شكلها هتولع .. علاء مبارك و تصريحات قوية لقناة دريم 2

[SeiffoZ]

إفتحوا دريم 2 دلوقتى و شوفوا علاء مبارك يهاجم الجزائريين و بيقول الكلام ده مايتسكتش عليه ... و الراجل محروق جدا جدا

و أكيد واخد ال أوكى من الوالد ...

بصراحة إحترمته بعد الكلام ده

[human]

شكرا علاء مبارك

انا عمرى ما افتكرت انى ممكن اشكر فى اى حد من عيله مبارك

بس علاء راجل

سامعه فى Dream

الراجل طاح فى الجزائريين و شوبير

اخيرا حد اتكلم بطريقه تحسسنى ان كلمه مصرى ديه ليها قيمه

قالك ماحدش ماسك علينا ذله و ابراهيم حسن راجل اللى يشتمنا ناكله
مافيش حاجه اسمها مصر الكبيره و الخرى ده


الراجل اتكلم كويس جدا احسن من ابوه و اخوه

يسلم فمك يا علاء يسلم فمك يا علاء

انا قمت صقفت من الفخر فى لحظه عينيا مدمعه من القهر

[abou_ruqi]

ما ينفعش الراجل ده هو اللي يكون رئيس لجنة السياسات يا جدعان ؟

الراجل ده الكريديت بتاعه بقه عالي قوي عندي بصراحة

[speed4speed]

الراجل طاح فى الجزائريين و شوبير

اخيرا حد اتكلم بطريقه تحسسنى ان كلمه مصرى ديه ليها قيمه

نفسى كلمة مصر تكون ليها قيمه سياسيه مع بعض دول الجوار و الاجنبيه )

[human]

الراجل قال اللى شافه هناك همه مرتزقه و شاكلهم باين
و اتريق على شوبير اللى بيقول بيجب رورواه ولا هوهو بتاعه

بجد انا شعرت بفخر


انا لو حد من مبارك هيحكم
انا عايز الراجل ده بدل حمال

عايز واحد فاهم الناس و مش مكسوف يطيح فى ولاد الحرام


يسلم فمك يا علاااااااءءءء

[Dr Zezo]

ممكن الفيديو

او رابط للمكالمة

[abou_ruqi]

و اتريق على شوبير اللى بيقول بيجب رورواه ولا هوهو بتاعه

ودي أكتر حاجة عجبتني , مع إن أخوه صاحبه قوي !

[abou_ruqi]

ممكن الفيديو

او رابط للمكالمة

اكيد حتنزل على اليو تيو الليلادي

[bmya]

شوفته فعلا ومبقتش مصدق نفسيييييي

[human]

قال كمان انه مرضاش يسمع كلام الحراسه اللى عايزاه يمشى عشان يستريحوا و فضل مع المنتخب
والناس كانت بتشاور عليهم بطريقه سافله و شتايم
و قال السفير بتاعهم مش كويس و كمان ان الناس ديه بتكرهنا و ديه حاجه مش مفهومه الطريقه ديه
بجد ماشاء الله عليه - هوه ده اللى احنا عايزينه حد يحس بينا و يقول اللى عايزينه

الراجل بيعرف يتكلم مش زى اخوه

لو حد فاكر قال ايه كمان لغايه ما الفيديو ينزل على اليوتيوب

[AhMeD EzZ]

مكنش اظن اني احترم حد من عائلة مبارك في يوم من الايام

[abouelmaggd]

ربنا يحميك يا علاء ، خليت الكل يعيط .

[abouelmaggd]

ربنا يحميك يا علاء ، متتصورش المكالمة عملت فينا ايه

[kareemhisham]

انا بصراحة مستنى اشوف جمال هيعمل ايه .. هو الاهم

[magazy93]

مصر ثم مصر ثم مصر ثم الشعب
حد فاهمنى

ممنوع اللون الاحمر
الادارة 1