مول النخيلى او مول البستان

[Rsarabia]

السلام عليكم و رحمة الله و بركاته

عندى هارد ديسك البوردة بتاعته محروقه و سألت المتخصصين قالولى ان فى محلات بترجع الداتا من الهارد اللى بوردته محروقه و موجودين فى مول النخيلى او مول البستان

انا من المنصورة و هاجى القاهرة مخصوص عشان الموضوع دا و بالتالى احب اجمع معلومات الاول او اكلمهم الاول قبل ما اجى بدل ما اجى على الفاضى و عشان اعمل حسابى

يا ريت لو حد قريب من المولات دى يدينى رقم تليفون اى حد جوة او يقولى على طريقة ازاى اقدر اوصلهم عن طريق الانترنت او التليفون او الموبايل ؟؟

شكرا جزيلا اعضاء نايل موتورز الكرام

[A.Saad]

النخيلى
باب اللوق
23921632 - 23927592 - 23936301 - 23936373 - 23954322
وجنبه مول البستان

[Rsarabia]

الف الف شكر لحضرتك

[m_a_gamal]

هو الهارد نوعه إيه؟؟
علشان انا جربت الموضوع ده في الخليفة المأمون وكان الهارد سامسونج وبعد ما دوخوني بتاع شهرين كده الموضوع ما نجحش والهارد راح هو والداتا اللي عليه.
اللي عرفته بعد كده ان الحكاية ممكن تتعمل مع الهاردات الواسعة الانتشار في السوق فقط والنوع اللي كان بينجحوا في استرجاع الداتا منه هو الويسترن ديجيتال لان الطريقة بمنتهى البساطة هي انه عنده بوردة سليمة واخدها من هارد تاني بايظ الميديا بتاعته ضربت مثلاً وبيركبها للهارد بتاع الزبون فيشتغل وينقل الداتا من عليه وبعدين يفك البوردة منه ويرجعهولك تاني.

[Rsarabia]

هو فعلا هارد ويسترن ديجتال

بس انا سمعت انهم بيدخلو الميديا فى جهاز و بيجيبو الداتا اللى عليها و ينقلوها لهارد تانى و انا مش مهم عندى الهارد .. المهم الداتا