فضيحة محمد فواد

[mynameh]

مجــرد شو إعلامي أهبل وأحمق من أجل إثارة الرأي العام في مصر لأغراض خبيثة في نفس النظام... بالعقل كده اللى في موقف زي ده خاصاً إذا كان نجم كبير جدا ومحاط بصفوة نجوم المجتمع، وعلى صلة وطيدة برموز السلطة في مصر .. كان اتصل بردو بعمرو أديب على الهواء .. وقعد يلف على القنوات الفضائية "المصرية" هو وزمرته لطلب النجدة، دا على أساس يعني إنهم كانوا في قندهار أو في الصومال. كمان هو دا أساسا منظر حد ناس بتجري وراه وبتطارده؟! ولما البني آدم دا قال عقب إنتهاء المبارة مباشرة إنه هيشجع الجزائر في كأس العالم، ليه مقلش إن كان فيه تحرشات ومطاوي وسكاكين وسواطير وسنج وشوم ومولوتوف قبل المبارة وفي المدرجات.
محمد فؤاد إنت أحد الخاسرين في هذه الزفة الحقيرة.

واحد مستخبي هيجيب منين نمرة تلفون رموز السلطة في مصر اتصل باللي يعرفهم في مصر
عشان ينجدوة معرفوش يعملوا اية قالولو اتكلم في برنامج مذاع علي الهوا علشان حد يتحرك
و يجيبكوا لانهم كانوا فعلا حاسيين انهم هايموتوا فعلا و دا اللي حصل و كان معاعهم أخو صاحبي
في نفس الفيلا و مكانوش عارفين يعملوا اية
فقرروا ان كل واحد منهم يتكلم في اي برنامج مذاع علي الهوا و يخدوا نمرهم من اهاليهم اللي في مصر

دا كان موجود في المطااااااااااااااااااااااااار يا اخونا مش موجود في بيت سوداني او مستخبي لالالا كان موجود في المطاااااااااااااااااااااااااااااار

شكلك بتستهبل يا بتستعبط
و انا كدة مبغلطش فيك لانك بتقول كلام من وحي خيالك اسأل الناس اللي كانت هناك و انت تعرف
و كفاية عليك كدة ...... يا توتو

[momoneer]

اذا كان المتحدث مجنون فالمستمع عاقل يا توتو

[TeXo]

و فين الفضيحه إن شاء الله عشان صايم و مش واخد بالي ؟؟

انت شوفت الفيديو قبل ما تحطه ؟ ؟

!!!!

الموضوع ليه نوايا تانيه و ما اسبتعدش بصراحه انك جزائري و على أقل تقدير جزائري مقيم في مصر !!

اتقي الله

[nab!l]

لا تعليق
كفايه اللى انتو قلتوه

[Dr Zezo]

مجــرد شو إعلامي أهبل وأحمق من أجل إثارة الرأي العام في مصر لأغراض خبيثة في نفس النظام..

كيف ؟!

من احد تعليقاتي السابقة

لكن دعنا نتطرق الي دور الساسة في مصر الذي يدور اليوم حديث حول ان ما يحدث لصالحهم

و لست ادري كيف

1- فر كبارهم علي اول طائرة مغادرة تاركين المصريين وراءهم

2- كيف لم يستطيعوا معرفة ما يحدث قبل المباراة من استعدادات و التجهز لها ؟! وهي استعدادات كانت واضحة للعيان.

3- كيف استمر ايذاء المصريين وقتا طويلا و هم هنا عاجزين عن اتخاذ رد فعل قوي بل تخبطوا في القرارات لدرجة ان موقف السودان انقلب ضدنا بسبب تصريح انس الفقي ان مصر سترسل قوات اذا لم يسيطر السودان علي الوضع و هو ما سبب حساسية كبيرة موجودة بالاصل لدي الاخوة في السودان نحو جميع العرب ليس مصر و حدها

4- ما حدث ما كان ليحدث لولا استمرار مسلسل انحدار مصر بسبب ما نحياه في ظل هولاء المسئولين بل و قلب علي المصريين ذكريات مريرة عن مواقف بلادهم المشينة في مواقف مشابهة

5- حتي من خرج من الكبار و اخذ يطربنا بتصريحات قوية كانت عليه لا له خاصة مع استمرار عدم وجود موقف واضح

كل هذا و اكثر لا ادري كيف استفاد اهل السياسة في مصر من هذا الحدث

ننظر الان للموضوع بشكل اخر

الحكومة تتهم المعارضة انها غير وطنية لأنها تنتقدها في وقت يستدعي الالتفاف ------------ استفادة من الحكومة للاحداث

المعارضة تحاول ان تستفيد هي الاخري من الاحداث و تتهم الحكومة بفبركة كل ما حدث لهدف خبيث كما اسلفت حضرتك

القوميين و الناصريين يرون ان اسرائيل هي المستفيد الوحيد و انها وراء هذه الاحداث

حتي الاخوة المسيحيين في مصر يرون ان هذه الاحداث جاءت ليستغلها المسلمون ضدهم لاخفاء ما يحدث في فرشوط بأسيوط من اعمال عنف

تري ان كل طرف يؤول الامر علي صالحه او علي ما يعتقد

لما لا نبسط الامر ؟

و نقول ان هذا الحدث في السودان حدث بالفعل كما يروي بل و اكثر و كان يستهدف اهانة و ترويع و ليس قتل

لكن ما حدث من تناول فيما بعد هو الذي فيه خلل

اري ان هذا هو الاقرب للعقل و الصواب و اقرب الي روايات الشهود خارج الاعلام الرسمي الذي صار النقل عنه تهمة

نهاية و كما اري الحكومة المصرية خاسرة تماما في هذا الموضوع هل هناك احد يمكن ان يعدد لي هذه المكاسب ؟

[bassemali]

كيف ؟!

من احد تعليقاتي السابقة



ننظر الان للموضوع بشكل اخر

الحكومة تتهم المعارضة انها غير وطنية لأنها تنتقدها في وقت يستدعي الالتفاف ------------ استفادة من الحكومة للاحداث

المعارضة تحاول ان تستفيد هي الاخري من الاحداث و تتهم الحكومة بفبركة كل ما حدث لهدف خبيث كما اسلفت حضرتك

القوميين و الناصريين يرون ان اسرائيل هي المستفيد الوحيد و انها وراء هذه الاحداث

حتي الاخوة المسيحيين في مصر يرون ان هذه الاحداث جاءت ليستغلها المسلمون ضدهم لاخفاء ما يحدث في فرشوط بأسيوط من اعمال عنف

تري ان كل طرف يؤول الامر علي صالحه او علي ما يعتقد

لما لا نبسط الامر ؟

و نقول ان هذا الحدث في السودان حدث بالفعل كما يروي بل و اكثر و كان يستهدف اهانة و ترويع و ليس قتل

لكن ما حدث من تناول فيما بعد هو الذي فيه خلل

اري ان هذا هو الاقرب للعقل و الصواب و اقرب الي روايات الشهود خارج الاعلام الرسمي الذي صار النقل عنه تهمة

نهاية و كما اري الحكومة المصرية خاسرة تماما في هذا الموضوع هل هناك احد يمكن ان يعدد لي هذه المكاسب ؟

كلام سليم 100 100
وياريت الأخ بتاع الفضيحه ده صاحب الموضوع يرد ويقول فين الفضيحه مع أن قصده واضح طبعا وهو أن محمد فؤاد لاكان محطارد ولا حد جه جنبه أنما هو بيمثل فقط .... كلام أهبل .

[ahmad--ezzat]

طب مهو محاصر فعلا مفيش تمثيل

[Ahmed Samy]

انت يا توتو عمال بتنشر كليب حقيقي و كلمتين مضروبين

هي مشاركة يتيمة علشان نطلع احنا الوحشين

الكدابين

النصابين

المدعيين

انت عايزه يعنى يتكلم و السكينه على رقبته علشان تستريحو؟؟؟

عادي

جريتو وراههم

و هربو ا منكم

و استخبوا

و كلمونا يقولونا على اللي كان هايحصللهم (وحصل فعلا)

هي فضيحة فعلا ان مصري يستخبى من أخوه

بس لو كان هابيل استخبى ...يمكن كان عاش

الله يرحمك يا جدي يا ابن ادم

[elassar2010]

انا مش شايف فضيحة ؟؟؟؟؟؟؟؟؟
هو اية الفضيحة هى فين انا مش عارف

[MoToRiZeR]

إنت كنت متخيل إيه طيب يا توتو ؟ إنه كان بيتكلم و الجزائريين ماسكينوا من ياقة القميص؟

[معتز]

هذا الكلام تفوهت به جريدة الشروق الجزائرية وتكلمتبنفس الاسلوب.....الاخصاحب الموضوع بيحاول حاجة مش تمام .....زوانا بادعو ادارة المنتدى الى مراجعة المشتركين الجدد هنا...

[ahmad--ezzat]

قلك تمثيل محمد فؤاد ههههههههههههههههه

[Eng.Sameh]

مجــرد شو إعلامي أهبل وأحمق من أجل إثارة الرأي العام في مصر لأغراض خبيثة في نفس النظام... بالعقل كده اللى في موقف زي ده خاصاً إذا كان نجم كبير جدا ومحاط بصفوة نجوم المجتمع، وعلى صلة وطيدة برموز السلطة في مصر .. كان اتصل بردو بعمرو أديب على الهواء .. وقعد يلف على القنوات الفضائية "المصرية" هو وزمرته لطلب النجدة، دا على أساس يعني إنهم كانوا في قندهار أو في الصومال. كمان هو دا أساسا منظر حد ناس بتجري وراه وبتطارده؟! ولما البني آدم دا قال عقب إنتهاء المبارة مباشرة إنه هيشجع الجزائر في كأس العالم، ليه مقلش إن كان فيه تحرشات ومطاوي وسكاكين وسواطير وسنج وشوم ومولوتوف قبل المبارة وفي المدرجات.
محمد فؤاد إنت أحد الخاسرين في هذه الزفة الحقيرة.

كلامك كله مستفذ .. وشكلك اصلا مش مصري ...

يا ريت الادارة تتعامل مع مثل هذه المشاركات المستفذة والتي تخلوا من الموضوعية تماما .. وكمان رجاء من الادارة او الاشراف بحذف توقيع هذا العضو .. عشان ميحصلش غلط ويجي بعد كده اللوم علينا

[misoalex]

عيب يا توتو

[wawoo]

يا جماعة واضح ان كابتن توتو مش مصرى , و الحدق يفهم بقى هو منين , و اعتقد كمان ان هو الى حط المقطع دة فى اليوتيوب تحت اسم فضيحة ....