انا لبست العمه

[casperinoo]

بالصدفه امبارح كنت بشتري دواسات وشوية حجات من سبير كار
فالسعر كان 85 جنيه
قولت اوكيه مفيش مشكله بس انا عايز فاتوره
البائع:هو انت شغال في شركه ولا حاجه
انا:لا بس مش الطبيعي ان انا اخد فاتوره
البائع: بس لو فاتوره يبقي هنضيف الضريبه 11%
فقولتله ماشي مفيش مشكله ده حق البلد وكده
فقعد يقنعني انهم بيدفعو الضرايب وكده وديه حاجه تانيه




ايه الصح اخد الفاتوره وادفع 11% زياده((بس مقابل ايه))
ولا اوفر فلوسي احسن .. :(


ومين الصح ومين الغلط؟؟؟


فياريت ياجماعه اللي فاهم الموضوع بتاع الفاتوره والضرايب يفهمني...وجزاكم عني خيرا

[fahd_628]

زى الأعلان افوترك ولا اظبطك :D

بس الأحسن للبلد انك تاخد فاتورة

[hussein]

مفيش مشكله ده حق البلد وكده

انهو بلد بالظبط؟؟
الفلوس دى لو رايحه لخدمة الناس يبقى لازم كلنا ندفعها لكن تروح فى جيوب ناس معينه كلنا عرفينهم يبقى احسنلك وفر فلوسك
واخيرا
نفسى بجد البلد دى تبقى كويسه

[Nader]

اصلاً الاسعار شاملة ضريبة المبيعات واللي اعرفة انها 10 مش 11% .

[عزوز]

يا عم وفر فلوسك

[eng_mkhalaf]

فاتورة أية ياعم دولت حبة نصابيين - شوف أية ألرخص وروحلة عالطول- بس خد كشف أسعار علشان لو عايز ترجع او كدة