انا مهاجر السودان حد جاى معايا

[nomercy22]

والاستلام بعد اد ايه

[kasten]

سبحان الله يا مصر
عماااااااااااااااااااااااار يا مصر

[itsonlyme]

سبحان الله يا مصر
عماااااااااااااااااااااااار يا مصر

اعذرني، بس أنا حاسس في كلامك استغراب من تفكير الناس في الاستثمار في السودان وممكن يكون ده نابع من فكرة عندنا ان السودان بلد متخلف وان مصر أكثر تطور وحداثة.

صحيح ان مصر من سنين وهي فيها مجتمع مدني واقتصاد نشط ونمط حياة سريع وأكثر عصرية، بس عمرنا ما كان عندنا الموارد الطبيعية الموجودة في السودان.

لما تيجي تفكر فيها تلاقي ان احنا عندنا شوية غاز طبيعي وقناة السويس وسياحة متواضعة وبس.
الزراعة انهارت تماماً ومفيش غير صناعات ملوثة زي الحديد والسيراميك والأسمنت.
فين الموارد بقى؟

صحيح عندنا اقتصاد منتعش بس قائم على التجارة وليس الصناعة. يعني قائم على الاستهلاك وليس الانتاج. يعني الفلوس عمالة تلف ما بينا! ده طبعاً تحليل واحد ما بيفهمش في الاقتصاد ومستغرب ازاي البلد فيها فلوس بالشكل ده؟ البلد بتجيب فلوس من برة ولا لأ؟ اصلنا معندناش موارد طبيعية نصدرها خام ولا صناعة تستورد الخامات وتصدرها على شكل منتجات زي اليابان (اليابان فقيرة جداً في الموارد الطبيعية على فكرة).

يا ريت حد يفهم في الاقتصاد يفهمنا الحكاية دي.

[bassem.naguib]

والله الموضوع يستحق التفكير والدراسة .. بس عاوز خبرة جامدة ..

[zaza_lanos]

موضوع جميل
بس المشكلة انه محتاج امكانيات جبارة
الجو هناك قاسى ومحتاج الات زراعية للعمل
انا مش بوقف المركب السايرة
بس الموضوع لازم يتحضرله كويس

[Imhotep]

والله يا جماعه الموضوع مشجع جدا ولكن محتاج مزيد من التفكير بصوت عالي مع بعضنا

من يفكر فى هذا الموضوع يجب ان يراعى فرق طبيعة البلد و الشعب و اسلوب التعامل بين الناس و بعضها اللى جايز ميكونش من السهل هضمه بسهولة...... وشئ اخر مهم جدا هو ان السودان بلد غير مستقر سياسيا و كثير التقلبات...... ومن المعروف ان "رأس المال جبان".....