ماذا لو ؟؟

[م.احمد زكريا]

ماذا لوكان المشجعين اللذين تعرضوا للضرب بالحجارة والتهديد بالسكاكين ناس عاديين
يعني مش المطرب والممثل والمذيع والصحفي

انسان مصري عادي ومشجع عادي من ابناء الشعب

هل الدنيا كانت هاتقوم وماتقعدش زي ماهو الحال دلوقتي

هل الموضوع كرامة مصر والمصريين .... ام أنه كرامة شخصة

مين من الناس العاديين كان ممكن يوصل صوته للقيادة العليا عشان يتم انقاذهم

طيب ما المصريين في الجزائر نفسها اتعرضت لمشاكل قد تكون اقوى واشد من الي حصلت في السودان لانهم في عقر دار الجزائريين

فين الجسر الجوي لنقلهم ... محدش بيتكلم عنهم والكلام كله عن تكسير اتوبيسات وتحديف طوب في السودان



.

[TeXo]

مع احترامي لحضرتك و رأيك بس مش وقت الكلام ده خالص .. احنا دلوقتي خلينا ورا الحكومه لحد ما نشوف هل حقنا هيجي و لا لأ ..

و على فكره بخصوص الناس اللي في الجزائر نفسها انا كنت قريت ان الجزائر معترضه على زيادة اعداد الطيارات اللي مسافره من مصر ليهم بل و على الطيارات ذات الحجم الكبير كمان !!

مش عارف الجزائر دي في دماغهم ايه

[Mohamed.Ramah]

ارجوا منك قراءة المشاركة لاخرها

عما هما مسكتوش وسدانى لو مكانش دة حصل ان اللى راح ناس عادية ودة نادر حدوثة لسعر التذكرة المرتفع 2500 و3000 جنية +تذكرة الماتش كانت بردو الدنيا حتقوم دا غير ان اولاد الرئيس كانوا حيكونو مع الشعب بردوا مش حيسبوهم يطلع عنيهم ويمشى والصحافة هنا تسكت الفكرة لو كان حصل كدة كان فى البرامج حيجيبوا الناس العادية دة ويستضفيوها ويحصل نفس الكلام اللى حصل مع الفنانيين حاجة كمان فى حاجة اسمها منتخب ولاعيبة كانوا بيلعبوا وكانوا شاهدين على دة وكان فى اغلب الحالات حيحصل نفس الكلام اللى بيحصل دلوقتى مفيش شك فى كدة والحمدلله ان اللى راحوا ممثلين مش ناس عادية اوغلابة علشان صوتهم مكنش حيوصل زى الفنانيين كدة

[Abo_Lina]

بص هو الموضوع ده أثبت إن مشاكلنا و فسادنا و عشوائيتنا بتلف تلف و ترجع تعضنا تاني ..
جمهور رايح يهجص شوية ناس جميلة عمرها ما راحت ملعب في مصر فما بالك بمباراة حياة أو موت ..
سفارة مش في دماغها و قفلت أبوابها قدام الناس ..
إعلام عمال يكلم نفسه ..
ملف الاعتداءات ده هايبقى غالبا أي كلام و هايمسكوه لسحر الهواري مثلا و سفريات ررايح جاي لسويسرا ..
و في الاخر اللي قناة الجزيرة بتقوله العالم هايصدقه لأنها قناة قوية و ذات مصداقية بينما قنواتنا المصرية هيا وسيلة لإيجاد فرصة عمل لأبناء الحبايب ..


المثل بيقول ما ضاع حق وراءه مطالب ..بس لو المطالب ده جاهل و جاي منصبه بالواسطة و المحسوبية يبقى الحق ده هايضيع طبعا لأنك ماعرفتش تعرض حقك ..