ما هو أفضل بنك في مصر ؟

[أحمد كمال]

الشيوخ اختلفوا في موضوع فوائد البنوك دي

قصدك الشيوخ اللي بتقبض مرتباتها من الحكومة؟

ومتنساش أن المرتب بتاعك انت بتقبضه من البنك برده

ده موضوع تاني ..... انت بتستلمه مش بتستثمره هناك

وكمان فلوس الحكومه كلها بتتحط في البنوك

و لا تزر وازرة وزر اخرى ...... هما المسؤولين قدام ربنا

والمعاش اللي بتاخده لما تطلع من الخدمه بيكون من فوائد اللي كان بيتخصم منك أثناء سنين الخدمه

ده موضوع تاني لان الدولة مسؤولة من رعاياها يعني دي مش فوائد باجماع العلماء

وكمان متنساش أن فيه ناس كتير أوي كبار في السن مبيقدروش يشتغلوا ولا يفتحوا مشاريع عايشين من فوائد الودائع

و فيه بنات ما عندهمش مؤهلات و لا امكانيات غير - معذرة - اجسادهم و عايشين من اموال الدعارة ......

فبلاش نقول حرام قطعا كده

ما هي اصلا حرام قطعا !!!

الحلال بين و الحرام بين

تبيع فلوس بفلوس اكتر تبقى مرابي

البنك بيديك العائد ده منين؟

من حاجتين

اولا البنك بيسلف ناس بالربا (يعني بيديهم فلوس و ياخدها اكتر) و بيديك جزء من ربح الربا

ثانيا البنك بيستثمر في مشاريع بعضها حلال و بعضها حرام و بيديك من العائد بتاع المشاريع دي ...... بس طبعا عائد مختلط حلاله بحرامه و ما اختلط حلاله بحرامه فهو حرام

[elrasy]

انا بقى بتعامل مع بنك فيصل الاسلامى غصب عنى
والبنك سىء جدااااااااااااا
والانترنت عندة اكنه مش موجودة ومتعرفش تحولة من حساب خارجى لانة معندوش IBAN
بس انا مضطر لانى بخاف جدا من حرمانية البنوك الاخرى وكمان خايف يكون فيصل كمان حرام
يارت لو حد معلومة فى مدى حلال او حرام البنوك التى تسمى اسلامية

[zakiali]

قصدك الشيوخ اللي بتقبض مرتباتها من الحكومة؟



ده موضوع تاني ..... انت بتستلمه مش بتستثمره هناك



و لا تزر وازرة وزر اخرى ...... هما المسؤولين قدام ربنا



ده موضوع تاني لان الدولة مسؤولة من رعاياها يعني دي مش فوائد باجماع العلماء



و فيه بنات ما عندهمش مؤهلات و لا امكانيات غير - معذرة - اجسادهم و عايشين من اموال الدعارة ......



ما هي اصلا حرام قطعا !!!

الحلال بين و الحرام بين

تبيع فلوس بفلوس اكتر تبقى مرابي

البنك بيديك العائد ده منين؟

من حاجتين

اولا البنك بيسلف ناس بالربا (يعني بيديهم فلوس و ياخدها اكتر) و بيديك جزء من ربح الربا

ثانيا البنك بيستثمر في مشاريع بعضها حلال و بعضها حرام و بيديك من العائد بتاع المشاريع دي ...... بس طبعا عائد مختلط حلاله بحرامه و ما اختلط حلاله بحرامه فهو حرام

حضرتك تقصد كمان ان البنوك الاسلامية برده حرام مهو ده نفس المنطق اللي بتتكلم بيه !؟ يبقي الواحد يشيل فلوسه في زكيبه أو بؤجه

[أحمد كمال]

حضرتك تقصد كمان ان البنوك الاسلامية برده حرام مهو ده نفس المنطق اللي بتتكلم بيه !؟ يبقي الواحد يشيل فلوسه في زكيبه أو بؤجه

اولا ما قلتش ان البنوك الاسلامية حرام ...... و في نفس الوقت مش كلها حلال و الا ماكانش اي بنك غلب و حط يافطة اسلامي و خلاص

ثانيا ممكن تشيل فلوسك في حساب جاري ما قلتش تشيلها في بؤجة و لا زكيبة

[tananybasha]

انا اتعاملت مع كل بنوك مصر
محلى و مستورد
الأول فى مستوى كل حاجة الأهلى
و يساويه اتش اس بى سى
البنك العربى
مصر

ابعد عن
بلوم
باركليز بالرغم انى احد عملائه
عوده
و بنوك تانى

[أحمد كمال]

اتش اس بي سي يساوي الأهلي المصري؟

حرام عليك ...... كانك بتشبه الشاهين بالبنتلي !

[zakiali]

اتش اس بي سي يساوي الأهلي المصري؟

حرام عليك ...... كانك بتشبه الشاهين بالبنتلي !

صحيح تيجي ازاي دي ؟؟ حتي البنك الأهلي السايت بتاعه زي قلته مفيهوش خدمات للحساب بتاعك خالص.

[Ahmed_Fouad_K]

مساعدة ضرروية

السلام عليكم
بالرغم ان الموضوع قديم من 2009 الا اني عثرت عليه وانا في بحثي علي الانترنت بقالي ساعات
لاني ببحث في الامر ده وبعد قراءة كل تعليقاتكم حبيت اني اخد رأيكم ضرروي
انا بشتغل في الجرافيك فري لانسر من البيت مصمم جرافيك ومصمم موشن جرافيك وفديو ايديت ومصمم فديوهات الويت بورد المهم بتاعامل مع عملاء احيانا من الخارج فحابب اعمل حساب في افضل بنك ويكون مصريفة قليلة عشان اسهل علي اي عميل يبعت لي علي حسابي بدل مينزل البنك يقف ساعه اتنين اربعه عشان يبعت لي حوالة فيزهق وميتعملش معاية تاني
طيب اية انسب بنك لي علما اني معنديش اثبات باي مرتب مش شغال في عمل ثابت
البطاقة القومية مغيرتهاش من ساعه معملتها مكتوب فيها طالب هل ضرروي اروح اغيرها واكتب فيها اسم الوظيفة الي هو مصمم جرافيك
منتظر ردكم ضرروي للافادة عشان محتاج افتح حساب في بنك كويس في التعامل وخصوصا في فلوس تجيلي بمن بره ابعت فلوس اسحب فلوس اشتري حاجة من علي النت اربطة بالباي بال اعمل اعلانات ممولة للفيس بوك ويكون كويس ومصريفة قليلة مش 5 الاف و10 الاف عشان افتح حساب
وشكرا مقدمة علي الرد ...

[AHMED12345678]

انا بتعامل مع البنك الاهلى المصرى من 10 سنين وبنك ممتاز جداااا
عيبه زحمته فى اوقات معينة خلال الشهر بس ده سهل التغلب عليه بالخدمات الى بيقدمها البنك
انا عامل حساب توفير فى البنك محول عليه مرتبى وطبعا مطلع كارت الحساب الشخصى وبسحب بيه من حسابى الشخصى من ماكينات الصرف الالى سواء التابعه للبنك الاهلى او اى بنك تانى
وعامل فيزا دهبية بضمان مرتبى ورابط الفيزا بحسابى الشخصى وبستخدمها فى المشتريات لانها بتكون من غير فوائد فى حالة السداد خلال 55 يوم ومن خلال ماكينات الصرف الالى للبنك الاهلى بسدد مبالغ الفيزا من حسابى الشخصى من غير ما ادخل البنك ده غير انى ليا حق الشراء التقسيط بالفيزا لمده 6 شهور او 12 شهر بدون فوائد من خلال المحلات المشتركة مع البنك الاهلى زى كارفور وهايبر وموبايل شوب وكمبيو شوب وغيرها كتير
وعامل خدمه الاهلى نت ومن خلاله بتابع حسابى من على الانترنت
وعامل خدمه الرسائل النصية عند السحب والايداع بعنى اذا سحبت مبلغ من حسابى او من الفيزا تجيلى رسالة على الموبايل واذا مرتبى نزل فى حسابى او رديت مبلغ للفيزا برده تجيلى رسالة على الموبايل
وعامل خدمه الفون كاش ومن خلالها بدفع فواتير النت والتليفون وبشحن مويايلى وبتبرع وخدمات فورى وغيرها كتير وانا قاعد فى البيت
وفى الايداع باقوم بايداع اى مبالغ انا عايزها فى اى ماكينة للبنك الاهلى فيها خدمه الايداع
وطالما عملت كل ما سبق عمرك مهتحتاج تدخل البنك الا نادرا وانا مش فاكر اخر مرة رحت فيها البنك لانى والحمدلله مبحتجش ادخله
والى بيعمل زحمة فى البنك ان اغلب الناس الى هتلاقيهم جوه البنك من كبار السن اصحاب المعاشات الى ميعرفوش يتعاملوا مع الخدمات دى او الى جاى يودع او يسحب مبلغ كبير