عربة صاحبي منحوسة أفيدونا يا ناس

[Evo]

السلام عليكم
سؤال للناس الافاضل وذوي الخبرة في المنتدى
هل ممكن يكون في عربية منحوسة أو محسودة بإستمرار
واحد صاحبي ربنا يعينه عنده عربية لا تسلم نهائياً من الحوادث أو والخبطات أو أي حاجة تعكنن عليه
هو بيموت فيها لأن ليه معها ذكريات كتير من سنين
شدها وصلحها ٤ أو ٥ مرات وغير ٤ مواتير وكل مرة بعد أيام يا إما تتخبط أو تتجرح وشكلها يبوظ تاني لحد ما يوصل الامر بعد كام شهر انها تعمل حادثة أو موتورها يتكسر وبدون سبب واضح
أخر مرة ماشي في الدائري على التاني يعني بيقول يا هادي والعربية تتقلب وبيحلف مش عارف من إيه العربية لفت مرة وحدة منه وإتقلبت !!!
ناس قالتلو العربية د منحوسة وهو مش عايز يبعها
يعمل إيه يروح لشيوخ واللا يعمل إيه أفيدونا

[النوبي]

ياريت حد يفيدنا في الموضوع ده ضروري
طبعا ده غير المداومه علي ذكر القرآن

[zaza_lanos]

ربنا يعينه
يبعها احسن

[hesham22822]

انا كان عندى عربية زيها كدة و كانت مطلعة عينى و ارتحتش غير لما بعتها و جبت واحدة غيرها و الله من ساعتها دماغى ارتاحت:b4_611:

[أبو إياد]

ياريت يزكى عن ماله بسخاء

رجل غنى ولديه كل ملذات الدنيا وهو رجل طيب وكل شىء فى حياته كان بما يرضى الله
لكن ماله لم يغنيه عن المرض فعجزت الاطباء عن علاجه الى ان توصلوا الاطباء فى مصر لعمل عمليه على يد جراح اجنبى
وبداء يجهز نفسه للسفر واثناء مروره فى الشارع وجد امراءه واقفه عند محل لبيع منتجات الجزاره (جزار يعنى) وكانت بتاخد من البائع اشياء غريبه زى العظام وما شبه
فلفتت نظره ورغم وجهها الحزين الا ان وجهها ممتلىء بنور
فسالها ماذا تشترى قالت اللى يقدرنى ربى عليه لكى اطعم ابنائى
واين زوجك قالت توفى من عدت سنوات
وبعد حوار طويل توجه الى البائع وقال له سادفع لك الان قيمه 2ك من اللحمه عن كل شهر لمده سنه يعنى قيمه 24ك من اللحم بشرط ان تعطيها لهذه السيده خلال العام وان تكون من افضل شىء عندك
وبخلال عودته للبيت وجد نفسه فى حاله رهيبه لا توصف من السعاده ولاحظت ابنته هذه السعاده فقص عليها ما حدث

وفى اثناء عمل التحاليل والفحوصات استعدادا للسفر وقف جميع الاطباء بحاله من الدهشه فلا يوجد اى اثار للمرض واكدوا انه لا داعى للسفر

على فكره والله القصه دى حقيقيه علشان محدش يقولى ده اميل ومن ع النت والكلام ده كله

[ali_h77]

قراءة الفاتحة، وأول البقرة، وأواخر آيات سورة البقرة، والإخلاص والمعوذتين وبإذن الله هايبعد عنك كل شر.