هى السرقة وصلت للدرجة دى؟؟؟

[Eng_Mostafa_89]

النهاردة نزلت رايح مشوار عادى
لقيت صوت جى من ورا حاجة عملة تدب وترزع
قولت يا واد يمكن عجلة نامت انزل شوف
ركنت ونزلت ابص ملقتش حاجة
ركبت العربية وطلعت برضة نفس الصوت قلت اية دة من الوضح انى فى شريطة من السوستة اللى ورا اتكسرت
المهم بطلع دماغى من الشباك وابص على العجلة اللى ورا لقيتها عمالة ترف
قلت اركن وانزل اشوفها
نزلت وكانت المفاجئة العجلة اللى ورا مربوطة بمسمارين نعم انا سايبهم اربعة اية اللى حصل قلت الف على الباقى لقيت مسمار من كل عجلة ناقص ما عدا العجلة اللى ورا شمال مربوطة بمسمارين بس وكمان جنب بعض
افتح الشنطة وهات مفتاح العجل كان معايا 2 ولا واحد منهم موجود
الله كملت
رحت اشتريت مفتاح عجل و مسامير وركب لقيت المسمرين اللى مسكين العجلة سنهم باظ يلا هى جت عليكم اشريت 2غيرهم وغيرتهم وركبتهم
اللى مضايقنى هو اخد مفتاحين العجل قلنا مش مشكلة انما مسامير العجل هيعمل بيهم اييييييييييييييية
نفسي افهم
هنقول اية حسبنا الله ونعمة الوكيل

[AhmedGen2]

أخوك وكان مزنوق فى مسمارين يعنى مش مشكلة أكيد لو كان جيه طلبهم منك مكنتش هتتأخر فهو قصر يمكن كان مستعجل :)

[Eng_Mostafa_89]

أخوك وكان مزنوق فى مسمارين يعنى مش مشكلة أكيد لو كان جيه طلبهم منك مكنتش هتتأخر فهو قصر يمكن كان مستعجل :)

انت عارف انا كنت واقف اضحك
هم يضحك وهم يبكى
بس انا زعلان منة جدا لانه ساب المسمارين اللى جنب بعض
المفوض كان ساب الاتنين اللى قدام بعض

[yyy]

للى مضايقنى هو اخد مفتاحين العجل قلنا مش مشكلة انما مسامير العجل هيعمل بيهم اييييييييييييييية

اكيد كان بيجرب المفتاح بيشوفه شغال ولا لأ

[Eng_Mostafa_89]

اكيد كان بيجرب المفتاح بيشوفه شغال ولا لأ:c_laugh[1]:

هههههههههههه
ماشي ياعم شكرا

[شريف]

احمد ربنا انة مخدش الاربعة

[heragy]

حسبى الله ونعم الوكيل

[bassem.naguib]

لا يا باشا هو مكنش مزنوق في مسمارين ولا حاجة .. ده كان مزنوق في فردة الكاوتش كلها .. كان حيفكها ..وياخدها ويمشي .. بس الظاهر ان الوقت ما أسعفوش .. أو حس بقلق فمشي وسابها .

أنا الموضوع ده حصل معايا من سنتين .. كنت راكن في مصر الجديدة قدام مستشفى (والدي كان بيعمل عملية فيها) المهم نازل ومروح البيت بجيب حاجة .. ومشيت عادي مفيش أي مشكلة .. المهم وأنا في صلاح سالم وفاتح على الخامس .. حسيت أني ماشي على فلنكات قطار .. قلت يمكن في حاجة في العفشة .. وهديت السرعة ومنزلتش أشوف فيه أيه علشان كنت مستعجل .. وكل ما أمشي أحسن أن العملية بتزيد .. لحد ما وأنا على كوبري الفردوس لاقيت واحد عمال يزمر ويقلب نور لحد ما جه جنبي .. وقالي الحق فردة الكاوتش بترف جامد وحتطلع من مكانها .. نزلت من على الكوبري لاقيت الفردة على مسمارين فقط .. وكمان ملخلخين جداً .. يعني هو فك مسمارين .. وهوى الاتنين التانيين علشان يشلهم خالص ويشيل العجلة ويمشي .. ولولا القدر كان زماني عامل حادثة .. وحسبي الله نعم الوكيل في اللي عمل كدة .

والحمد لله يا باشا أن العجلة مفكتش منك وأنت ماشي بسرعة .. وإلا كانت حتبقى مصيبة .

[kisho55555]

لا حول ولا قوة الا بالله ... يعنى عشان يسرق صامولتين ب 10 جنيه يموت شخص او اشخاص جوه الجوه ...

اهلا بك فى مصر ... بلد الامن والامان .... الحمد لله انها جت على قد كدا ...

[viper911s]

قدر الله وما شاء فعل
احمد ربنا
انا لسا عميل كان عندى يوم الاربعاء
بيحلفلى ان الاربع جنوط اتسرقوا
صحى الصبح لقا العربية واقفة على طوب
وكان جايلى يشوف الجنوط سعرها كام

[elassar2010]

قدر اللة وما شاء فعل
ربنا يستر من ولاد الحرام

[misoalex]

قدر اللة وما شاء فعل
احمد ربنا
انا لسا عميل كان عندى يوم الاربعاء
بيحلفلى ان الاربع جنوط اتسرقوا
صحى الصبح لقا العربية واقفة على طوب
وكان جايلى يشوف الجنوط سعرها كام

بقتت تحصل كتييييييييييييير دلوقتى ربنا يستر

[misoalex]

دا انا كده حبص على المسامير زى مببص على المياه فى الريدراتير

[Eng_Mostafa_89]

احمد ربنا انة مخدش الاربعة

الحمد لله

لا يا باشا هو مكنش مزنوق في مسمارين ولا حاجة .. ده كان مزنوق في فردة الكاوتش كلها .. كان حيفكها ..وياخدها ويمشي .. بس الظاهر ان الوقت ما أسعفوش .. أو حس بقلق فمشي وسابها .

أنا الموضوع ده حصل معايا من سنتين .. كنت راكن في مصر الجديدة قدام مستشفى (والدي كان بيعمل عملية فيها) المهم نازل ومروح البيت بجيب حاجة .. ومشيت عادي مفيش أي مشكلة .. المهم وأنا في صلاح سالم وفاتح على الخامس .. حسيت أني ماشي على فلنكات قطار .. قلت يمكن في حاجة في العفشة .. وهديت السرعة ومنزلتش أشوف فيه أيه علشان كنت مستعجل .. وكل ما أمشي أحسن أن العملية بتزيد .. لحد ما وأنا على كوبري الفردوس لاقيت واحد عمال يزمر ويقلب نور لحد ما جه جنبي .. وقالي الحق فردة الكاوتش بترف جامد وحتطلع من مكانها .. نزلت من على الكوبري لاقيت الفردة على مسمارين فقط .. وكمان ملخلخين جداً .. يعني هو فك مسمارين .. وهوى الاتنين التانيين علشان يشلهم خالص ويشيل العجلة ويمشي .. ولولا القدر كان زماني عامل حادثة .. وحسبي الله نعم الوكيل في اللي عمل كدة .

والحمد لله يا باشا أن العجلة مفكتش منك وأنت ماشي بسرعة .. وإلا كانت حتبقى مصيبة .

الحمد لله ان ربنا سترها معانا ومعاك
هنعمل اية فى العالم دى
حسبنا الله ونعم الوكيل
انت عارف انا لما نزلت لقيت المسمارين مخلخلين وكمان وش الطنبورة مفكوك تخيل!!!

[Eng_Mostafa_89]

على رايك المفروض بعد كدة هنبقى نتابع المسامير اولا باول زى المياة والزيت
لحسن مستوى قصدى عدد المسامير ينقص