يا ناس اتقو الله إحنا في الأشهر الحرم ....هما المسلمين ناسيين ولا نايمين ولا مخدرين؟

[aif]

في الجاهلية قبل الاسلام كان العرب يحترمون الاشهر الحرم حتى انهم كانو يتوقفون عن القتال فيها ...
حتى لو كان هناك حد او قصاص او ما شابه كانو يؤجلونه الى ما بعد الاشهر الحرم
وجاء الاسلام ليعظم حرمة هذه الاشهر و يمنع القتال فيها

يسألونك عن الشهر الحرام قتالٍ فيه قل قتال فيه كبير وصدٌّ عن سبيل الله وكفر به والمسجد الحرام وإخراج أهله منه أكبر عند الله والفتنة أكبر من القتل ولا يزالون يقاتلونكم حتى يردوكم عن دينكم إن استطاعوا .... سورة البقرة

(إن عدة الشهور عند الله اثنا عشر شهراً في كتاب الله يوم خلق السموات والأرض منها أربعة حرم ذلك الدين القيم فلا تظلموا فيهن أنفسكم وقاتلوا المشركين كافة كما يقاتلونكم كافة واعلموا أن الله مع المتقين) «التوبة: 36»


ايه اللي بيحصل في هذا الزمن العجيب .....
لو سألت الناس في الشارع 90% منهم لن يعرفو ماهي الاشهر الحرم .... ومعظمهم ح يقولو رمضان من الاشهر الحرم ......
بلاش كدة .....
تعالو شوفو المصائب الموجودة حاليا في ذروة الاشهر الحرم
في العراق ..... حرب بين المسلمين والمسلمين
في اليمن وجنوب السعودية .... حرب بين المسلمين والمسلمين
في افغانستان .... حرب بين المسلمين والمسلمين
في باكستان ..... حرب بين المسلمين والمسلمين
في فلسطين ..... حرب بين المسلمين والمسلمين
وفي مصر والجزائر المسلمتين ..... الناس يكادو يقتلو بعض علشان لقاء رياضي مسموم
....
ده المشركين كانو بيقدسو الاشهر الحرم ولا يقاتلو فيها
احنا ايه اللي بنشوفه ده
ده مافيش مسئول مسلم عاقل او عالم لا يخاف في الله لومة لائم طلع في اي وسيلة اعلام يدعو لإحترام الاشهر الحرم .... او على الاقل انا ماشوفتش ده
كأن الموضوع بقي موضة قديمة .... او خايفين الناس تتريق عليهم لو قالو كدة ....
لاحول ولا قوة الا بالله ........ يعني العلماء الاجلاء بتوعنا بنشوفهم يقولو عن رضاع الكبار و التدخين في نهار رمضان يفطر ولا لأ .... ويطلعو يتخانقو ع الهوا ..... ومافيش حد قادر يقولهم اتقو الله احنا في الأشهر الحرم ..... اتكسفو على دمكم وبلاش قتال في الاشهر الحرم ......
حسبي الله ونعم الوكيل
.....
وبعدين نتساءل بمنتهى السذاجة .... هو احنا متخلفين ومذلولين ليه ؟؟؟؟ وربنا مش بينصرنا ليه ؟؟؟؟

{يا أيها الذين آمنوا إن تنصروا الله ينصركم ويثبت أقدامكم}

[Karim_Monir]

الله يفتح عليك يا شيخ احمد
ربنا يهدى المسلمين
والناس مش عارفة قد ايه اثمها كبير جدا
وانها من المتفق عليها انه من اقسم بها الله في كتابه الكريم والفجر وليال عشر

[aif]

الله يفتح عليك يا شيخ احمد
ربنا يهدى المسلمين
والناس مش عارفة قد ايه اثمها كبير جدا
وانها من المتفق عليها انه من اقسم بها الله في كتابه الكريم والفجر وليال عشر

والله يا كريم دي حاجة تحرق الدم
ده المفروض المسلمين ما يقاتلوش الاعداء في هذه الاشهر الا لو هم بدأوا القتال ....
نقوم نقاتل بعض ...... وفي الأشهر الحرم ....... ده الوثنيين والمجوس وعباد البقر والشجر والحجر...... واليهود .... بنفذو تعاليم دينهم ( بغض النظر عن صحتها ) اللي بيعتقدوها ...
يبقى احنا المسلمين نعمل كدة .... وعادي جدا كأننا معملناش حاجة .... كل شيء طبيعي جدا

[حماده المصري]

ربنا يكرمك ياشيخ ويجعله في ميزان حسناتك

ربنا يهدي المسلمين جمييعا

وياريت كلنا ندعي للمسلمين والمسلمات والمؤمنين والمؤمنات

[M.Osman]

لا حول ولا قوة إلا بالله

[M.almaghraby]

الجزائريين بيقولوا علينا يهود!!

[mohamedbook]

ياشيخ احمد احنا بقينا في زمن الفتن
وما اكثر السفهاء في البلد الله يهديهم
اما بالنسبه للحوثيين الي في اليمن فدول شيعة عيزين ضرب النار يسبوا السيدة عائشة والصحابة ويختلقون في الدين ما ليس به

[zakiali]

انتم مصدقين ان السعوديين همه اللي بيحاربو ؟ دول هنود مرتزقه في الجيش السعودي .. الضباط الرتب بس همه اللي سعوديين انما الجنود هنود علي باكستان .

[aif]

بغض النظر مين اللي بيحارب وهما شيعة ولا سنة
القتال حرام في هذه الأشهر
والمشركين كانو بيبطلو حرب في الشهور دي
...
انا نسيت اذكر الصومال كمان
...
سؤال غبي شوية ...... هو فيه حد غير المسلمين بيحارب بعضه في العالم ؟؟؟؟؟؟
حسبي الله ونعم الوكيل

[besbescat]

ياشيخ احمد احنا بقينا في زمن الفتن
وما اكثر السفهاء في البلد الله يهديهم
اما بالنسبه للحوثيين الي في اليمن فدول شيعة عيزين ضرب النار يسبوا السيدة عائشة والصحابة ويختلقون في الدين ما ليس به

حتى في زمن الفتن تبقى للمسلم حرمته وبالنسبة للحوثيين فهم من الطائفة الزيدية وهي أقرب الطرق للسنة ولايسبون الصحابة وتحول بعض علمائهم للسنة والموضوع فيه غموض وعايز تدخلات رشيدة مش بالسلاح لقد صدق فينا للأسف قوله تعالي (بأسهم بينهم شديد)

[samcar]

الجزائريين بيقولوا علينا يهود!!

انت قابلت الجزائرين كلهم!!!!!
اذا كان بلغك كلام من اعلام فاشل هنا اوهناك يبقى كل الجزائرين بيقولوا كده- ؟؟؟؟
المهزله ان لو اسرائيل كانت هدمت الاقصى يوم الماتش مكانش حد حيتهز له ديل- ايوه ديل مادام وصلنا للحد ده من الهمجيه
المضحك المبكى- ان لو اتهلنا لسى كاس العالم 0 حكومتنا الرشيده النظيفه هتنب على حس الاستعداد ملايين وملاين- وفى الاخر نرجع بعد ماتش ولا اتنين وواحنا مغلوبين زى المره اللى فاتت نقوم نقابل المجاهدين بالزفف وكل عيل منهم يلهف ملايين ويعمل بعد كده مدرب ولا معلق ولا خبير وادفع يا شعب

بذمتكم مش لو الجزائر تغلب يبقى ربنا بيحبنا
شعب يستاهل اللى بيجرى له

[adel1414]

انت قابلت الجزائرين كلهم!!!!!
اذا كان بلغك كلام من اعلام فاشل هنا اوهناك يبقى كل الجزائرين بيقولوا كده- ؟؟؟؟
المهزله ان لو اسرائيل كانت هدمت الاقصى يوم الماتش مكانش حد حيتهز له ديل- ايوه ديل مادام وصلنا للحد ده من الهمجيه
المضحك المبكى- ان لو اتهلنا لسى كاس العالم 0 حكومتنا الرشيده النظيفه هتنب على حس الاستعداد ملايين وملاين- وفى الاخر نرجع بعد ماتش ولا اتنين وواحنا مغلوبين زى المره اللى فاتت نقوم نقابل المجاهدين بالزفف وكل عيل منهم يلهف ملايين ويعمل بعد كده مدرب ولا معلق ولا خبير وادفع يا شعب

بذمتكم مش لو الجزائر تغلب يبقى ربنا بيحبنا
شعب يستاهل اللى بيجرى له

اتفق مع حضرتك

[zyadahmed]

القيادة السياسية فى الجزائر تمر بازمات كثيرة وكبيرة وجاءت هذه المبارة لها هدية عظيمة لينسى الشعب ما هو فيه وهو نفس الوضع فى مصر

وبسبب كرة القدم اللى هى ( لعبة ) مجرد لعبة تربت اجيال واجيال من شباب الجزائر على كره مصر وشعبها كره اعمى لا يجوز لمسلم ان يكرهه لمسلم لسبب تاف مثل ذلك او لاى سبب كان

وشباب مصر كرد فعل بادلوهم الكره بالكره مهما قلنا ده مش صحيح وكلام اعلام طيب ما انا من الشعب وعارف كل اللى حواليا بيكرهوا الجزائر قد ايه وحتى هنا فى السعودية الكل يكره الجزائر من طلابى فى المدرسة الثانوية والزملاء السعوديين بسببب تعصب الجزائر الاعمى

وتسأله ليه يقولك عشان الكورة !!!!!!! ؟؟؟؟؟؟ وهل تستحق الكرة يا اخى ان تبغض شعب مسلم كل هذا البغض ؟؟ فيسكت الاخ ويرد مهما اللى بيكرهونا

على فكرة انا كنت عاشق لكرة القدم وكرهتها بسبب نزاعات الزملاء فى المدارس والعمل والجامعات بعد مباريات الاهلى والزمالك

ربنا يهدى الجزائر وشعب الجزائر وكفاية هبل بقى فوقوا من سياسة الفرنسة اللى انتهت ظاهريا من سنة 1962 بعد الاستقلال ولكن مستمرة تحت السطح والاخوة الامازيغ ( البربر ) اللى هما نسبة كبيرة من شعب الجزائر عيب ما تتطلعوش كرهكم للعرب فى بلادكم على مصر وباقى العرب احنا يا اخوانى مسلمين ولسنا فراعنة

[أبو عبدالله]

انت قابلت الجزائرين كلهم!!!!!
اذا كان بلغك كلام من اعلام فاشل هنا اوهناك يبقى كل الجزائرين بيقولوا كده- ؟؟؟؟
المهزله ان لو اسرائيل كانت هدمت الاقصى يوم الماتش مكانش حد حيتهز له ديل- ايوه ديل مادام وصلنا للحد ده من الهمجيه
المضحك المبكى- ان لو اتهلنا لسى كاس العالم 0 حكومتنا الرشيده النظيفه هتنب على حس الاستعداد ملايين وملاين- وفى الاخر نرجع بعد ماتش ولا اتنين وواحنا مغلوبين زى المره اللى فاتت نقوم نقابل المجاهدين بالزفف وكل عيل منهم يلهف ملايين ويعمل بعد كده مدرب ولا معلق ولا خبير وادفع يا شعب

بذمتكم مش لو الجزائر تغلب يبقى ربنا بيحبنا
شعب يستاهل اللى بيجرى له

كلام جميل
ربنا يهيدنا جميعا
وانا نفسي الناس اللي بتاخد أخطاء الجزائريين واللي بيعملوه دلوقتي حجج وشماعة يعلقوا عليها عصبيتهم وتعصبهم
ياريت نشوف اخطاءنا الاول قبل ما نشوف او نتكلم عن اخطاء الغير
يعني احنا محدفناش بالطوب ولا قلينا ادبنا قبل كده ولا حتى دلوقتي ؟؟؟؟
يارب اللهم لا تحاسبنا بما فعل السفهاء منا واهدينا جميعا واحفظنا من الفتن ما ظهر منها وما بطن

[zaza_lanos]

فاِتن كقطع الليل المظلم
اللهم احفظنا يارب العالمين
وحسبى الله فى من يساعد على اشعال الفتنة بين المسلمين