فودافون - عرض جديد

[mxz911]

ايوه فعلا انا حولت ل نظام كل المصرين ده والدقيقه لاى رقم ب 19 قرش


وكمان خلاص حليت المشكله دى :

بس جيت اشترك ل موبايل والدتى قالى :

عفوا .لا يمكنك الاشتراك فى هذا العرض ترقب عروض فودافون المتميزه قريبا


حد يعرف ليه ؟

بأنى حولت ل نظام كل المصرين واشتغل عادى

[ashouhdy]

دة كان عرض و انتهى بتاع فودافون ذى ما اتصالات دلوقتى عاملة العرض ع الخطوط الجديدة بس لكن التحويل انتهى

[أحمد كمال]

الا قولي يا ابو كمال

هيا اتصالات مش منزله اي عروض؟؟ :))

واحشني والله وكل سنه وانتا طيب هيا معلش متاخره بس انا مشوفتكش في المنتدي خالص في العيد ولا معايا رقم موبايلك

a.yakout

كل سنة و انت طيب يا شقيق الشقايق :)

هابعت لك نمرتي .....

و اكيد في اتصالات الناس شغالة ليل نهار على عروض جديدة و دايما ترقب الجديد

و ماتنساش مين اللي غير شكل تسعير المحمول في مصر

وابقى سلملى على ااتصالات

اتصالات بتقول لك الله يسلمك

دة كان عرض و انتهى بتاع فودافون ذى ما اتصالات دلوقتى عاملة العرض ع الخطوط الجديدة بس لكن التحويل انتهى

تصحيح بسيط : اتصالات مش عاملة العرض عالخطوط الجديدة

دي خطوط موزعين اشتروها و حولوها قبل التحويل للنظام ما يتقفل و بيبيعوها دلوقتي

[KSA2011]

بس انا يا استاذ احمد كمال ما قلتش لحضرتك الى تسلم عليها !!!

[mxz911]

العرض بتاع فودافون لسه شغال وانا لسه من شويه مشترك ل والدتى فى الخدمه

[أبو عبدالله]

هي المصرية للاتصالات تبع مين في البلد ؟ :e_braces[1]:
عموما التليفون الارضي راحت عليه خلاص يروحوا يدوروا على مشروع جديد
ده الفلاحين في بلدنا كل فرد في الاسرة معاه موبايل دلوقت وناس كتير الغت تعاقد التليفون الارضي

وليه التخبيط ده بقه :b4_282:

متخلونا ناكل عيش يا جدعان

على فكره بس معلومة للكل
الفواتير لا تعتبر هيا لاعمود الرئيسي لدخل الشركة
ولكن دخل الشكرة معتمد على اسهمها في الشركات الأخري كفودافون وامتلاكها لتي داتا والكوابل البحرية بتاعت النت وتاجير دوائر وكوابل لشركات كتير منها شركات المحمول الثلاثة
يعني المصريرة للاتصالات شغلها مش فواتير
الفواتير تعتبر شئ من ضمن اشياء كتير وليس اولها

ومع ذلك زي ما فيه ناس كتير انتم شايفنهم مش مهتمين بالتليفون الثابت
في كتير جدا بيقدموا على تليفونات ثابته جديد لأن اكثر من 75% من الشعب معندهوش ثابت اساسا
انتم مش شايفين الأرياف والقرى اللي هيا مصر
العروض دي بتنزل الناس بتيجي تنسف الخطوط وتخلصها
ياريت يبقى نظرنا اوسع من اللي حوالينا علشان تعرفوا الحكومة بتفكر ازاي

[nabaster]

طب قوللى لو سمحت على العرض دة عشان دة كان فى رمضان بس واتلغى واللى لحق حول لحق واللى ملحقش يلبس فى الحيطة هو دة نظام فودافون !

لكن اتصالات لحد النهاردة الخطوط ام 19قرش مرمية فى كل حتة ب10 جنية !

يا رايس تعليق بسيط بس علي كلامك

اتصالات وفودافون وموبينيل التلاته كانو مشغلين النظاااااام (وخد بالك من نظام دي يعني مش عرض ليه فتره محدده وهيخلص لا ده نظام شغال دايما) في رمضان

والتلاته وقفوا الاشتراك من بعد رمضان لحد قبل العيد الكبير وكلهم حاليا مشغلين النظام ده (19 قرش لاي حد في مصر مع اختلاف المسميات)

فودافون مسمياه كل المصريين

اتصالات مسمياه اهلا كل الناس

موبينيل مسمياه خط الكل

بس غالبا موبينيل بـ 15 قرش لاي حد بس مش متاكد

لو انتا فودافون و حابب تحول اتصل بـ 880

كل سنة و انت طيب يا شقيق الشقايق :)

هابعت لك نمرتي .....

و اكيد في اتصالات الناس شغالة ليل نهار على عروض جديدة و دايما ترقب الجديد

و ماتنساش مين اللي غير شكل تسعير المحمول في مصر

انتا عارف يا ابو كمال بهزر معاك

بس عارفك اتصالاتي ابا عن جد وحتي النخاع فحبيت انكشك :)

وبعدين قولت هبعتلك رقمي ولسا مبعتش علي فكره

A.Yakout

[أحمد كمال]

ياقوت باشا

15 قرش ده كان في رمضان يا معلم

[nab!l]

جالى النهارده رسالة كلمنى شكرا
ومكتوب فيها دقيقة علينا ودقيقة عليك كلم 2009
كلمت 2009 قالت من 1 بالليل ل9 تقريبا ويكون لفودافون بس
!!!

[نور القمر]

التحويل لنظام كل المصريين ازاي لاني نسيت واختي كانت عايزة تحول
اتصلت ببتوع خدمة العملاء مكنتش عارفه اسم النظام وقالي مفيش خطة للتحويل تكون كل المكالمات ب 19 قرش
بصراحة زهقت منه ومرضتش اجادل كتير وقلت تلاقيه كان عرض وانتهى
الكلام ده من يجي اسبوع
واتأكد ازاي انا على اي نظام ؟؟

[النوبي]

انا لسه محول لـالمصريين في موبينيل الدقيقه 8 قروش من موبينيل الي موبينيل و19 قرش الي اي محمول

[nabaster]

ياقوت باشا

15 قرش ده كان في رمضان يا معلم

منا قلت مش متاكد من موضوع موبينيل ده دقيقته بكام بظبط

وياريتك ما بعت الرقم هحقد عليك علي فكره :)

بهزر طبعا ويشرفني يا رايس

جالى النهارده رسالة كلمنى شكرا
ومكتوب فيها دقيقة علينا ودقيقة عليك كلم 2009
كلمت 2009 قالت من 1 بالليل ل9 تقريبا ويكون لفودافون بس
!!!

فعلا ده العرض الي شغال دلوقت

بس انا بنفع فودافون بزياده شويه فنازل ليا عرض لواحدي :)

بتكلم بجد علي فكره الناس الي بيتكلمو كتير بيتبعت ليهم عروض خاصه بيهم زي ما شرحت قبل كده في المشاركه دي

انا ليا تلات شهور بتجيلي كل شهر رساله بيقولي علي عرض خمس دقايق عليك وخمس دقايق علينا لاي رقم في مصر

بحد اقصي تلات مرات في اليوم

يعني ربع ساعه عليهم وربع ساعه عليا

وده غير عرض فودافون الي شغال اليومين دول دقيقه عليك ودقيقه علينا من 1 لـ 9 الصبح

بس والدي جاتله الرساله بـ 45 دقيقه عليه و 45 دقيقه عليهم

يمكن علشان بينفعهم اكتر مني

التحويل لنظام كل المصريين ازاي لاني نسيت واختي كانت عايزة تحول
اتصلت ببتوع خدمة العملاء مكنتش عارفه اسم النظام وقالي مفيش خطة للتحويل تكون كل المكالمات ب 19 قرش
بصراحة زهقت منه ومرضتش اجادل كتير وقلت تلاقيه كان عرض وانتهى
الكلام ده من يجي اسبوع
واتأكد ازاي انا على اي نظام ؟؟

بصي يا نور لو عايزه تحولي او تعرفي نظامك اتصلي بـ 880 هيديكي قائمة الانظمه اسمعي بقي الانظمه براحتك واختاري علي مزاجك

وعلي فكره بتاع خدمة العملا عنده حق لو اتصلتي فعلا من اسبوع او اكتر لان كان النظام ده مقتصر علي الناس الي اشتركو فيه وبس

ودلوقت ملوش خمس ايام مفتوح للكل

A.Yakout

[egyegy]

وشركة المصرية للاتصالات خفضت سعر الدقيقة من الثابت للمحمول ل 15 قرش
علل ؟

شركة المصرية للإتصالات بشكل عام بتخسر ومحدش عنده الجرأة الكافية او المقدرة للإعتراف بكده، سواء الدقيقة بـ 15 قرش او حتى بـ 25 قرش، بردو بتخسر، اما ليه هي بتخسر فده يطول شرحه.

[aliabutaleb]

فودافون مسمياه كل المصريين

اتصالات مسمياه اهلا كل الناس

موبينيل مسمياه خط الكل

شئ ملفت إن كلمة "كل" متكررة في نفس العرض اللي الـ 3 شركات بينافسوا فيه بعضهم
بس مننساش إن في العرض ده اتصالات الأصل والباقي تقليد :)

[ehabradwan]

شركة المصرية للإتصالات بشكل عام بتخسر ومحدش عنده الجرأة الكافية او المقدرة للإعتراف بكده، سواء الدقيقة بـ 15 قرش او حتى بـ 25 قرش، بردو بتخسر، اما ليه هي بتخسر فده يطول شرحه.

مع احترامي طبعا لحضرتك المصرية اكتر واحدة بتكسب في الاربعة
دي عاملة ارباح اكتر من ستة مليار !! يبقى بتخسر ازاي