ازاى اعرف نمرت التليفون وبيانات الشخص من الايميل...موقف

[ahmad--ezzat]

اهلا بيكم...الموقف بأختصار... واحد صحبى كلم واحده على النت من خلال الميل عرفها من القرف اللى اسمه الفيس....المهم الواحده دى من الكويت وطلعت مش تمام....فمسح الميل بتاعها راحت بعتت رساله تهزيق محترمه وانتم مصريين كلاب وانتم صراصير وانتم وانتم...هو بقا ما سكتش راح باعت برضه وشتمها جامد....

المهم البنت دى باعتتله رساله قالتله نمرت تليفونه واسم والده وشغلته وقالت انها جابت العنوان وقالتله هوديك فى داهيه وهتبقى قضيه سب وقذف وهطبع الايميلات مرفقه بصورك وهوديهم السفاره وهحبسك

المهم الواد ياعينى مقلق جامد وخايف تعمل اى جاجه....انا اللى بسأله...عرفت النمره منين والباينات وهل فعلا ممكن تعمل حاجه

الله خرب بيت الفيس بوك وسنينه بقا

[eng.octooo]

هيا ممكن تعرف ارقام التليفونات فى حالتين
الاولى انة يكون داخل نت من خط ارضى (نت التليفون موديم) وقتها هيا بتنزل برنامج بيجيب ارقام التليفونات للخطوط الى داخلة نت وبعد مابتجيب الرقم بتشوفة فى موقع دليل زى 140online.com وتعرف الاسم والعنوان

والطريقة التانية انة يكون كاتب بياناتة كاملة على الفيس او الميل ووقتها هيا بتعمل هاك وتعرف الباس بتعتة وتدخل تاخد البيانات



ماافتكرش ان فية طريقة تانية

[Samah AbdAllah]

مش هو كمان عنده الرسالة بتاعتها اللى فيها الشتيمة والسب يبقا كل واحد يقدم اثباتاته
هى طبعا ممكن تعرف كل حاجة من الايميل
بس دى لازم يكون ليها علاقات جامدة اوى لان ده شغل المباحث

[eng.octooo]

ما افتكرش انها هاتعمل حاجة لانها هاتحتاج تعمل محضر وتوثقة والموضوع يتبعت للسفارة والسفارة تبعت مندوب يعمل المحضر ويشوفوا (الهيئة الغريبة دى الى تخصصها جرائم النت مش فاكر اسمها ) وبعد ماتتاكد هاتبعت للسفارة والسفارة ترجع تانى وموااااااااااااااااااال ومافتكرش انها هاتعمل اى حاجة وربنا معاة ويبعدة ويبعدنا عن الاشكل دى

[ahmad--ezzat]

شكرا للردود يا جماعه....بس هو للاسف عمل ديليت لرسايلها وانا قلتله نفس السؤال (انت مش عندك الرسايل)

ربنا يبعد عنا الاشكال دى فعلا

على فكره هو دى اس ال

[eng.octooo]

ان شاء الله مفيش حاجة ولان هوة عندة دى اس ال يبقى هيا عملت هاك على الميل بتاعة او الفيس بوك

[ahmad--ezzat]

ان شاء الله مفيش حاجة ولان هوة عندة دى اس ال يبقى هيا عملت هاك على الميل بتاعة او الفيس بوك

على فكره صحيح....هى فتحت الميل بتاعه وبتبعتله كل شويه تهدده ومش بتهمد خالص... وهو غير الميل بتاعه...ومن ساعتها لا حس ولا خبر....بس هيا كانت كل شويه تبعتله رساله تعقده ويجيلى هيموت من الخوف واقعد اهدى فيه

هو الهاكرز دة بيعرف اسم الوالد والعنوان كمان ؟؟؟؟؟؟

[K.LOTFY]

ان شاء الله مفيش حاجة ولان هوة عندة دى اس ال يبقى هيا عملت هاك على الميل بتاعة او الفيس بوك

مش شرط تكون عاملة هاك هو ممكن يكون حاطط المعلومات بتاعته ارقامه وميله فممكن اى حد يعرفها من البروفيل لو هو مش عامل ان حد معين هو اللى يشوف الحاجات او محدش يشوفها اصلا
فعشان كده لازم كل حد ياخد باله وميحطش حاجات شخصية قوى ممكن تضره

[ahmad--ezzat]

لا طبعا مهو لو حاطط المعلومات كان عرف انها جابت المعلومات من المصدر دة....
اعتقد مفيش حد فينا بيكتب عنوانه ومهنه والده ورقم التليفون

[mxz911]

ممكن يكون واحد صحبه بيستظرف !

[samoevil911]

اقولك حاجة .. مالحوار دا ممكن يطلع مقلب في الاخر ..
بمعني ان البنت دي دخلت على ايميله مثلا .. وكلمت حد يعرفوا او بينات .. وقعدت تجمع ..

لكن موضوع انها جابت بياناته .. من ايميله بس .. دي عايزة واحدة تقيله اوي اوي اوي .. خصوصا انها في الكويت ..
لأنها هتطر تدخل على الايبيهات وتعرف رقم الدي اس ال . وتجيب بقي رقمه واسم والده (لأن غالبا التليفون باسمه) والرقم والعنوان ..
ودا عايز في الغالب يا مباحث .. وادارة الفيس بوك طبعا بتبقي عارفه علي الاقل العنوان ورقم الدي اس ال ومنه بيتجاب الباقي ..


وانا عن نفسي شايف انها بتهبل ولا هتعرف تعمل حاجة .. ولو عايزة تعمل حاجة كانت عملت .. دا غير انها اصلا ملهاش مصلحة عنده الا ل بتتسلى .. غير كدا هدخل نفسها في موضيع ملهاش لازمة ..
ولو صحبك دا قلبه جامد يطيح فيها .. ويهددها بالرسايل اللي عنده حتى لو مسحها وهي هتعرف منين .. دا غير شركات المحمول دي بيقي عندها الرسايل .. يعني ان اتبعتلوا رسالة لكن مضمون الرسالة (معرفش).. بس المهم ان هيبان انهم اصلا على علاقة .. ودا في حد زاته في دولة زي الكويت هيبقي اهانة كبيرة ليها ..



والله اعلم ..

[kasten]

ايه ياعم ده
الله يرحم الرجاله
اللى عندها تعمله .. وبعدين كويت ايه اللى فيها بنت هاكر كده
دول بيقرو بالعافيه .. مليون الميه حد صاحبه وبيعمل مقلب
ولو مش كده برضو عادى ده نت وشات .. وحتى لو ايه ده كلام فاضى وملوش اى اساس من الصحه .. اى حد يعمل ايميل ويشتم نفسه منه .. ويحط اسم اى حد فى بلد تانى ويبلغ . إفكس ياعم صباح الهطل
طمن قلبك .. استرجل واشرب بريل