شجع شجع ... زيط زيط ... هلل هلل ؟؟ طيب و بعدين ؟!

[D . a .\ AYMAN]

الكلام ده بقوله من زمــــــــــــــــــــــــــــــــــــــــــــــــ ــــــــــــــــــــان

وفي كل ماتش مهم مصر تلعب فيه يحصل حاجة زي كده مع الفارق إن المرة دي فاقت الحد فعلا

أنا مش ضد الكورة بالعكس أنا إتفرجت على أجزاء كتيرة من الماتش وانا قاعد في البيت (كنت مشغله في الخلفية) وأنا بعمل أي حاجة مهمة .... وفرحت كمان لما مصر كسبت

لكن أنا ضد التعصب ... وكمان ضد إن بلد نامي زي مصر يصرف كمية الفلوس الغير طبيعية دي للعبة واحدة فقط هى كرة القدم في حين إن نص شعبها تحت خط الفقر أو أكتر

وأهم حاجة في الوضوع أنا ضد الفساد اللى أنا بساعد عليه لما أروح أشتري تذكرة قيمتها لاتتعدى 15 جنيه بـ 450 جنيه في السوق السوداء ومن مين ... ده من الموظفين الحكوميين نفسهم

وضد حاجات كتير قوي لا يتسع الموضوع لذكرها

ومتفقك معاك في كل كلمة قلتها

[wisambasha]

يا دكتور انا معاك في كل اللي انت قولته (علي فكرة انت نسيت تكتب رقم 4 ) والله انا زيك في كل مشاعرك دي ومع اني ما ليش في الكورة الا اني لقيت نفسي منفعل جدا مع المباراة وبهيص وبعلي صوتي وبشجع بلدي من كل قلبي لان لحظة الانتصار جميلة ويا رب نكون منتصرين في كل شيء اخر زي الكورة كدة

اخبار ال SPY ايه ؟؟؟

[Nile_Storm]

متفق معاكو بس سؤال بسيط و علي جنب

بما ان كل الاهداف المذكوره اهداف عامه يتطلب لتحقيقها ان يتعاون الكل و يتقن كل فرد المطلوب منه

ياتري انت بتعمل الي علي عليك باكمل وجه علشان تقدم البلد ؟؟
سؤال ارجو من الكل الاجابه عليه بينه و بين نفسه
علشان يتحول الموضوع لواقع
بدل مايبقي موضوع و كل واحد يقول معاك حق و شويه و الناس تزهقو تنسي و يتنسي و يتوه في ارشيف المنتدي

انا مش قصدي اي اهانه لاحد و الله
بس بجد سئمت من ان فيه كثير من الناس - ولا اقصد صاحب الموضوع او اي من المشاركين فيه لاسمح الله -اصبحو ناقضي للمجتمع و قاعدين طول النهار و الليل يهللو البلد باظت و الناس زباله و و و
و تبص وراه تلاقيه بيعمل كل الي بينتقده في الناس
باختصار كله يبدا بنفسه الاول و يشوف هو عمل ايه او بيعمل ايه لبلده
اعتقد ساعتها مش هنحتاج نعمل موضوع زي ده لاننا هنلاقي بلدنا اتحركت فعلا
و يارب ماتكون مشاركتي رخمه عليكو
بس بجد حسيت ان لازم اقل الكلام ده

[ZALABANY]

متفق معاكو بس سؤال بسيط و علي جنب

بما ان كل الاهداف المذكوره اهداف عامه يتطلب لتحقيقها ان يتعاون الكل و يتقن كل فرد المطلوب منه

ياتري انت بتعمل الي علي عليك باكمل وجه علشان تقدم البلد ؟؟
سؤال ارجو من الكل الاجابه عليه بينه و بين نفسه
علشان يتحول الموضوع لواقع
بدل مايبقي موضوع و كل واحد يقول معاك حق و شويه و الناس تزهقو تنسي و يتنسي و يتوه في ارشيف المنتدي

انا مش قصدي اي اهانه لاحد و الله
بس بجد سئمت من ان فيه كثير من الناس - ولا اقصد صاحب الموضوع او اي من المشاركين فيه لاسمح الله -اصبحو ناقضي للمجتمع و قاعدين طول النهار و الليل يهللو البلد باظت و الناس زباله و و و
و تبص وراه تلاقيه بيعمل كل الي بينتقده في الناس
باختصار كله يبدا بنفسه الاول و يشوف هو عمل ايه او بيعمل ايه لبلده
اعتقد ساعتها مش هنحتاج نعمل موضوع زي ده لاننا هنلاقي بلدنا اتحركت فعلا

ولا ده كمان بأه ينفع لأنك لو بدأت بنفسك هاتلاقي 99 % من اللي حواليك غلط ومش هاتعرف تعيش وهاترجع تاني زي ما انت
من الأخر ما فيش فايده
حسام باشا شكرا على الموضوع الجميل

[abou_ruqi]

بصراحة كل اللي اتكتب صح ولا غبار عليه
بس النظرة للامور منظورها مختلف عندي

انا شايف اننا بلد يحتضر في كل المجالات
الحالة الدينية اخر عك
علميا في غيبوبة لا نهاية لها
وضع اقتصادي كوميدي
الوضع الصحي سلملي عليه كتير
اخلاق انقرضت مع الديناصورات
زراعة بتروي بالمجاري وبتترش بالمسرطنات
صناعة ولا حتي الفانوس عارفين نعمله
بنستورد كل اكلنا والمهم من دوانا

يعني الخلاصة نكد وقرف

فما نجيش علي الحاجة اللي ممكن تدخل السعادة علي المصري الغلبان ونحرمه منها!
وبعدين مسائلة الفلوس فلو متصرفتش علي الكورة حتتصرف علي ملاعب الجولف اللعبة اللي بيلعبهاخمس مواطنين وبيتحفرلها ترع وابار
فخليا تطلع للعيبة بتاعة الكورة واهي حيرجعلنا بعضها في صورة زكوات وصدقات للغلابة انما لو كانت في ايد الحكومة مش حيطلع منها ولا مليم

[Egyzizo]

أنا فوجئت بعد الفرح بتاع امبارح والتشجيع والحماسة والوطنية ، إنى صحيت الصبح لقيت مشاكلى زى ما هى

[Mohamed.Ramah]

كلامك صح بس يمكن دى الحاجة اللى بتفرح فيها مصر كلها بدل النكد اللى شايفينة من قرارات وضرائب وفقر وحالة اقتصادية فى الارض وامراض واوبئة فالناس مش بتفرح كدة كل يوم لان مفيش حاجة تفرح خالص فالماتش هو المنفس الوحيد طبعا لازم يكون فى سلوك حضارى عن كدة فى التعبير عن مظاهر الاحتفال طبعا كلامى دة مش دفاع بل للتوضيح ومتفق مع كلامك بس كل الموضوع هى طاقة عند الشباب بسبب البطالة وبيطلعوها كلها فى الماتش دا انا حتى رحت موطى التلفزيون من كتر التشجيع والصوت العالى اللى فى الاستاد

[Mohamed.Ramah]

فى نقطة تانية بدات تحصل وحبيت اشير اليها وهى ان الاحتفال بالنار دة شىء غلط تماما والطلوع من شبابيك العربية والقاعدة على السقف والشنطة والجرى بشكل متهور دة كلة غلط انا الموقف اللى لسة معلق معايا من امبارح لاقيت كلب وولف المانى كان قاعد على سقف 128 وصاحب قاعد جمبة فوق السقف وعمالين بيجرو بالعربية الكلب كان نص العربية وهو نايم ولا على بالة

[sakrouz]

متفق معاكو بس سؤال بسيط و علي جنب

بما ان كل الاهداف المذكوره اهداف عامه يتطلب لتحقيقها ان يتعاون الكل و يتقن كل فرد المطلوب منه

ياتري انت بتعمل الي علي عليك باكمل وجه علشان تقدم البلد ؟؟
سؤال ارجو من الكل الاجابه عليه بينه و بين نفسه
علشان يتحول الموضوع لواقع
بدل مايبقي موضوع و كل واحد يقول معاك حق و شويه و الناس تزهقو تنسي و يتنسي و يتوه في ارشيف المنتدي

انا مش قصدي اي اهانه لاحد و الله
بس بجد سئمت من ان فيه كثير من الناس - ولا اقصد صاحب الموضوع او اي من المشاركين فيه لاسمح الله -اصبحو ناقضي للمجتمع و قاعدين طول النهار و الليل يهللو البلد باظت و الناس زباله و و و
و تبص وراه تلاقيه بيعمل كل الي بينتقده في الناس
باختصار كله يبدا بنفسه الاول و يشوف هو عمل ايه او بيعمل ايه لبلده
اعتقد ساعتها مش هنحتاج نعمل موضوع زي ده لاننا هنلاقي بلدنا اتحركت فعلا
و يارب ماتكون مشاركتي رخمه عليكو
بس بجد حسيت ان لازم اقل الكلام ده

[overline]والله انا معاك ورايك محترم انا زهقت من الكلام المصرين احسن ناس تقلل من النجاح وتهول فى المصايب مش عيب اننا نكون شعب عنده كتير من السلبيات ولكن العيب اننا نقلل اى نجاح ونرميه ورى سلبياتنا لازم نتعلم نفرح وقت الفرح ونحزن وقت الحزن ويارب يا رب نقلل الكلام شويه كل واحد منا ماسك عيب الغير وتاعب نفسه فى اظهار العيب طيب شوف عيبك الاول اعمل الى عليك وسيب غيرك يشوفك صح اكيد هيغير اشكرك جدا nile storm[/overline]

[wisambasha]

متفق معاكو بس سؤال بسيط و علي جنب

بما ان كل الاهداف المذكوره اهداف عامه يتطلب لتحقيقها ان يتعاون الكل و يتقن كل فرد المطلوب منه

ياتري انت بتعمل الي علي عليك باكمل وجه علشان تقدم البلد ؟؟
سؤال ارجو من الكل الاجابه عليه بينه و بين نفسه
علشان يتحول الموضوع لواقع
بدل مايبقي موضوع و كل واحد يقول معاك حق و شويه و الناس تزهقو تنسي و يتنسي و يتوه في ارشيف المنتدي

انا مش قصدي اي اهانه لاحد و الله
بس بجد سئمت من ان فيه كثير من الناس - ولا اقصد صاحب الموضوع او اي من المشاركين فيه لاسمح الله -اصبحو ناقضي للمجتمع و قاعدين طول النهار و الليل يهللو البلد باظت و الناس زباله و و و
و تبص وراه تلاقيه بيعمل كل الي بينتقده في الناس
باختصار كله يبدا بنفسه الاول و يشوف هو عمل ايه او بيعمل ايه لبلده
اعتقد ساعتها مش هنحتاج نعمل موضوع زي ده لاننا هنلاقي بلدنا اتحركت فعلا
و يارب ماتكون مشاركتي رخمه عليكو
بس بجد حسيت ان لازم اقل الكلام ده

والله العظيم حضرتك بتتكلم صح لكن علي ارض الواقع الكلام ده لايمكن يتنفذ لان انت هاتكون بتنفخ في اربة مقطوعة والسلوكيات الحالية هاتخليك ما تعرفشي مين اللي صح ومين اللي غلط والقوي دايما قانونه هو اللي صح وساعتها هاتلاقي نفسك مثالي وحيد في بلد عشوائي من الالف للياء ومع ذلك انا مش بادعوك انك ما تعملشي الصح لأ اعمله علشان ده نابع من شخصيتك واحترامك لادميتك
لكن ما تحوطش امل في بكرة ان البلد تتقدم علي اي مستوي من المستويات حتي لو كل اللي معانا علي المنتدي اصبحوا بيتعاملوا بمنتهي المثالية

[mohamedbook]

انت كلامك صح ياريت كل الشعب المصري بيفكر زيك
كان اتغير حالنا من زمان احنا عيزين مثقفين وعلماء وايد عاملة ماهرة
مش 22 لعيب في ملعب بيخدوا فلوس للركب 3 مليون في ماتش واحد بس
وللاسف الشعب المصري كله ماشي وراهم وبيدعمهم حتي السياسيين
احنا بقينا في زمن السفه
مفيش مانع اشجع كورة وادعمها بس مش بالشكل دة الحياة كلها والدنيا تقف عشان 22 لعيب
الله يصلح حال البلاد والعباد

[zalpany2000]

ايه ده .. اللهم صلي علي النبي .. الموضوع نور بيكم جميعا .. وشكرا للجميع

تعقيبين صغيرين

استاذ نايل ستورم ... تحياتي ليك بجد .. فعلا معاك حق.. نبطل كلام و انا اولكم كمان .. نبطل كلام و نعمل.. بس حتي لو مابطلناش كلام .. ما نصرخش بعلو صوتنا و نضيع حناجرنا علي التفاهة ... فهمت قصدي يابشا

وسام باشا ... شكرا لتعليقك .. السباي زي الفل استني مني تليفون ان شاء الله

مش عايز انسي اشكر حد من الاعضاء اطلاقا .. كلكم مشكورين علي المرور .. ومشكورين أكتر علي انكم لسه مش بتنجرفوا.. و مصريين
محمد باشا الزلباني ... انا ما قصدتش امبولة الاحباط اللي انت ضربتها في عضل الموضوع ده .. لا يا باشا .. لسه فيه بكرة .. و بكرة ان شاء الله احسن .. بس هارد عليك بكام بيت شعر

النوة شتوية ؟؟
هدي الخطي شوية..
إقفل عليك الحلم
و اتغطي اغنية

شكرا للجميع
تحياتي

[Nile_Storm]

استاذ نايل ستورم ... تحياتي ليك بجد .. فعلا معاك حق.. نبطل كلام و انا اولكم كمان .. نبطل كلام و نعمل.. بس حتي لو مابطلناش كلام .. ما نصرخش بعلو صوتنا و نضيع حناجرنا علي التفاهة ... فهمت قصدي يابشا

فاهم طبعا
و شكرا اخي علي الحوار الممتع

[wisambasha]

الكلام ده قاله الاستاذ سلامة احمد سلامة في جريدة الشروق اليومية وهو بصراحة كلام في الصميم وعلي الجرح

"لقد حصلت مصر قبل ذلك على بطولة كأس الكرة الأفريقية، فماذا حدث؟ أغرقت عبارة عليها أكثر من 1200 شخص. ولم يتحقق لمصر أى تقدم فى أى مجال آخر من مجالات الحياة الاجتماعية أو السياسية أو الاقتصادية. وتكاد الأوضاع فى البلددين تتشابه، من حيث غياب الديمقراطية، والتشرذم السياسى، والاستئثار بالحكم، وانتشار الفساد، وازدياد معدلات الفقر وارتفاع معدلات البطالة.
وربما لهذا السبب يتسابق الناس مع كل مباراة لكرة القدم فى الاستعداد للنصر، وتوقع الفرحة، ونسيان الهموم والمشاكل.. فقد صارت كرة القدم فى البلدين هى مصدر البهجة الوحيدة فى حياتهم لو استجيب لدعائهم وتحقق النصر. ومصدر النكد الاجتماعى الشامل لو حصلت الهزيمة."

المصدر جريدة الشروق اليومية - مصر -عدد 16 نوفمبر 2009

[zalpany2000]

هو ده بالظبط ا استاذ وسام باشا اللي انا قصدت اعبر عنه بالمشاركة
بقينا نهرب بالكورة عن الواقع اللي لازم نواجهه

والله ظاهرة اجتماعية فعلا جديرة بالدراسة .. بس هاندرس ايه . الاسباب معروفة.
شكرا يا باشا