قلنا عملت ايه في اجازة العيد

[Abdo_Eldesokey]

أول يوم في بلد والدتي مع الأقارب
تاني يوم في دبح العجل وتوزيع اللحمة
تالت يوم خرجت مع أصحابي
رابع يوم عملنا حاجة حلوة أوي أنصح كل الناس بيها .. عملنا باربكيو(حفلة شوي) في بيت جدي للعيلة كلها .. وشوينا من اللحمة بتاعة الدبيحة وشوينا فراخ .. إلى جانب طواجن لحمة الراس والفشة والحاجات العجيبة الي فيه ناس بتاكلها .. بس كان يوم جامد جداً وبيقوي الروابط الأسرية بشكل فظيع

[Egyzizo]

أنا انتهزت فرصة أجازة العيد ولغيت كل السفريات وقعدت الـ 4 أيام فى البيت عشان أبطل السجاير ، وفعلاً قللت الخروج بقدر الإمكان وكنت بأحاول أكون مريح ومسترخى معظم الوقت ، والحمد لله من فجر الخميس إلى الآن (فجر الخميس اللى بعده) .. ماشميتش ريحة دخان سيجارة ..
بس لسه نفسى بتهفنى عليها من آن إلى آخر ..
صديقتى ومعشوقتى الملعوووووونة ..

[mohamedbook]

خمسة ايام نوم في نوم في نوم
علي السرير المصون
ثم الذهاب الي العمل بعد اجازة العيد
اول سنه احس براحه في العيد دة كنت مرتاح جدا جدا بفضل الله تعالي
والحمد لله رب العالمين

[Moh.Fahmy]

افضل ما في الاعياد هو الزيارات العائلية التي لم تتم الا في العيد لان بصراحة التنزه في الاماكن العامة بيكون ممل جدا لان الاماكن دي و الكافيهات بتكون مليانة بالاطفال و مش ممكن تقدر تستمتع بيها ابدا
انا قضيت العيد بصحبة زوجتي و اطفالي مازن و مالك في الزيارات العائلية و تبادل العيديات عشان اعود الاولاد من صغرهم علي اهمية صلة الرحم و الترابط و التواصل العائلي و العيلة بمعناها الكبير مش العيلة اللي قاصرة علي بابا و ماما فقط فبصراحة كانوا مستمتعين جدا وفي خامس يوم العيد خاطرت بيهم ووديتهم النادي اللي فوجئت و كان فاضي و رايق جدا علي غير العادة
فالحمد لله قضيت عيد سعيد و متوازن بين الراحة و صلة الرحم و ارسال رسائل التهنئة اللي تخطت 350 رسالة و استقبال ضعفها تقريبا
اعاده الله عليكم و علينا بالخير و اليمن و البركات

محمد فهمي

[casperinoo]

أنا انتهزت فرصة أجازة العيد ولغيت كل السفريات وقعدت الـ 4 أيام فى البيت عشان أبطل السجاير ، وفعلاً قللت الخروج بقدر الإمكان وكنت بأحاول أكون مريح ومسترخى معظم الوقت ، والحمد لله من فجر الخميس إلى الآن (فجر الخميس اللى بعده) .. ماشميتش ريحة دخان سيجارة ..
بس لسه نفسى بتهفنى عليها من آن إلى آخر ..
صديقتى ومعشوقتى الملعوووووونة ..

ربنا معاك يابطل..وان شاء الله تخلص منها..

[أبومعاذ]

1- منتجع برج العرب (هيلتون برج العرب سابقا) 5 نجوم ، بجانب قرية مراقيا علي البحر مباشرة به حمامات سباحة و شاطئ و مطاعم مختلفة ، مشكلته إنه بعيد عن أي خدمات أخري ، بمعني أنه بينه و بين العجمي حوالي 35 كم و طبعا معظ الخدمات علي طريق الساحل الشمالي مغلقة حاليا ، بس بيبقي فاضي في الوقت ده و أسعاره حتبقي في حدود 400 أو 450 لفردين لليلة بالفطار (تقريبا)

2- منتجع أفريكا علي طريق الكافوري بالقرب من صينية برج العرب في منطقة كنج مريوط و هو منتجع فندقي ، معلوماتي عنه مش كتير بس سمعته ممتازة لهواة الهدوء و به حدائق و حمامات سباحة و لا يطل علي البحر

3- هيلتون كنجز رانش ، منتجع تابع لهيلتون به 10 غرف فندقية فقط و به إسطبلات للخيول الأصيلة و هو علي طريق برج العرب أيضا أمام منتجع أفريكا تقريبا في منطقة كنج مريوط

4- في فندق جديد إسمه راديسون بلو في منطقة سكنية جديدة تحت الإنشاء (ألكس وست) و هو 5 نجوم في نفس المنطقة تقريبا بس أقرب للبحر ، معلوماتي مش كتير بس أسعاره زي منتج برج العرب تقريبا

باكرر كل الأماكن دي لهواة الهدوء الشديد

أحب أضيف مكان لهواة الهدوء وهو جولف السليمانية على طريق مصر اسكندرية قبل البوابات لو انت جاي من اسكندرية
مكان هادي وجميل و اسعاره معقولة اليوم بدون مبيت للفرد بحوالي 250ج شامل الـ spa

[hesham22822]

انا قضيت العيد فى احلى مكان و رخيص جدا و بالعكس بيدى فلوس ااااششششغغغغللللل

[El.Hossieny]

اولا : الف مبروك يا ابو صلاح علي العربية الجديدة ( و البيتل لسة موجودة عشان تاخد بيها لفة )

ثانيا : انا طبعا قضيت العيد في البيييييييييت و الراحة ثم الراحة ثم الراحة

[El.Hossieny]

انا وقعت علي دراعي واتكسر وقاعدت في البيت العيد كله ونازل النهارده الشغل
والعيد مش عارف السنه دي حاسس انه مفيش عيد مش عارف ليه

الف سلامة عليك يا نوبي و ان شاء الله تقوم بالسلامة

[النوبي]

على فكره مش ثانى ثانيا
ثانيا الف الف سلامه عليك يانوبى وان شاء الله يتم شفاءك باسرع وقت وبدون شعور باى الم

الله يخليك يا استاذ محمد ويبارك فيك

أولا : وانت طيب
ثالثا : ربنا يبارك فيك
ثانيا : ربنا يتم شفاه على خير وانا سمعت ان في مولود جاي في الطريق صح يا نوبي ؟

ياعم كفاية ده انت دوختني باولا وثانيا دي بقالي ربع ساعة عايز ارد عليك

صح يابو صلاح وانا وحياه ابوه (البيبي) لما ييجي لاطلع عينه زي ماهو مطلع عيني

أول يوم في بلد والدتي مع الأقارب
تاني يوم في دبح العجل وتوزيع اللحمة
تالت يوم خرجت مع أصحابي
رابع يوم عملنا حاجة حلوة أوي أنصح كل الناس بيها .. عملنا باربكيو(حفلة شوي) في بيت جدي للعيلة كلها .. وشوينا من اللحمة بتاعة الدبيحة وشوينا فراخ .. إلى جانب طواجن لحمة الراس والفشة والحاجات العجيبة الي فيه ناس بتاكلها .. بس كان يوم جامد جداً وبيقوي الروابط الأسرية بشكل فظيع

ممكن نبقي اصحاب

الف سلامة عليك يا نوبي و ان شاء الله تقوم بالسلامة

الله يسلمك ياحسيني كفايه شعورك النبيل

[eng.octooo]

ادخل على اللينك دة وشوف انا عملت اية هههههههه

http://www.nilemotors.net/Nile/109614-a.html

[نور القمر]

سلامتك يا نوبي الف سلامة
اكيد كنت ناوي على نية وحشة للخروف ودعى عليك

انا بقه عملت عمايل في العيد
تاني يوم خرجنا اشترينا لعب للاولاد من مول جنب البيت ورجعنا صد رد

[النوبي]

ابد والله ولا نيه ولا حاجه دا انا غلبان مش بقدر حتي علي شكل الدم
والحمد لله اخويا بيضحي مكاني وكنا جايبين عجل بس الظاهر العجل كان احول لان اخويا سليم

[M.almaghraby]

اتخانقت مع صحابي و قعدت فبيتنا

[Terrible_DaRsH]

اتخانقت مع صحابي و قعدت فبيتنا

انت كمان !