مبروووووك لمصر الفوز على الجزائر 2-0

[Eng.Sameh]

ألف ألف ألف مبروك لينا كلنا ولمصر .. وان شاء الله تكمل ونمسخرهم في السودان

[maka]

انا و انا في الكافيه بتفرج ..لما الوقت وصل للدقيقة 90 بجد كنت قاعد مزهول ان كل الناس اللي كانت جاية تشجع دي ممكن تروح زعلانة

انا بالنسبة لي مش مهتم اوي بالكورة ... اهم حاجة عندي بس ان الجزائر متصعدش!!!

انا مليش فى الكورة وطول عمرى بارد وهادى بشهادة الناس

بس من نص الشوط الاول لحد الجون التانى وانا هتجنن واول مرة اعصابى تتشد كده ومكنتش طايق كلمة من حد

واللى حوالي مندهشين من الحالة اللى وصلتلها

لانى بصراحة كنت واخدها مسالة كرامة لان الجزائريين قلوا ادبهم علينا هناك و جايين بلدنا يبلطجوا وكمان منربهمش

دى تبقى عيبة فى حقنا

[pro_samir]

بجد مش عارف لية معظم الناس كانت متأكدة ان في جون هييجي في اخر لحظة ، كل لما اقابل حد يقولي انا كنت قاعد مستنية

بالرغم من ان في الكافيهات وفي الأستاد كانو ابتدو يمشو

وانا برضو مع ان مليش في الكورة خالص لكن كان عندي احساس رهيب ان في جون في الأخر ، وساعتها ضيفت رد في موضوع قلت يا رب صاروخ من برا ال18 ، شوية وراح بركات مسقطها وجون

مش عارف الواحد يفرح للفوز ولا يفرح في الجزائريين

الحمد لله ان مصر باتت مبسوطة

[powerofhelll]

الحمد لله
بارك الله فيهم
و ان شاء الله نكسبهم في السودان

[mahmoud_magdy]

انا كنت فقدت الامل بجد
دايما بيحرقو اعصابنا في كل ماتش مهم بالطريقه دي
مش عارف ليه لعيبتنا بيتباردو كدا ليه
يجيبوا الجول الاول وهب يناموا بقى
والناس دمها بتحرق وتتعصب
وفي الاخر يجيبو جون والناس تنسى اللي حصل في الماتش
المهم اننا كسبنا
في الاخر انا قلت انا فقدت الامل وفجأه
الجون جه
يــــــــــــــــــــــــــــاه أخيرا عودا حميدا
ونزلت الشارع والطريق فعلا كان مقفول والناس كانت كتييييييييييير
لدرجة كان في ناس معايا قالو احنا اول مره نشوف العاشر مسكونه كدا ( فيها ناس كتير ظاهرين بالشكل ده ) لان العاده ان البلد دايما فاضيه ورايقه وهاديه
الحمد لله
يارب الماتش الجاي نكسب ونتأهل
كفايه حرق الدم اللي حصل للمصريين
وربنا يستر على المصريين اللي في الجزائر

[adel1414]

السلام عليكم و رحمة الله و بركاته
مبروك يا جماعة لمنتخب مصر و يارب يتمم بخير
بس مش عارف هل فعلا الموضوع يستحق كل الضجه دي و التفاعل الكبير في الشوارع والأسفلت المتقطع في الميدان علي رأى أخونا مش فاكر أسمة إية و أن الناس تروح الإستاد من الساعة 12 الظهر عشان تحجز المكان و في منهم أكيد مسلم يوم الجمعة بيكسل يروك يصلي الجمعة في الجامع أو يروح يصلي يوم الأحد بالنسبة لأخوانا المسيحيين في الكنيسة
و أكيد منهم يوم حادثة القطار لم يبدى اى إهتمام و أكيد منهم و منهم و منهم
و أكيد برضة المكافئات ايلي هيحصلوا عليها المنتخب المصري سواء من الإتحاد او من الحكومة أو من رجال الأعمال يستحقوها فعلاً أو هم فعلاً عملوا حاجة يستحقوا عليها كل التكريم والإهتمام ده كله ( انا مش بقلل منهم و لكن ممكن يكون الإهتمام زياده شوية )
أنا عارف أن في منكم هيقول عليا أنى مش بفهم حاجة و دى رياضة و أنت أكيد معندكش إنتماء و هيقولي شعارات في حب الوطن و دور المنتخب العظيم و الحرب الكبيرة إيلي إنتصر فيها أمام الفريق الجزائري
بس في كام سؤال كده ياريت تجوبوني عليه
1- هل في حادث القطار الإخير أو غيرة أو في جنازة الدكتور الكبير مصطفى محمود أنتقل الكم الهائل من الممثلين و الفنانين و كمان رجال الدولة ماراحوا كده الإستاد يشجعوا المنتخب ؟
2- هل القنوات الخاصة زى دريم و الحياه و مودرن عطلوا الإرسال بتاعهم عشان يقولوا كلمتين زى ايلي كانوا مكتوبين ساعت المباراه و بيصفوا وزير الإعلام المصري بأنه متعسف ( و الله هم يدحك و هم يبكى )
و غيرهم و غيرهم كتير
بس للأسف الإنتماء بتعنا بيبقي في الكورة بس أو بمعني أصح في الهيافة بس أو أسف علي كله الهيافة دي بس ملقتش كلمه غيرها و لو كنت لقيت كلمه أقل منها كنت هقولها

و المصري إيلي علي حق ...... عمره ما يقول لأ ( حاضر و بس )

و سلامي لكل مصري و بالتحديد لمشجعي منتخب مصر و بالتوفيق لمنتخب الجزائر

اخويا الصغير كان فى منتدى شات وبعت لاخ جزائرى احنا كسبنا ومصر فزت زكدة بعتلة رسالة بيقول فيها you say viva l'egypt and i say viva algeria but what we can say to israel????????

[محمد عز]

بس للأسف الإنتماء بتعنا بيبقي في الكورة بس أو بمعني أصح في الهيافة بس أو أسف علي كله الهيافة دي بس ملقتش كلمه غيرها و لو كنت لقيت كلمه أقل منها كنت هقولها

بارك الله فيك يا أخى

انا مستغرب جدا من المبالغة فى الانفعالات

الفرحة الشديدة
والحزن الدامي

النهارده واحد اماراتى بيشتكيلى من حظه العثر فيه كافيه تحت بيته
وكان حوالى 5000 مصرى قاعدين بيتفرجوا فى الكافيه ده

وفضلوا لحد الساعه 2 بليل يهيصوا ويزعقوا

محدش عرف ينام والده مريض جدا وعامل كذا عمليه فى القلب معرفش يرتاح

تخيل معايا امبارح كام من المصالح اتعطلت ، كام واحد معرفش يستريح اوينام من الدوشه اللى حصلت

كم من الاموال هتنفق لنقل اللاعبين والجماهير للسودان زى ما قريت النهارده فى الاخبار

يعنى لو الاهتمام الاعلامى واهتمام المصريين بقضية زى التعليم او الفساد او الصحة مماثل لماتش مصر والجزائر . اكاد اجزم ان مصر ستصبح بلا مشاكل.

انا مش بقول منفرحش بس كل حاجة بالعقل

ومصر فيها مليون حاجة اهم من الكورة ميت مرة

[Amr Mohamed]

كلام عاقل اوى وبجد هو الخلاصه وكنت لسه بقولو لاصحابى امبارح لو واحد عيان وعايز يروح مستشفى دلوقتى اكيد هايموت لأنه مش هايكمل لحد المستشفى

[meller]

الف مبروك لمصر وان شاء الله في كاس العالم من الســـــــــــــودان ان شاء الله ويكون الفريق الجزائري في

[N.a.j.d]

مبرررررررررررروك

[Ahmed_Ezz]

الف مليون مبروك لمصر

[LORD.ADeL]

الف مبروك ويارب يكملها ع خير فى السودان باذن الرحمان

[Abo_Lina]

بجد مش عارف لية معظم الناس كانت متأكدة ان في جون هييجي في اخر لحظة ، كل لما اقابل حد يقولي انا كنت قاعد مستنية

بالرغم من ان في الكافيهات وفي الأستاد كانو ابتدو يمشو

وانا برضو مع ان مليش في الكورة خالص لكن كان عندي احساس رهيب ان في جون في الأخر ، وساعتها ضيفت رد في موضوع قلت يا رب صاروخ من برا ال18 ، شوية وراح بركات مسقطها وجون

مش عارف الواحد يفرح للفوز ولا يفرح في الجزائريين

الحمد لله ان مصر باتت مبسوطة

فعلا يا باشا كلنا كان عندنا قناعة إن ربنا هايوفق من عنده و الجون هاييجي و مش هانرجع مكسورين ..

و فعلا متعب أثبت إنه (فرود) بجد و حط الكورة بمعلمة في البعيدة ..و كورة بركات الأخيرة دي لو كانت جت كانت خلصتنا ..بس مكتوبلنا نروح السودان و نتأهل من هناك ..



الحمد لله على فرحة الشعب بكل فئاته ..شعب رائع و إنتمائه لا يتأثر بحالته الإقتصادية ..شعب فيه سلبيات بس أصيل و كان البطل امبارح ..
و الفرحة هاتبقى كده عشر مرات يوم الأربع بإذن الله

[kareemhisham]

فعلا يا باشا كلنا كان عندنا قناعة إن ربنا هايوفق من عنده و الجون هاييجي و مش هانرجع مكسورين ..

و فعلا متعب أثبت إنه (فرود) بجد و حط الكورة بمعلمة في البعيدة ..و كورة بركات الأخيرة دي لو كانت جت كانت خلصتنا ..بس مكتوبلنا نروح السودان و نتأهل من هناك ..



الحمد لله على فرحة الشعب بكل فئاته ..شعب رائع و إنتمائه لا يتأثر بحالته الإقتصادية ..شعب فيه سلبيات بس أصيل و كان البطل امبارح ..
و الفرحة هاتبقى كده عشر مرات يوم الأربع بإذن الله

والله بفرح لما قلاقى حد زاى حضرتك بيشجع من قلبه هنا فى المنتدى ..

ماتش مهم بيتلعب فى الفترة دى .. و احنا فرحانين ان منتخبنا البيمثل بلدنا .. بيحقق انتصارات كبيرة .. ليه منفرحش ؟؟

كلنا تعبانين من البنمر بيه كل يوم من قرف و حرقة دم .. ليه بقة مناخدش الماتش حجة ان احنا نفرج عن نفسنا فى حاجة احنا بنحبها ..

ايوا احنا عارفين ان فى حاجات اهم بكتير .. بس دى ملهاش علاقة .. احنا بنحب الكورة و بنشجع من قلبنا ..

بس للاسف كل شوية ناس تخش تقول ايه الهيافة دى .. و ايه يعنى ماتش .. و الكلام دة !!

طبعا كل واحد حر فى رأيه بس يعنى سيبونا نفرح بالفوز و ان احنا اول مرة نقرب من كأس العالم للدرجة دى من سنة 89

و ان شاء الله مصر فى جنوب افريقيا 2010

[Abo_Lina]

والله بفرح لما قلاقى حد زاى حضرتك بيشجع من قلبه هنا فى المنتدى ..

ماتش مهم بيتلعب فى الفترة دى .. و احنا فرحانين ان منتخبنا البيمثل بلدنا .. بيحقق انتصارات كبيرة .. ليه منفرحش ؟؟

كلنا تعبانين من البنمر بيه كل يوم من قرف و حرقة دم .. ليه بقة مناخدش الماتش حجة ان احنا نفرج عن نفسنا فى حاجة احنا بنحبها ..

ايوا احنا عارفين ان فى حاجات اهم بكتير .. بس دى ملهاش علاقة .. احنا بنحب الكورة و بنشجع من قلبنا ..

بس للاسف كل شوية ناس تخش تقول ايه الهيافة دى .. و ايه يعنى ماتش .. و الكلام دة !!

طبعا كل واحد حر فى رأيه بس يعنى سيبونا نفرح بالفوز و ان احنا اول مرة نقرب من كأس العالم للدرجة دى من سنة 89

و ان شاء الله مصر فى جنوب افريقيا 2010 :s_thum1[1]:

يا باشا اللي يقول يقول
مصر كلها فرحانة و كانت في الشارع ..
و يا رب يا سيدي اللي مفرحش امبارح يفرح يوم الاربع و يعوضها إن شاء الله ..
يا جماعة كل الدول بتفرح لما يحققوا إنجازات كروية من أول ايطاليا و انجلترا لحد موزمبيق و زامبيا ..
ماتحرموش نفسكو و غيركو من فرحة مشروعة جدا في العالم كله