واحة سيوة

[Eng.Salah Mahdy Salama]

بفكر أعمل رحلة لواحة سيوة
حد يقدر يفدني بمعملومات و أسعار مفيدة يالتفصيل

شكرا!!!!!!!!!

[مصراوي جدا]

والله يا باشمهندس انا خلال تدويري على النت بالصدفة امبارح وقعت على موقع لفندق في الواحات البحرية وواحة سيوة

http://www.minamar.com/siwa-oasis-tours.html

وده فندق تاني

http://www.cleopatra-siwa.net/

[tarekkasaby]

فى كمان الجزيرة دى

http://taghaghien-isalnd.4-all.org/

[AlmAhAtmA]

ما تنساش العشاء في اخر يوم في مطعم كنوز

[Falcon.Crest]

me will go toluxor and aswan in aprol any one can help me

[Eng.Salah Mahdy Salama]

استاذ هاني فينك و فين التفاصيل؟

[AlmAhAtmA]

استاذ هاني فينك و فين التفاصيل؟

انتظرني بعد الفاصل
قصدي اول ما اوصل الاسكندريه حكتب لحضرتك تقرير مفصل عن الموضوع
تقبل اسفي كل المعلومات علي الكمبيوتر التاني
ان شاء الله رحله سعيده

[Eng.Salah Mahdy Salama]

بعتلك رسال ع الخاص يا أهاني

[Islam_galal]

لا تحرمنا من خبراتك يا هاني فأنا افكر بجديه في هذه الرحلة

[hesham Premium]

انا زرت الواحه و بصراحه انا بأعتبرها أحلى رحله قمت بيها فى مصر....ادينى وقت و هأبعت لك التفاصيل من ارض الواقع مع تحياتى

[Eng.Salah Mahdy Salama]

انا زرت الواحه و بصراحه انا بأعتبرها أحلى رحله قمت بيها فى مصر....ادينى وقت و هأبعت لك التفاصيل من ارض الواقع مع تحياتى

شكرا يا أستاذ هشام
مستني ردك

[hesham Premium]

الاخ العزيز الباشمهندس صالح.....اولا انا قعدت اجهز للرحله دى مدة طويله بس هى تستحق فعلا الانتظار
أنا اول حاجه قعدت ابحث فى الانترنت عن معلومات عن سيوة و كمان عن اماكن الاقامه لانى قمت بالرحله دى مع اسرتى و مع اصدقاء من ألمانيا حضروا مخصوص لزيارة الجنه المفقودة (واحه سيوة)
انا اتصلت ببعض الفنادق فى الواحه قبل ما اسافر وجدت ان فيه اسعار معقوله و فيه اسعار غاليه حسب نوع الفندق
فيه فنادق 4 نجوم لو انت عاوز اقامه مريحه لكن هتكلفك مش اقل من 275 جنيه للفرد يوميا و فيه فنادق مستواها عادى و سعرها معقول جدا.....انا عن نفسى جربت الاثنين و استقريت فى فندق صغير و جميل اسمه فندق النخيل و هو فى الميدان الرئيسى بالواحه و يكلفك 50 جنيه للشاليه عبارة عن غرفه كبيرة بحمام و فيها سريرين و هو فى قلب الواحه
نسيت اقولك و انا فى اسكندريه فى طريقى للواحه دخلت مكتب الهيئه العامه للاستعلاماتو هنا دلونى على فندق اسمه قصر الزيتونه....و لما وصلت الواحه تعبت لغايه لما لقيته لانه بعيد عن سنتر الواحه جنب جبل الدكرورى و لما وصلت وجدت انه اتباع لواحد مصرى عايش فى امريكا و كان لسه بيجهزة و عرض علينا الاقامه بعد ما يجهز لينا غرف سريعه و طلب 225 جنيه للغرفه فى الليله و بعد مفاوضات و لانه لسه بيجهز المكان اتفقنا على 150 جنيه فى الليله....لكن تركناة بعد كدة و رحنا لفندق النخيل لانه حى و فيه ناس كتير و جنب الميدان الرئيسى للواحه و كل الخدمات جنبنا
المهم....لو هتروح بسيارتك لازم تكون عربيه مضمونه 100% لانك هتقطع 300 كيلو رايح و زيهم و انت راجع حته واحدة بدون محطات بنزين و لا اى خدمه على طريق مطروح - سيوة
لكن هى رحله تستحق...اكمل كلامى معاك بعدين
سلام

[Eng.Salah Mahdy Salama]

متهيالي هجرب فندق النخيل
انا غاليا ان شاء الله هسافر بعربيتي (إلنترا 2007) اتمنى متخذلنيش إن شاء الله و الله خير خافظ

شكرا للمعلومات المفيدة و مستني منك باقي المعلومات
مكفيش طريق عن طريق القاهرة؟

[hesham Premium]

انا سمعت انه فيه طريق غير ممهد يربط بين الواحات البحريه و واحه سيوة لكن دة محتاج سيارة دفع رباعى و جى بى اس و خبرة فى الملاحه البريه و دة غالبا بيستخدموة فى الراليات او السفارى لكن الطريق الممهد الوحيد للواحه هو بين مطروح و سيوة و طوله 300 كيلو و هو بحاله جيدة لكن لا يوجد اى خدمات عليه سوى كافيتريا فى منتصف الطريق فى منطقه تسمى بير النص و هى كافيتريا بدائيه جدا و لكن ممكن تشرب حاجه ساقعه او شاى و تاكل بسكويت و ترتاح شويه و تكمل الطريق و غالبا كل الرحلات بالاتوبيس بتقف عند الاستراحه دى.
طبعا لازم تاخد معاك مياة معدنيه و بعض المشروبات للطريق و فيه حاجه مهمه لازم تاخد حاجه علشان الناموس و الحشرات الطائرة سواء اقراص للناموس او اسبراى او كريم لان دى اكتلر حاجه بتقلق فى رحله سيوة.
لو انت عاوز تريح نفسك ممكن تاخد اتوبيس من القاهرة مباشرة للواحه لكن السفر بالسيارة متعه بجانب انك هتحتاج السيارة داخل الواحه لان فيه اماكن سياحبه بعيدة عن مركز الاقامه
و نكمل كلامنا بعدين
سلام

[hesham Premium]

أما بخصوص الاكل و الشرب...اولا فيه مطاعم فى الواحه و اشهر مطعم هو مطعم عبدة فى وسط الواحه - قريب جدا من فندق النخيل - و انا اكلت اول ما نزلت الواحه الاكل معقول و الاسعار غاليه بالمقارنه بجودة الطعام و المكان...لكن ماشى الحال ...و بعد كام يوم فى الواحه لقيت فيها كل حاجه الواحد عاوزها فيه سوبر ماركت كتير و عندهم كل حاجه انت عاوزها...بقينا نشترى اكل و سريع و نجهزة فى الفندق...ممكن كمان تطلب من المطبخ فى الفندق يجهز لك اى وجبه انت عاوزها و السعر يتفق عليه
باختصار ..ماتشيلش هم الاكل ...فى المطعم فى الفندق او تشترى اكل كله موجود و الاسعار معقوله ....الاهم انك تقضى وقت جميل و تستمتع بالواحه.....و نكمل كلامنا ان شاء الله