لا فندق ولا انذارات ولا جماهيرولا خطط..مفيش غير ربنا

[ahmed4000]

كلها كام ساعة ويبدا الماتش

بس المرة دى فى حاجة مختلفة...يوم السبت محدش كان بيقول غير "يارب"

الكل كان خايف وقلقان وعارف ان الموقف صعب وربنا وحده اللى حينقذنا

والجون اللى جه قبل 40 ثانية من النهاية كان من عند ربنا

والناس كلها خرجت من الماتش تقول لا خطة ولا جمهور ولا لعيبة...هو ربنا بس

لكن النهاردة الوضع ليه مختلف...الناس عمالة تدور على السوادنين حيقفوا معانا ولا لا

ياترى الطيارات بتاعتنا حتقدر توصل عدد اكتر ولا هما

اصل الجون مش حيلعب وخط الوسط فكده احنا احسن

اصل حسنى عبد ربه راجع

طيب فين ربنا بقى خلاص بنحط النجاح على عوامل تانية


زعلت اوى من موقفين...

الاول: لما شحاتة غير الفندق فى السودان بفندق تانى وقال اصل اتغلبنا فيه قبل كده ووشه نحس!!!!!!! كده برده بعد مربنا نصرك النصرة الرهيبة دى ورجعلك روحك فى اخر 40 ثانية تقوم تقول فندق حيغلبنا وفندق يكسبنا.

الثانى: حصل قبل الماتش الاولانى وللاسف من اكتر واحد محبوب وهو ابو تريكة..لقيت خبر انه حيلبس الكوتشى اللى جاب بيه جون مش عارف فى مين ومين...انت يا ابو تريكة تعمل كده وتفكر كده...الكوتشى هو اللى حيوفق؟ ووالله حسيت انه معملش اى حاجة فى الماتش علشان الموضوع ده

لو الناس بتتكلم فى تدريبات وخطط حتتحط...معاكم للصح احنا بناخد بالاسباب

لكن تشاؤم وتفاؤل وجمهور وننسى التوفيق بتاع ربنا..ربنا يستر ان شاء الله



متنسوش.....يارب

[Abomar77]

فعلا ياباشا ....
يــارب نصرك

[ahmad--ezzat]

عندك حق....فرقتنا لعبت زى الزفت اصلا
1-كور مقطوعه كتير
2-رفعات ضيعه
3-ميس باس كتير
بالاضافه ان حمص وابو تريكه والمحمدى مكنوش تمام....
متعب معملش غير الجون فقط

ياجماعه الجون التانى اللى فى اخر دقيقه ده جه عشان ربنا...ربنا بيقول لنا انا اهو بكسبكوا وبقبل الدعوات.على الله الناس تهتم بالدين زى الكوره كده....معظم الناس فاكره ان احنا جامدين وقطعنا الجزاائر....والله المكسب دة من دعوات المصريين والملسمين وربنا يسطر انهرده

[human]

يعنى ايه مافيش خطه؟؟؟

الراجل كان بيلعب ب 4 1 2 3 و كانت ماشيه كويس جدا فى نص الشوط التانى و التغييرات اللى عاملها كانت جيده جده و تغيير المراكز وسط الشوط كانت اكتر من ممتازه

هوه كلام و خلاص؟!!

و الميس باص بتاعنا كان كتير
بس احما بنلاعب فريق قوى مش فرقه ضعيفه
و احنا كمان قطعنا منهم الكوره كتير

يعنى علينا و عليهم

و الكورات المرفوعه كانت تحرق الدم بس لو تابعت هتلاقى فيه جمل تكتيكيه كتير كانت بتحصل
و النجاح فى الرفعات الكتير ديه يدل على تفوق
ولو كانت كوره احمد حسن دخلت من بدرى ولا بتاعه ابو تريكه كانوا كل الناس قالت شعر

هوه ربنا هيدينا من غير ما نتعب او نستحق؟!!

اللعيبه لعبت كويس و المعلم حط خطه جيده جدا و لولا ان ابو تريكه مش فى حالته كان الماتش بقى ليه شكل تانى

مش فاهم انا يعنى ايه لا خطه ولا لعب
كلام غريب و يسلب اصحاب الحق حقهم

و الكلام بتاع شغل ربنا و الكلام ده يضايق
يعنى الجزائريين دول كفره؟!! ماهما كمان بيدعوا

و كمان لو دعانا بالطريقه ديه ماتدعوا حال البلد ينصلح ولا اللى قاعد يمشى ولا اى حاجه

منطق غريب جدا

[نور القمر]

ونعم بالله
يارب انصرنا وفرحنا واحفظ الناس اللي هناك من كل شر سواء مصريين ولا سودانيين ولا جزائريين

[ahmad--ezzat]

و الكلام بتاع شغل ربنا و الكلام ده يضايق

طب استغفر ربنا بقا لان كلامك هو اللى يدايق...

[ahmed4000]

زعلت اوى من موقفين...

الاول: لما شحاتة غير الفندق فى السودان بفندق تانى وقال اصل اتغلبنا فيه قبل كده ووشه نحس!!!!!!! كده برده بعد مربنا نصرك النصرة الرهيبة دى ورجعلك روحك فى اخر 40 ثانية تقوم تقول فندق حيغلبنا وفندق يكسبنا.

الثانى: حصل قبل الماتش الاولانى وللاسف من اكتر واحد محبوب وهو ابو تريكة..لقيت خبر انه حيلبس الكوتشى اللى جاب بيه جون مش عارف فى مين ومين...انت يا ابو تريكة تعمل كده وتفكر كده...الكوتشى هو اللى حيوفق؟ ووالله حسيت انه معملش اى حاجة فى الماتش علشان الموضوع ده

لو الناس بتتكلم فى تدريبات وخطط حتتحط...معاكم للصح احنا بناخد بالاسباب

لكن تشاؤم وتفاؤل وجمهور وننسى التوفيق بتاع ربنا..ربنا يستر ان شاء الله



متنسوش.....يارب

ياباشا اقرى كلامى كويس حتلاقينى بقول ناخد بالاسباب ونجتهد لكن منقعدش نقول فندق وكوتشى وجماهير هى اللى حتكسبنا...وانت بتقول كان فى خطط...يعنى انت شايف اننا بمستوانا ده كنا نستاهل نكسب 2-0 طبعا لا...يبقى فى الاخر توفيق من ربنا...ومش معنى الجزاير اتغلبت يبقى كفرة...على كده الزمالك فى الدرك الاسفل من النار

[ahmad--ezzat]

انا من رايى اللى يقول اننا لعبنا كويس فى المتش دة يبقى مشفش كوره ولا تابع كوره مع احترامى للجميع

[human]

طب استغفر ربنا بقا لان كلامك هو اللى يدايق...

ايه اللى ضايقك؟
و كمان الواحد بيستغفر ربنا؟

انت فهمت ايه من الكلام عشان تضايق منه؟

[human]

انا من رايى اللى يقول اننا لعبنا كويس فى المتش دة يبقى مشفش كوره ولا تابع كوره مع احترامى للجميع

وانا من رايى ان اللى يقول ان احنا لعبنا وحش و من غير خطه يبقى لا بيفهم فى الكوره ولا يعرف شكلها

مع احترامى برضه للجميع --

حلو اسلوب الكلام ده؟!!

[mr_sameh]

متخليش انفعالك يخليك تقول اي حاجه وبالدعاء ربنا نصرنا وبالدعاء ربنا هينصرنا كمان . ومعاك ان هم بيدعو كمان بس يمكن ربنا تقبل مننا ومفيش حاجه بتم الا بارادة المولي . وياريت توضح انك متقصدش المعني اللي قولتو

[ahmed4000]

ياجماعة خلاص استهدوا بالله ومتعملوش مشكلة وحقكم عليا انتم الاتنين

[human]

متخليش انفعالك يخليك تقول اي حاجه وبالدعاء ربنا نصرنا وبالدعاء ربنا هينصرنا كمان . ومعاك ان هم بيدعو كمان بس يمكن ربنا تقبل مننا ومفيش حاجه بتم الا بارادة المولي . وياريت توضح انك متقصدش المعني اللي قولتو

كل حاجه احنا بنعملها هيه بأمر الله
حتى الكافر بينجح و ربنا بيرزقه بأمر الله

و لو الموضوع مقصور على الدعاء يبقى بلاش خطط ولا لعب و خلينا ندعى و خلاص

ماحنا ياما دعينا و مافيش حاجه حصلت

احما لينا ان احنا نشتغل و نكون كويسين
و ساعتها ربنا يكرمنا و يستجيب لينا و لدعاءنا
بس لو مش نستحق يبقى مش هييجى حاجه

و لما حد يتعب و يجتهد ماتقولوش انت ولا حاجه و هوه دا ربنا و شغل ربنا

عشان ربنا مايرضاش بالظلم

ناس طلع عينيها تدريب و لعبوا جيم كويس ماينفعش تختزل تعبهم و تقول دعاءك هوه اللى كسبهم

ما الجزايرين بيدعوا

و الاهلاويه بيدعوا يوم مانغلبوا من المكسيك

بلاش تسطيح الامور

ما اليهود زى الفل و تكنولوجيا و عيشه هنيه و بندعى عليهم و الامريكان كل يوم
شويه منطق الله يكرمكم

[ahmad--ezzat]

وانا من رايى ان اللى يقول ان احنا لعبنا وحش و من غير خطه يبقى لا بيفهم فى الكوره ولا يعرف شكلها

مع احترامى برضه للجميع --

حلو اسلوب الكلام ده؟!!

اه طبعا اللى يقول اننا لعبنا من غير خطه يبقى ميعرفش كوره....
بس حقيقى والله العظيم تلاته انت اول واحد اشوفه يقول اننا لعبنا حلو....ياخى بص للشوط التانى وبص على الهرجله اللى بتحصل لدرجه ان الشعب المصرى فقد الامل....وربنننننننننا اللى اعطى الامل فينا لما الحون التانى جه
وبرضه هنكسب... عشان ربنا عايزنا نكسب (ولما قلنا كسبنا بربنا مش كلام يضايق يا استاذ)

احنا لو كنا افضل فرقه فى العالم ومفيش توفيق من عند ربنا ...هنخسر من مركز شباب الحبانيه على راى محمد سعد..

[human]

اه طبعا اللى يقول اننا لعبنا من غير خطه يبقى ميعرفش كوره....
بس حقيقى والله العظيم تلاته انت اول واحد اشوفه يقول اننا لعبنا حلو....ياخى بص للشوط التانى وبص على الهرجله اللى بتحصل لدرجه ان الشعب المصرى فقد الامل....وربنننننننننا اللى اعطى الامل فينا لما الحون التانى جه
وبرضه هنكسب... عشان ربنا عايزنا نكسب (ولما قلنا كسبنا بربنا مش كلام يضايق يا استاذ)

احنا لو كنا افضل فرقه فى العالم ومفيش توفيق من عند ربنا ...هنخسر من مركز شباب الحبانيه على راى محمد سعد..

انت ممكن تكون بتتفرج تحت ضغط

بس الراجل نفذ اللى عايزه و لعب صح جدا و مش معنى ان الجول اتأخر لغايه اخر لحظه ان احنا كنا وحشين و يحسب لهم جدا ات الجون جه فى اخر لحظه مش تحسب عليهم
احنا بنلاعب فريق جيد مش بنلاعب فريق حكشه
انت مش عاجبك
انت حررررر فى رأيك

بس اوعى تيجى تقولى اللى بيقول كده يبقى مابيفهمش

ده اسلوب مرفوض و مش اسلوب متحضر