صور وفيديو سيول جدة الرهيبة

[Ahmed Nouh]

يا ساتر يارب

وقال هنا الناس عماله تقول ان القاهره يوم الوقفه بليل كان فيها سيول , هى دى بقا فعلا السيول

فعلا ربنا يرحمنا هنا كميه الامطار دى كفيله بأغراق القاهره تماما واذا كان هما عندهم البنيه التحتيه ضعيفه فاحنا البنيه التحتيه اساسا فاتحينها جراج

بس هو الغريب فعلا ايه تفسير كميه العربيات اللى مرميه زى اللعب على جنب الطريق دى ؟ السيول وصلت للدرجه دى على الطريق ولا ايه اللى حصل ؟

ربنا يسترها عليهم و علينا

ده شركات التأمين هناك هتكع كع.....

اللى اعرفه ان معظم بوليصات التأمين هنا ان لم تكن كلها مبتغطيش الكوارث الطبيعيه

هل هناك كدا برده ؟

[نور القمر]

اختي من سكان جدة وكانت بتحج وقالت لنا ان السيول كانت بتجرف العربيات والشجر من الطرق الكبيرة
هم استخدموا طرق جانبية صغيرة أأمن
ادعولهم يرجعوا بالسلامة

[hossam_elwani]

مكنتش متخيل ان بلد صحراوية يكون فيها المطر بالشكل ده سبحان الله وربنا يعوض على كل متضرر

[Abomar77]

ودة تقرير فيديو عن اللي حصل ...

[youtube]http://www.youtube.com/watch?v=RToAHgxm1uo&annotation_id=annotation_42531 4&feature=iv[/youtube]

[mohamedbook]

احنا في رحمة والله
دة البنيا التحتيه ادمرة تماما
لوحصل الكلام دة عندنا 90 % من المباني بتاعتنا مبنيه كدة وتسالوش كده ديه يعني ايه عشان معرفش اوصفها
والله هيروح فيها مليين

[Lord_Fouad]

ربنا يسترها معانا

[SeiffoZ]

هو إزاى العربيات جت فوق بعضها كده؟؟؟؟

[mahmoud_magdy]

وانا بتفرج على الفيديوهات
جالي احساس كدا ان ده غضب من ربنا سبحانه وتعالى
ولما شفت منظر العربيات
فكرت اد ايه ان ربي سبحانه وتعالى خالق كل شئ قادر على هدمه
واد ايه ان ربي سبحانه وتعالى قوي وشديد ورحيم بينا
اللهم لا تؤاخذني على ما فعلته في حقك
ف انت الله لا اله الا انت قادر على كل شئ
اللهم ارفع غضبك ومقتك عننا يارب العالمين

[Abo_Lina]

شباب المياه شالت العربيات و جرفتها لمسافة معينة و تراكمت فوق بعضها .. أغلبها مكفية على وشها كده لأن الموتور في الأمام و ده بيسبب تقل ..فالعربية بتميل ناحية التقل ده و هي محمولة من المياه..
ده سبب مناظر العربيات دي

[asbeats]

الغريب انه كان فيه تعتيم اعلامي رهيب على الموضوع ده كأننا في القرن التامن الميلادي...مش واخدين بالهم ان فيه نت وموبايل بكاميرا....

اغلب الصور دي والفيديوهات متصورة عن طريق مواطنين عاديين

بيقال انه تم نقل المتضررين الى مساكن مفروشة بمناطق اخرى...واغلب الظن ان التأمين في المملكة السعودية لا يغطي الكوارث الطبيعية

ربنا يعوض عليهم...ويحمينا من مثل هذه الكوارث برحمته ان شاء الله

[مصراوي جدا]

اختي من سكان جدة وكانت بتحج وقالت لنا ان السيول كانت بتجرف العربيات والشجر من الطرق الكبيرة
هم استخدموا طرق جانبية صغيرة أأمن
ادعولهم يرجعوا بالسلامة

ربنا يرجعها بالسلامة

عموما حتى الآن الأحياء المتضررة هي الأحياء القديمة الفقيرة في جنوب وشرق جدة اما الأحياء الجديدة الشيك في شمال وغرب جدة لم تتأثر الا بشيء بسيط وده طبعا لأن البنية التحتية في الأحياء الحديثة معمولة صح

المشكلة ان دلوقتي فيه بحيرة مياه اتجمعت جنوب جدة وفيه عدة سدود امامها السد الأول انهار بالفعل وباقي سدين تلاته كمان والناس خايفين هناك

يمكن البحث على النت او اليوتيوب بعبارة : تسونامي جدة - سيل جدة لمزيد من التفاصيل والصور

[I.S.L.A.M]

يا رب ارحمنا وارحم المسلمين جميعا

[ZALABANY]

إنا لله وإنا إليه راجعون ولا حول ولا قوة إلا بالله اللهم أجرهم في مصيبتهم السيول دي أدت إلى عدد كبير من الوفيات وخراب كبير أرجو من الإخوه الدعاء للناس بأن يعوضهم الله ويصبر من فقد عزيزا له بدلا من الحديث عن السيارات وكيفية بيعها والعربيات اللي هاتتباع في مصر دي كارثه

[gomangy]

لا حول ولا قوة إلا بالله

ربنا يسترها علينا لحسن بلدنا بتغرق في شبر ميا

[CryptonX]

يا ساتر يا رب ! الله يكون في عون الناس !

ايه يا باشا، ماتروحش بخيالك بعيد.... انت نسيت جماركنا المحترمة، ده انت لو جايب الكامري ببلاش الجمارك كفيلة تخلي تمنها ضعفين تمنها بره

خطا حسابي .

لو السيارة تمنها = صفر جنيه .

اضف عليها 200% جمارك ..يبقى .. 2 x صفر = صفر .

وبالتالي مبروك عليك :)