محتاج مساعدتكم في شراء موبيل

[gemy215]

السلام عليكم ورحمه الله وبركاته
ازيكم ياجماعه.
انا كنت محتاج مساعدتكم في شراء موبيل
انا محتاج موبيل يكون فيه حاجات انا محتاجها
زي انو يعرض ملفات بأمتداد pdf ويكون فيه اوفيس كامل يعني اقدر اشوف عليه ملفات ورد وباور بوينت.ويكون البطاريه كويسه يعني الجهاز يكون بيشتغل وقت كويس ويكون 3g وفيديو كول ويكون بيشغل اغاني ويكون فيه وايرلس.بس هوا دا الي انا عايزه
حاجات كتير بس دي فعلا احتياجاتي لاني معظم الوقت بكون برا البيت وبيكون فيه حاجات كتير عايز اشوفها ومش بحب اشيل اللابتوب معايا في كل مكان
انا معايا دلوقتي n95 فيه تقريبا كل الحااجات دي وزياده عليها gps بس المشكله انو شاشته صغيره فامش بيكون واضح فيه الورد خالص وبتوه وانا بشوف الحاجاه وبالاضافه انو البطاريه بتاعته مش بتقعد كتير بالذات لو استخدمت الوايرلس لساعتين ولا حااجه بيكون خلص شحن.

طبعا اول الاجهزه الي فكرت فيها هيا البوكيت بي سي بس هتكون فيها مشكله انو سوقها مش اد كدا بالاضافه انو اسعارها غاليه ولو حبيت ابيعه علي الصيف مثلا انا متأكد انو هينزل نص السعر.
ال iphone جهاز كويس بس غاالي بردو بس لو حبيت ابيعه سوقه ماشي ولو حالت اللتيفون كويسه مش هينزل كتير سعره
بس دا الي جه في بالي دلوقتي بس مش عارف بقا ياريت تشاركوني وتفكرو معايا علشان اوصل لاحسن حل

[gemy215]

صح نسيت اقلكم كمان انو لقيت علي السايت بتاع رايه الموبيلات دي 1-imate Ultimate 6150
imate Ultimate 8150 -2
الاول ب 1200
والتاني ب 1250
طبعا انا زهلت لما شفت الاسعار دي بس تقريبا دي اجهزه قديمه يعني كان تاريخ اصدارها قديم
بس لقيت فيها مميزات كتير ووندوز موبيل 6.0
ودول من الحاجات الي حبيت اضيفها مع الاجهزه الي فكرت فيها بس دول بصراحه انا مفكرتش فيهم ومش عارف عنهم حاجه ومستني حد يقدر يفيديني فيهم. بس مبدأيا فيهم مشكله انو الشاشه صغيره للاتين بس بتهئلي انو الوندوز موبيل هيكون افضل من النوكيا في عرض الورد والحاجات دي يعني ممكن يكون منظم عن ال95
ومقارنه الميزات بالسعر فاهوا كدا ممتاز

[gemy215]

ايه ياجماعه محدش عنده اي فكره خالص عن الحاجات دي ولا ايه؟

[جمال]

سونى اريكسون x1 فيه كل اللى حضرتك طالبه
بس سعره غالى و سعر اعادة البيع قليل زى كل ال سونى اريكسون
لكن جهاز تحفة و شاشته واضحة جدا ونظام تشغيل ويندوز موبايل 6.1

[gemy215]

سونى اريكسون x1 فيه كل اللى حضرتك طالبه
بس سعره غالى و سعر اعادة البيع قليل زى كل ال سونى اريكسون
لكن جهاز تحفة و شاشته واضحة جدا ونظام تشغيل ويندوز موبايل 6.1

طبعا بشكر حضرتك علي ردك عليا
بس عندي استفسار صغير
هوا حضرتك استخدمت اللجهاز قبل كدا؟
لو حضرتك كنت استخدمته ياريت تقلي ايه مميزاته وعيوبه كامستخدم طبعا مش كلام الي بيكون علي الورق زي السايت بتاع سوني وكدا
وشكرا تاني لحضرتك

[الغزالى]

حضرتك يا استاذ جيمى ممكن تحط الامكانيات اللى انت عايزة بالترتيت تانى او الموديل اللى انت عايزة او جة فى بالك وانا ان شاء الله لو ربنا سهل نازل بكرة مع خالى اشترى الموبيل بتاعى والمفروض على كلامة انة تاجر كبير جدا جدا وعندو كل ا لموبيلات فا انا ممكن اشوف لحضرتك اللى انت عايزة بكرة او اسءلك علية حضرتك تبئى تروح تجيبة

[gemy215]

حضرتك يا استاذ جيمى ممكن تحط الامكانيات اللى انت عايزة بالترتيت تانى او الموديل اللى انت عايزة او جة فى بالك وانا ان شاء الله لو ربنا سهل نازل بكرة مع خالى اشترى الموبيل بتاعى والمفروض على كلامة انة تاجر كبير جدا جدا وعندو كل ا لموبيلات فا انا ممكن اشوف لحضرتك اللى انت عايزة بكرة او اسءلك علية حضرتك تبئى تروح تجيبة

الف شكر جدا لحضرتك وكلك ذوق
بس انا مش عارف انا لسه بفكر ومش قادر احدد ايه بالظبط الي عايز اجيبه ومنتظر باقي الاعضاء بالاقتراحات بس هوا ال x1 الي كتبلي عليه الاستاذ جمال فعلا لقيت مميزاته روعه بس غالبا سعر البيع بعد كدا هيكون نازل بالذات اني هبيع علي الصيف ان شاء الله
بس بصراحه لسه مش قادر احدد.بس غالبا الي بفكر فيه هيكون تاتش علشان تكون الشاشه كبيره لعرض الملفات

[الغزالى]

الف شكر جدا لحضرتك وكلك ذوق
بس انا مش عارف انا لسه بفكر ومش قادر احدد ايه بالظبط الي عايز اجيبه ومنتظر باقي الاعضاء بالاقتراحات بس هوا ال x1 الي كتبلي عليه الاستاذ جمال فعلا لقيت مميزاته روعه بس غالبا سعر البيع بعد كدا هيكون نازل بالذات اني هبيع علي الصيف ان شاء الله
بس بصراحه لسه مش قادر احدد.بس غالبا الي بفكر فيه هيكون تاتش علشان تكون الشاشه كبيره لعرض الملفات

يعنى انت بالنسببالك يكون بيقرا ملفات ال pdf وتاتش سكرين و wi fi صح
طيب انت حط مبببلغ معيان هو الميزانبية بتاعتك وانا برضو هاسئلك الراجل على الامكانيات دى فى حدود المبلغ اللى حضرتك ها تحددة على فكرة برضو انا رايح اجيب الموبيل ال samsung star