انا عملت حاجه وحشه أوي من يومين..حد يقولي صح ولا غلط..؟؟؟

[Samah AbdAllah]

دى روح انت اخترت تخبطهم عشان تحمى العربية
استغفر ربنا وربنا يعفو عنك

[hossam_elwani]

استغفر الله
ودى دروس بنتعلم منها ان ما نجريش بسرعة عشان نقدر نفادى اى عائق بدون ضرر

والله المستعان

[A.Saad]

زعلتنى اوى
انا مش بحب كده
بس ياريت ترمى اكل للام وابنها الوحيد

ليس بعد كلامك كلام

[helmy537]

معلش يامان انا برده مره موت قطه كنت على طريق سريع وهى طلعت فجأه قلت اضرب فرامل لقيت الفطه وقفت قومت قايل اكمل واعدى راحت القطه معديه فى لحظه اتخبطتت وببص فى المرايه لقيتها بتطلع فى الروح كنت عاوز اعيط بس غصب عنى

[zalpany2000]

قدر الله و ماشاء فعل... معلش . هو كان المفروض تفاديهم بس الواضح ان الوقت ما اسعفكش ..
انت بقي فكرتني بحاجه حصلتلي انا و اخويا مرة زمان
كان راكب العجلة وواخدني قدامه ... و داس معزة بالعجلة ... معزة كبيرة... بس قامت تجري زي القرده :)

[Dr.SherifMansy]

طبعا اللى حصل شئ مش لطيف ، و ربنا قدر و لطف ..

معلش انا بطبيعتى باحب احلل المشكلة لنقط .. ساعات بتفيد فى حلها او بتهونها على الأقل:

1) ده قضاء الله ، و قدر الله و ما شاء فعل . حلو او وحش (من وجهة نظرنا) لازم نرضى به.

2) مهما كانت الحكاية ممكن تكون تافهة او كبيرة عند ناس او ناس تانية ، ففى النهاية دى روح ، و بالتالى استغفر ربنا ، و حاول فعلا انك تكون سبب فى اطعام الكلبة دى و ابنها.

3) ما تحاولش تلوم نفسك انك اخترت تدوسهم و تحمى العربية ، لأن ماتضمنش ان لو نزلت فى التكسير و مع سرعة العربية ان الحكاية تبقلى اصابة للعربية بس ، ممكن لا قدر الله تبقى حادثة اكبر مما تتصور و بعد الشر عليك او على حد تانى كان ممكن يبقى فيه بشر مصابين مش كلاب صغيرة.

4) ما تعرفش الخير فين ، مش يمكن ربنا عمل كده مخصوص لأن الكلاب دى كان ممكن يحصل لها حاجة اسوأ لو عاشت ، او كانت هتأذى ناس مثلا ، فربنا جعلك سبب لكده ، و فى نفس الوقت تبقى اخدت درس و ماتجريش و تجازف ... و افتكر قصة سيدنا موسى عليه السلام مع سيدنا الخضر .. دى اكبر دليل على ان فيه حاجات بتحصل ظاهرها وحش و لكن فيها الخير مستقبلا.

5) ليه مانقولش الحمد لله انها كلاب مش بنى ادمين .. تخيل لو دول كانوا طفلين .. كان يبقى ايه الوضع ؟؟ مش باهون من من انهم روح و لكن فكر فى المقارنة دى ...

6) اخيرا بلاش نلجأ للفتاوى و الأفضل تسأل حد من المشايخ المتفهمين ايه اللى نعمله للتكفير عن كده .. هل الأستغفار وحده كافى ولا لازم تطلع صدقة ؟..

7) كونك حاسس بالذنب و تأنيب الضمير فده دليل على ان جواك انسان خير و كويس .. استغفر ربنا و شوف هاتعمل ايه زى ما قلت لحضرتك و حاول تطلع من الأحباط ده و اتجه اكتر لله..

و ربنا يحفظنا جميعا ..

و ربنا معاك..

و تحياتى

[EZABY]

كلب وراح

[dode2002]

:s_thum1[1]::s_thum1[1]::s_thum1[1]:

11111111111111111111111+

[A7MED_PHARMA]

اوك
انا عارف انه كلب وراح
بس دي روح انا اخترت ( في اجزاء من الثانيه) اني اقتلها عشان مانزلش من الطريق السليم للمكسور
والله ياشباب الطريق مكنش ينفع انزل فيه من غير بطن العربيه ماتحصل فيه حاجه..ولو صورته ,هوريكوا الطريق عامل ازاي


انا فعلا استغفرت ربنا على الي انا عملته
انا قتلته من غير ذنب ليه ..ومن غير ما يضرني في حاجه


وشكرا للمشاركه

[nab!l]

الحمدلله
انت عامل قلق فى المنتدى اليومين دول ليه

[A7MED_PHARMA]

الحمدلله
انت عامل قلق فى المنتدى اليومين دول ليه

مش عارف ليه\في موضوع الادويه المخدره في المنتدى الاجتماعي
الناس عاملالي قلق ووجع دماغ ليه
الناس فعلا مش فاهمه انا كان قصدي ايه من الموضوع


وشكرا لمشاركتك هنا وهناك

[amrbakly]

فعلا الموضوع بيضايق

مرة برضة كنت ماشي بالعربية و قطة صغيرة جدا يعني عمرها ما يكملش اسبوع و شباب واقفين علي جنب بقولهم شيلوها يا جدعان حطوها علي جنب

انا منساش واحد منهم بصلي حتة بصة حسيت فيها اني فرفور قوي، بس برضة وقفت الشارع كلة ورايا و نزلت شيلتها و حطيتها علي جنب و يولعوا الشباب الفظاع اللي فاكرين نفسهم كدة رجالة بجاز يعني

[I.S.L.A.M]

احسن حاجة تعملها تاخد الكلب الصغير وتربية عندك فى البيت وتنتشلو من حياة الشارع وتبقى كسبت فيه ثواب كبير

[احمدعبدالعزيز]

بصراحه اكثر حاجه عجبانى فى الموضوع انك انسان محترم عشان زعلان انك ضربت الكلب بالعربيه مع ان فيها ناس ممكن تقول دى كلب وراح..

[sakrouz]

احسن حاجة تعملها تاخد الكلب الصغير وتربية عندك فى البيت وتنتشلو من حياة الشارع وتبقى كسبت فيه ثواب كبير

اكثر رد عجبنى كل الناس بتقول استغفر ربنا والحمد لله انهم مش بنأدمين

طيب انتا موت اتنين خذ الام والابن من الخطر علشان غيرك ما يموتهمش

وعلى فكرة الام زعلانة جدا لفقدان الجراوى والكلاب بيحسو بوجع نفسى ذى الانسان

انا عندى كلاب وعارف ارجو منك انك تبعدهم عن الطريق