إعـــــــلان

Collapse

.

,
See more
See less

طلب مساعدة فى أيجاد وظيفة لشاب مجتهد

Collapse
X
 
  • Filter
  • الوقت
  • Show
Clear All
new posts

  • طلب مساعدة فى أيجاد وظيفة لشاب مجتهد

    السلام عليكم ورحمة الله وبركاته

    كل عام وأنتم بخير

    الشاب ده مسؤل عن أمه و عن أخته الأصغر سناً و اللى لسه بتدرس فى معهد.

    الشاب ده أنا أعرفه من حوالى 10 سنين و كان شغله كله بينحصر فى حاجتين
    بيقف سايس قدام كافيه فى مدينة نصر و بيشتغل سواق على عربية بتاعة طيار مدنى.

    من حوالى 3 شهور الطيار ساب شغله و سافر شركة تانية فى الأمارات و بقى مقيم هناك....و طلب من وائل ( أسم الشاب ) أنه يروح معاه الأمارات و يشتغل سواق له هناك.

    والدة وائل متقبلتش الموضوع ده لأنه الولد الوحيد ليها و كمان هو العائل الوحيد ليها هى و بنتها.

    المهم بناءً على رغبتها وائل رفض السفر و هو يكاد يبكى.......المرتب اللى كان معروض عليه هناك كان 3000 جنيه فى الشهر و أكله و شربه و أقامته على الراجل......و دول بالنسبه له تحل له مشاكل كتير.

    المهم من حوالى شهر ونص كده الكافيه أتقفل و بقى وائل من غير شغل خالص.

    وائل على مدار معرفتى بيه لاقيته أنسان كويس و أمين ( و الله أعلى و أعلم ) لدرجة أن واحد صاحبى كان عرض عليه من سنتين شغل بمرتب أعلى من اللى بياخده من الطيار لكن وائل رفض....و لما سألناه عن السبب كانت أجابة بصراحة أذهلتنى:
    قبل الموضوع ده بسنة كان الطيار جاتله سفرية طويلة شوية ( 3 شهور ) و فضل يدفع لوائل مرتبه فى ال 3 شهور دول عادى كأنه شغال معاه و عشان كده وائل كان شايلهاله و مرضاش يروح شغل بمرتب أعلى 300 جم فى الشهر و هو فى أمس الحاجة ل 100 جم.

    أنا عن نفسى من فترة للتانية كنت برتب معاه و بخليه يروح يعمل صيانة للعربية بتاعتى فى التوكيل عشان ظروف شغلى.........و بستأمنه على عربيتى و بصراحة سواقته كويسة ( فى أفضل الظروف مش بيعدى 80 كم )

    وائل معاه رخصة عادية مش مهنية.

    يا ريت لو فى حد يعرف يلاقى شغل لوائل يبقى جزاه الله خيراً عنه و أسف للأطالة.
    [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
    [/CENTER]

  • #2
    ربنا يسر له الخير إن شاء الله
    [CENTER][shfaf2]http://yfrog.com/na02f1gpmalaysia1133j[/shfaf2][/CENTER]

    Comment


    • #3
      ربنا يكرمك يا استاذ احمد و يكرمو ان شاء الله بشغلانة كويسة
      واحد زي ده بيشيل الجميلة و بيحافظ على حاجة الغير و بيرضي امو حتى و لو كان على حساب نفسو فأكيد ربنا هيكرمو ان شاء الله و لو فيه حاجة قدامي هقول
      بس هو معاه اي شهادة؟
      يجب تعديل حجم الصورة

      Comment


      • #4
        ياريت يا استاذ أحمد تقول اذا كان معاه
        مؤهل (شهاده)
        منطقة السكن
        يعني اشياء من هذا القبيل بحيث اللي هيجيبلو شغل يجيبلو شغل في مكان مناسب

        ربنا ييسر له الحال ويفك ضيقته
        جزاك الله خيرا على مساعدتك
        ان شاء الله فرج ربنا قريب
        [CENTER]إلى القمه
        :vctry:
        [/CENTER]
        musiccairo سابقا

        Comment


        • #5
          المشاركة الأصلية كتبت بواسطة superiorboy مشاهدة المشاركة
          ربنا يكرمك يا استاذ احمد و يكرمو ان شاء الله بشغلانة كويسة
          واحد زي ده بيشيل الجميلة و بيحافظ على حاجة الغير و بيرضي امو حتى و لو كان على حساب نفسو فأكيد ربنا هيكرمو ان شاء الله و لو فيه حاجة قدامي هقول
          بس هو معاه اي شهادة؟
          ربنا ييسرله أمره إن شاء الله

          المشاركة الأصلية كتبت بواسطة musiccairo مشاهدة المشاركة
          ياريت يا استاذ أحمد تقول اذا كان معاه
          مؤهل (شهاده)
          منطقة السكن
          يعني اشياء من هذا القبيل بحيث اللي هيجيبلو شغل يجيبلو شغل في مكان مناسب

          ربنا ييسر له الحال ويفك ضيقته
          جزاك الله خيرا على مساعدتك
          ان شاء الله فرج ربنا قريب
          هو على ما أعتقد كان معاه مؤهل متوسط بس مش فاكر أيه

          و ساكن فى المطرية
          [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
          [/CENTER]

          Comment


          • #6
            سنه كام سنة يا احمد باشا و كان بياخد مرتب كام ؟ او عايز ياخد كام يعني ؟

            Comment


            • #7
              المشاركة الأصلية كتبت بواسطة cryptonx مشاهدة المشاركة
              سنه كام سنة يا احمد باشا و كان بياخد مرتب كام ؟ او عايز ياخد كام يعني ؟
              مش متأكد من السن بالظبط بس أعتقد فى حدود ال 30 سنة

              و المرتب اللى كان بياخده تقريباً 700 فى الشهر من الطيار غير اللى كان بيطلعله من شغله ك سايس

              عموماً أعتقد أنه مش هيدقق كتير فى المرتب حالياً لأنه بقاله حوالى شهرين بدون شغل.

              شكراً لأهتمامكم جميعاً........و ربنا يجعله فى ميزان حسناتكم إن شاء الله.
              [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
              [/CENTER]

              Comment


              • #8
                بصراحة شكراااا ليك انك بتحاول تساعد الانسان دة ربنا يجعلة فى ميزان حسناتك ويعنا جميعااا على فعل الخير
                [I]قد تعلمت الصمت من الثرثار .والتساهل من المتعصب .واللطف من الغليظ...
                والاغرب انني لا اعترف بجميل هؤلاء المعلمين !![/I]

                Comment


                • #9
                  المشاركة الأصلية كتبت بواسطة rockana9112007 مشاهدة المشاركة
                  بصراحة شكراااا ليك انك بتحاول تساعد الانسان دة ربنا يجعلة فى ميزان حسناتك ويعنا جميعااا على فعل الخير
                  شكراً ليكم جميعاً على تفاعلكم

                  هو أتفق على شغل الحمد لله........ربنا يكمل له على خير إن شاء الله......دعواتكم
                  [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                  [/CENTER]

                  Comment


                  • #10
                    ربنا يوفقه انا شوفت الموضوع ده اول لما اتعمل بس ربنا لم يوفقنى انى اقدر اساعد فى اى شىء

                    Comment


                    • #11
                      المشاركة الأصلية كتبت بواسطة mohamedezat مشاهدة المشاركة
                      ربنا يوفقه انا شوفت الموضوع ده اول لما اتعمل بس ربنا لم يوفقنى انى اقدر اساعد فى اى شىء
                      جزاك الله خيراً يا باشا
                      [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                      [/CENTER]

                      Comment

                      Working...
                      X