مشكلة فى adsl

[Ahmed Nouh]

وعندى الروتر 4 بورت اىجهاز تانى يتوصل بالروتر.. الروتر يعمل ريستارت

ان فى جهاز كل ما اوصله الروتر يعمل ريستارت والنت يفصل وما يشتغلش تانى الا لو فصلت الجهاز ده

بناء على السببين دول اعتقد بشكل كبير ان العيب فى الراوتر نفسه

مفيش سبب يخلى الروتر يعمل ريستارت بعد توصيل جهاز عليه او يفصل من جهاز معين

جربى راوتر تانى

[nabaster]

بناء على السببين دول اعتقد بشكل كبير ان العيب فى الراوتر نفسه

مفيش سبب يخلى الروتر يعمل ريستارت بعد توصيل جهاز عليه او يفصل من جهاز معين

جربى راوتر تانى

باشا اكيد في سبب وسبب مقنع كمان

لما يكونو جهازين نازل عليهم نفس نسخة الويندوز ونفس اسم اليوزر اول ما يتوصل الجهازين الراوتر يحصله شبه شلل ويفضل يعمل ريستارت لانه مش عارف يقرا اي سجنال من الجهازين

دلوقت يا بسكوته انتي بتقولي الخط شغال بس يمكن فيه حتة بطء

عايزك بقي تجاوبيني علي كام سؤال

جربي تشغلي الخط بعد اساعه 2 باليل وقوليلي النتيجه واخبار السرعه

تاني سؤال بينك وبين الراوتر كام متر سلك؟؟

وهل لما ارجتي الاسلاك عملتي تيست بالتيستر ؟؟؟ يعني بمعني اخر (التمن فرادي بتوع السلك متوصلين صح)؟؟

دلوقت انا في شيء واحد مش فاهمه

الراوتر ممكن يعمل ريستارت وقلت علي السبب وهقلكم قصه بعدين حصلت معايا

بس ايه الي يخلي الكمبيوتر نفسه يرستر؟؟؟

بصي يا بسكوته ريحي دماغك خالص ونزلي نسخه جديده علي الجهاز ده بس تكون غير الي علي جهازك الاساسي

وغيري اليوزر نيم

انا حصلت معايا المشكله دي بس حصلت بقي معايا في الجامعه كنت بساعد واحد صاحبي ماسك شبكة الجامعه هنا

الشبكه كان فيها 34 جهاز

متقسمين تلات مجموعات

المجموعه الاولي والتالته شغالين فل تيجي توصل التانيه الـ 34 جهاز يفصلو نت كلهم والهب يحلف مية يمين ما هو ناطق

تخيل لما تقعد تلات ايام كل يوم 8 ساعات تدور علي العيب وتارج اسلاك من جديد

انا وصلت بيا في اخر يوم اني قعدت علي الارض في وسط الاجهزه وحطيت ايدي علي خدي ومعرفتش اتصرف

بالصدفه اكتشفنا الموضوع ده لما بدأنا نفصل جهاز جهاز ونشغل الشبكه لغاية لما لاقينا الجهاز سبب المشكله

وفعلا كان عليه اسم يوزر مكرر

بمجرد من نزل عليه نسخه تاني مع تغيير اسم اليوزر الدنيا كلها اشتغلت تمام

جربي كده يا بسكوته وقوليلي الاخبار

وعلي فكره انا الي مطمني ان النت عندك شغال بس بطيء شويه وده يمكن لان السيرفر بتاعكم عليه تحميل وده عادي علشان كده قلتلك جربي بعد 2 باليل

مستني رد اي حد محتاج اي استفسار

A.Yakout

[nabaster]

ممكن جداً يكون مشكلة خط من السنترال و ممكن يكون الكابل اللى عندك فى أى جزء من أجزاءه معدى قريب من أسلاك كهرباء.

كلمى السنترال قوليلهم عاوزة تقيسى كفاءة الخط.....و الأحسن أنك تسألى البوابين اللى فى المنطقة عندك عادة بيكونو عارفين مين اللى بيجى من السنترال فى المشاكل و تعرفى أسمه منهم و تروحيله السنترال و 20 جنيه هتمشى الموضوع.

احمد بيه

كل سنه وانتا طيب يا رايس

علي فكره يا باشا انا عندي الخط بتاعي ممشيه في الحيطه جمب اسلاك كهربا بتاعة السخان والتكييف يعني لو في تاثير كان المفروض النت ميشتغلش عندي اصلا

وعمري ما قابلتني مشكلة ان الخط ممكن ميشتغلش بسبب الحوار ده

بس في حاجه فعلا بتحصل عندي

هوا الراوتر بيفصل بس مش بالمعني الحرفي يعني طلعلي البالون بتاع local area not conected وفي نفس الوقت تلاقي البالون ده اختفي وجه التاني بتاع الكونكتد

بس بيحصل امتي بقي؟؟؟

بجد هتستغرب لما تعرف ان لما يرن جرس الباب ده يحصل

بس انا دورت علي سبب المشكله ولاقيت ان الادابتر بتاع الراوتر واصل طبعا علي فيشه الحيطه العاديه تمام؟؟

جرس الباب واخد الباور من الفيشه دي فلما يشتغل الجرس يسحب كهربا تاثر علي الراوتر بس مش بيفصل ولا يرستر هوا بس بيعمل زي ما قلتلك كده

بس كده :)

A.Yakout

[shery103]

انا كان عندى مشكلة بطء النت دى مع انى 1 ميجا لوحدى

الحل :

اولا نشوف موضوع الراوتر و نجرب راوتر تانى عشان موضوع الجهاز الغريب ده


ان لم يفد ، هتعملى الاتى ، هتكلمى السنترال او تنزليلهم بنفسك و تقولى ان التليفون صوته مشوش ، متجيبيش سيرة النت خاااالص فى الموضوع ، هيبعتو فنى يشوف السلوك عشان فى حاجة اسمها open high ، المشكلة دى بتحصل لما بيبقى فى حتة من السلك فى الهوا مش معزولة ، فالنحاس بيصدى و بيدى مقاومة عالية و ده بيأثر على النت انما التليفون بيشتغل بتشويش ، و خديها كقاعدة عامة ، لو عايزة حد من السنترال يجيلك متجيبيش سيرة النت اصلا ، لانك لو قلتيلهم المشكلة فى النت هيحدفوكى للشركة ، تقوم الشركة حادفاكى للسنترال و محدش هيقول ان العيب من عنده ، انا مريت بالمأساة دى و عارفة . و ربنا معاكى

[nabaster]

انا كان عندى مشكلة بطء النت دى مع انى 1 ميجا لوحدى

الحل :

اولا نشوف موضوع الراوتر و نجرب راوتر تانى عشان موضوع الجهاز الغريب ده


ان لم يفد ، هتعملى الاتى ، هتكلمى السنترال او تنزليلهم بنفسك و تقولى ان التليفون صوته مشوش ، متجيبيش سيرة النت خاااالص فى الموضوع ، هيبعتو فنى يشوف السلوك عشان فى حاجة اسمها open high ، المشكلة دى بتحصل لما بيبقى فى حتة من السلك فى الهوا مش معزولة ، فالنحاس بيصدى و بيدى مقاومة عالية و ده بيأثر على النت انما التليفون بيشتغل بتشويش ، و خديها كقاعدة عامة ، لو عايزة حد من السنترال يجيلك متجيبيش سيرة النت اصلا ، لانك لو قلتيلهم المشكلة فى النت هيحدفوكى للشركة ، تقوم الشركة حادفاكى للسنترال و محدش هيقول ان العيب من عنده ، انا مريت بالمأساة دى و عارفة . و ربنا معاكى

كلام كويس وصح

A.Yakout

[Ahmed Nouh]

باشا اكيد في سبب وسبب مقنع كمان

لما يكونو جهازين نازل عليهم نفس نسخة الويندوز ونفس اسم اليوزر اول ما يتوصل الجهازين الراوتر يحصله شبه شلل ويفضل يعمل ريستارت لانه مش عارف يقرا اي سجنال من الجهازين

A.Yakout

ياقوت بيك

يا هلا يا هلا , واحشنى والله

انا اول مره اسمع الموضوع ده , انا كنت متخيل ان الراوتر ملوش دعوه باليوزر نيم وشغال على الاى بى او الماك بس لأن عندى الروتر بيظهرلى الاجهزه بالماك ومبيقراش اساسا اسم اليوزر

وحتى لو كان الاى بى ثابت فى كل الاجهزه واتوصلوا كلهم هتلاقى الروتر باعت الاشاره لأول او اخر واحد اتوصل والباقى طلع لهم رساله ان فى دبلكيت IP على الشبكه

على العموم انا رأى

الاول جربى توصلى كل جهاز لوحده واتأكدى ان كل واحد لوحده شغال تمام الاول ولو كان يبقى كدا يبقى الموضوع برا حكايه الاجهزه

ثانيا خلى كل الايبيهات فى الاجهزه اوتوماتيك و كل اليوزر نيم مختلفه

جربى توصلى تانى حصل مشكله يبقى كدا محتاجه تجربى روتر تانى

وبخصوص بطئ النت حاولى تجربيه 5 او 6 الصبح لو بقا سريع يبقى هو مجرد ضغط على الشبكه لكن لو برده بطئ ابدأى البحث فى السلك عن نقاط ضعف

وزى ما قالت shery103 لو هتلجأى للسنترال متجيبيش سيره النت , قوليلهم الخط بيقطع او فى خروشه جامده او اى حجه تانيه

واضح ان البلد كلها بتعانى مع النت :)

[Ahmed Selim]

أحمد بك ياقوت و أحمد بك نوح

نظرياً اليوزر ملهوش أى علاقة بالنتورك تماماً

أنا عندى 3 سرفر ويندوز شغالين بنفس ال username و حوالى 4 سرفر AIX برضه شغالين بنفس ال username فى نفس الوقت و على نفس ال segment.

[Ahmed Selim]

احمد بيك عبد المقصود منور الموضوع اللى زهقنى وكرهنى فى النت كله

انت مش معانا يوم الجمعة ولا ايه؟؟؟؟؟؟؟؟؟؟؟

الجهاز ده انا غيرتله الار جى بتاع كابل النت اللى بيوصله اشتغل وما بقاش يفصل
رجع تانى من امبارح يفصل النت لما بوصله

لما بوصله لوحده برده النت مش بيشتغل خالص

بسكوته هانم الموضوع منور بصحابة

يوم الجمعة مش متأكد لأنى طلعلى مشوار بايخ الساعة 2 و مش عارف هخلصه أمتى.....ربنا يسهل إن شاء الله.

طيب ممكن نغير ال rj تانى و كمان تغيرى الشخص اللى بيغير ال rj و بعد كده تجربى الكمبيوتر ده لوحده على الراوتر ؟

[Ahmed Selim]

أحمد بك ياقوت و أحمد بك نوح

نظرياً اليوزر ملهوش أى علاقة بالنتورك تماماً

أنا عندى 3 سرفر ويندوز شغالين بنفس ال username و حوالى 4 سرفر AIX برضه شغالين بنفس ال username فى نفس الوقت و على نفس ال segment.

معلش أستكمالاً بس للمشاركة اللى فاتت

اللى ممكن يعملو مشاكل مع النتورك هما
ال computer name و ال IP

[Samah AbdAllah]

يا جماعة السنترال بعت الفنى
الفنى قال ان خط التليفون سليم ومفيش فيه اى مشكلة
هو مكنش معاه غير سماعة تليفون
هى دى اللى بيقيس بيها كفاءة الخط؟؟؟؟؟؟؟؟؟؟؟
بيقول ان احتمال يكون فيه فيشة تليفون من اللى فى البيت مرطبة
والله اعلم
وبيقول ان المشكلة غالبا فى شركة النت
الغربية بقا انه بعد ما مشى بقا فى وش بسيط فى التليفون وده مكنش موجود فى التليفون قبل ما ييجى اصلا

استاذ ياقوت
الجهاز اللى بيفصل الروتر مش هو اللى بيعمل ريستارت هو بيشتغل عادى بس بيعمل ريستارت للروتر والنت يفصل وما يرجعش تانى يعنى لمبة الدى اس ال بتفضل تنور وتطفى
وانا لما غير الار جى اشتغل واول امبارح رجع يفصل تانى
انا زهقت بجد

[hani945]

مشكلة الراوتر

اليوزر نيم مالوش علاقة بالتعارض اللى بيحصل فى الشبكة المسئول عن كده هما اثنين الأيبى أدريس -IP Address- اسم الكمبيوتر - Computer name لو حصل تشابه ما بين الأجهزة فيهم بيعمل تعارض مشكلة إعادة تشغيل الراوتر ناس كتير مرت بالمشكلة دى والسبب فيها إن التيار الكهربائى للأسف ساعات بيقل ويعلى تانى بسبب تشغيل بعض الأجهزة الكهربائية فى المنزل زى الغسالة والتلاجة والمشكلة دى بتخلى الراوتر يفصل ويوصل تانى علشان كده الكمبيوتر بيطلع رسالة بتقول إن الشبكة فصلت وبعدها بشوية صغيرين الشبكة بتوصل تانى لما الراوتر يكمل الاتصال ------ ما هو الحل لمشكلة الكهرباء الغير منتظمة وإعادة تشغيل الرواتر بسبب عدم انتظام التيار الكهربائى ؟ الحل هو تركيب جهاز اسمه ( مثبت الكهرباء ) والجهاز ده وظيفته إنه يحافظ على انتظام التيار الكهربائى وتثبيته والموجود منه فى السوق قدرته بتبدأ من 500 وات وفيه منه 1000 وات وفيه منه صينى وفيه منه مصرى وفيه منه يابانى تقفيل صينى تقريباً إسمه ( جيسبك ) وده نوع كويس سعر الــ 500 وات حوالى 120 جنيه أقل أو أزيد حاجات بسيطة والنوع الـــ1000 وات سعره حوالى 200 جنيه أو أقل حاجات بسيطة وأنا أفضل النوع الـــ 1000 وات ممكن يتوصل معاه جهاز الكمبيوتر والشاشة والسماعات والراوتر والسويتش وأى ملحقات أخرى بشرط أن لا تتعدى القدرة الإجمالية 1000 وات . -------- ما هو الحل لمشكلة أجهزة الكمبيوتر والتعارض اللى بيحصل فى الشبكة ؟ الحل هو تغيير الأيبى أدريس IP Address واسم جهاز الكمبيوتر Computer Name الخطوات : طبعاً نظام الشبكات اللى احنا كلنا شغالين به دلوقتى مش محتاجين إن إحنا نعدل حاجة فى الـــ IP Address لإن الايبهات كلها أوتوماتيك . إحنا هنفذ الحل التانى اللى هو تغيير اسم الكمبيوتر كليك يمين على رمز My Computer وبعد كده نختار خصائص Properties من القائمة المختصرة وبعد كده نختار بند اسم الكمبيوتر Computer Name وبعد كده هنلاقى زرار اسمه تغيير Change نختاره وبعد كده هيظهر مربع حوارى هنكتب اسم الكمبيوتر بس يكون مختلف عن اسم الكمبيوتر التانى يعنى مثلا نكتب اى اسم زى PC1 or PC2 أو أى اسم ييجى على بالنا المهم يبقى الاسم مختلف عن اسم الكمبيوتر الآخر وبعد كده نختار Ok وبعدين OK تانى على نافذة الخصائص وبعد كده الكمبيوتر هيطلب إنه يعمل إعادة تشغيل نقوله Yes وبعدين الكمبيوتر هيعيد تشغيل نفسه ساعتها نشوف كده المشكلة دى هتيجى تانى ولا لأ .

[Samah AbdAllah]

الروتر بيعمل ريستارت لما اوصل اى جهاز كمبيوتر تانى

[hani945]

يا جماعة السنترال بعت الفنى
الفنى قال ان خط التليفون سليم ومفيش فيه اى مشكلة
هو مكنش معاه غير سماعة تليفون
هى دى اللى بيقيس بيها كفاءة الخط؟؟؟؟؟؟؟؟؟؟؟
بيقول ان احتمال يكون فيه فيشة تليفون من اللى فى البيت مرطبة
والله اعلم
وبيقول ان المشكلة غالبا فى شركة النت
الغربية بقا انه بعد ما مشى بقا فى وش بسيط فى التليفون وده مكنش موجود فى التليفون قبل ما ييجى اصلا

استاذ ياقوت
الجهاز اللى بيفصل الروتر مش هو اللى بيعمل ريستارت هو بيشتغل عادى بس بيعمل ريستارت للروتر والنت يفصل وما يرجعش تانى يعنى لمبة الدى اس ال بتفضل تنور وتطفى
وانا لما غير الار جى اشتغل واول امبارح رجع يفصل تانى
انا زهقت بجد

مشكلة جهاز الكمبيوتر اللى بيفصل الراوتر إن اسم الكمبيوتر اللى عليه ممكن يكون زى اسم الكمبيوتر الموجود على الجهاز الأولانى وخطوات تغيير اسم الكمبيوتر أنا ذكرتها فى المشاركة السابقة ويفضل تثبيت ويندوز جديدة على الجهاز اللى عامل المشكلة دى علشان نعرف سبب المشكلة دى سوفتوير ولا هاردوير

[Samah AbdAllah]

هغبره نسخة الويندوز واقولكوا الاخبار

[hani945]

الروتر بيعمل ريستارت لما اوصل اى جهاز كمبيوتر تانى

فيه حل كويس افصلى وصلة الشبكة اللى فى الجهاز اللى شغال وحطيها فى الجهاز اللى بيخلى الرواتر بيفصل وشوفى كده الرواتر هيفصل تانى ولا لأ