يخوت زعماء الدول الإسلامية !!!

[mostafabakry]

الموضوع دا انا ناقله من منتدي آخر و حبيت اعرضه عليكم في المنتدي و تشوفوا الفرق

رحم الله إمرئ عرف قدر نفسه
يخت الرئيس الايراني


عبارة للنقل استخدمها الرئيس الايراني واطلقوا عليها يخت من باب الدعابة في مواقع الانترنت ..وعرف عن عنه التواضع جدا.










يخت الملك فهد
تم بناء هذا اليخت عام 1984مبطول 147 متر، في ذلك الوقت كان يعتبر سابق لأوانه من ناحية الفخامةوالحجم
ل درجة أنه لوقت طويل كان يصنف من أفخم اليخوت في العالم ويحتوي على مهبطهليكوبتر،
أطلق الملك فهد على هذا اليخت اسم: الأميرعبدالعزيز على اسم ابنه المفضل وبعد وفاة الملك فهد أهداه عبدالعزيز إلى الملك عبدالله

يخت الأمير سلطان بن عبدالعزيز
تم بناء هذا اليخت في عام 1999مبطول 139 متر بثمانية طوابق وبمواصفات خاصة جدا لا يمكن تخيلها من ناحية الفخامة أوالحجم
لدرجة أن البعض يعتقد أنها سفينة ركاب للوهلة الأولى،
أطلق الأميرسلطان على هذا اليخت إسم: السلامة
تعتبر تكلفة هذا اليخت غيرمؤكده ولكن قدرت بحوالي مليار ريال سعودي كما أنه أيضا يحتوي على مهبطهليكوبتر
وعلى الرغم من أنه قد يفوق فخامة يخت الملك فهد إلا أن طول هذا اليختيقل بحوالي ثمانية أمتار عنه

يخت الوليد بن طلال
تم بناء هذا اليخت خصيصا لرجل الأعمال وتاجرالسلاح عدنان خاشقجي باسم نبيلة إبنة عدنان ثم اشتراهالأمريكي دونالد ترامب لينتهي به المطاف إلى الوليد بن طلال وقد سماهالوليد
Kingdom 5KR
والاسم يمثل اسم شركة المملكة ورقم الحظ الذييؤمن به الوليد
وأول حرف من اسم خالد وريم وقد تم بناؤه عام 1980م بطول86 متر

خامسا: يخت الأمير خالد بن سلطان
اسم اليخت: Golden Odyssey بني عام 1990م بطول 80 متر

يخت الأمير سلمان بن عبدالعزيز
اسم اليخت: طويق وتم بناؤه عام 2002م بطول 72 متر

يخت الشيخة موزة المسند

ومن الداخل

هل عرفتم لماذا لا يهابنا العالم ؟؟

ولكن العالم يهاب ممن ؟؟

العالم يخـــاف ممن ينــام على الأرض

ويصـــلي على سجــادة باليــة

ويذهب في الحـج إلى عرفــات - على ظهر عربــة وانيت مكشوفة

ويــأكـــــــل عــــــلى الأرض

وفي المقابل.. العالم لا يخشى ممن جعل الدنيا أكبر همه ومبلغ علمه

عن رسول الله صلى الله عليه وسلم قال : ( توشك أن تداعى عليكم الأمم كما تتداعي الأكلة على قصعتها ، قالوا: أو من قلة نحن يومئذ ؟ قال : بل أنتم كثير ولكنكم غثاء كغثاء السيل ، ولينزعن الله من عدوكم المهابة منكم ، وليقذفن في قلوبكم الوهن ! ! .
قالوا: وما الوهن يا رسول الله ؟ قال : حب الدنيا وكراهية الموت ).

[aif]

لا يوجد رد او تعليق غير قول الله تعالى :

{ ثُمَّ لَتُسْأَلُنَّ يَوْمَئِذٍ عَنِ النَّعِيمِ }

تخيل الاسراف والتبذير ده ..... وكل يوم كتير من الناس بيموتو من الجوع

[ehabradwan]

منتهى الاسراف م البذخ اللي في الدنيا. مين الشيخة موزة دي ! انا فاكر سمعت الاسم ده قبل كده

[abou_ruqi]

الموضوع فيه إسقاط غير محبب لنفسي ,وهو حق يراد به باطل كما يبدو لي
على فكرة إحنا عندنا نماذج أفضل من أحمدي نجاد على الأقل عقيدته سليمة مثل سوار الذهب مثلا
وعندك هنا في مصر شخصيات البلد بتاعتها مثل "أسامة الباز" الذي في الأجازة الصيفية في اسكندرية يصلي في نادي الشبان المسلمين ثم يركب الترام هو وزوجته ويدفع التذاكر و ينزل يتمشى على رجله في محطة الرمل ثم يعود بالترام

أهل السنة ليسوا جميعا آل سعود
وأهل الشيعة ليسوا جميعاً أحمدي نجاد

[Ahmed Nouh]

فين شنورى واحمد كمال ؟

[zaza_lanos]

تسلم ايدك
احبوا الدنيا اكثر واهم من حب الاخرة

[hossam_elwani]

اليس هؤلاء هم زعماء السنة فى العالم الاسلامى !!

اين الاقتداء برسول الله (ص) وسلفنا الصالح ؟؟!!

صلى الله على محمد صلى الله عليه وسلم

ورضى الله عن السلف الصالح امثال عمرو بن الخطاب وعمرو بن عبد العزيز

[melmegharbel]

مش لازم نصدق صور الدعاية اللى بيحاولوا ينشروها لأحمدى نجاد، لسبب بسيط إن الصور دى كلها حركات تسويق من الشيعة للراجل بتاعهم عشان يظهر فى صورة المتواضع الفقير المتدين، فالمسلمين يتخيلوا إن إيران بتمثل الإسلام وده طبعا مش حقيقى.

[معتز]

ممكن ان يكون من الاهداف تلميع احمدى نجاد...بس وماله...اذا كان الرجل يتصرف بهذا الاسلوب طول الخط....انا لا اعلم زعيم او رئيس دوله بهذا التواضع الجم والبساطه التى لا تصدق....علاقة الرجل المسلم الشيعى تخصه مع خالقه ولكن ما يهمنى سلوكه الانسانى وعلاقته مع من يحكمهم....

[aif]

مش معنى انه شيعي يبقى كل حاجة بيعملها غلط
يعني غاندي مثلا كان بوذي ..... بيعبد البقر والعياذ بالله
لكن هل كان ما يفعله كله خطأ
كل واحد عنده اخطاء وعنده اشياء كويسة
احنا المفروض نقتدي بكل شخص فيما يصيب فيه ..... ونبتعد عنه فيما أخطأ
يعني نجاد ممكن نعمل زيه فيما يختص بتصرفاته كرئيس متواضع .... لكن فيما يخص العقيدة اكيد لأ
ولا الشيوخ دول علشان سنة يبقو صح في التبذير ده ؟؟؟؟؟؟؟
...
على فكرة الشيخة موزة هي شيخة قطر ..... اقصد زوجة امير قطر

[w-m-a]

الدعاية للشيعة على حساب السنة

[justify]السلام عليكم ورحمة الله وبركاته
احترس يا اخى العزيز من الدعاية للشيعة على حساب السنة
طبعا كل دى حركات لنشر الفكر الشيعى زى التسويق لحركات حزب الله وانتصاراته المزعومة
شوف فى ايران الشخص المتواضع احمدى نجاد بيعدم كام سنى من الاهواز فى اليوم
قتلهم الله
وهذا ليس دفاعاً عن المبذرين وانما توضيح بسيط
ثانياً صورة الطبق الكبير هى صورة من موسوعة جنيس
[/justify]

[ahmed4000]

معلش بس ياريت متنجرفوش ورا ايملات موجهة للتاثير فينا
يعنى صور المركب بتاعته غريبة شوية مين اللى طالع من البحر بيصوره

وبيصوره ليه اصلا؟

وازاى رئيس دولة قاعد بيصلى فى الشارع كده

ولا حكاية الحج فى عربية نقل طيب يعنى مفيش اتوبيس حتى

ومين اللى حاطط صور دول قدام دول

يعنى ليه حاطط شيعة قدام سنة الا اذا كان عايز ياثر فينا فعلا ويخلينا نميل ناحيته

لو نجاد كويس ومتقشف كده..مبروك عليه مش حيفرق حاجة فى نظرتنا ليه انه شيعى ولو عليه ياكل المنطقة كلها

[د.احمدالشافعى]

موضوع حق اريد به باطل
احمدى نجاد رجل صنعته الدعايه الشيعيه والصهيونيه
هو من اشد و اخطر اعداء الاسلام
واسالوا سنة العراق عليه

[kh_talaat]

مش معنى انه شيعي يبقى كل حاجة بيعملها غلط
يعني غاندي مثلا كان بوذي ..... بيعبد البقر والعياذ بالله
لكن هل كان ما يفعله كله خطأ
كل واحد عنده اخطاء وعنده اشياء كويسة
احنا المفروض نقتدي بكل شخص فيما يصيب فيه ..... ونبتعد عنه فيما أخطأ
يعني نجاد ممكن نعمل زيه فيما يختص بتصرفاته كرئيس متواضع .... لكن فيما يخص العقيدة اكيد لأ
ولا الشيوخ دول علشان سنة يبقو صح في التبذير ده ؟؟؟؟؟؟؟
...
على فكرة الشيخة موزة هي شيخة قطر ..... اقصد زوجة امير قطر

كلام سليم


وعمر ما الشيعه ما هيبقوا أخطر علينا من امريكا واسرائيل

[MTAK]

يا اخوانا حتى لا ننزلق الى الجديث عن سنه و شيعه و معظمنا " و انا منهم لا نعرف الا الفتات عن تلك المواضيع"
ليه مانخدش الحلو من كل هذا
نستخلص ما يفيدنا و نرمى الباقى
---
اذا كانت الصور بقصد تلميع الرئيس الايرانى
و ماله
لا هو عيب و لا حرام
ناخد احنا بقى الورنيش و نلمع بيه و نشوف هايدى معانا نتيجه و لا لأ
---
اما يخوت العرب
انا اراه اسراف و لكن نضرب مثل مقارب
سيادتك موظف كويس و اشتريت عربيه لانوس قسط من مرتبك الشهرى و بيعت ذهب مراتك علشان تروشها شويه و تجيبلها فرش جلد و كاسيت بيوونير :)
هانقول ان حضرتك بتقبض 700 جنيه فى الشهر و عندك ولد رضيع
----
طيب ييجى واحد يصور عربيتك و يعرضها على مواطن موظف فى ارشيف هيئة الاراشيف و بيقبض 120 جنيه و ساكن فى عزبة الهجانه و شغله فى 6 اكتوبر و عتده ولدين فى مرحله التعليم الابتدائى
اكيد هايبصلك نظرة الثراء الفاحش

--- لا اقصد المقارنة المتطابقه و لكنها عمليه نسبيه
اليخت ده بكام و هو عنده كاااااااااااااااااااااااااااااااااام و بيصرف منهم كاااااااااااااااااااااااااااااااااااااااام على الفقراء "مثلا"
و كله بحسابه فى الاخرة

مش كده و لا ايـــــــــــــــــــــــــــــــــــــــــــه