هل يوجد طريق بري يربط بين مصر و السودان ؟؟؟؟

[mostafabakry]

يا جماعة انا الفكرة عمالة تلعب في دماغي و ما راضياش تفارقني

هو فيه طريق بري بيربط بيم مصر و السودان و لو فيه المسافة كام بيننا و بينهم

يعني لو واحد اتجنن وحب يروح السودان بالعربية ممكن و لا مستحيل و المسافة كبيرة و لا ممكن تتقطع بالعربية


انا عارف ان الفكرة مجنونة شوية بس ايه المانع !!!!!!!!

[Michael_Lanos]

اللى اعرفه ان المسافه من القاهره لاسوان حوالى 1000 كيلو وفى ناس بتاخدها بالعربيه ...
لكن السودان اظن صعبه .. وبرده لازم نخاف من الناس اللى بيخطفوا المراكب اللى في النيل لحسن يغيروا نشاط ويخطفوا عربياتنا

اسال يمكن فيه قطار ولا حاجه

[Sameh]

أعتقد فيه طريق من حلايب لبور سودان بمحاذاة البحر الأحمر ، وبعدين تمش غرب إلى عطبرة ، وبعدين تنزل جنوب بمحاذاة النيل إلى الخرطوم

[mostafabakry]

انا الللي اعرفه ان فيه لانشات نيلية كبيرةي اللي بتنقل الناس من مصر لأسوان
لكن معرفش ان كان فيه طريق بري و لا لأ
انا كنت سمعت انه فيه طريق بيتعمل بس هل اتنفذ و لا كان كلام في كلام

هو ممكن جوجل ايرث يوضح لنا حاجة زي كدا ؟؟؟

[mostafabakry]

أعتقد فيه طريق من حلايب لبور سودان بمحاذاة البحر الأحمر ، وبعدين تمش غرب إلى عطبرة ، وبعدين تنزل جنوب بمحاذاة النيل إلى الخرطوم

طيب ايه اخبار الطريق دي و طولها كام

[tarekaf78]

يا جماعه دا الواحد هقبال ميروح السودان بالعربيه هيكون طلعت روحه و تخيلوا المشوار ده رايح جاى كمان

[HAMZAWY]

يا جماعه دا الواحد هقبال ميروح السودان بالعربيه هيكون طلعت روحه و تخيلوا المشوار ده رايح جاى كمان

ده غير انو لما يوصل حنكون احنا هنا خلصنا احتفالا بصعودنا للمونديل

[mr_sameh]

ده غير انو لما يوصل حنكون احنا هنا خلصنا احتفالا بصعودنا للمونديل

هههههههههههههههههه

[kasten]

إالـــعــب

[misoalex]

على ما اعتقد عقبال متوصل يكون المنخب رجع مصر

[أحمد كمال]

انت ضامن امن و امان و خدمات الطرق هناك؟

فكك

[nomercy22]

عقبال مانروح هيقولونا روحوا جنوب افريقيا هتلقوا المنتخب هناك

[SHNORY]

كان فيه مشروع عمل طريق يربط مصر بالسودان كان قدمه وزير تقريبا او حد مهم من سنين
وكان حيبدا من اول مارينا لحد السودان
وكان بتفريعاته حيكون طوله 2000 كيلو متر
وطبعا التفريعات دي كان حيكون عندها خدمات ومدن حتتبني
ووقتها كان تكلفته 6 مليار تقريبا
دلوقتي تكلفته 13 مليار ومتعملش برضه
كان زماننا لمينا بعض وروحنا اتفرجنا علي الماتش لو كان الطريق ده اتعمل

[MoHaMed HaMeD]

على ما تروح هبيبقى كاس العالم خلص

هى فكره بس صعب

[aboalm]

ههههههههه طريق بين مصر و السودان
طيب لكم ان تتعرفو على الحقيقه فى عام 2005 كنا بنجدد السفاره المصريه فى الخرطوم ومجموعه من العمال وصلت بالطريق البرى يلا نتعرف بقى على الطريق البرى ركبو القطار لآسوان و من اسوان ركبو المركب لوادى حلفا و بعد كده منفذ حلايب و شلاتين و ندخل فى الغريق بعد كده الاتوبيس على الجانب السودانى عباره عن سيارة نقل اتقفلت و تم تغيير النشاط لآتوبيس رحلات يسير لبعض الوقت على الاسفلت ثم بعد كده تبدء رحلة اقلاع الاتوبيس او السيارة النقل سابقا بيدخل فى مدق فى الصحراء بسرعتة القصوى لانه بمنتهى البساطه لو العربيه بطأت سرعتها حا تغرز يعنى حا تغرز تقريبا لمدة 10 او 12 ساعه فى المدق ده بدون مبالغه واحد منهم قالى بالحرف احنا أخدنا مطب انا كنت قاعد على الكنبه الخلفيه و هيا واطيه عموما لاقيت نفسى خبطت فى السقف. لاء و الجميل انه بيقول ايه ما فيش اى علامات نهائى لانك فى الصحراء غير كل مده تلاقى فردة كاوتش على الجانب دى علامة للمدق و فى وسط الصحراء تلاقى واحده قاعده بتعمل شاى طلعت منين ما حدش يعرف هيا دى الاستراحه بتاعتهم بعد كده رجعو تانى بقى على الاسفلت الحمد لله لمده مش فاكر أد ايه بس وصولو بالسلامه بعد 3 أيام من خروجهم من بيتهم فى القاهرة.
لسه عاوز تروح بعربيتك ؟؟؟؟؟؟؟؟؟؟؟؟؟؟؟؟؟؟؟؟