حملة مقاطعة لسويسرا

[lada2010]

تم اعلان حملة لمقاطعة سويسرا بسبب قرار التصويت الذى تم لعدم بناء مساجد فى سويسرا وبسبب الشعار الذى فى التصويت

[Col. Eng. Khaled]

القاهرة - محرر مصراوى - أعرب الدكتور على جمعة، مفتى الجمهورية عن شجبه واستنكاره لتمرير مبادرة حظر المآذن التى تقدم بها حزب العمل السويسري.
وقال الدكتور على جمعة مساء الأحد "لقد سمعنا بأسى بالغ عن هذه المبادرة التي لا تعتبر هجوما على حرية الاعتقاد فحسب، بل أيضا محاولة لإهانة مشاعر المجتمع الإسلامي داخل سويسرا وخارجها".
كما أعرب فضيلته عن قلقه البالغ بشأن هذا السابقة الخطيرة التى يمكن أن تعمق من مشاعر الكراهية والتمييز ضد المسلمين لأنه لن يشمل إلا أماكن عبادتهم، فى حين أن المباني التابعة لجميع الديانات الأخرى لم تتعرض لأى تقييد.
وأشار المفتى إلى أن هذا الإجراء مناقض لحرية الاعتقاد والضمير المضمونة من طرف الدستور الفيدرالي السويسري، حيث تنص المادة 15 من الدستور السويسري على أن "حرية الاعتقاد والفلسفة مكفولة، فكل واحد له الحرية فى اعتناق الأديان والعقائد وأن يمارسها سواء كان وحيدا أو داخل جماعة، وللجميع الحق فى الانضمام لأى جماعة دينية وأن يتبع التعاليم الدينية، ولا يجوز إكراه أحد على الانضمام لجماعة دينية أو ممارسة شعيرة دينية أو اتباع تعاليم دينية بعينها" وهذا الحق الدستوري لم يتغير وعلى الجميع أن يتذكر ذلك.
ودعا مفتى الجمهورية، مسلمي سويسرا إلى استخدام "الحوار" والآليات القانونية والدستورية لمواجهة مبادرة حظر المآذن التى وصفها بـ"التصرف الاستفزازي".
كما دعا مفتى مصر المسلمين فى الخارج إلى عدم التأثر بـ"هذا الاستفزاز" .. مطالبا جميع المنظمات والهيئات الإسلامية إلى التكاتف والتعاون وأن يتصرفوا فى إطار القانون والشرعية الدولية مبرزين وجه الإسلام المشرق.
وقال جمعة "إن من حق المسلمين أن يظهروا شعائر دينهم أسوة بالمسيحيين الذين يعلنون شعائرهم فى الكنائس" .. داعيا الأوروبيين عامة والسويسريين خاصة لأن يكونوا متسامحين وأن يعاملوا المسلمين كما يعاملون إتباع الديانات الأخرى حتى يكسبوا محبتهم ويشعروهم بالأخوة والمساواة وحتى تتحقق مبادى الاندماج والمشاركة داخل المجتمعات الأوروبية.
وأوضح فضيلة المفتى أن "الإسلام يعتبر البشرية أسرة واحدة، أبوهم واحد وربهم واحد" .. مستشهدا بقول الله عز وجل "يا أيها الناس اتقوا ربكم الذى خلقكم من نفس واحدة وخلق منها زوجها وبث منهما رجالا كثيرا ونساء واتقوا الله الذى تساءلون به والأرحام" .. مبينا أن كلمة "الأرحام" تشمل أرحام البشر جميعا بغض النظر عن جنسياتهم ودياناتهم وألوانهم.
ودعا المفتى، مجلس الأديان السويسري - الذى يضم عددا من الأعضاء المسلمين - إلى استنكار ما آلت إليه الأمور .. مؤكدا أهمية ألا يتم إساءة استعمال هذه النتيجة لتحقيق مآرب سياسية رخيصة.
وكان أكثر من 57% من السويسريين قد قرروا في استفتاء يوم الأحد حظر بناء مآذن ، بحسب النتائج النهائية للاستفتاء.
ورفضت أربعة كانتونات فقط من أصل 26 يتألف منها الاتحاد السويسري ، الاقتراح الذي حظي بدعم حزب اليمين والحزب المسيحي اليميني الصغير.
وسيؤدي هذا التصويت إلى تعديل المادة 72 من الدستور السويسري التي تحكم العلاقات بين الدولة والديانات.
وسيدرج حظر بناء مآذن في الدستور على أنه إجراء "يرمي إلى الحفاظ على السلام بين أفراد مختلف المجموعات الدينية".
واجمع المعلقون على وصف هذه النتيجة بأنها "مفاجأة كبرى" لأنها تناقض الاستطلاعات التي توقعت خلال الحملة رفض 53% من السكان اقتراح اليمين.
المصدر: وكالة أنباء الشرق الأوسط ، مصراوي
اقرأ ايضا :
السويسريون يصوتون في استفتاء على اقتراح لمنع بناء المآذن في بلادهم

[Karim_Mohy]

طب مقاطعة من اي نوع ؟؟؟...زي الدنمارك كده ؟؟؟


طب والناس اللي حاطة فلوسها هناك هاتقاطع ازاي...:ddd


وحاجة كمان.......القرار سمعت عنه.....بس يا ريت توضيح للشعار اللي بتقول عليه ؟؟؟

[هيثم]

تم اعلان حملة لمقاطعة سويسرا بسبب قرار التصويت الذى تم لعدم بناء مساجد فى سويسرا وبسبب الشعار الذى فى التصويت

للمأذن و ليس للمساجد

[Col. Eng. Khaled]

[youtube]http://www.youtube.com/watch?v=xHDvS3o-Nq4[/youtube]

[Mohamed.Ramah]

لا اله الا الله ياريت نعرف المقاطعة حتكون ازاى خصوصا ان البلد بتستورد كل حاجتنا من برة

[abo_hosni]

احنا بتوع المقاطعة

[amr.elsayed]

للاسف هو مش سويسرا فقط اللى عايزة اعادة نظر فى هذا موضوع لا
دة كمان فى بعض الدول الاوروبية اللى بتكون فيها بعض الاتضطهاد
لممارسة العقيدة الاسلامية للشخص المسلم ومنهم ايطاليا على سبيل المثال
فى ايطاليا لا يوجد غير بعض المراكز الاسلامية المتفرقة فى انحاء ايطاليا (يتعدوا على صوابع اليد)
غير كدة مفيش مساجد الناس هناك عشان يصلوا العيد مثلا بيأجروا الاستاد او بيأجروا جراج يصلوا فيه الله يكون فى عونهم
السؤال هنا عشان متكونش مقاطعة وخلاص
ايه المنتجات اللى سويسرا بتصدرها لنا عشان نقاطعها ؟

[most_wanted]

سؤال
هو احنا بنستورد ايه من سويسرا علشان نقاطعه؟

[evoo90]

هو احنا مانعرفش نعمل حاجه غير المقاطعه
مانعرفش مانستوردش حاجه من برا وصناعاتنا كله تكون محليه ولا الحوجه لأى حد
مانعرفش نرفع من نفسنا شويه قدام العالم ومايترفضلناش طلب ولا حد يجرأ على اهانتنا
التخطيط من الاول غلط والسكوت على اول غلطه هى اكبر غلط وكل اللى بيحصل واللى هايحصل بسببنا اننا غلابه !!

حسبى الله ونعم الوكيل

[د.محمود صلاح]

سيعود الإسلام غريبا كما بدأ غريباً

[dodino2006]

سويسرا هي البلد الوحيدة اللي في العالم اللي بنصدرلها و مش بنستورد منها....

بنصدرلها......فلوس

[Ghamrawy]

طبعا تعمل زى ما هى عايزة ..هى مش ماسكة حكام الدول الاسلامية من الايد اللى بتوجعهم ؟!!

[M.Mosaad]

الحيوانات المفترسه بتاكل الغزلان علشان الغزلان ضعيفه
نلوم مين الحيوانات المفترسه علشان قويه و لا الغزلان علشان ضعيفه
قال رسول الله صلي الله عليه و سلم فيما معناه (( لاني مش متاكد من النص ))
((( توشك ان تتداعي عليكم الامم كما تتداعي الاكله علي قصعتها ....)))
صدق رسول الله صلي الله عليه و سلم
لو احنا اقوياء زي ايام الرسول صلي الله عليه و سلم او ايام الخلفاء الراشدين او حتي ايام العباسيين زي المرأة اللي صرخت وامعتصماااااااة بعتلها جيش مش شجب و ندد و استنكر
لكن دلوقتي المطلوب مننا نقاطع كل دول العالم --- امريكا - سويسرا - هولندا - الدنمارك - ايطاليا - الجزائر ...... احنا ضعفاء ليه عايزيين حد يرحمنا بس ادينا بنعمل اللي علينا و هنقاطع علي قد مانقدر بس هنعمل ايه في الدوا مثلا
حسبي الله و نعم الوكيل في اللي كان السبب اللي هو الحكام و كمان احنا علشان السلبيه

[sherifahmed]

و ايه علاقة الموضوع دا بالعربيات عشان يتحط فى العام