صور سيارتي بعدما انقلبت على 160 كم/ساعة

[sherif_84]

حمدلله على سلامتك وربنا يجعلها آخر الأحــزان ان شاء الله وابقى خلى بالك بعد كده ماتزودش عن 120 أبدا

[hazem_khidr]

حمد الله علي سلامتك
و ربنا يرحم المتوفي و يصبر اهله .

[P_R_I_N_C_E]

انا ماقدر اللى انتا فيه بالضبط لانى كنت فى نفس الموقف بتاعك داا من اربع شهور بس الحمد لله مافيش حد مات
والحمد لله على سلامتك وكويس انك الحمد لله طلعت سليم

[tutankhamoun]

أنا فعلا أحي فيك روح العتاب و تحمل اللوم
و أحي جرأة حضرتك في سرد حكاية أنت كنت السبب في موت أحد أركانها راجل ليه زوجة و أولاد
الحمد لله على كل حال
و لا حول ولا قوة إلا بالله

+1000

هدفي من المداخله طبعا مش تشجيع السرعه.. بس تيجو نبص من الناحيه التانيه.

نفترض ان الاخ ابو حمزه كان ماشي على سرعه 100كم/س... لو لقى الناس امام الكبوت مباشره مش هيخبطهم بردو؟؟ الآجابه في الغالب انه هيخبطهم. قصدي ان اللي بيعبر نفسه غلطان.. و مستهتر... يعني بيغامر بنفسه.. و بحياه و مستقبل و ممتلكات الناس اللي سايقين على الطريق.

كلنا عارفين ان الألمان و اللي معروف انهم من اكثر –ان لم يكونو اكثر- شعوب العالم احتراما للنظام عندهم طرق بدون حد اقصي للسرعه يعني سرعه 300كم/س دا مش رقم غريب عندهم -من اكبر مستهلكي السيارات الرياضيه في العالم- بس اكيد هما قبل ما يوصلوا للمرحله دي.. كانو وصلو لمستوى ان عمل مستهتر زي عبور المشاه لطريق سريع اختفى من قاموس حياتهم... صح و لا انا غلطان؟

العجلة من الشيطان ........... و في التأني السلامة
سأبد ردي على حضرتك بهاتين العبارتين
الطرق في مصر لا تسمح بالطلوع بالسرعة لأكثر من 100 كم / س باسثناء طريق العين السخنة
ظروف القيادة في مصر لا تسمح أيضا بذلك إذ يضطر الأخوة محبي السرعة و الانتحار و اللامبالاة لعمل الغرز للتغلب على ظروف الطريف مما يضع حياتهم و حياة السائقين الآخرين في قمة الخطر و طبعا الأخوة اللي بيعملوا غرز غير مبالاين بحياة الناس على الطريق و لا بحياتهم
تخيل أن الكاوتش فرقع أو أنفجر منك و أنت على السرعة 80 أو 90 أو 100 أو 120 أو 140 أو 160
أيهما أخطر ؟؟؟؟؟؟؟؟؟ و أيهما سيسمح لك بالتحكم في السيارة أعلى ؟؟؟؟؟؟؟؟؟؟؟
تخيل و أنت ماشي على السرعة دي و لقيت الأرض طرحت واحد غبي بيعدي الطريق من غير ما يبص ؟؟؟؟؟
تخيل و أنت ماشي على سرعة عالية زي اللي فوق 100 و فجاءة و بدون مقدمات لقيت حجر على الطريق ؟؟؟؟؟؟؟؟
تخيل أنك تسير على السرعة دي و فجاءة لقيت حفرة في الطريق ؟؟؟؟؟؟؟؟؟؟؟؟؟؟؟
و لا تقارن ألمانيا بمصر ................. لأن هناك في مبدأ الحارات و مفيش قلة الأدب اللي اسمها غرز و الحارة هناك حارة حارة يعني واسعة و بتاعتك لوحدك ................ و الطرق مصممة للسرعات العالية و لكني أشك في موضوع 300 كم / س ؟
يبقى السرعات العالية = الموت المحقق = الانتحار = لامبالاة بحياة الناس على الطريق = دمار شامل لسيارتك و محركها و دورة قطع غيارها يقل عمرها = تقليل عمر الكاوتش بتاعة العربية = استهلاك مبالغ فيه للوقود = استعجال من الشيطان
و ربنا يهدي الناس و يهدينا .................... أنا اتخنقت خلاص لدرجة أني بكره أسوق العربية دلوقتي

[mido777]

الف حمدالله على سلامتك
وقًدر الله وما شاء فعل


وربنا يرحم المتوفى برحمته

[Islam_galal]

جزاك الله خيرا علي صادق نصحك و جعله الله في ميزان حسناتك

[sab3aawy]

الف حمد لله على السلامة ويرحم الله المتوفى

انا هنا حابب اتطرق لنقطة اخرى ربما يكون الزملاء انشغلوا عنها بفعل تأثرهم بالحادث واثره المؤلم

لكن انا اى اننا لابد ان نلتفت اليها لأنها هامة جدا وترتبط بشكل مباشر بهدف المنتدى هنا

فصور السيارة بعد الحادث تشير الى ان المساحة المتاحة للركاب فى الكابينة لم تتأثر تقريبا، برغم الإنقلاب على سرعة خرافية، ومع وجود الحزام فأنت وصديقك لم تصابا سوى باصابات طفيفة جدا والحمد لله

وهذة نقطة يجب ان تحسب لصالح السيارة الماتريكس

فانا عند العودة بالذاكرة للوراء اتذكر السيارة هيونداى اكسيل التى كانت لفترة صاحبة اعلى رقم قياسى فى عدد من قتلت من مالكيها نظرا لتكرر حوادث انقلابها على سرعات غير عالية ، الى جانب الإنهيار التام للكابية عند الإنقلاب، اذكر حادث سيارة منذ خمسة او ستة سنوات تقريبا ،كان فى مدينة نصر عند تقاطع يوسف عباس مع شارع جامعة الأزهر اصطدمت به سيارة صانى موديل اوائل التسعينات مع سيارة اكسيل، دخلت الصانى التى كانت قادمة من شارع جامعة الأزهز فى جانب الإكسيل التى كانت قادمة من يوسف عباس، من يعرف جغرافية تلك المنطقة يعرف أن الشارعين مطلع شديد وان سرعة الصانى لا يمكن ان تكون اكثر من 80-90 كيلومتر فى الساعة حتى لو كان صاحبها ضاربها على قلبها ومثلها الإكسيل ، لكن اللى حصل ان الصانى قلبت الإكسيل التى تعجنت تماما بشكل لم يسبق لى ان ارى مثله من الإنقلاب لدرجة ان سقف السيارة التصق بأرضية السيارة واصبح هو والعجلات فى ارتفاع واحد ، والإربعة عجلات بقت افقية، من الآخر السيارة اصبحت مسطحة على ارض الطريق فى منظر لا يفارق ذاكرتى بعد كل تلك السوات ،بنفس الطريقة التى نراها فى افلام الكاتون حين تسقط صخرة كبيرة على القط توم فيتحول الى صورة مرسومة على الأرض، طبعا من نافلة القول ان سائق السيارة الإكسيل- يرحمه الله - فارق دنيانا لحظيا فى هذة الحادثة ، فى حين ان السيرة الصانى تحطمت مقدمتها فقط وبقيت الكابينة سليمة ولم يصب من كانوا فيها سوى باصابات طفيفة

القصد من القول، اننى ارى انه من الواضح ان شركة هيونداى من الواضح انها حققت خطوات لا بأس بها فى معدل امان الركاب بداخل السيارة ونحمد الله على هذا لما كان من اثره فى انقاذ صديقنا العزيز، ونحمد الله عليه ايضا لأن الإنتشار الواسع لهذة السيارة فى مصر سيكون فى صف امن وسلامة مستعمليها

هذة ليست فقرة اعلانية بالمناسبة فأنا لا امتلك سيارة هيونداى ولا سبق لى امتلاك سيارة هيونداى ولا انوى شراء سيارة هيونداى فى المستقبل القريب، كما اننى ليست لى اى علاقة من قريب او من بعيد بأعمال هيونداى فى مصر، لكن هى ملحوظة عابرة احببت ان اسجلها

[Ahmed Hassan]

الف حمد لله على السلامة ويرحم الله المتوفى

انا هنا حابب اتطرق لنقطة اخرى ربما يكون الزملاء انشغلوا عنها بفعل تأثرهم بالحادث واثره المؤلم

لكن انا اى اننا لابد ان نلتفت اليها لأنها هامة جدا وترتبط بشكل مباشر بهدف المنتدى هنا

فصور السيارة بعد الحادث تشير الى ان المساحة المتاحة للركاب فى الكابينة لم تتأثر تقريبا، برغم الإنقلاب على سرعة خرافية، ومع وجود الحزام فأنت وصديقك لم تصابا سوى باصابات طفيفة جدا والحمد لله

وهذة نقطة يجب ان تحسب لصالح السيارة الماتريكس

فانا عند العودة بالذاكرة للوراء اتذكر السيارة هيونداى اكسيل التى كانت لفترة صاحبة اعلى رقم قياسى فى عدد من قتلت من مالكيها نظرا لتكرر حوادث انقلابها على سرعات غير عالية ، الى جانب الإنهيار التام للكابية عند الإنقلاب، اذكر حادث سيارة منذ خمسة او ستة سنوات تقريبا ،كان فى مدينة نصر عند تقاطع يوسف عباس مع شارع جامعة الأزهر اصطدمت به سيارة صانى موديل اوائل التسعينات مع سيارة اكسيل، دخلت الصانى التى كانت قادمة من شارع جامعة الأزهز فى جانب الإكسيل التى كانت قادمة من يوسف عباس، من يعرف جغرافية تلك المنطقة يعرف أن الشارعين مطلع شديد وان سرعة الصانى لا يمكن ان تكون اكثر من 80-90 كيلومتر فى الساعة حتى لو كان صاحبها ضاربها على قلبها ومثلها الإكسيل ، لكن اللى حصل ان الصانى قلبت الإكسيل التى تعجنت تماما بشكل لم يسبق لى ان ارى مثله من الإنقلاب لدرجة ان سقف السيارة التصق بأرضية السيارة واصبح هو والعجلات فى ارتفاع واحد ، والإربعة عجلات بقت افقية، من الآخر السيارة اصبحت مسطحة على ارض الطريق فى منظر لا يفارق ذاكرتى بعد كل تلك السوات ،بنفس الطريقة التى نراها فى افلام الكاتون حين تسقط صخرة كبيرة على القط توم فيتحول الى صورة مرسومة على الأرض، طبعا من نافلة القول ان سائق السيارة الإكسيل- يرحمه الله - فارق دنيانا لحظيا فى هذة الحادثة ، فى حين ان السيرة الصانى تحطمت مقدمتها فقط وبقيت الكابينة سليمة ولم يصب من كانوا فيها سوى باصابات طفيفة

القصد من القول، اننى ارى انه من الواضح ان شركة هيونداى من الواضح انها حققت خطوات لا بأس بها فى معدل امان الركاب بداخل السيارة ونحمد الله على هذا لما كان من اثره فى انقاذ صديقنا العزيز، ونحمد الله عليه ايضا لأن الإنتشار الواسع لهذة السيارة فى مصر سيكون فى صف امن وسلامة مستعمليها

هذة ليست فقرة اعلانية بالمناسبة فأنا لا امتلك سيارة هيونداى ولا سبق لى امتلاك سيارة هيونداى ولا انوى شراء سيارة هيونداى فى المستقبل القريب، كما اننى ليست لى اى علاقة من قريب او من بعيد بأعمال هيونداى فى مصر، لكن هى ملحوظة عابرة احببت ان اسجلها

+1

ليا صديق بيقطع و يجيب عربيات من بره..و قالي ان الماتريكس من اصعب العربيات لما بييجي يقطع القوايم و السقف بتاعها.. و انها دايما تكسر السلاح بتاع الصاروخ اللي بيقطعوا بيه.

[m_aash]

كتب : كريم منير

جزاك الله كل خير على الهزة اللي هزتها للواحد دي يمكن نفوق شوية من الدنيا اللي واخدانا قوي
الواحد لو تخيل نفسة مكان الراجل ده وبيعدي الشارع لاي سبب طارئ

اللهم انك عفو كريم تحب العفو فاعفو عنا
اللهم اغفر له وارحمه وتجاوز عن سيائة

اللهم إرزقنا عند الموت توبة
اللهم إرزقنا قول الشهادة عند الموت

[مدحت منيب]

حسبنا الله و نعم الوكيل فيك
الله يحرق قلبك على اعز احبابك
هذا ما ستقوله زوجة المتوفى و اولاده ليل نهار
وطول عمرها.. ووالديه و اخوته
اصدقاؤه
اما هنا ، فكما قاوا :
الف حمدلله على سلامتك " يا باشا "
ترى ، لماذا الجم الله لسانك و اغفل قلبك عن ذكر اسمه ؟
بسم الله الرحمن الرحيم ( و الذين يمشون على الارض هونا ، و اذا خاطبهم الجاهلون قالوا سلاما )
يصف عباده المؤمنون به

[MMamdouh]

لمزيد من المواعظ:

http://www.facebook.com/group.php?gid=5747948125

MMamdouh

[MMamdouh]

حسبنا الله و نعم الوكيل فيك
الله يحرق قلبك على اعز احبابك
هذا ما ستقوله زوجة المتوفى و اولاده ليل نهار
وطول عمرها.. ووالديه و اخوته
اصدقاؤه
اما هنا ، فكما قاوا :
الف حمدلله على سلامتك " يا باشا "
ترى ، لماذا الجم الله لسانك و اغفل قلبك عن ذكر اسمه ؟
بسم الله الرحمن الرحيم ( و الذين يمشون على الارض هونا ، و اذا خاطبهم الجاهلون قالوا سلاما )
يصف عباده المؤمنون به

مش فاهمك الصراحة يعنى... عايز تقول ايه؟؟

اكيد اهل الميت مش حيبقوا مبسوطين... و اكيد احنا عارفين ان الراجل كان فى موقف تنخلع له القلوب و لازم نقولة حمد الله على سلامتك... و اعتقد محدش فينا شجعة و قالة برافو انك كنت ماشى 170

لا قدر الله لو حصلتلك حاجة مماثلة مش حتلحق تقول اى حاجة و لا حتبقى مستوعب اللى بيحصل اساسا... كل اللى حتشوفة حيبقى زى الحلم تمام و مش حتبدا تحس انك فى وعيك الا بعد شويتين تكون الحادثة خلصت من زماااااان

انا مش مع الاخ اللى ماشى 170 ولا مع المرحوم اللى بيعدى طريق سريع... طيب هو بيعدى ام الطريق ليه اساسا؟؟ و كان فى قمة الاستهتار لدرجة ان كان فيه عربيتين معديين على الطريق مش حتى عربية واحدة ما معلش هما الجوز غلطانين مش سواق العربية بس

انا شفت بعينى حادث مماثل فيه عربية نقل دهست شاب بتاع 19 سنة... اى حد حيسمع الكلمتين دول حيقول بتاع النقل غلطان... لكن لما نعرف ان الحادثة حصلت على كوبرى الدائرى اللى بيقطع النيل بعد نزلة اسكندرية الزراعى حنعرف ان الشاب دة كان بيعدى فى حتة لا فيها عبور مشاه و لا اشارات و لا حتى مساكن عايش فيها بنى ادمين... طيب هو كان بيهبب ايه فى نص الكوبرى بتاع الدائرى؟؟؟؟؟؟؟؟؟؟؟؟؟؟؟؟؟؟؟؟

فى الاخر ربنا يستر طريقنا كلنا

MMamdouh

[amir]

لسه كتن كاتب رد علي واحد بيسئل لما ييجي يبيع العربيه و كان مركب فيها تيربو يقول للمشتري علي كده ولا يشيلو من سكات و كان واحد رد عليه بيقولو سيبها كده و بيعها لشاب روش و هوا يدعيلك!!!!
http://www.nilemotors.net/Forum/view...المنتدي

[noureymo]

حمدالله على السلامة وده درس لينا كلنا يا جماعة

[شريف شعبان السيد]

حمدلله على السلامة وربنا يحفظنا ويقينا شر الطريق