محتاجة مساعدة

[OlaOsman]

محتاجة مساعدة هنا لو ممكن

http://www.nilemotors.net/Nile/109823-a.html#post3872172018

[I.S.L.A.M]

شوف ياباشا انا عارف الطريق ده صم ركز وخليك معايا وانت طالع من عند ساقية الصاوى وهى على يمينك تفضل ماشى على طول اول تقاطع هيقبلك فوتة عشان مفهوش فتحة( يسار) تانى تقاطع ادخل فية اتجاه اليسار وخد الشارع لحد اخره هتلاقى نفسك فى شارع ابو الفدا امسك فيه لحد اخره هتلاقى طلعت كوبرى 15 مايو اطلع فيه وخليك ماشى شمال هتلاقى نفسك معدى من على ميدان لبنان اوعى تنزل خليك شمال لغاية لما تخلص الكوبرى وتنزل تحت وبعد كده امسك يمينك هتقابلك اول طلعة للدائرى اتجاه الوراق اوعى تطلعها بعديها ب20 متر فقط طلعة الهرم والمريوطية اطلع الطلع دى واوعى تفوتها عشان لومشيت هتلاقى نفسك سحبت على 6اكتوبر وهترجع بعد شهرين المهم بعد ما تطلع الدائرى اقعد ماشى شوية هتلاقى نزلت صفط اللبن ماتنزلهاش امشى بعديها بشوية هتلاقى باينلك كنيسة كبيرة (قبل نزلة المريوطية) المهم بعد الكنيسة هتلاقى طلعة لسه معمولة من شهرين واخده الطريق لفوق مكتوب عليها المعادى وحلوان اطلع الطلعه دى وافتح فى الطريق هتلاقى نزلة المنيب طنش وبعد كده الجيزة برضو طنش وبعد كده بشوية نزلة كورنيش المعادى هتلاقى اتنين جنب بعض انزل اول واحدة هتلاقى نفسك على الكورنيش وبعد كده اسال تحت انت رايح فين واقولك حمدلله على السلامة

[artyboy]

حضرتك ممكن تخليكى فى الأتجاه إللى رايح على المهندسين وتطلعى كوبرى 15 مايو وتنزلى (أحمد عرابى) وتأخدى أول يوترن ترجعى جامعة الدول و أول يوترن تانى فى جامعة الدول كأنك رايحه على العجوزة و تطلعى كوبرى أكتوبر من بعد مستشفى الشرطة و تنزلى نزله كورنيش المعادى من على أكتوبر بس مش عارف ظروف الزحمه هتكون عامله أزاى

[I.S.L.A.M]

مع احترامى لوصفة حضرتك دا ممكن تاخدها فى 3ايام