مصر والجزائر .. بتوع الهمبكة وطق الحنك في مواجهة المحترفين

[TaoTao]

لسة سامع في البيت بيتك إن الاتحاد الجزائري لكرة القدم طلب من الفيفا إنها تطلب من مصر الاتزام بالروح الرياضية وعدم الشغب وطلب -في سابقة الأولى من نوعها- تعيين مراقبين أمنيين لضبط الشغب داخل وخارج الملعب لضمان أمن اللاعبين وال Fair Play .

احنا بتوع الهمبكة والهجايص وطق الحنك مننا لنفسنا
احنا بتوع الزفة الكدابة .. نشتم ونقل أدبنا ونطول لساننا ونعتبر إن ده النصر المبين

الجزائريين تعاملوا مع الموقف في قمة الاحتراف Very Professional وأكلونا الحلاوة وسابونا غرقانين في بحر الطحينة اللي رسمناه لنفسنا وبعتوا جواب صغير للفيفا أخدوا حقهم وزيادة وهانبقى -المصريين- محاصرين وسط بلدنا وإلا واقعة زيمبابوي هاتتكرر !!
قمة الاحتراف لا قالوا عروبة ولا وردة ولا أعضاء الاتحاد بتاعهم مسكوا الدفوف في الفضائيات يتباكوا ويناشدوا الشعب .. هو جواب أو فاكس فيه أبسط من كدة؟!!!!!! أنا هاطق

بتوع الهمبكة بقى كل يوم والتاني واحد يطلع اللي يقول "بلاش شتيمة" والتاني يطلع يقول "بس دول سممونا واحنا أخوية مننا مارضيناش نقول" واللي يقول "حدفوا علينا صواريخ ومروءة مننا مارضيناش نشتكي" ... إلبس يا معلم .. هايلبسونا طرح وسط الاستاد بتاعنا وكل واحد يحترم نفسه ويقعد مربع إيديه عشان شوية الهواة المنتفعين الأرزقية اللي بيديروا شئون الاتحاد ماعرفوش يدافعوا عن حقوق المنتخب!!!

دي أول مشاركة لي في أي موضوع متعلق بمباراة مصر والجزائر لأني المرة دي هاطق بجد .. لأن مش معقول يكون الشعب كله متعشم وهانعمل ونقطع ونولع، واتحاد الكورة عندنا حيطة مايلة مش قادر يوفر أي غطاء لمنتخبه الوطني .. عار قومي
ومن كل قلبي وبكل صراحة ألف مبروك للجزائر والجزائريين لأن كرة القدم لعبة الرجال والمحترفين .. كرة القدم لعبة للكبار فقط

[toto_smile]

بصراحة يا باشا الي انا اعرفو لحد دلوقتي للحظة الي انا بكتب فيها الرساله دي ودا سبب خلاني ان انا مش هروح الاستاد واشجع ان سواء كسبنا او خسرنا الماتش هتبقي مجزرة لمشجعي الجزائر بسبب ال عملوه في مبارة مصر هناك وربنا يعنا عليهم
والله اكبر والنصر لمصر

[أحمد كمال]

للاسف كلامك صح

[TaoTao]

بصراحة يا باشا الي انا اعرفو لحد دلوقتي للحظة الي انا بكتب فيها الرساله دي ودا سبب خلاني ان انا مش هروح الاستاد واشجع ان سواء كسبنا او خسرنا الماتش هتبقي مجزرة لمشجعي الجزائر بسبب ال عملوه في مبارة مصر هناك وربنا يعنا عليهم
والله اكبر والنصر لمصر

لو حصل أي شغب مع توافر مخرج تليفزيوني غبي زي بتاع ماتش زيمبابوي الماتش يتلغي أو يتعاد على أرض محايدة على أحسن الفروض .. دي ناس مش بتلعب، اتحاد الجزائر جاب جون من قبل ماييجي مصر !! غالباً الأمن هايمنع أي شغب أو تجاوزات بالقوة ..

للاسف كلامك صح

ده نموذج مصغر لإدارة أي حاجة في مصر، للأسف دي الطريقة المصرية في كل حاجة .. تقارير داخلية مننا لنفسنا ، وكلام من بتاع "ويشهد لنا التاريخ" وكلام إنشا ماحدش بيسمعه غيرنا وماحدش بيتأثر بيه غيرنا، إنما الفعل مافيييييييييييييييييش .. الكلام عمره ما يعمر بيت على رأي فريد الاطرش .. مافيش احترافية في أي حاجة .. ياللا ربنا ينفخ في صورة اللاعيبة بس ونقدر نفوز ونتأهل، أنا كل غضبي كان من اتحاد الطراوة وعدم احترافيته في إدارة أمور المنتخب.

[mynameh]

كمان هههههه

و سلملي علي كاس العالم

[أحمد كمال]

انا حاسس اننا هنتطحن السبت الجاي

بجد مش باهزر

[الغزالى]

انا حاسس اننا هنتطحن السبت الجاي

بجد مش باهزر

احب اطمنك يا استاذ احمد ان الدنيا فى كل الاحوال هاتكون تطحن وضرب وبلاوى سودة لو خسرنا هاتبئى ليلا سودة على اتحاد الكورة والجزائرين والذى منة
ولو كسنا اتفرج على اللى هايحصل

[human]

كله كوم و انهارده فى نجوم اف ام جايبين ناس من اللى حضروا الماتش بتاع 89
واحد بيقول السنه ديه كانت غريبه جدا
انا اتجوزت فيها و كسبنا الجزاير و سنه 90 لعبنا فى كاس العالم و خلفت اول مره

انا اعدت احاول افهم ايه علاقه الكلام ده بأى حاجه و مش فاهم
لو حد يعرف حد من بتوع كوكاكولا ولا نجوم اف ام يقولنا ايه الظاهره الكونيه الملفته اللى تجلت فى 89 و دخلنا جول وهوه اتجوز ووصلنا كاس العالم ولعبنا وهوه خلف
يعنى ايه العلاقه الديناميكيه الاستاتيكيه بين الهرم و الطحينه و الاريال اللى فى العربيه من ورا

على العموم ابو حميد قال هنتلب وانا برضوا حاسس بالمصير الاسود ده

عشان انا فى الاصل زملكاوى فاتعلمت حاجات صعب على الاهلويه يحسوا بيها و هيه ان كلما زادت الامال كلما كبرت الصدمه
وطبعا التعود انط تشوف فريقك بينهزم ديه نعمه مش بيحس بيها اخوانا فى الله الاهلويه عشان المجره اللى هما فيها مش ماشيه زينا

و الطرح هتتوزع ببلاش للى داخل الاستاد و اتا فعلا مرعوب ان فيه حد ينقتل او ينضرب يوم الماتش

و بعدين ارجع اققول هيه يعنى بلدنا ولا بلدنا يعنى

و يظل السوءال يطرح نفسه هل اضحى ب15 جنيه واشترى علم ام احتفظ ب ال15 جنيه عشان اشترى ادويه ضغط بعد الماتش

[أحمد كمال]

كله كوم و انهارده فى نجوم اف ام جايبين ناس من اللى حضروا الماتش بتاع 89
واحد بيقول السنه ديه كانت غريبه جدا
انا اتجوزت فيها و كسبنا الجزاير و سنه 90 لعبنا فى كاس العالم و خلفت اول مره

انا اعدت احاول افهم ايه علاقه الكلام ده بأى حاجه و مش فاهم
لو حد يعرف حد من بتوع كوكاكولا ولا نجوم اف ام يقولنا ايه الظاهره الكونيه الملفته اللى تجلت فى 89 و دخلنا جول وهوه اتجوز ووصلنا كاس العالم ولعبنا وهوه خلف
يعنى ايه العلاقه الديناميكيه الاستاتيكيه بين الهرم و الطحينه و الاريال اللى فى العربيه من ورا

على العموم ابو حميد قال هنتلب وانا برضوا حاسس بالمصير الاسود ده

عشان انا فى الاصل زملكاوى فاتعلمت حاجات صعب على الاهلويه يحسوا بيها و هيه ان كلما زادت الامال كلما كبرت الصدمه
وطبعا التعود انط تشوف فريقك بينهزم ديه نعمه مش بيحس بيها اخوانا فى الله الاهلويه عشان المجره اللى هما فيها مش ماشيه زينا

و الطرح هتتوزع ببلاش للى داخل الاستاد و اتا فعلا مرعوب ان فيه حد ينقتل او ينضرب يوم الماتش

و بعدين ارجع اققول هيه يعنى بلدنا ولا بلدنا يعنى

و يظل السوءال يطرح نفسه هل اضحى ب15 جنيه واشترى علم ام احتفظ ب ال15 جنيه عشان اشترى ادويه ضغط بعد الماتش

هههههههههههههههههههههههههههههههههههههههههههههههههه هههههههه

فعلا مش لاقي علاقة

فعلا انا حاسس بالمصير الاسود بسبب زيادة الثقة و الامال و الاحلام .... و انا برضه زمالكاوي هههههههههههه


جامدة تنين المجرة التانية دي ههههههههههههههههههههههههههههههههههههههههههههه


و فعلا ربنا يستر انا مذعووووووووور من اعمال العنف


علم ايه يابا ....... خلي ال 15 جند تشرب بيهم حجرين بعد ما نتغلب تنفس فيهم عن قرفك

[Ahmed R08]

ان شاء الله هنكسب والماتش هيعدى على خير :)

[kasten]

للاسف كلامك صح

+11111111