المصرى اللى على حق يقول للحمة لأ .. حملة لمقاطعة اللحوم بسبب ارتفاع الاسعار

[TaoTao]

رأيي إن لو كل واحد خفض ربع استهلاكه هانعمل فرق، يعني لو اللحمة 8 مرات شهرياً تبقى 6 ويستعاض عن الوجبتين ببدائل نباتية مغذية (عدس، كشري مكرونة بالمشروم أو من غير مشروم شغال برضه :) )
والـ 25% تخفيض دول هايأثروا في التجار تأثير ملموس وكمان أسهل في التطبيق

[أحمد سالم]

انا مستنى عروض كارفور بينزل قبل العيد دايما عروض كويسه

وجربناها اكثر من مره كانت لحمه معقوله

انا سمعت ان الجزارين نفسهم بياخدو لحمة كارفور واولاد رجب
ويعيدو بيعها للناس فى محلاتهم بأسعار المحل

[lancerevolution]

يعنى الناس هتعمل الحملة لحد قبل العيد ب 4 ايام
يبقا ايه الفايدة
ماهم هيعوضوا الخسارة اللى هتحصل ده لو فعلا حصل خسارة
بمبيعات اللحوم فى العيد
المقاطعة اللى بجد
تبقا محدش يشترى لحمة فى العيد
هى دى الضربة اللى توجع وتجيب نتيجة

المشكلة فى الأضحية التجار بيغالوا جدا و صعب جدا الناس ما تضحيش
عمى لما بجيب الأضحية بيحاول يتفق عليها من رمضان و مش من تاجر بيحاول يجيبها من واحد بيربى

[gomangy]

هو فعلا حلها المقاطعه للحوم
وبعدين ما الحمد لله ان موجود اسماك وطيور ممكن تعوض اللحوم علشان الجزارين اسف السفاحين يتعلموا الادب
الله يرحم ايمك يا سادات

[zaza_lanos]

إذا غلا علينا شئً تركناه
خليها تخرب

[Karim_Monir]

عندنا في جسر السويس ب 42 كندوز صغير
ولو كبير ب 40
السبب اني كنت بتعامل مع جزار 4 سنين واول ماحط لحمه مش كويسه مارضيتش اخدها وسيبته ومشيت وعبثا يجري وراي وانا ابدا انتهى
اتعاملت مع واحد بعديه بمحلين وقلتلة انا سبت التاني ليه
بقي ماشي معايا زي السيف والحمد لله
وباخد منه ب 42 على طول وزي الفل بدون دهن سوى بسيط اقل من 100 جرام للكيلو
وباخد بفتيك البتلو الصغير (سمانه ومفيهاش نقطة دهن ب 55)
الحمد لله انا استهلاكي للحوم قليل لاننا كاسرة غير ميالة للحوم
ومفيش حد بيلوي دراعنا
ومالها البقوليات
في 60 داهية اللحمه :-)

[Terrible_DaRsH]

احنا بنتعامل مع ناس فى الشرقية من زمان , ناس عارفة ربنا و لا تلاقى ريحة الدهن فى اللحمة اصلا ( مع انى مبفهمش فى المواضيع دى ) :) ..

و بناخد بسعر كويس لو بنجيب كميات .

[mohamedbook]

مفيش مصري علي حق
الا من رحم ربي
95% من الشعب المصر جبان ليس له رأي سلبي عندة لا مبالاة شعب متبلد
وللاسف انا واحد من شعب مصر نستاهل اكثر من كدة والله العظيم يارب توصل اللحمة 1000ج للكيلوا وبردوا محدش هيتكلم ولا هيعمل حاجة
مش عارف هنفوق من الثبات الي احنا فية دة امتة امتة امتة

[ahmed76]

خلوها تصدى .... قصدى تعفن ...... وموديلها يعدى

كيف يهبط سعر الكيلو الى 10 جنيه : مقاطعه -ثم تترمى للقطط والكلاب - نرجع ناكل القطط فى سندويتشات الشاورمه والكبده والكفته يبقى كده اكلنا لحمه وباسعار تصل الى 10 جنيه للقطه قصدى لكيلو اللحمه .......

نتكلم جد بقا :
اعتقد ان مقاطعه اللحمه هاتكون مجديه لوجود اكتر من بديل
تانى حاجه مده تخزين اللحمه ( يعنى ممكن تجار السيارات يخزنوها
لكن اللحمه صعب شويه )
يعنى تكلفه تخزينها فى تلاجات غاليه وصعبه

[Abo_Lina]

فعلا الجزارين بيستهبلوا و كل شهرين يرفعوا السعر كده بمزاجهم ..
أومال هايبنوا أبراج و يفتحوا محلات دهب إزاي
لازملهم وقفة فعلا و التوقيت ده ١٠ على ١٠

[El Prince]

فعلا الجزارين بيستهبلوا و كل شهرين يرفعوا السعر كده بمزاجهم ..
أومال هايبنوا أبراج و يفتحوا محلات دهب إزاي
لازملهم وقفة فعلا و التوقيت ده ١٠ على ١٠

+1111111111
متضامن مع المقاطعه ..

[ConDoR]

الحل الوحيد علشان نحارب الغلاء والجشع نمشي على مقوله " حارب الغلاء بالاستغناء" ومش معنى كدا اننا نموت من الجوع بس مفيش مشكله اننا ندور على البدائل ...