مشكله المديرين

[analyzer]

فى مشكله جامده جدا معايا
عاندى مدير رخم شويه لا 1000000 شويات و مقرف شويه 1000000 شويات .
اليوم بكلام وخطه عمل طويله الامد وبكرة يغير كلامه بكلام تانى .
ابذل مجهود واطلع بدراسه وفكر جديد واقدم المشروع يوقفه يا اما المشروع او الفكر يكون باسمة
اشتغل كتير والاقى ناس بتشتغل قليل وبتطلع

هل فى حد من الساده الاعضاء عنده اقتراح . اعمل معاه ايه
ملحوظه للعلم : هو منوفى ( مع كامل احترامى للاخوه المنايفه الكويسين )

[Hossam_Hassan]

أصبر على جار السوء، يا يرحل، يا تيجى مصيبة تاخده، يا اما ربنا يوفقك فى مكان تانى.

والمنايفة اجدع ناس يا عم احسن انا بمشى من العروبة كتير و العملية مش مستحملة :D :D :D :D

[Abu Aly]

والمنايفة اجدع ناس يا عم احسن انا بمشى من العروبة كتير و العملية مش مستحملة

انا بس خايف عليك عربيتك تختفى جوه النفق و متطلعش ... :D :D :D :D

[Heshaam]

أصبر على جار السوء، يا يرحل، يا تيجى مصيبة تاخده، يا اما ربنا يوفقك فى مكان تانى.

+1

أو رخم إنت كمان وخف الشغل شوية وشوف رد الفعل يبقى إيه

وربنا يعينك

انا بس خايف عليك عربيتك تختفى جوه النفق و متطلعش ... Very Happy Very Happy Very Happy Very Happy

جامدة جدا :lol:

[الريس]

بص يا باشا المديرين 4 انواع
مستقيم و غتت
و مستقيم و تتعامل معاه
و فاسد غتت
و فاسد ممكن التفاهم معاهطبعا المدير المستقيم و لطيف ده برة الحسابات
لو هو راجل بيعرف ربنا و مستقيم بس متجهم و معندوش تفاهم .. يبقى احسنلك تشتغل و تنجز و تريح بالك لانه بيبقى عنيد و قوي لانه كمان معاه الحق
لو فاسد و لكن بيغتت عليك و بيفرق في التعاملات .. دور له على حته تزنقه بيها .. و تخوفه .. بس تخوفه جامد علشان لو جيت تراجعت هجومه هيكون كاسح
لو فاسد بس بينفع تتعامل معاه ... هنا حكم الضرورات و المحظورات .. يعني لو اللي زمايلك بيعملوه علشان يبقى الشغل عليهم اقل حاجة مش تتعدى الخط الاحمر في مبادئك ... يبقى حاول توصل لصيغة تفاهم زيهم
لو المطلوب فوق الطاقة ... خوفه برضو .. بس بالراحة .. شد و ارخي يعني ... و انت حبيبي و يا باشا ساعات و ساعات تبق معاه ..
اتمنى اكون افدتك و لو شوية

[analyzer]

شكرا جدا على كل الردود الجميله دى وادينى بحاول معاه
والله المستعان

[hazem_khidr]

تعايش معاه لان مفيش في اديك حاجه تعملها
دايما ابتسم في وشه و الابتسامه دي سر نجاح ناس كتير

[analyzer]

المشكله انه مبينفعش معاه كل الحيل
مثلاا : بعد الشغل يقولى رايح فين اقوله رايح اكل وبعدين هروح على القهوه اشرب شاى وبعدين اقابل اصدقائى وده يوم الخميس تحديد
يقولى طيب هاجى معاك واخده معايا ناكل ونشرب وندردش ونمشى حبايب وده يوم الخميس
الاحد الى بعده الاقيه عاملى مشكله اكبر مع مدير الادارة او اى مشكله وخلاص
ابتسم فى وشه واكلمه بزوق واحترام يشد فيها
اشده واتنرفز عليه يرخى شويه وبعدين يرجع يششد تانى
اتجنبه واقعد اشتغل فى حالى واذاكر بعد ماخلص الاقيه يطلعلى باى شغل
مواضيع هايفه يكبرها ويعمل عليها مشكله وحاجات تانيه بتبقى مصايب يطنش عنها ولا اكن فى حاجه
احترت واحتار دليلى معاه
شكرا لكل الردود واسف للاطالة

[الريس]

ممم
طيب ما تسأله
هو كده مع كل الناس و لا معاك بس

[eng_mkhalaf]

تعايش معاه لان مفيش في اديك حاجه تعملها
دايما ابتسم في وشه و الابتسامه دي سر نجاح ناس كتير

وشوف بفطار ولا حاجة أو خدة سهرة وروشة :twisted: :twisted: :twisted:

[hatem_badawe]

ربنا يصبرك بس هو مالوش مزاياخالص

[aboalm]

بص بقى لو انت فى شغلك ده مش مؤقت يبقى دوس فيه بقلب جامد خدها من اخ اكبر و منوفى برضه

طالما معاك الحق دوس عليه اشخط و زعق فيه كل شهر مثلا مره علشان مش ينسى نفسه معاك لحد ما ينسى ارجع فكره تانى بس خليك جامد بقى و شيل قرف من الخناق و الغلاسه لكن راح تاخد حقك معاه و لا تنسى تبهدله احيانا امام جميع الزملاء بتكون جامده جدا و يلم نفسه جامد بعدها

[hatem_badawe]

طالما معاك الحق دوس عليه اشخط و زعق فيه كل شهر

صعبة دي اوي

[analyzer]

امبارح الخميس بعد الشغل سئلنى خطتك ايه قلتله رايخ اكل وبعدين الكافيتريا وبعدين الساعة 9:30 هقابل اصحابى
قلى طيب انا جاى معاك قلتله جاى فين قالى ناكل مع بعض المهم جه معايا اكلنا وجه معايا الكافيتريا ظبطه وبعدين الساعة 9 قلتله لازم امشى علشان الناس مستنيانى وممعيش عربيه ز قالى ايه طيب ينفع اجى معاك قلتله لا طبعا انت متعرفهمش وبعدين عايز تيجى تعمل ايه قالى ولا حاجه . قلتله انا واصحابى بيننا حاجات مشتركه كتير لازم كل اسبوع نناقشها لانها ارتباطات ماليه لازم تتراجع . قلتله كده بلهجه حاده
كا رده ايه ............... طيب وايه المشكله عادى براحتكم .
سيبته على الكافيتريا وقمت حاسبت وركبت تاكسى ومشيت .

[HAWARY]

( عامل الناس بأخلاقك وليس بأخلاقهم تحت اي ظروف )
وربنا يهدي عليك خلقه
امين
تذكرت حديث عن سيدنا رسول الله صلي الله عليه وسلم :-
( امرت أن اعفوا عن من ظلمني واصل من قطعني واعطي من حرمني )
أو كما قال صلي الله عليه وسلم
اجعل هذا الحديث منهجك ترتاح في التعامل مع اشكال مديرك .