطنى فين و الحكومه فين و الدوله فين كله داخل فى كله

و بعدين عايزين واحد عنده فكر عنده مشروع و تبقى فخور بيه و هوه بيتكلم و كلام علمى فى زمن نحتاج فيه للعلم و تحس انه صاحى مش بيموت علينا و نيمنا و هوه بيتكلم يقولنا هأكلكوا منين و هوه بياكل و مترستق هوه و عيلته و الجوقه

اى واحد ييجى بس يبقى عارف انه لو وحش هيمشى بعد 4 سنين هوه ده المبدأ و مايفرقش معايا مين