حسام حسن مديرا فنيا للزمالك

[TaoTao]

كنت لسة هاكتب موضوع بعنوان "ارحموا عزيز قوم " الصراحة اللي بيحصل ده حاجة تحزن .. القوالب ماتت مش نامت !!!
اللعيبة دول مش بتوع كورة كل واحد منهم عنده البيزنس بتاعه ودماغه مش في الكورة (والكلام ده على معظم نجوم مصر أهلي وزمالك وغيرهم) دول فئة رجال أعمال والكورة بالنسبة لهم سبوبة إضافي. ويقولك احتراف .. ده اسمه "اغتراف"

[Abo_Lina]

الزمالك كده خد خطوة في الاتجاه الصحيح ..
تولي لاعبين كبار تدريب أندية بدون خبرة تدريبية مش بدعة ..جوارديولا في برشلونة و ليوناردو في الميلان و غيرهم كتير قوي

[mr_sameh]

الزمالك كده خد خطوة في الاتجاه الصحيح ..
تولي لاعبين كبار تدريب أندية بدون خبرة تدريبية مش بدعة ..جوارديولا في برشلونة و ليوناردو في الميلان و غيرهم كتير قوي

ايه اللي جاب حسام حسن لجوارديولا وليوناردو وايه اللي جاب الزمالك لبرشلونه والميلان ,
هوا فعلا خد خطوه بس الي الخلف

[Abo_Lina]

ايه اللي جاب حسام حسن لجوارديولا وليوناردو وايه اللي جاب الزمالك لبرشلونه والميلان ,
هوا فعلا خد خطوه بس الي الخلف

إيه وجهة نظرك يعني ?

عايزنا نجيب جوارديولا يدرب الزمالك مثلا ?

[Terrible_DaRsH]

غلطة ممدوح عباس اساسا ..

اول الدورى قال هناخد على الاقل 5 بطولات و هناخد الدورى و هناخد مش عارف ايه و ايه و ايه .

يعنى فريق متدهور بقاله 4 سنين فى يوم و ليلة يبقي على استعداد علشان يفوز ب 5 بطولات !! يا اخى طب قول هنسعي اننا ناخد اى بطولة ترجع الثقة حتى .

و كمان بصراحة ميدو ده بواقى تصدير , ال راجع يلعب للنادى بتاعه بيته !! يا سلاااااااااااام يعنى لو هو ماشي كويس فى اوروبا كان هيرجع ولا رجع لما مستواه باظ ده كفاية وزنه لما رجع !!

كمان الزمالك مجلس ادارته معندهاش اى فكرة عن الاحتراف سواء كرة القدم او غيره .

المفروض اللاعب ده يكون له حدود مش لاعب يطلع يتكلم و لاعب يطلع يشتم ولاعب يسهر للصبح مع معرفش مين و لاعب تانى ميحضرش التمرين و حاجة اخر تهريج بصراحة ..

انا مش هجيب سيرة الاهلى علشان محدش يقول اصلك اهلاوى و بتاع بس بصراحة مجلس ادارة نادى الزمالك لا يفقه شيء عن كرة القدم , دول حتى كل شوية يغيروا مدرب و ده دليل على ان مجلس الادارة بيجيب المدربين بناء على الشهرة مش الكفائة و كمان مجلس الادارة مش عارف الفريق محتاج مين !!

كمان حسام حسن مع احترامى يعنى ده ميصلحش انه يدرب مركز شباب .. لما بيدرب المصري و طول الموسم قاعد فى المدرجات و مطرود و كل ماتش يشتم حكم و يسب و يبصق عمر ما هيكون ده واحد محترف اطلاقااا انه يطلع نادى الزمالك من كبوته و يعمل له اعادة من اول و جديد .

ده لا مؤاخذة اخره يلعب على كام نقطة يثبت بيها الزمالك بس , لكن انه يكون فريق سليم و عناصر جاهزة للعب و يتعامل باحترافيه طبعا لالالا ..

صدقونى يا زمالكاوية , مش هينجيكم من الغرق غير حسن شحاتة "ابن نادى الزمالك" و ده اللى هيقدر يظبط النادى و يفرمته من جديد ..


مصرى قبل ان اكون اهلاوى ...

[mr_sameh]

إيه وجهة نظرك يعني ?

عايزنا نجيب جوارديولا يدرب الزمالك مثلا ?

اقصد ان في فرق بين اللاعب الاوروبي اللي لعب في بطولات كبيره واللاعب المصري وكمان الانديه الاوروبيه والانديه المصريه
يعني اللي يطبق في اوربا ماينفعش عندنا لانهم سبقونا بكتير لازم نحصلهم الاول

[M.ABDEEN]

ما اعتقدش ان حسن شحاته يرضى بمهازل نادي الزمالك دي .........انا زملكاوي صمييم بس للاسف الادارة وحشة والنفوس وحشة والروح والتعاون وحشيين كمان برده ......
الزمالك عايز مدرب جرئ يشوط في اللاعيبه ويشبشبهم ومحديش يدخل في قرراته .......واللي ممكن يعمل كده حلمي طولان مثلا او مانويل جوزيه واللي لا يمكن لو دفعوله مال الدنيا مش هيدربه ...الزمالك عايز زمالك

[kh_talaat]

أنا مش عارف مجلس ادارة الزمالك بيفكر ازاي ؟؟؟؟

بقى الزمالك يدربه حسام حسن !!!!!

انا متوقعله انه يكسبله ماتشين في الأول والزمالكاوية هيفرحوا ويطلعوا بيه السما ، بعدها هيخسرله ماتش ويقعد يسب ويلعن في الحكام كعادته والحكم يطرده بره الملعب كام ماتش ... وعلى نهاية الموسم مجلس الإدارة يكون أقاله

ومن فشل الى فشل ويا زمالك
__________________
أهلاوي حزين على حال الزمالك

[human]

سونه اجدع ناس

[I.S.L.A.M]

بصراحة ياحضرات انا موافق على اختيار حسام حسن مع اقتناعى التام بانة ليس مدرب على درجة عالية من الكفاءة بس اسبابى ان نادى الزمالك محتاج اى رمز كروى كبير يكون ليه احترامة وكمان حسام شخصيتة قوية يعنى مش بيهمو اى لاعب مهما كان اسمه ولا اى حد من الادارة يعنى محدش هيعرف يرغى معاه لان مفيش اى حد من الجيل الحالى عمل للكره زى ما حسام عمل وكمان اسلوب حسام فى الكلام هيخلى اللعيبة تتعلم الادب وتخاف منه ويبطلو فرعنة على الفاضى والمليان وكلنا عارفين ان اللعيب المصرى لما بيحس بنفسه مش بينفع معاه غير اسلوب الترهيب مش الطبطبة يعنى لازم يتعامل معاهم باسلوب الجيش عشان الكل يتلم وموضوع الخبرة فى التدريب هيزيد معاه مع مرور الايام وهى ماجتش عليه ماهوالزمالك عمال يغير فى المدربين زى الشربات لازم ياخد فرصة ويمكن حالى الزمالك يتعدل

[M.Mosaad]

ابصم بالعشره على كده :ta_clap[1]:
جوزيه لو كان الى ماسك المنتخب فى التصفيات كنا صعدنا
الماتشات كلها كانت بتاعته وكان بيعرف يتعامل معاها
انا اهلاوى على فكره وزعلان على الى بيحصل للزمالك

بس هل جوزيه هينفع مع سمير زاهر و شوبير و عبد الغني و الشله دي
الاهلي اساسا منظومه متكامله بتسند اي مدير فني
لكن اتحاد الكورة منظومه متكامله من الفساد مينفعشي معاها راجل دوغري زي جوزيه

[sakrouz]

الزمالك كده خد خطوة في الاتجاه الصحيح ..
تولي لاعبين كبار تدريب أندية بدون خبرة تدريبية مش بدعة ..جوارديولا في برشلونة و ليوناردو في الميلان و غيرهم كتير قوي

كلام محترم وانا معاك---- وراى بصراحة ان المصرين طيبن اوى لما واحد ينجح مع فرقة لظروف معينة يكون هو ده اساس الحكم ويكون جوزية رمز الكرة المصرية ولو مسك المنتخب الكره هتسمع فى اوروبا ذى ما واحد من الاعضاء بيقول- حاجة غريب جدا نفسى مره ندرس عوامل النجاح نفسى نفكر ان يكون عندنا اكثر من ناجح مش ندور على اللى نجح ويكون هو ده ونعيش على ذكراه جوزيه لما درب الاهلى ماكانش عنده ولا بطوله واحده فى ال cv وحسام لو اخذ الفرص هاينجح بس ليه لازم كل الناس تحارب انتا مين يا حسام ده جوزية اصل مش عارف اه

[kh_talaat]

تاريخ حسام حسن الحافل في التدريب واللي رشحه لتدريب أحد قطبي الكرة المصري نادي الزمالك من موسوعه ويكيبيديا

اتجه الآن حسام حسن إلى مجال التدريب حيث قاد النادى المصري البورسعيدى في النصف الثانى من الدورى المصري موسم 2007 / 2008 حيث تمكن المصري بقيادة حسام في البقاء بالدورى المصري بعد ان كان قاب قوسين أو ادنى من الهبوط إلى الدرجة الثانية . وفي الموسم الحالى بدأ فريق المصري في التألق تحت القياده الفنيه لحسام حسن واستطاع الفوز على الاتحاد في الاسكندريه ثم على الاهلى بطل الدوري في بورسعيد في أول جولتين في الدوري الممتاز . ثم لاقى هزيمتين متتاليتين دفعته للاستقاله من منصبه بداعى ان ( الحكام يناصبونه العداء ) على حد تعبير العميد . الا ان جلسه وديه جمعته مع ( سيد متولى ) رئيس النادى المصري دفعته للتراجع عن الاستقاله
وفى الاخير ودع حسام حسن سنه 2008 باقالته من تدريب النادى المصري بعد اعمال الشغب التي قام بها مع توأمه إبراهيم حسن وقدم تم تغريمه بوقف 6 مبارايات متتاليه ومبلغ مالى
كما تم معاقبه اخبه إبراهيم حسن بوقف 6 سنوات ومبلغ مالى أيضا
و حالياً يشغل منصب المدير الفنى لفريق المصرية للإتصالات المهدد بالهبوط من الدورى الممتاذ و يأمل حسام حسن ان ينتشل الفريق من دوامة الهبوط بعد ان أنتشل النادى المصري البورسعيدى منها العام الماضى

[sarah5]

الزمالك مش هيخسر اكتر من اللي خسره
اعتقد ان قرار مجلس الادارة بتعيين حسام حسن هو عبارة ع تجربة لأن خلاص مفيش حاجة نخسرها بعد اللي خسرناه
جابوا الاجنبي منفعش جابوا فاروق جعفر وهو مدرب كبير وليه خبرة منفعش فقالوا يجيبوا واحد في سن اللاعبين يمكن يعمل حاجة
وعموما مبقتش تفرق

[OlaOsman]

هو فعلا كان عايز إبراهيم حسن مساعد؟ همه توأم ملتصق و لا ايه؟