حسام حسن مديرا فنيا للزمالك

[mr_sameh]

الزمالك مش هيخسر اكتر من اللي خسره
اعتقد ان قرار مجلس الادارة بتعيين حسام حسن هو عبارة ع تجربة لأن خلاص مفيش حاجة نخسرها بعد اللي خسرناه
جابوا الاجنبي منفعش جابوا فاروق جعفر وهو مدرب كبير وليه خبرة منفعش فقالوا يجيبوا واحد في سن اللاعبين يمكن يعمل حاجة
وعموما مبقتش تفرق

هوا حسام حسن محتاج نجربو ده مدرب فاااااااااشل ودرب فرقتين واطرد من واحده وهبط بالتانيه للدرجه التانيه , وكمان مين قال ان فاروق جعفرمدرب كبير هتلي بطوله خدها فاروق جعفر اللي بيدرب من 20 سنه

لان مفيش اى حد من الجيل الحالى عمل للكره زى ما حسام عمل

طبعا عمل حاجات كتير بس طبعا مش زي احمد حسن ولا ابوتريكه ولا الحضري
كل دول عملو لمصر اكتر من الاخ حسام اللي قضي حياته ايقافات وسفاله وقلت ادب واخيرا طرده من النادي الاهلي

أنا مش عارف مجلس ادارة الزمالك بيفكر ازاي ؟؟؟؟
بقى الزمالك يدربه حسام حسن !!!!!
انا متوقعله انه يكسبله ماتشين في الأول والزمالكاوية هيفرحوا ويطلعوا بيه السما ، بعدها هيخسرله ماتش ويقعد يسب ويلعن في الحكام كعادته والحكم يطرده بره الملعب كام ماتش ... وعلى نهاية الموسم مجلس الإدارة يكون أقاله
ومن فشل الى فشل ويا زمالك
__________________
أهلاوي حزين على حال الزمالك

الغريب ان كل الناس فاهمه الكلام ده الا ادارة الزمالك

[Terrible_DaRsH]

حد يعرف ابراهيم حسن هيشتغل ازاى و هو موقوف من الاتحاد الدولى !!

[kh_talaat]

حد يعرف ابراهيم حسن هيشتغل ازاى و هو موقوف من الاتحاد الدولى !!

مين قال ان ابراهيم حسن هيشترك مع حسام في الطاقم الفني

[Terrible_DaRsH]

مين قال ان ابراهيم حسن هيشترك مع حسام في الطاقم الفني

: قرر مجلس إدارة الزمالك بعد اجتماعه العاجل مساء الأحد استدعاء التوأم حسام وإبراهيم حسن من دبي الاثنين لإتمام التعاقد معهما رسمياً خلفاً للفرنسي هنري ميشيل الذي تم إقالته بشكل رسمي.
وعلم مراسل Yallakora.com ان مجلس إدارة الزمالك بعد اجتماعه الأحد طلب من التوأم العودة سريعاً من دبي ومعهم أسرهم على حساب النادي لإنهاء التعاقد رسمياً.
وأضاف مراسلنا ان مجلس إدارة الزمالك أجرى تصويتاً على تعيين حسام حسن وجاءت نتيجة الموافقة على تعينه 4 اعضاء ومثلهم معترضين على تعيينه، إلا ان موافقة ممدوح عباس رئيس النادي على حسام قد زادت من فرص الأخير في تولي قيادة الفريق.
ويأتي الاختلاف الوحيد من جانب مجلس إدارة الزمالك على تعيين حسام حسن هو طلب الأخير وجود توأمه ابراهيم ضمن الجهاز الفني وهو ما رفضه الأعضاء وقاموا بترشيح بعض الأسماء الأخرى لمعاونة العميد على رأسهم أيمن منصور.
وأفاد مراسل Yallakora.com ان مجلس الإدارة سيعقد اجتماعاً عاجلاً صباح الاثنين مع لجنة الكرة برئاسة حمادة امام لاستطلاع رأيهم في تعيين حسام حسن لقيادة الفريق في الفترة القادمة.
وكان المجلس الأبيض قد اتخذ قرارا حاسماً بإقالة هنري ميشيل المدير الفني الفرنسي للفريق

[kh_talaat]

شكرا للتوضيح

يعني خربانه خربانه دة انا كنت فاكره هيدرب لوحده كمان هياخد معاه ابراهيم ....... والله صعبان عليا الزمالك ومشجعي الزمالك

[XXXMEMOXXX]

انا متفائلهم بحسام حسن مش عشان هو مدرب معجزة و جامد لأ عشان حسام حسن عايز يكسب و شخصيته قوية و قليل الأدب و الزمالك مليان لعيبة عايزة تتربي و شايفة نفسها و مينفعش معاهم غير حسام و إبراهيم يلطشولهم و يقفوا يسبولهم في التمرين و عالخط

الزمالك كده خد خطوة في الاتجاه الصحيح ..
تولي لاعبين كبار تدريب أندية بدون خبرة تدريبية مش بدعة ..جوارديولا في برشلونة و ليوناردو في الميلان و غيرهم كتير قوي

+1
ان شاء الله الزمالك هيتحسن حاله مع حسام
يا رب

[zaza_lanos]

انا شايف انه احسن حاجة للتعامل مع العيال ده

[Abo_Lina]

بصراحة ياحضرات انا موافق على اختيار حسام حسن مع اقتناعى التام بانة ليس مدرب على درجة عالية من الكفاءة بس اسبابى ان نادى الزمالك محتاج اى رمز كروى كبير يكون ليه احترامة وكمان حسام شخصيتة قوية يعنى مش بيهمو اى لاعب مهما كان اسمه ولا اى حد من الادارة يعنى محدش هيعرف يرغى معاه لان مفيش اى حد من الجيل الحالى عمل للكره زى ما حسام عمل وكمان اسلوب حسام فى الكلام هيخلى اللعيبة تتعلم الادب وتخاف منه ويبطلو فرعنة على الفاضى والمليان وكلنا عارفين ان اللعيب المصرى لما بيحس بنفسه مش بينفع معاه غير اسلوب الترهيب مش الطبطبة يعنى لازم يتعامل معاهم باسلوب الجيش عشان الكل يتلم وموضوع الخبرة فى التدريب هيزيد معاه مع مرور الايام وهى ماجتش عليه ماهوالزمالك عمال يغير فى المدربين زى الشربات لازم ياخد فرصة ويمكن حالى الزمالك يتعدل

الناس محسساني إن حسام حسن ده بياع ترمس ..
الموضة برة زي ما قلت إن اللعيبة الكبيرة المبطلة تمسك فرق ..أنت عايز تتطبق الكلام ده هنا هاتجيب مين ? حمادة شنح ?
حسام كخبرة و شخصية هو أنسب شخص للزمالك حاليا

كلام محترم وانا معاك---- وراى بصراحة ان المصرين طيبن اوى لما واحد ينجح مع فرقة لظروف معينة يكون هو ده اساس الحكم ويكون جوزية رمز الكرة المصرية ولو مسك المنتخب الكره هتسمع فى اوروبا ذى ما واحد من الاعضاء بيقول- حاجة غريب جدا نفسى مره ندرس عوامل النجاح نفسى نفكر ان يكون عندنا اكثر من ناجح مش ندور على اللى نجح ويكون هو ده ونعيش على ذكراه جوزيه لما درب الاهلى ماكانش عنده ولا بطوله واحده فى ال cv وحسام لو اخذ الفرص هاينجح بس ليه لازم كل الناس تحارب انتا مين يا حسام ده جوزية اصل مش عارف اه

باشا cv ايه بس ما احنا كان عندنا هنري ميشيل مدرب عايز اتنين معاه عشان يشيلوا ال cv بتاعه .. و عمل لنا إيه ..صفر
cv ايه اللي الناس جاية تقول عليه..
الكورة مش كده و مافيهاش شغل المعادلات الحسابية و أبو cv و أبو من غير cv ..
جوزيه كان جاي مصر نكرة و ال cv بتاعه صغير .. مشى من هنا و ال cv بتاعه وارم ..
يا راجل احنا عاوزين نخرج من الحلقة المفرغة بتاعة المدربين دي بقى و شيلوا طولان و هاتو فاروق جعفر و شيلوا جعفر و هاتو محسن صالح ..
بورتو أعطى الفرصة لمدرب شاب مغمور و ليس له نجاحات تذكر و بعد سنة خد الدوري البرتغالي و الشامبيونز ليج الأوروبي ..
المدرب ده إسمه جوزيه مورينيو ..
الدنيا بره اتغيرت يا شباب ..

[kh_talaat]

إن غدا لناظره قريب

[KSA2011]

الناس محسساني إن حسام حسن ده بياع ترمس ..
الموضة برة زي ما قلت إن اللعيبة الكبيرة المبطلة تمسك فرق ..أنت عايز تتطبق الكلام ده هنا هاتجيب مين ? حمادة شنح ?
حسام كخبرة و شخصية هو أنسب شخص للزمالك حاليا





باشا cv ايه بس ما احنا كان عندنا هنري ميشيل مدرب عايز اتنين معاه عشان يشيلوا ال cv بتاعه .. و عمل لنا إيه ..صفر
cv ايه اللي الناس جاية تقول عليه..
الكورة مش كده و مافيهاش شغل المعادلات الحسابية و أبو cv و أبو من غير cv ..
جوزيه كان جاي مصر نكرة و ال cv بتاعه صغير .. مشى من هنا و ال cv بتاعه وارم ..
يا راجل احنا عاوزين نخرج من الحلقة المفرغة بتاعة المدربين دي بقى و شيلوا طولان و هاتو فاروق جعفر و شيلوا جعفر و هاتو محسن صالح ..
بورتو أعطى الفرصة لمدرب شاب مغمور و ليس له نجاحات تذكر و بعد سنة خد الدوري البرتغالي و الشامبيونز ليج الأوروبي ..
المدرب ده إسمه جوزيه مورينيو ..
الدنيا بره اتغيرت يا شباب ..

معذور صعبان عليا كل سنه وانت طيب يا باشا

[Abo_Lina]

+1
ان شاء الله الزمالك هيتحسن حاله مع حسام
يا رب

انا شايف انه احسن حاجة للتعامل مع العيال ده

إن شاء الله الوضع هايتحسن

[E30power]

انا أهلاوي بس حزين للزمالك و الله .. منظر شيكا و حازم و هم بيعيطوا إنهاردة يبين قد إيه الفريق إنهار و محتاج يتصلح .

انا متفائلهم بحسام حسن مش عشان هو مدرب معجزة و جامد لأ عشان حسام حسن عايز يكسب و شخصيته قوية و قليل الأدب و الزمالك مليان لعيبة عايزة تتربي و شايفة نفسها و مينفعش معاهم غير حسام و إبراهيم يلطشولهم و يقفوا يسبولهم في التمرين و عالخط

+111111111111111111:b4_388:

[mr_sameh]

يعني الزملكاويه فرحانين بحسام كمدرب
واحنا بقي الاهلويه بنقولهم مبروووووووووووووووووووووك عليكو اعظم مدرب في التاريخ

[OlaOsman]

النهاردة في الأهرام خبر بيقول ان الليلة مباراة الزمالك مع حرس الحدود و أول إختبار لحسام حسن.

إختبار لإيه بالظبط؟ واحد ماسك الفريق بقاله يومين، ازاي يكون ماتش زي ده اختبار ليه؟

بس انا عجبني النهاردة تشجيعه للعيبة بعد الماتش برغم الهزيمة و محاولة الرفع من روحهم المعنوية

[Terrible_DaRsH]

اكبر دليل على ضعف مستوى هذا الشخص الهاااوى , انه صرح بانه هيعمل مباراة قوية جدا جدا امام الاهلى ..

اولا الشخص ده لا يمتلك مهارات كمدرب , ثانيا لم يتعرف على حالة اللاعيبة الموجودة و لا حتى لسه عرف الدنيا ماشية ازاى فى نادى الزمالك ..

هو شاف ممدوح عباس جيبه مفتوح و لاعيبة عندها حماس يبقي خلاص بكره الصبح هياخد كاس العالم ..

و حتى لو كسب الاهلى و كسب كام مباراة فحسام حسن اقل من انه يوقف نادى الزمالك على رجله و يجيب له بطولات ...

مرة اخيرة : حسن شحاتة فى ايده الحل .